Memra 33: On pūrshānā d-ḥūshāvā kyānāyā — Isaac of Antioch

ܡܹܐܡܪܵܐ. ܠܓ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 398

Photograph of page 398 of Bedjan’s 1903 edition, leaf 0469 — Leaf 0469, from Archive.org.

ܘܐܸܢ ܫܵܚܹܕ݂ ܠܵܗ̇ ܡܲܢ ܕܲܤܢܸܐ: ܠܵܐ ܡܫܲܒ݁ܚܵܐ ܠܹܗ ܕܲܢܕܝܼܕ݂ ܗ̣̄ܘ.‏

w-en shāḥēdh lāh men da-sne: lā mshabḥā lēh da-ndīdh hāw.

ܘܟܲܕ݂ ܪܲܚܝܼܩܵܐ ܡ̣ܢ ܟܠܢܵܫ: ܠܟ݂ܠܢܵܫ ܦܵܪܥܵܐ ܐܲܟ݂ܘܵܬܹܗ܀

w-kad raḥīqā men klnāsh: l-khlnāsh pārʿā akhwātēh.

ܐܸܢ ܟܹܝܬ݂ ܡܲܚܙܝܼܬ݂ܵܐ ܗܵܕܹܐ: ܕܛܸܠܵܢܝܼܬ݂ܵܐ ܗ̣̄ܝ ܕܲܫܪܵܪܵܐ.‏

en kēyth maḥzīthā hādē: d-ṭelānīthā (h)ī da-shrārā.

ܗܵܟܲܢ ܡܲܠܝܵܐ ܟܹܐܢܘܼܬ݂ܵܐ: ܕܠܵܐ ܡܬ݂ܘܿܡ ܚܲܠܦܲܬ̤ ܕܸܡ̈ܘܵܬ݂ܵܐ؟

hākan malyā kēnūthā: d-lā mthōm ḥalpat demwāthā

ܟܡܵܐ ܬܲܟ݂ܪܸܙ ܚܲܬ݁ܝܼܬ݂ܘܼܬܵܐ: ܤܝܼ̈ܡܵܬ݂ܵܗ̇ ܕܥܵܠܘܿܒ݂ܘܼܬܵܐ.

kmā takhrez ḥatīthūtā: sīmāthāh d-ʿālōvūtā.

ܠܵܐ ܢܸܬ݂ܪܲܥܲܡ ܥܲܬ݁ܝܼܪܵܐ: ܕܗܵܠܹܝܢ ܡܸܢܲܢ ܢܸܬ݂ܐܲܡܪ̈ܵܢ܀

lā nethraʿam ʿatīrā: d-hālēyn menan nethamrān.

ܥܵܠܘܿܒ݂ܘܼܬܹܗ ܐܲܠܸܦܬܲܢ: ܕܲܢܡܲܠܸܠ ܥܲܠ ܤܲܢܵܝܵܬܹܗ.‏

ʿālōvūtēh aleptan: da-nmalel ʿal sanāyātēh.

ܗ݀ܘ ܝܲܗ̄ܒ݂ ܚܲܝܠܵܐ ܠܠܸܫܵܢܲܢ: ܕܲܢܡܲܠܸܠ ܥܲܠ ܟܘܼܐܵܪܹܗ܀

hāw ya(h)v ḥaylā l-leshānan: da-nmalel ʿal kūārēh.

ܠܵܘ ܓܹܝܪ ܥܲܠ ܟܠ ܠܸܫܵܢܝܼܢ: ܡܵܬܲܚܝܼܢ ܚܘܼܛܵܐ ܕܲܚܒ݂ܵܠܵܐ.

lāw gēyr ʿal kul leshānīn: mātaḥīn ḥūṭā da-ḥvālā.

ܐܵܦܠܵܐ ܬܘܼܒ݂ ܟܠ ܡܸܤܟ݁ܲܢܝܼܢ: ܝܵܬܲܒ݁ܝܼܢ ܒܚܲܢܹܗ ܕܐܲܒ݂ܪܵܗܵܡ܀

āplā tūv kul meskanīn: yātabīn b-ḥanēh d-avrāhām.

ܥܲܬ݁ܝܼܪܵܐ ܕܪܵܚܹܡ ܩܘܼܫܬܵܐ: ܒܲܬ݂ܪܹܝܢ ܥܵܠܡܝܼܢ ܒܘܼܤܵܡܹܗ.

ʿatīrā d-rāḥēm qūshtā: ba-thrēyn ʿālmīn b-w-sāmēh.

ܘܡܸܤܟܹ݁ܢܵܐ ܕܪܵܚܹܡ ܥܵܘܠܵܐ: ܒܲܬ݂ܪܹܝܢ ܥܵܠܡܝܼ̈ܢ ܛܘܼܪܵܦܹܗ܀

w-meskēnā d-rāḥēm ʿāwlā: ba-thrēyn ʿālmīn ṭūrāpēh.

ܥܲܬ݁ܝܼܪܵܐ ܕܡܲܪܘܲܚ ܗܵܪܟܵܐ: ܥܘܼܬ݂ܪܵܐ ܤܵܓܹܐ ܥܲܠ ܥܘܼܬ݂ܪܹܗ.

ʿatīrā d-marwaḥ hārkā: ʿūthrā sāgē ʿal ʿūthrēh.

ܘܲܤܢܝܼܩܵܐ ܕܡܲܥܘܸܠ ܗܵܪܟܵܐ: ܫܸܦܠܵܐ ܤܵܓ̰ܹܐ ܥܲܠ ܫܸܦܠܹܗ܀

wa-snīqā d-maʿwel hārkā: sheplā sāgē ʿal sheplēh.

ܥܲܬ݁ܝܼܪܵܐ ܐܸܢ ܐܸܬ݂ܪܲܚܲܡ: ܥܲܡ ܐܲܒ݂ܪܵܗܵܡ ܦܵܬ݂ܘܿܪܹܗ.‏

ʿatīrā en ethraḥam: ʿam avrāhām pāthōrēh.

ܘܡܸܤܟܹ݁ܢܵܐ ܐܸܢ ܐܸܙܕܲܕܲܩ: ܠܘܵܬ݂ ܠܵܥܵܙܲܪ ܒܘܼܤܵܡܹܗ܀

w-meskēnā en ezdadaq: l-wāth lāʿāzar b-w-sāmēh.

ܐܝܼܬ݂ ܥܲܬ݁ܝܼܪܵܐ ܕܲܒ݂ܥܘܼܬ݂ܪܹܗ: ܥܵܠܹ̇ܒ݂ ܡܥܵܩܵܐ ܘܲܡܕܲܓܲܠ.

ʾīth ʿatīrā da-b-ʿūthrēh: ʿālēv mʿāqā wa-mdagal.

ܘܐܝܼܬ݂ ܥܲܬ݁ܝܼܪܵܐ ܕܲܒ݂ܥܘܼܬ݂ܪܹܗ: ܡܵܪܹܗ ܚܵܕܹܐ ܒܲܥ̇ܒ݂ܕܹܗ܀

w-ʾīth ʿatīrā da-b-ʿūthrēh: mārēh ḥādē ba-ʿvdēh.

ܐܝܼܬ݂ ܥܲܬ݁ܝܼܪܵܐ ܐܸܬ݂ܦܲܪܲܣ: ܕܥܲܡܹܗ ܢܹܐܙܠ̄ܘܼܢ ܡܲܪ̈ܗܵܛܵܘܗܝ.‏

ʾīth ʿatīrā ethparas: d-ʿamēh nēz(l)ūn marhāṭāwhī.

ܘܐܝܼܬ݂ ܥܲܬ݁ܝܼܪܵܐ ܕܐܸܬ݂ܩܲܛܲܢ: ܘܲܒ݂ܠܝܼ ܒܲܫܝܘܿܠ ܨܸܢ̈ܥܵܬܹܗ܀

w-ʾīth ʿatīrā d-ethqaṭan: wa-b-lī ba-shyōl ṣenʿātēh.

ܐܝܼܬ݂ ܥܲܬ݁ܝܼܪܵܐ ܕܲܟ݂ܝܵܢܵܐ: ܘܐܝܼܬ݂ ܥܲܬ݁ܝܼܪܵܐ ܕܨܸܒ݂ܝܵܢܵܐ.‏

ʾīth ʿatīrā da-khyānā: w-ʾīth ʿatīrā d-ṣevyānā.

ܥܲܠ ܦܘܼܪܫܵܢܵܐ ܕܚܘܼܫܵܒ݂ܵܐ ܟܝܵܢܵܝܵܐ. 399

Photograph of page 399 of Bedjan’s 1903 edition, leaf 0468 — Leaf 0468, from Archive.org.

ܕܲܟ݂ܝܵܢܵܐ ܠܵܐ ܡܸܬ݂ܩܲܠܲܣ: ܘܐܸܢ ܨܸܒ݂ܝܵܢܹܗ ܠܵܐ ܡܲܪܘܲܚ܀

da-khyānā lā methqalas: w-en ṣevyānēh lā marwaḥ.

ܘܲܕܨܸܒ݂ܝܵܢܵܐ ܠܵܐ ܒܵܗܹ̇ܬ݂: ܐܸܢ ܚܹܐܪܘܼܬܹܗ ܠܵܐ ܬܸܨܒܸ݁ܐ.

wa-d-ṣevyānā lā bāhēth: en ḥērūtēh lā teṣbe.

ܗܵܠܹܝܢ ܕܲܩܪܹܝܬ݂ ܕܲܟ݂ܝܵܢܵܐ: ܕܠܵܐ ܝܵܕ݂ܹܥ̇ܝܼܢ ܦܵܪܘܿܫܘܼܬܵܐ܀

hālēyn da-qrēyth da-khyānā: d-lā yādhēʿīn pārōshūtā.

ܒܫܐܡܫܪܐܐ .ܠܓܝ.

b-shmshr.43.

ܥܲܠ ܟܲܝ̈ܠܹܐ ܘܲܡ̈ܢܵܘܵܬ݂ܵܐ: ܘܦܘܼܪ̈ܫܵܢܹܐ ܕܒܲܨܠܸܡ ܐܵܕܵܡ.‏

ʿal kaylē wa-mnāwāthā: w-pūrshānē d-ba-ṣlem ādām.

ܥܲܠ ܙܵܘ̈ܥܹܐ ܘܥܲܠ ܨܸܒ݂ܲܝܵܢܹܐ: ܫܲܩܠܲܢܝ ܪܸܥܝܵܢܝ ܕܐܹܡܲܠܸܠ܀

ʿal zāwʿē w-ʿal ṣevayānē: shaqlanī reʿyānī d-ēmalel.

ܥܲܠ ܟܘܼܢܵܝܹ̈ܐ ܘܩܸܪ̈ܝܵܢܹܐ: ܕܗܲܕܵܡܹ̈ܐ ܘܲܕ݂ܚܘܼ̈ܫܵܒܹܐ.‏

ʿal kūnāyē w-qeryānē: d-hadāmē wa-d-ḥūshābē.

ܥܲܠ ܛܲܟ̈ܤܹܐ ܘܥܲܠ ܐܸܤܟܹܡܹܐ: ܓܵܘܵܝܹ̈ܐ ܐܵܦ ܒܲܪܵܝܹܐ܀

ʿal ṭaksē w-ʿal eskēmē: gāwāyē āp ba-rāyē.

ܡܸܬ݂ܩܲܪܝܵܐ ܥܲܝܢܵܐ ܒܦܲܓ݂ܪܵܐ: ܐܵܦ ܐܸܕ݂ܢܵܐ ܘܦܘܼܡܵܐ ܘܐܝܼܕܵܐ.‏

methqaryā ʿaynā b-paghrā: āp edhnā w-pūmā w-ʾīdā.

ܟܢܝܼܫܘܼܬ݂ܗܘܿܢ ܕܹܝܢ ܚܲܕ݂ ܡܸܕܸܡ: ܕܦܲܓ݂ܪܵܐ ܒܲܠܚܘܿܕ݂ ܡܸܬ݂ܐܲܡܪܝܼܢ܀

knīshūthhōn dēyn ḥadh medem: d-paghrā ba-l-ḥōdh methamrīn.

ܐܵܦ ܒܗܵܘ̇ ܒܲܪܢܵܫܵܐ ܕܲܠܓܵܘ: ܐܝܼܬ݂ ܟܘ̈ܢܵܝܹܐ ܐܲܝܟ݂ ܪܸ̈ܓ݂ܫܹܐ.‏

āp b-hāw ba-rnāshā da-l-gāw: ʾīth kwnāyē aykh reghshē.

ܘܚܘ̈ܫܵܒܹܐ ܐܲܝܟ݂ ܗܲܕܵܡܹܹ̈ܐ: ܕܲܒ݂ܗܘܿܢ ܐܵܦ ܗ݀ܘ ܡܸܬ݂ܚܲܫܲܚ܀

w-ḥwshābē aykh hadāmē: da-b-hōn āp hāw methḥashaḥ.

ܐܝܼܬ݂ ܬܲܪܥܝܼܬ݂ܵܐ ܘܚܘܼܫܵܒ݂ܵܐ: ܐܝܼܬ݂ ܒܘܼܝܵܢܵܐ ܘܤܘܼܟܵܠܵܐ.

ʾīth tarʿīthā w-ḥūshāvā: ʾīth b-w-yānā w-sūkālā.

ܪܐ

r

.ܥܠ ܦܘܪܫܐ..... ܕܥܲܠ ܦܘܪ̈ܫܐ

.100 pwrsh..... d-ʿal pwrsh

ܟܝܢ̈ܝܐ ܚܘ̈ܫܒܐ ܟܝܢ̈ܝܐ.B. 1

kyny ḥwshb kyny..

ܟܝ̈ܢܐ .I

kyn.

ܦܓܪܐ .

pgr.

7 ܟܘܝܢܐ .21ܐ

kwyn.

ܡܸܹܐܡܪܵܐ .ܠܓ. ܕܡ̇ܪܝ ܐܝܼܤܚܵܩ ܕܐܲܢܛܝܘܿܟ݂ 400

Photograph of page 400 of Bedjan’s 1903 edition, leaf 0467 — Leaf 0467, from Archive.org.

ܐܝܼܬ݂ ܡܲܕܥܵܐ ܐܵܦ ܪܸܥܝܵܢܵܐ: ܐܝܼܬ݂ ܨܸܒ݂ܝܵܢܵܐ ܘܚܹܐܪܘܼܬܵܐ܀

ʾīth madʿā āp reʿyānā: ʾīth ṣevyānā w-ḥērūtā.

ܕܚܲܕ݂ ܚܲܕ݂ ܗܵܟܹܝܠ ܡ̣ܢ ܗܵܠܹܝܢ: ܝܼܕ݂ܝܼܥܝܼܢ ܐ̄ܢܘܿܢ ܥܒ݂ܵܕܲܝ̈ܗܘܿܢ.‏

d-ḥadh ḥadh hākēyl men hālēyn: īdhīʿīn nōn ʿvādayhōn.

ܚܲܕ݂ ܡ̣ܢ ܚܲܕ݂ ܟܠܗܘܿܢ ܡܩܲܒ݁ܠܝܼܢ: ܘܚܲܕ݂ ܠܚܲܕ݂ ܟܠܗܘܿܢ ܥܵܢܹܝܢ܀

ḥadh men ḥadh klhōn mqablīn: w-ḥadh l-ḥadh klhōn ʿānēyn.

ܒܲܚܕܵܐ ܨܒ݂ܘܼ ܟܠܗܘܿܢ ܪܵܗ̇ܛܝܼܢ: ܒܛܲܟ݂ܤܵܐ ܕܩܵܪܹܐ ܠܟ݂ܠ ܤܘܼܥܪܵܲܢ.‏

ba-ḥdā ṣvū klhōn rāhṭīn: b-ṭakhsā d-qārē l-kul sūʿrān.

ܒܚܲܕ݂ ܥܒ݂ܵܕܵܐ ܟܠܗܘܿܢ ܠܵܐܹܝܢ: ܕܟ݂ܠ ܚܲܕ݂ ܚܲܕ݂ ܡܸܢܗܘܿܢ ܒܙܲܒ݂ܢܹܗ܀

b-ḥadh ʿvādā klhōn lāēyn: d-kul ḥadh ḥadh menhōn b-zavnēh.

ܐܲܝܟ݂ ܡܵܐܢܹ̈ܐ ܥܲܠ ܚܸܫ̈ܠܵܬ݂ܵܐ: ܥܵܪܹܝܢ ܐܸܢܘܿܢ ܒܟ݂ܠܡܸܕܸܡ.

aykh mānē ʿal ḥeshlāthā: ʿārēyn enōn b-khlmedem.

ܩܲܕ݂ܡܵܝܵܐ ܒܗܘܿܢ ܬܲܪܥܝܼܬ݂ܵܐ: ܬܪܲܝܵܢܝܼܬ݂ܵܐ ܡܲܚܫܲܒ݂ܬ݂ܵܐ܀

qadhmāyā b-hōn tarʿīthā: trayānīthā maḥshavthā.

ܒܘܼܝܵܢܵܐ ܐܵܦ ܤܘܼܟܵܠܵܐ: ܘܥܲܡ ܡܲܕܥܵܐ ܘܐܵܦ ܪܸܥܝܵܢܵܐ.

b-w-yānā āp sūkālā: w-ʿam madʿā w-āp reʿyānā.

ܝܲܕ݂ܝܼܥܝܼܢ ܐ̄ܢܘܿܢ ܚܲܝܠܲܝ̈ܗܘܿܢ: ܘܲܦܪܝܼܫܝܼܢ ܤܘܼܥܪ̈ܵܢܲܝܗܘܿܢ܀

yadhīʿīn nōn ḥaylayhōn: wa-prīshīn sūʿrānayhōn.

ܕܬܲܪܥܝܼܬ݂ܵܐ ܥܒ݂ܵܕܵܗ̇ ܗܵܢܵܘ: ܕܡܸܬ݂ܪܲܥܝܵܐ ܕܡܢܵܐ ܢܸܗܘܸܐ.‏

d-tarʿīthā ʿvādāh hānāw: d-methraʿyā d-mnā nehwe.

ܕܡܲܚܫܲܒ݂ܬ݂ܵܐ ܥܒ݂ܕ݂ܵܗ̇ ܗܵܢܵܘ: ܕܐܸܢ ܙܵܕܹܩ ܢܸܗܘܸܐ ܐܵܘ ܠܵܐ܀

d-maḥshavthā ʿvdhāh hānāw: d-en zādēq nehwe āw lā.

ܒܘܼܝܵܢܵܐ ܥܒ݂ܵܕܹܗ ܗܵܢܵܘ: ܕܡܸܕܸܡ ܕܲܗܘܵܐ ܠܵܐ ܢܸܤܬܪܲܚ.

b-w-yānā ʿvādēh hānāw: d-medem da-hwā lā nestraḥ.

ܤܘܼܟܵܠܵܐ ܗܵܕܹܐ ܢܵܛܲܪ: ܕܲܕ݂ܠܵܐ ܡܘܼܡܵܐ ܢܸܫܬܲܟ݂ܠܲܠ܀

sūkālā hādē nāṭar: da-d-lā mūmā neshtakhlal.

ܨܒ݂ܝܵܢܵܐ ܥ̇ܒ݂ܵܕܹܗ ܗܵܢܵܘ: ܕܐܸܢ ܫܸܠܡܲܬ݀ ܕܢܸܗܘܸܐ ܡܸܕܸܡ.

ṣvyānā ʿvādēh hānāw: d-en shelmat d-nehwe medem.

ܡܵܐ ܕܫܲܪܝܼ ܕܢܸܗܘܸܐ ܡܸܕܸܡ: ܗܵܕ݂ ܡܸܬ݂ܩܲܪܝܵܐ ܬܲܪܥܝܼܬ݂ܵܐ܀

mā d-sharī d-nehwe medem: hādh methqaryā tarʿīthā.

ܡܘܼܠܟܵܢܵܐ ܕܢܸܗܘܸܐ ܐܵܘ ܠܵܐ: ܗܵܕܹܐ ܐܝܼܬܹܝܗ̇ ܡܲܚܫܲܒ݂ܬ݂ܵܐ.

mūlkānā d-nehwe āw lā: hādē ʾītēyh maḥshavthā.

ܡܵܐ ܕܓܸܡܪܲܬ̤݀ ܕܢܸܗܘܸܐ ܡܸܕܸܡ: ܗܵܢ ܡܸܬܸܐܡܲܪ ܨܒ݂ܝܵܢܵܐ܀

mā d-gemrat d-nehwe medem: hān metemar ṣvyānā.

ܕܟܲܕ݂ ܗܵܘܹ̇ܐ ܕܹܝܢ ܢܸܬ݂ܒܲܝܲܢ: ܗܵܢܵܐ ܐܝܼܬܵܘܗܝ ܒܘܼܝܵܢܵܐ.‏

d-kad hāwē dēyn nethbayan: hānā ʾītāwhī b-w-yānā.

ܘܡܵܢܵܐ ܤܪܝܼܚ ܒܹܗ ܡܵܐ ܕܲܗܘܵܐ: ܗܵܕܹܐ ܡܚܵܘܸܐ ܤܘܼܟܵܠܵܐ܀

w-mānā srīḥ bēh mā da-hwā: hādē mḥāwe sūkālā.

ܘܐܵܢ ܐܸܬ݂ܓ݁ܡܲܪ ܡܸܕܸܡ ܕܲܗܘ݀ܵܐ: ܕܡܸܬ݂ܪܲܥܸܐ ܒܹܗ ܪܸܥܝܵܢܵܐ ܗܼ̄ܘ.‏

w-en ethgmar medem da-hwā: d-methraʿe bēh reʿyānā hāw.

ܢܬܒܝܢ .

ntbyn.

ܥܲܠ ܦܘܼܪܫܵܢܵܐ ܕܚܘܼܫܵܒ݂ܵܐ ܟܝܵܢܵܝܵܐ. 401

Photograph of page 401 of Bedjan’s 1903 edition, leaf 0466 — Leaf 0466, from Archive.org.

ܒܹܝܬ݂ ܟܠܗܘܿܢ ܚܲܕ݂ ܗ̄ܘ̣ ܥܒ݂ܵܕܵܐ: ܘܗܸܢܘܿܢ ܦܵܥ̇ܠܝܼܢ ܫܲܘܝܵܐܝܼܬ݂܀

bēyth klhōn ḥadh hāw ʿvādā: w-henōn pāʿlīn shawyāīth.

ܘܒ݂ܵܬܲܪ ܒܵܬܲܪ ܗ݀ܘ ܥܒ݂ܵܕܵܐ: ܠܚܲܕ݂ ܚܲܕ݂ ܩܵܪܹܐ ܒܥܸܕܵܢܹܗ.

w-vātar bātar hāw ʿvādā: l-ḥadh ḥadh qārē b-ʿedānēh.

ܐܲܝܟ݂ ܚܸܫ̈ܠܵܬ݂ܵܐ ܕܡܸܬ݂ܐܲܪ̈ܫܵܢ: ܒܟ݂ܠ ܩܘܼܪ̈ܢܵܤܝܼܢ ܘܠܵܐ ܗ̄ܘ̣ܵܐ ܒܚܲܕ݂܀

aykh ḥeshlāthā d-metharshān: b-kul qūrnāsīn w-lā (h)wā b-ḥadh.

ܘܲܒ݂ܟ݂ܠ ܡܵܐܢܲܝ ܐܘܼ̈ܡܵܢܹܐ: ܡܸܬ݂ܦܲܠ̈ܚܵܢ ܘܟܸܢ ܡܸܬ݂ܓܲܡܪܲܢ.

wa-b-kul mānaī ʾūmānē: methpalḥān w-ken methgamran.

ܕܐܝܼܬ݂ ܐܸܡܲܬ݂ܝ ܕܦܵܠܚܵܐ ܢܘܼܪܵܐ: ܘܐܝܼܬ݂ ܐܸܡܲܬ݂ܝ ܕܟܲܠܒ݁ܬܵܐ ܚܵܫ̇ܚܵܐ܀

d-ʾīth emathī d-pālḥā nūrā: w-ʾīth emathī d-kalbtā ḥāshḥā.

ܐܝܼܬ݂ ܐܸܡܲܬ݂ܝ ܕܦܵܠܲܚ ܨܸܨܵܐ: ܘܐܝܼܬ݂ ܕܩܘܼܪܢܵܤܵܐ ܘܤܲܕܵܢܵܐ.‏

ʾīth emathī d-pālaḥ ṣeṣā: w-ʾīth d-qūrnāsā w-sadānā.

ܘܥܲܠ ܟܠܗܘܿܢ ܥܵܕ݂ܝܵܐ ܚܸܫܠ̱ܬ݂ܵܐ: ܐܵܦ ܟܠܗܘܿܢ ܥܠܹܝܗ̇ ܗ݀ܘ

w-ʿal klhōn ʿādhyā ḥeshlthā: āp klhōn ʿlēyh hāw

ܗܵܟ݂ܘܵܬ

hākhwāt

ܘܗܵܝܕܹܝܢ ܫܵܩ̇ܠܵܐ ܫܘܼܠܵܡܵܐ: ܘܬܲܨܒ݁ܝܼܬ݂ܵܐ ܡ̣ܢ ܨܹܝܕ݂ ܟܠܗܘܿܢ܀

w-hāydēyn shāqlā shūlāmā: w-taṣbīthā men ṣēydh klhōn.

ܗܵܟܲܢܵܐ ܟܠܗܘܿܢ ܗܵܠܹܝܢ: ܐܸܤܟܹ݁ܡܹ̈ܐ ܕܠܵܟ݂ ܐܸܫ̇ܬܲܥ̇ܝܼܬ݂.‏

hākanā klhōn hālēyn: eskēmē d-lākh eshtaʿīth.

ܒܚܲܕ݂ ܡܵܐܢܵܐ ܐܵܬܹ̇ܝܢ ܟܠܗܘܿܢ: ܚܲܕ݂ ܒܵܬܲܪ ܚܲܕ݂ ܥܲܕ݂ ܚܵܬܹ̇ܡ܀

b-ḥadh mānā ātēyn klhōn: ḥadh bātar ḥadh ʿadh ḥātēm.

ܚܘܼܫܵܒܵܐ ܠܵܐ ܡܸܬ݂ܪܲܥܸܹܐ: ܕܗܵܢܵܐ ܥܒܵܕܵܐ ܕܬܲܪܥܝܼܬܵܐ ܗ̄ܘ.

ḥūshābā lā methraʿe: d-hānā ʿbādā d-tarʿītā hāw.

ܘܠܵܐ ܬܲܪܥܝܼܬ݂ܵܐ ܡܸܬ݂ܚܲܫܒܵܐ: ܕܗܵܢܵܐ ܥ̇ܒ݂ܵܕ݂ܵܐ ܕܚܘܼܫܵܒ݂ܵܐ ܗ̄ܘ܀

w-lā tarʿīthā methḥashbā: d-hānā ʿvādhā d-ḥūshāvā hāw.

ܤܘܼܟܵܠܵܐ ܠܵܘ ܨܸܒ݂ܝܵܢܵܐ ܗ̄ܘ̣: ܘܠܵܐ ܨܒ݂ܝܵܢܵܐ ܤܘܼܟܵܠܵܐ.‏

sūkālā lāw ṣevyānā hāw: w-lā ṣvyānā sūkālā.

ܚܕܵܐ ܗ̣̄ܝ ܕܡܸܬ݂ܪܲܥܸܐ ܒܲܪܢܵܫܵܐ: ܘܲܐ̄ܚܪܹܬ݂ܵܐ ܗܵܝ ܕܡܸܬ݂ܚܲܫܲܒ݂܀

ḥdā (h)ī d-methraʿe ba-rnāshā: wa-ḥrēthā (h)ī d-methḥashav.

ܚܕܵܐ ܗ̣̄ܝ ܕܪܵܢܹܐ ܘܡܸܤܬܲܟܲܠ: ܘܲܐ̄ܚܪܹܬܵܐ ܗ̄ܝ ܗܵܝ ܕܐܸܢ ܨܵܒܹܐ.

ḥdā (h)ī d-rānē w-mestakal: wa-ḥrētā (h)ī (h)ī d-en ṣābē.

ܘܐܝܼܬ݂ ܕܡܸܬ݂ܪܲܥܸܐ ܘܠܵܐ ܡܚܲܫܸܒ݂: ܕܡܸܕܸܡ ܕܠܵܐ ܡܢܵܚ ܐܸܬ݂ܪܲܥܝܼ܀

w-ʾīth d-methraʿe w-lā mḥashev: d-medem d-lā mnāḥ ethraʿī.

ܠܵܐ ܡܚܲܫܸܒ݂ ܕܐܲܝܟܲܢ ܢܸܗܘܸܐ: ܕܐܵܦܠܵܐ ܕܢܸܗܘܸܐ ܨܵܒܹܐ ܗ̄ܘ̣ܵܐ.‏

lā mḥashev d-aykan nehwe: d-āplā d-nehwe ṣābē (h)wā.

ܗܵܢܵܘ ܝܲܚܛܵܐ ܕܬܲܪܥܝܼܬ݂ܵܐ: ܕܠܵܐ ܡܪܲܚܦܵܐ ܥܠܵܘܗܝ ܡܲܚܫܲܒ݂ܬ݂ܵܐ܀

hānāw yaḥṭā d-tarʿīthā: d-lā mraḥpā ʿlāwhī maḥshavthā.

ܟܠ ܪܸܢܝܵܐ ܕܠܵܘ ܙܲܒ݂ܢܹܗ ܗ̄ܘ̣: ܐܲܝܟ݂ ܝܲܚܛܵܐ ܫܵܘܲܚ ܘܕܵܥܹ̇ܟ݂.‏

kul renyā d-lāw zavnēh hāw: aykh yaḥṭā shāwaḥ w-dāʿēkh.

ܬܕ

td

ܕܚܘܼܫܒܝܼ.

d-ḥūshbī.

ܡܹܐܡܪܵܐ .ܠܓ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 402

Photograph of page 402 of Bedjan’s 1903 edition, leaf 0465 — Leaf 0465, from Archive.org.

ܐܝܼܬ݂ ܕܨܵܒܹ̇ܐ ܘܠܵܐ ܡܸܬ݂ܒܲܝܲܢ: ܘܲܕ݂ܡܸܬ݂ܒܲܝܲܢ ܘܠܵܐ ܨܵܒܹܐ܀

ʾīth d-ṣābē w-lā methbayan: wa-d-methbayan w-lā ṣābē.

ܐܝܼܬ݂ ܕܚܵܙܹ̇ܐ ܨܒ݂ܘܼܬܵܐ ܕܦܲܐܝܵܐ: ܘܲܕ݂ܢܸܩܢܹܝܗ̇ ܠܵܐ ܨܵܒܹܐ ܒܵܗ̇.‏

ʾīth d-ḥāzē ṣvūtā d-payā: wa-d-neqnēyh lā ṣābē bāh.

ܘܐܝܼܬ݂ ܕܪܵܚܹ̇ܡ ܡܸܕܸܡ ܕܲܤܢܸܐ: ܨܒ݂ܵܐ ܒܹܗ ܘܠܵܐ ܚ̣ܙܵܐ ܤܲܢܝܘܼܬܹܗ܀

w-ʾīth d-rāḥēm medem da-sne: ṣvā bēh w-lā ḥzā sanyūtēh.

ܕܐܝܼܬ݂ ܒܹܗ ܚܸܟ݂ܡܬ݂ܵܐ ܒܲܠܚܘܿܕ݂: ܘܠܲܝܬ݁ ܠܹܗ ܥܲܡܵܗ̇ ܒܘܼܝܵܢܵܐ.‏

d-ʾīth bēh ḥekhmthā ba-l-ḥōdh: w-layt lēh ʿamāh b-w-yānā.

ܘܐܝܼܬ݂ ܕܐܝܼܬܵܘܗܝ ܤܲܟ݁ܘܼܠܬ݂݂ܵܢܵܐ: ܘܠܵܐ ܐܝܼܬ݂ ܠܹܗ ܡܕܲܒ݁ܪܵܢܘܼܬܵܐ܀

w-ʾīth d-ʾītāwhī sakūlthānā: w-lā ʾīth lēh mdabrānūtā.

ܐܝܼܬ݂ ܕܐܸܬ݂ܪܲܥܝܼ ܘܠܵܐ ܚܵܫܹ̇ܒ݂: ܘܐܝܼܬ݂ ܕܚܵܫܹ̇ܒ݂ ܘܠܵܐ ܕܹܝܢ ܨܵܒܹܐ.

ʾīth d-ethraʿī w-lā ḥāshēv: w-ʾīth d-ḥāshēv w-lā dēyn ṣābē.

ܦܘܼܪܫܵܢܵܐ ܕܹܝܢ ܡܸܬܸܐܡܲܪ: ܕܦܵܪܹܫ ܡܸܕܸܡ ܡ̣ܢ ܡܸܕܸܡ܀

pūrshānā dēyn metemar: d-pārēsh medem men medem.

ܕܚܹܐܪܘܼܬ݂ܵܐ ܥ̇ܒ݂ܵܕܵܗ̇ ܗܵܢܵܘ: ܒܹܝܬ݂ ܡܵܘܬܵܐ ܠܚܲܝܹ̈ܐ ܤܝܼܡܵܐ.

d-ḥērūthā ʿvādāh hānāw: bēyth māwtā l-ḥayē sīmā.

ܒܹܝܬ݂ ܛܵܒ̈ܵܬ݂ܵܐ ܠܒ݂ܝܼ̈ܫܵܬ݂ܵܐ: ܒܹܝܬ݂ ܥܵܘܼܠܵܐ ܠܙܲܕܝܼܩܘܼܬܵܐ܀

bēyth ṭābāthā l-b-īshāthā: bēyth ʿāūlā l-zadīqūtā.

ܒܬܲܪܥܝܼܬ݂ܵܐ ܠܵܐ ܫܲܠܝܼܛܵܐ: ܡܸܬ݂ܪܲܥܝܵܐ ܟܲܕ݂ ܠܵܐ ܨܲܒ݂ܝܐ.‏

b-tarʿīthā lā shalīṭā: methraʿyā kad lā ṣavy.

ܨܸܒ݂ܝܵܢܵܐ ܕܹܝܢ ܡܸܬ݁ܕܢܸܐ ܠܵܗ̇: ܕܲܬ݂ܫܲܡܸܫ ܒܹܗ ܤܘܼܥܪܵܢܹܝܗ̇܀

ṣevyānā dēyn metdne lāh: da-thshamesh bēh sūʿrānēyh.

ܠܒܲܪ ܡ̣ܢ ܬܲܪܥܝܼܬ݂ܵܐ ܟܠܗܘܿܢ: ܡܫܲܥܒ݁ܕ݂ܝܼܢ ܐܸܢܘܿܢ ܠܚܹܐܪܘܼܬܵܐ.‏

l-bar men tarʿīthā klhōn: mshaʿbdhīn enōn l-ḥērūtā.

ܐܢ ܡܸܬ݂ܦܲܬ݁ܠܝܼܢ ܒܸܢܝܵܢܹ̈ܐ: ܠܵܘ ܬܲܪܥܝܼܬܵܐ ܡܸܬ݂ܪܲܫܝܵܐ܀

en methpatlīn benyānē: lāw tarʿītā methrashyā.

ܒܘܼܝܵܢܵܐ ܕܢܵܡ ܗ݀ܘ ܐܲܤܟܸܠ̣: ܘܗ݀ܘ ܡܸܬ݁ܬ݁ܕܝܼܢ ܥܲܠ ܕܐܸܬ݁ܕܲܡܲܟ݂.

b-w-yānā d-nām hāw askel: w-hāw mettdīn ʿal d-etdamakh.

ܐܸܢ ܠܵܐ ܓܡܝܼܪ ܡܸܕܸܡ ܕܲܗܘ݀ܵܐ: ܠܲܝܬ݁ ܪܸܫܝܵܢܵܐ ܠܤܘܼܟܵܠܵܐ܀

en lā gmīr medem da-hwā: layt reshyānā l-sūkālā.

ܚܘܼܫܵܒ݂ܵܐ ܦ݂ܗܵܐ ܠܟܵܐ ܘܲܠܟ݂ܵܐ: ܘܲܗܘ݀ܵܐ ܠܹܗ ܐܲܬ݂ܪܵܐ ܠܡܘܼܡܵܐ.‏

ḥūshāvā fhā l-kā wa-l-khā: wa-hwā lēh athrā l-mūmā.

ܐܲܢ ܡܫܲܡܠܲܝ ܡܸܕܸܡ ܕܲܗܘ݀ܵܐ: ܠܵܘ ܨܒ݂ܝܵܢܵܐ ܡܸܬ݂ܩܲܠܲܣ܀

en mshamlaī medem da-hwā: lāw ṣvyānā methqalas.

ܒܘܼܝܵܢܵܐ ܐܸܬ݁ܬ݁ܥܝܼܪ ܘܲܢ̣ܛܲܪ: ܕܠܵܐ ܢܸܗܘܸܐ ܒܹܗ ܤܘܼܪܚܵܢܵܐ.

b-w-yānā ettʿīr wa-nṭar: d-lā nehwe bēh sūrḥānā.

ܒܗܵܠܹܝܢ ܟܠܗܘܿܢ ܤܘܼܪ̈ܚܵܢܹܐ: ܠܵܐ ܡܸܬ݂ܢܲܨܚܵܐ ܚܹܐܪܘܼܬ݂ܵܐ܀

b-hālēyn klhōn sūrḥānē: lā methnaṣḥā ḥērūthā.

ܠܵܘ ܕܝܼܠܵܗ̇ ܗ̄ܘ̣ ܗܵܢ ܥܲܡܠܵܐ: ܘܲܠܪܲܗܛܵܐ ܕܩܘܼܫܬܵܐ ܤܝܼܡܵܐ.

lāw d-īlāh hāw hān ʿamlā: wa-l-rahṭā d-qūshtā sīmā.

ܒܗܵܠܹܝܢ ܕܲܠܓ݂ܘ ܡܸܬ݂ܪܲܫܝܵܐ: ܐܸܠܵܐ ܡܩܲܕܫܵܐ ܚܘܼ̈ܫܵܒ݂ܹܐ܀

b-hālēyn da-l-ghw methrashyā: elā mqadshā ḥūshāvē.

ܛܲܠ ܦܘܼܪܫܵܢܵܐ ܕܚܘܼܫܵܒܵܐ ܟܝܵܢܵܝܵܐ. 403

Photograph of page 403 of Bedjan’s 1903 edition, leaf 0464 — Leaf 0464, from Archive.org.

ܐܸܠܵܐ ܦܛܝܼܢܵܐ ܐܵܦ ܢܲܦ̮ܫܵܐ: ܐܸܠܵܐ ܡܨܲܒ݁ܬ݂ܵܐ ܠܗܵܘ̇ ܕܲܠܓ݂ܵܘ.‏

elā pṭīnā āp napshā: elā mṣabthā l-hāw da-l-ghāw.

ܐܸܲܠܵܐ ܡܕܲܟ݁ܝܵܐ ܪܸܥܝܵܢܵܐ: ܐܸܠܵܐ ܕܟܸܐ ܗ̄ܘ̣ ܗܲܝܟܲܠܩܘܼܕܫܵܐ܀

elā mdakyā reʿyānā: elā d-ke hāw haykalqūdshā.

ܐܸܠܵܐ ܥܵܛܲܪ ܒܹܗ ܚܘܼܒܵܐ: ܐܸܠܵܐ ܛܪܝܼܕ݂ ܡܸܢܹܗ ܪܘܼܓ݂ܙܵܐ.

elā ʿāṭar bēh ḥūbā: elā ṭrīdh menēh rūghzā.

ܐܲܠܵܐ ܡܫܲܝܼܢ ܘܲܡܩܲܕܲܫ: ܐܸܠܵܐ ܡܫܲܡܫܝܼܢ ܒܹܗ ܪ̈ܲܚܡܹܐ܀

alā mshaīn wa-mqadash: elā mshamshīn bēh raḥmē.

ܐܸܠܵܐ ܐܵܡܲܪ ܒܹܗ ܩܘܼܫܬܵܐ: ܐܸܠܵܐ ܡܲܬ݂ܩܲܢ ܒܹܗ ܫܪܵܪܵܐ.‏

elā āmar bēh qūshtā: elā mathqan bēh shrārā.

ܐܸܠܵܐ ܕܒ݂ܝܼܚܵܐ ܒܹܗ ܢܲܦ̮ܫܵܐ: ܐܸܠܵܐ ܨܠܝܼܒ݂ܵܐ ܒܹܗ ܚܸܡܬܵܐ܀

elā d-b-īḥā bēh napshā: elā ṣlīvā bēh ḥemtā.

ܐܸܠܵܐ ܐܲܡܝܼܢ ܒܹܗ ܫܘܼܒ݂ܚܵܐ: ܐܸܠܵܐ ܩܵܐ̇ܡ ܒܹܗ ܫܲܗܪܵܐ.

elā amīn bēh shūvḥā: elā qām bēh shahrā.

ܐܸܠܵܐ ܐܝܼܬ݂ ܒܹܗ ܙܲܗܝܘܼܬܵܐ: ܐܸܠܵܐ ܢܛܝܼܪ ܡ̣ܢ ܓܲܢܵܒܹ̈ܐ܀

elā ʾīth bēh zahyūtā: elā nṭīr men ganābē.

ܐܸܠܵܐ ܚܬ݂ܝܼܡ ܡ̣ܢ ܢܘܼܟ݂ܪܵܝܹ̈ܐ: ܐܸܠܵܐ ܡܠܸܐ ܫܝܵܚܵܐ ܠܪܘܼܚܵܐ.

elā ḥthīm men nūkhrāyē: elā mle shyāḥā l-rūḥā.

ܐܸܠܵܐ ܡܪܲܚܸܦ ܒܹܗ ܫܠܵܡܵܐ: ܐ̄ܠܵܐ ܐܝܼܬ݂ ܒܹܗ ܒܲܤܝܼܡܘܼܬܵܐ܀

elā mraḥep bēh shlāmā: lā ʾīth bēh ba-sīmūtā.

ܲܠܵܐ ܛܥܝܼܢ ܡܲܓ݁ܪܲܬ݂ ܪܘܼܚܵܐ: ܐܸܠܵܐ ܐܝܼܬ݂ ܒܹܗ ܬܵܘܕܝܼܬ݂ܵܐ.

lā ṭʿīn magrath rūḥā: elā ʾīth bēh tāwdīthā.

ܐܸܠܵܐ ܐܝܼܬ݂ ܒܹܗ ܛܲܝܒ݁ܘܼܬܵܐ: ܐܸܠܵܐ ܐܝܼܬ݂ ܒܹܗ ܟܹܐܢܘܼܬܵܐ܀

elā ʾīth bēh ṭaybūtā: elā ʾīth bēh kēnūtā.

ܗܵܠܹܝܢ ܗ̄ܘ̣ ܟܹܝܬ݂ ܡܸܬ݁ܬܲܒ݂ܥܵܐ: ܚܹܐܪܘܼܬܵܐ ܕܫܲܪܝܵܐ ܒܢܲܦ̮ܫܵܐ.‏

hālēyn hāw kēyth mettavʿā: ḥērūtā d-sharyā b-napshā.

ܘܡܸܛܠ ܗܵܠܹܝܢ ܡܸܬ݂ܪܲܫܝܵܐ: ܐܸܢܗ݀ܘ ܕܠܵܐ ܗ̣̄ܘܲܝ̈ ܡܸܤܬܲܥܪܵܢ܀

w-meṭul hālēyn methrashyā: enhw d-lā (h)waī mestaʿrān.

ܡܸܬ݂ܪܲܥܝܵܐ ܕܬܸܒ݂ܢܸܐ ܒܲܝܬܵܐ: ܗܵܕ݂ ܡܸܬ݂ܐܲܡܪܵܐ ܬܲܪܥܝܼܬ݂ܵܐ.

methraʿyā d-tevne ba-ytā: hādh methamrā tarʿīthā.

ܡܩܲܒ݁ܠܵܐ ܡܸܢܹܗ ܡܲܚܫܲܒ݂ܬ݂ܵܐ: ܕܐܸܢ ܘܵܠܹܐ ܕܢܸܗܘܸܐ ܐܵܘ ܠܵܐ؟

mqablā menēh maḥshavthā: d-en wālē d-nehwe āw lā

ܐܸܢ ܓܸܪܡܲܬ̤ ܕܢܸܗܘܸܐ ܘܦܸܤܩܲܬ݀: ܗܵܢ ܡܸܬ݂ܐܡܲܪ ܨܸܒ݂ܝܵܢܵܐ.‏

en germat d-nehwe w-pesqat: hān methmar ṣevyānā.

ܘܕܲܐܝܟܲܢ ܢܸܗܘܸܐ ܘܐܲܝܟܲܢܵܐ: ܗܵܕ݂ ܡܸܬ݂ܐܲܡܪܵܐ ܝܑܼܕܲܥܬ݂ܵܐ܀

w-da-ʾykan nehwe w-aykanā: hādh methamrā īdaʿthā.

ܘܕܲܒ݂ܙܲܒ݂ܢܹܗ ܢܸܗܘܸܐ ܗܵܕܹܐ: ܡܸܬ݂ܩܲܪܝܵܐ ܡܕܲܒ݁ܪܵܢܘܼܬܵܐ.‏

w-da-b-zavnēh nehwe hādē: methqaryā mdabrānūtā.

ܡܫܘܼܚܬ݂ܵܐ ܝܵܗܹ̇ܒ݂ ܒܘܼܝܵܢܵܐ: ܕܲܢܤܝܼܡ ܪܵܘܡܵܐ ܠܲܦܬ݂ܵܝܵܐ܀

mshūḥthā yāhēv b-w-yānā: da-nsīm rāwmā la-pthāyā.

ܡܲܢ ܡܘܼܡܵܐ ܕܠܵܐ ܢܸܗܘܸܐ ܒܹܗ: ܠܗܵܕܹܐ ܢܵܛܲܪ ܤܘܼܟܵܠܵܐ.

men mūmā d-lā nehwe bēh: l-hādē nāṭar sūkālā.

ܡܹܐܡܪܵܐ .ܠܓ. ܕܡ̇ܪܝ ܐܝܼܤܚܵܩ ܕܐܲܢܛܝܘܿܟ݂ 404

Photograph of page 404 of Bedjan’s 1903 edition, leaf 0463 — Leaf 0463, from Archive.org.

ܗ݀ܘ ܟܵܐܹܐ ܒܡܲܐܝܼܢܘܼܬܵܐ: ܕܠܵܐ ܢܸܗܘܸܐ ܒܹܗ ܤܘܼܪܚܵܢܵܐ܀

hāw kāē b-maīnūtā: d-lā nehwe bēh sūrḥānā.

ܨܒ݂ܘܼܬ݂ܵܐ ܡܸܕܸܡ ܐܸܢ ܬܹܐܚܘܿܕ݂: ܥܲܝܢܵܟ݂ ܚܵܙܵܝܵܐ ܨܘܼܪ̈ܵܬ݂ܵܗ̇.

ṣvūthā medem en tēḥōdh: ʿaynākh ḥāzāyā ṣūrāthāh.

ܦܘܼܡܵܐ ܒܵܨ̇ܐ ܐܵܦ ܛܲܥܡܵܗ̇: ܒܤܵܘܩܵܟ݂ ܪܹܝܚܵܗ̇ ܝܵܠܹ̇ܦ ܐܲܢ̄ܬ݁܀

pūmā bāṣ āp ṭaʿmāh: b-sāwqākh rēyḥāh yālēp a(n)t.

ܒܐܝܼܕܵܟ݂ ܓܸܫܬ݂ܗ̇ ܡܵܐܹܫ ܐܲܢ̄ܬ݁: ܒܹܝܬ݂ ܟܠܗܘܿܢ ܝܵܕ݂ܥ̇ܝܼܢ ܠܟ݂ܠܵܗ̇.‏

b-ʾīdākh geshthh māēsh a(n)t: bēyth klhōn yādhʿīn l-khlāh.

ܚܲܕ݂ ܡܸܢܗܘܿܢ ܡܸܕܸܡ ܡܸܢܵܗ̇: ܒܟ݂ܠܡܸܕܸܡ ܪܵܦܲܬ݂ ܗܵܘܢܵܐ܀

ḥadh menhōn medem menāh: b-khlmedem rāpath hāwnā.

ܗܵܟ݂ܘܵܬ݂ ܪܸܓ݂ܫܹܐ ܓܵܘܵܝܹ̈ܐ: ܒܹܝܬ݂ ܟܠܗܘܿܢ ܓܵܡ̇ܪܝܼܢ ܡܸܕܸܡ.

hākhwāth reghshē gāwāyē: bēyth klhōn gāmrīn medem.

ܐܲܦ ܡܸܠܬ݂ܵܐ ܝܵܕ݂ܥ̇ܝܼܢ ܐܸܢܘܿܢ: ܪܸܓ݂ܫܹܐ ܕܲܒ݂ܗܘܿܢ ܐܲܤܝܼܪܵܐ܀

ap melthā yādhʿīn enōn: reghshē da-b-hōn asīrā.

ܘܗܲܕܵܡܹ̈ܐ ܐܝܼܬ݂ ܠܵܗ̇ ܕܡܸܢܗܘܿܢ: ܡܸܬ݂ܐܲܤܝܵܐ ܒܡܸܕܸܡ ܡܸܕܸܡ.

w-hadāmē ʾīth lāh d-menhōn: methasyā b-medem medem.

ܓܸܒܵܐ ܚܲܝܠܵܐ ܝܵܗܹܒ݂ ܠܵܗ̇: ܡܘܼܚܵܐ ܡܡܲܕܸܟ݂ ܡܲܬ݂ܩܸܢ ܠܵܗ̇܀

gebā ḥaylā yāhēv lāh: mūḥā mmadekh mathqen lāh.

ܦܘܼܡܵܐ ܩܵܠܵܐ ܡܲܠܒܲܫ ܠܵܗ̇: ܒܗܵܠܹܝܢ ܡܸܠܬ݂ܵܐ ܡܸܫܬܲܡܫܵܐ.‏

pūmā qālā malbash lāh: b-hālēyn melthā meshtamshā.

ܐܝܼܬ݂ ܠܵܗ̇ ܐ̄ܚܪ̈ܵܢܹܐ ܘܲܐ̄ܚܪ̈ܵܢܹܐ: ܗܲܕܵܡ̈ܐ ܕܲܟ݂ܕ݂ܝܼܢܝܼܢ ܠܵܗ̇܀

ʾīth lāh ḥrānē wa-ḥrānē: hadām da-khdhīnīn lāh.

ܘܲܒ݂ܗܘܿܢ ܪܵܗ̇ܛܵܐ ܡܲܚܫܲܒ݂ܬ݂ܵܐ: ܐܲܝܟ݂ ܗܲܢܝܘܿܟ݂ܵܐ ܒܡܲܪܟܲܒ݂ܬ݂ܵܐ.

wa-b-hōn rāhṭā maḥshavthā: aykh hanyōkhā b-markavthā.

ܐܲܝܟܵܐ ܦܵܗܹ̇ܝܬ݁ ܐܘܿ ܪܸܥܝܵܢܝ: ܬܗܘܿܡܵܐ ܗ̄ܘ ܪܲܒܵܐ ܒܲܪܢܵܫܵܐ܀

aykā pāhēyt ʾō reʿyānī: thōmā hāw rabā ba-rnāshā.

ܒܓܵܘ ܟܘܼܪܵܐ ܕܬܲܪܬܹܝܢ ܙܲܪ̈ܬ݁ܝܼܢ: ܦܪܲܚ̣ܬ݁ ܐܘܿ ܪܸܥܝܵܢܝ ܘܐܸܫܬܲܗܝܼܬ݁.

b-gāw kūrā d-tartēyn zartīn: praḥt ʾō reʿyānī w-eshtahīt.

ܠܐܝܼܘ ܓܸܦܲܝ̈ܟ݂ ܒܲܚܪܘܿܪ ܦܲܓ݂ܪܵܐ: ܘܕܲܬ݂ܤܲܝܟ݂ܝܼܘܗܝ ܠܵܐ ܡܸܫܟܲܚ ܐܲܢ̄ܬ݁܀

l-ʾīw gepaykh ba-ḥrōr paghrā: w-da-thsaykhīwhī lā meshkaḥ a(n)t.

ܡܲܕ݂ܒ݁ܪܵܐ ܗ̄ܘ̣ ܐܲܪܝܼܟ݂ܵܐ ܘܦܲܬ݂ܝܵܐ: ܘܝܲܗ̈ܠܹܐ ܫܪܹܝܢ ܒܹܗ ܕܚܘܼ̈ܫܵܒܹܐ.

madhbrā hāw arīkhā w-pathyā: w-yahlē shrēyn bēh d-ḥūshābē.

ܠܲܝܬ݁ ܝܑܲܕܲܥܬ݂ܵܐ ܕܲܒ݂ܟܸܢܦܝ̈ܗ̇: ܬܸܦܪܲܚ ܬܸܥܒܲܪ ܠܲܬܚܘܼܡܵܘ̈ܗܝ܀

layt yadaʿthā da-b-kenpyh: tepraḥ teʿbar la-tḥūmāwhī.

ܐܲܝܢܵܐ ܕܲܒ݂ܪܵܐ ܘܲܫܒܲܛܪܵܐ: ܕܢܲܓ݁ܝܼܪ ܘܐܲܪܝܼܟ݂ ܐܲܟ݂ܘܵܬܹܗ.

aynā da-b-rā wa-shbaṭrā: d-nagīr w-arīkh akhwātēh.

ܐܲܝܕܵܐ ܦܩܲܥܬ݂ܵܐ ܕܲܚܠܝܼܠܵܐ: ܘܲܡܬ݂ܝܼܚܵܐ ܐܲܝܟ݂ ܗܲܕܵܡܹ̈ܐ܀

aydā pqaʿthā da-ḥlīlā: wa-mthīḥā aykh hadāmē.

ܐܲܝܢܵܐ ܦܲܪܵܫܵܐ ܡܸܫܟܲܚ: ܕܲܠܦܲܓ݂ܪܵܐ ܒܚܹܐܦܹܗ ܢܸܥܒܲܪ.

aynā parāshā meshkaḥ: da-l-paghrā b-ḥēpēh neʿbar.

ܘܐܲܝܕܵܐ ܦܵܪܲܚܬ݂ܵܐ ܡܲܨܝܵܐ: ܕܡ̣ܢ ܥܸܩܒܹܗ ܠܪܹܫܹܗ ܬܸܦܪܲܚ܀

w-aydā pāraḥthā maṣyā: d-men ʿeqbēh l-rēshēh tepraḥ.

ܛܲܠ ܦܘܼܪܫܵܢܵܐ ܕܚܘܼܫܵܒܵܐ ܟܝܵܢܵܝܵܐ. 405

Photograph of page 405 of Bedjan’s 1903 edition, leaf 0462 — Leaf 0462, from Archive.org.

ܒܓܵܘ ܓܘܼܫܡܵܐ ܕܐ̄ܢܵܫܵܐ ܠܵܐܹܝܢ: ܗܵܘ̈ܢܹܐ ܠܡܸܪܗܲܛ ܤܲܓ݁ܝ̈ܐܹܐ.

b-gāw gūshmā d-nāshā lāēyn: hāwnē l-merhaṭ sagyē.

ܒܗܵܢܵܐ ܒܲܝܬܵܐ ܡܸܬ݂ܪܕܹܝܢ: ܘܠܵܐ ܡܨܝܢ ܓܵܫܝܼܢ ܟܡܵܐ ܐܝܼܬܵܘܗܝ܀

b-hānā ba-ytā methrdēyn: w-lā mṣyn gāshīn kmā ʾītāwhī.

ܠܲܝܬ݁ ܠܵܟ݂ ܕܬ݂ܵܘܦܸܐ ܪܸܥܝܵܢܵܐ: ܫܲܠܸܡ ܗܵܘ̇ ܡܵܐ ܕܠܵܐ ܫܲܪܝܼܬ݁.

layt lākh d-thāwpe reʿyānā: shalem hāw mā d-lā sharīt.

ܐܦܠܵܐ ܓܹܝܪ ܕܫܲܪܝܼܬ݁ ܬܸܤܒܲܪ: ܕܫܘܼܪܵܝܵܐ ܩܢܸܐ ܗ̄ܘ̣ ܫܘܼܠܵܡܵܐ܀

ʾplā gēyr d-sharīt tesbar: d-shūrāyā qne hāw shūlāmā.

ܩܘܼܡ ܐܸܬ݂ܒܲܩܵܐ ܒܹܗ ܡ̣ܢ ܠܒܲܪ: ܒܗܲܝܟ݁ܠܵܐ ܕܦܲܓ݂ܪܵܐ ܐܸܢ ܡܵܘܿܦܹܝܬ݁.‏

qūm ethbaqā bēh men l-bar: b-hayklā d-paghrā en māōpēyt.

ܚܘܼܪ ܒܛܲܟ݂ܤܵܘ̈ܗܝ ܒܲܪܵܝܹܐ: ܘܲܒ݂ܐܸܤܟܲܡܵܘ̈ܗܝ ܕܲܩܕܵܡܲܝܟ܀

ḥūr b-ṭakhsāwhī ba-rāyē: wa-b-eskamāwhī da-qdāmayk.

ܐܲܪܦܵܐ ܦܸܗܝܵܐ ܕܓܵܘܵܝܹ̈ܐ: ܘܚܘܼܪ ܨܘܼܪ̈ܵܬ݂ܵܐ ܕܗܲܕܵܡܹ̈ܐ.

arpā pehyā d-gāwāyē: w-ḥūr ṣūrāthā d-hadāmē.

ܤܬ݂ܝܼܪ̈ܵܬ݂ܵܐ ܕܡܵܪܝܵܐ ܐܸܢܹܝܢ: ܓܲܠܝܵܬ݂ܵܐ ܕܝܼܠܵܟ݂ ܐܸܢܹܝܢ܀

sthīrāthā d-māryā enēyn: galyāthā d-īlākh enēyn.

ܚܘܼܪ ܒܵܗ̇ ܒܗܵܕܹܐ ܟܘܿܬ݁ܝܼܢܵܐ: ܟܡܵܐ ܦܘܼܪ̈ܫܵܢܹܐ ܤܝܼܡܝܼܢ ܒܵܗ̇.

ḥūr bāh b-hādē kōtīnā: kmā pūrshānē sīmīn bāh.

ܕܐܵܦ ܡ̣ܢ ܠܒܲܪ ܠܲܡܚܵܪ ܦܸܗܝܵܐ: ܐܲܟ݂ܘܵܬܹܗ ܕܗܵܘ̇ ܓܵܘܵܝܵܐ܀

d-āp men l-bar la-mḥār pehyā: akhwātēh d-hāw gāwāyā.

ܦܘܿܩ ܠܵܟ݂ ܡ̣ܢ ܒܝܼܪܬܵܐ ܕܲܠܓ݂ܵܘ: ܡ̣ܢ ܠܒܲܪ ܒܐܸܤܹܝ̈ܗ̇ ܐܸܬ݂ܒܲܝܲܢ.

pōq lākh men b-īrtā da-l-ghāw: men l-bar b-esēyh ethbayan.

ܬܵܐ ܠܵܟ݂ ܡ̣ܢ ܪ̈ܘܼܚܵܢܝܵܬ݂ܵܐ: ܠܗܵܠܹܝܢ ܚܵܘܪܹ̈ܐ ܦܲܓ݂ܪ̈ܵܢܹܐ܀

tā lākh men rūḥānyāthā: l-hālēyn ḥāwrē paghrānē.

ܡ̣ܢ ܠܒܲܪ ܚܘܼܪ ܒܹܗ ܒܐܵܦܲܕ݂ܢܵܐ: ܕܐܲܝܟܲܢ ܡܦܲܠܲܓ݂ ܘܲܡܡܲܫܲܚ.

men l-bar ḥūr bēh b-āpadhnā: d-aykan mpalagh wa-mmashaḥ.

ܕܐܲܝܟܲܢ ܐܲܤܝܼܪܝܼܢ ܘܲܦܐܹܝܢ: ܡܸܕ݂ܝܵܪ̈ܵܘܗܝ ܒܲܡܛܲܟ݁ܤܘܼܬܵܐ܀

d-aykan asīrīn wa-pēyn: medhyārāwhī ba-mṭaksūtā.

ܘܲܕ݂ܠܵܐ ܬܘܼܒ݂ ܬܸܦܗܸܐ ܘܬܸܡܐܲܢ: ܒܤܘܿܓܲܐܬ݂ ܚܵܘܪܹ̈ܐ ܕܐܘܼܡܵܢܵܐ.

wa-d-lā tūv tephe w-teman: b-sōgath ḥāwrē d-ʾūmānā.

ܚܘܼܪ ܠܵܟ݂ ܒܪܹܫܹܗ ܕܐܵܦܲܕ݂ܢܵܐ: ܡܢܵܐ ܬܲܩܸܢ ܚܲܟ݁ܝܼܡܵܐ܀

ḥūr lākh b-rēshēh d-āpadhnā: mnā taqen ḥakīmā.

ܚܘܼܪ ܐܲܝܟܲܢܵܐ ܡܨ̇ܒܲܬ݂ ܠܹܗ: ܨܲܠܡܵܐ ܕܐܲܦܹ̈ܐ ܠܐܲܪܕ݂ܸܟ݂ܠܵܐ.‏

ḥūr aykanā mṣbath lēh: ṣalmā d-apē l-ardhekhlā.

ܕܟ݂ܠܹܗ ܫܘܼܦܪܵܐ ܕܨܸܒ݂ܝܵܢܹܗ: ܥܲܠ ܬܲܦܢܲܟ݂ ܐܲܦܹܝ̈ܗ̇ ܢܲܤܒܹܗ܀

d-khlēh shūprā d-ṣevyānēh: ʿal tapnakh apēyh nasbēh.

ܒܪܹܫ ܬܸܕܡܘܼܪܬܵܐ ܕܗܲܕܵܡܹܐ: ܬܸܕܸܡܘܼܪܬܵܐ ܥ̣ܒܲܕ݂ ܐܘܼܡܵܢܵܐ.‏

b-rēsh tedmūrtā d-hadāmē: tedemūrtā ʿbadh ʾūmānā.

ܕܗܵܠܹܝܢ ܪ̈ܓ݂ܠܹܐ ܟܠܥܸܕܵܢ: ܢܫܲܒ̈ܚܵܢ ܗܸܢܹܝܢ ܠܐܘܼܡܵܢܵܐ܀

d-hālēyn rghlē klʿedān: nshabḥān henēyn l-ʾūmānā.

ܡܐܡܪ̈ܐ ܝܠܓ. ܕܡܪܝ ܐܝܤܚܩ ܕܐܢܛܝܘܿܟ 406

Photograph of page 406 of Bedjan’s 1903 edition, leaf 0461 — Leaf 0461, from Archive.org.

ܐܲܝܟܲܢ ܩܵܡ ܫܸܡܥܵܐ ܒܐܸܕ݂ܢܵܐ: ܘܐܲܤܝܼܪ ܤܵܘܩܵܐ ܒܲܢܚܝܼܪܹ̈ܐ.‏

aykan qām shemʿā b-edhnā: w-asīr sāwqā ba-nḥīrē.

ܐܲܝܟܲܢܵܐ ܠܝܼܦ ܠܹܗ ܢܘܼܗܪܵܐ: ܒܥܲܝܢܵܐ ܕܡܸܢܵܗ̇ ܠܵܐ ܢܲܪܚܸܩ܀

aykanā l-īp lēh nūhrā: b-ʿaynā d-menāh lā narḥeq.

ܒܐܲܝܠܹܝܢ ܓܸܪ̈ܓܹܐ ܐܲܤܝܼܪ ܒܵܗ̇: ܢܘܼܗܪܵܐ ܒܒ݂ܵܒ݂ܬ݂ܵܐ ܠܐܘܼܡܵܢܵܐ.‏

b-aylēyn gergē asīr bāh: nūhrā b-vāvthā l-ʾūmānā.

ܘܐܲܝܟܲܢܵܐ ܛܲܥܡܵܐ ܒܚܸܟܵܐ: ܘܡܸܠܬ݂ܵܐ ܩܵܘܝܲܬ݀ ܨܹܝܕ݂ ܦܘܼܡܵܐ܀

w-aykanā ṭaʿmā b-ḥekā: w-melthā qāwyat ṣēydh pūmā.

ܥܲܠ ܓܵܘ̈ܢܹܐ ܕܹܝܢ ܕܲܟ݂ܪܘܿܡܵܐ: ܘܥܲܠ ܐܸܤܟܹܡܹ̈ܐ ܕܦܲܪܨܘܿܦܵܐ.‏

ʿal gāwnē dēyn da-khrōmā: w-ʿal eskēmē d-parṣōpā.

ܘܥܲܠ ܫܘܿܫܸ̈ܦܹܐ ܕܥܲܠ ܐܲܦܹ̈ܐ: ܟܡܵܐ ܠܵܗ̇ ܓܵܘܢܝܼܢ ܐܸܬ݁ܕܲܡܲܪ܀

w-ʿal shōshepē d-ʿal apē: kmā lāh gāwnīn etdamar.

ܥܲܠ ܦܪܝܼܤܵܐ ܦܲܐܝܵܐ ܕܐܲܦܹ̈ܐ: ܟܡܵܐ ܨܘܼܒ̈ܥܵܢܝܼܢ ܚܵܙ̇ܐ ܐܲܢ̄ܬ݁.

ʿal prīsā payā d-apē: kmā ṣūbʿānīn ḥāz a(n)t.

ܠܲܕ݂ܢܝܼܤܵܢ ܕܵܡܹ̇ܝܢ ܦܸܩܚܵܘ̈ܗܝ: ܕܲܒ݂ܟ݂ܠ ܓܵܘ̈ܢܝܼܢ ܡܸܫܬܲܡܠܸܐ܀

la-d-nīsān dāmēyn peqḥāwhī: da-b-kul gāwnīn meshtamle.

ܗܵܕܹܐ ܬܲܟ݂ܤܝܼܬ݂ܵܐ ܕܐܲܦܹ̈ܐ: ܪܲܒ݁ ܗ̄ܘ̣ ܠܡܹܐܡܲܪ ܐܸܤܟܹܡܹ̈ܝܗ̇.

hādē takhsīthā d-apē: rab hāw l-mēmar eskēmēyh.

ܚܕܵܐ ܗ̄ܝ ܡܓܲܠܬ݂ܵܐ ܕܦܲܪ̈ܨܘܿܦܹܐ: ܘܲܒ݂ܟ݂ܠ ܨܘܼܒ݂ܥܝܼܢ ܡܸܬ݂ܚܲܙܝܵܐ܀

ḥdā (h)ī mgalthā d-parṣōpē: wa-b-kul ṣūvʿīn methḥazyā.

ܐܝܼܬ݂ ܠܵܗ̇ ܢܲܚܬܵܐ ܕܲܒ݂ܟ݂ܠ ܓܘܿܢ: ܨܵܒܲܥܵܐ ܠܹܗ ܒܲܚܕܵܐ ܫܵܥܵܐ.‏

ʾīth lāh naḥtā da-b-kul gōn: ṣābaʿā lēh ba-ḥdā shāʿā.

ܒܹܗ ܡܫܲܡܫܵܐ ܦܨܵܚܵܐ ܘܐܸܒ݂ܠܵܐ: ܟܲܕ݂ ܠܵܐ ܫܵܠܚܵܐ ܘܡܸܬ݂ܚܲܠܦܵܐ܀

bēh mshamshā pṣāḥā w-evlā: kad lā shālḥā w-methḥalpā.

ܟܲܫܝܼܪ̈ܵܢ ܐܲܦܹ̈ܐ ܠܡܸܫܠܲܚ: ܘܲܠܡܸܠܒܲܫ ܟܠ ܓܵܘܢܵܢܝܼܢ.‏

kashīrān apē l-meshlaḥ: wa-l-melbash kul gāwnānīn.

ܬܲܥܬܘܼ̈ܕܹܐ ܠܗܹܝܢ ܤܲܓ݁ܝܹ̈ܐܹܐ: ܕܠܲܦܨܵܚܵܐ ܘܐܸܒ݂ܠܵܐ ܤܝܼܡܝܼܢ܀

taʿtūdē l-hēyn sagyēē: d-la-pṣāḥā w-evlā sīmīn.

ܚܲܕ݂ ܗ̄ܘ̣ ܢܲܚܬܵܐ ܘܲܡܫܲܡܸܫ: ܒܚܲܕ̈ܘܵܬ݂ܵܐ ܘܲܒ̈ܥܵܩܵܬ݂ܵܐ.

ḥadh hāw naḥtā wa-mshamesh: b-ḥadwāthā wa-b-ʿāqāthā.

ܐܝܼܬ݂ ܠܹܗ ܡܸܢܹܗ ܘܒܹܗ ܨܘܼܒ̈ܥܹܐ: ܕܠܲܝܬ݁ ܡܸܢܝܵܢܵܐ ܠܓܵܘܢܲܝ̈ܗܘܿܢ܀

ʾīth lēh menēh w-bēh ṣūbʿē: d-layt menyānā l-gāwnayhōn.

ܟܡܝܼܪܘܼܬܵܐ ܠܚܲܫܵܐ ܡܲܤܪܲܚ: ܡܸܫܬܲܚܠܲܦ ܟܲܕ݂ ܠܵܐ ܫܵܠܲܚ.‏

kmīrūtā l-ḥashā masraḥ: meshtaḥlap kad lā shālaḥ.

ܦܨܝܼܚܘܼܬܵܐ ܒܚܲܕ݂ܘܵܐ ܠܵܒܹܫ: ܠܒ݂ܘܼܫܹܗ ܤܲܓ݁ܝܼ ܕܸܡ̈ܘܵܬ݂ܵܐ ܗ̄ܘ̣܀

pṣīḥūtā b-ḥadhwā lābēsh: l-b-w-shēh sagī demwāthā hāw.

ܐܵܟܲܡܵܢ ܐܲܦܹ̈ܐ ܒܝܘܿܡ ܚܲܫܵܐ: ܤܵܡ̈ܩܵܢ ܬܘܼܒ݂ ܒܝܘܿܡ ܚܲܕ̈ܘܵܬ݂ܵܐ.‏

ākamān apē b-yōm ḥashā: sāmqān tūv b-yōm ḥadwāthā.

ܝܵܪ̈ܩܵܢ ܬܘܼܒ݂ ܒܛܸܒܵܐ ܤܲܢܝܵܐ: ܡܸܬ݂ܚܲܕ̈ܲܬܵܢ ܒܫܸܡܥܵܐ ܛܵܒ݂ܵܐ܀

yārqān tūv b-ṭebā sanyā: methḥadatān b-shemʿā ṭāvā.

ܥܲܠ ܦܘܼܪܫܵܢܵܐ ܕܚܘܼܫܵܒ݂ܵܐ ܟܝܵܢܵܝܵܐ.‏ 407

Photograph of page 407 of Bedjan’s 1903 edition, leaf 0460 — Leaf 0460, from Archive.org.

ܓܵܘ̈ܢܹܐ ܠܓ݂ܘ̈ܢܹܐ ܫܵܪܹܝܢ ܒܹܗ: ܨܘ̈ܒ݂ܥܵܢܹܐ ܕܟ݂ܠܥܸܕܵܢ̈̄ܝܼܢ.

gāwnē l-ghwnē shārēyn bēh: ṣwvʿānē d-khlʿedā(n)īn.

ܐܲܝܟ݂ ܓܲܠܠܹ̈ܐ ܚܲܕ݂ ܒܵܬܲܪ ܚܲܕ݂: ܪܵܗܛ̇ܝܼܢ ܒܐܲܦܹ̈ܐ ܓܵܘܢܵܢܹ̈ܐ܀

aykh gallē ḥadh bātar ḥadh: rāhṭīn b-apē gāwnānē.

ܐܲܝܟ݂ ܗܵܢܵܐ ܢܲܚܬܵܐ ܡܸܡܬ݂ܘܿܡ: ܠܵܐ ܩܵܡ̣ ܠܡܲܠܟܹ̈ܐ ܒܲܒ݂ܪܝܼܬ݂ܵܐ.

aykh hānā naḥtā memthōm: lā qām l-malkē ba-b-rīthā.

ܡܨܹܝܢ ܗ̄ܘ̣ܵܘ ܓܹܝܪ ܐܸܠܘܼ ܩܢܹܝܢ ܠܹܗ: ܕܲܢܫܲܡܫܘܼܢ ܒܹܗ ܟܠ ܕܸܡ̈ܘܵܢ܀

mṣēyn (h)wāw gēyr elū qnēyn lēh: da-nshamshūn bēh kul demwān.

ܒܗܵܕܹܐ ܘܼܐܠܵܐ ܕܲܦܪܝܼܤܵܐ: ܚܸܙܘܵܐ ܕܐܲܦܹ̈ܐ ܐܸܬ݂ܒܲܩܵܐ.

b-hādē w-ʾlā da-prīsā: ḥezwā d-apē ethbaqā.

ܕܐܲܝܟܲܢܵܐ ܡܲܗܦܟ݂ܵܐ ܢܲܦ̮ܫܵܗ̇: ܘܲܡܚܵܘܝܵܐ ܠܵܟ݂ ܟܠ ܨܘܼܪ̈ܵܢ܀

d-aykanā mahpkhā napshāh: wa-mḥāwyā lākh kul ṣūrān.

ܡ̣ܢ ܐܲܝܕܵܐ ܕܲܠܓܵܘ ܫܵܩ̇ܠܵܐ: ܨܘܼܒ݂ܥܵܢܹ̈ܐ ܥܲܡ ܓܵܘܢܵܢܹ̈ܐ.

men aydā da-l-gāw shāqlā: ṣūvʿānē ʿam gāwnānē.

ܐܝܼܬ݂ ܠܵܗ̇ ܕܬܸܓ݂ܚܲܟ݂ ܘܲܕܲܬܸܒ݂ܟܸ݁ܐ: ܡܸܬ݂ܟܲܡܪܵܐ ܐܵܦ ܡܸܬ݂ܦܲܨܚܵܐ܀

ʾīth lāh d-teghḥakh wa-da-tevke: methkamrā āp methpaṣḥā.

ܐܝܼܬ݂ ܠܵܗ̇ ܕܬܸܤܡܲܩ ܘܲܕܬܹܐܪܲܩ: ܡܸܬ݂ܟܲܦܦܵܐ ܐܵܦ ܡܸܬ݂ܦܲܫܛܵܐ.‏

ʾīth lāh d-tesmaq wa-d-tēraq: methkappā āp methpashṭā.

ܚܵܫ̇ܟܵܐ ܘܢܵܗ̇ܪܵܐ ܒܲܠܒ݂ܘܼ̈ܫܹܝܗ̇: ܘܡܸܬ݁ܬܲܚܕܵܐ ܐܵܦ ܡܸܬ݂ܦܲܬ݂ܚܵܐ܀

ḥāshkā w-nāhrā ba-l-b-w-shēyh: w-mettaḥdā āp methpathḥā.

ܨܝܼܪ ܒܵܗ̇ ܠܸܠܝܵܐ ܘܐܝܼܡܡܵܐ: ܚܸܫܘܿܟ݂ܵܐ ܐܵܦ ܢܲܗܝܼܪܵܐ.

ṣīr bāh lelyā w-ʾīmmā: ḥeshōkhā āp nahīrā.

ܒܚܲܫܵܗ̇ ܠܸܠܝܵܐ ܥܲܡܘܼܛܵܐ: ܒܦܸܨܚܵܗ̇ ܨܲܦܪܵܐ ܢܲܗܝܼܪܵܐ܀

b-ḥashāh lelyā ʿamūṭā: b-peṣḥāh ṣaprā nahīrā.

ܙܚܘܿܪܝܼܬܵܐ ܥܲܡ ܓܘܿܢ ܕܲܗܒ݂ܵܐ: ܫܵܠ̇ܚܵܐ ܘܠܵܒܲܫܵܐ ܒܓܵܘ ܦܸܓ݂ܥܹ̈ܐ.

zḥōrītā ʿam gōn da-hvā: shālḥā w-lābashā b-gāw peghʿē.

ܚܘܼ̈ܫܵܒܹܐ ܕܡܸܬ݁ܬ݁ܙܝܼܥܝܼܢ ܒܵܗ̇: ܓܵܘܢܝܼܢ ܓܵܘܢܝܼܢ ܝܵܗ̇ܒܵܝܼܢ ܠܵܗ̇܀

ḥūshābē d-mettzīʿīn bāh: gāwnīn gāwnīn yāhbāīn lāh.

ܐܘ̇ ܫܘܿܫܸܦܵܐ ܕܬܸܕܡܘܼܪܬܵܐ: ܟܡܵܐ ܤܲܓܝܼܐܝܼܢ ܨܘܼܒ݂ܥܵܢܲܝ̈ܟ݁ܝ.

ʾw shōshepā d-tedmūrtā: kmā sagīīn ṣūvʿānaykī.

ܐܲܝܠܹܝܢ ܦܸܩ̈ܚܹܐ ܕܵܡܹܝܢ ܠܹܟ݂ܝ: ܕܲܒ݂ܟ݂ܠ ܓܵܘܢܝܼܢ ܡܸܬ݂ܚܲܙܝܲܬ݁ܝ܀

aylēyn peqḥē dāmēyn lēkhī: da-b-kul gāwnīn methḥazyatī.

ܒܹܟ݂ܝ ܡܸܬ݂ܝܼܕܲܥܵܢ ܟܲܤ̈ܝܵܬ݂ܵܐ: ܕܪܸܥܝܵܢܹܐ ܕܐܲܝܟܲܢ ܐܸܢܹܝܢ.‏

bēkhī methīdaʿān kasyāthā: d-reʿyānē d-aykan enēyn.

ܐܸܢ ܦܨܝܼܚ ܗ̄ܘ̣ ܘܐܸܢܗ݀ܘ ܕܲܟ݂ܡܝܼܪ: ܬܲܪܥܝܼܬܹܗ ܒܹܟ݂ܝ ܡܲܕ݂ܢܲܚ ܠܵܗ̇܀

en pṣīḥ hāw w-enhw da-khmīr: tarʿītēh bēkhī madhnaḥ lāh.

ܥܲܡܘܼܕ݂ܵܐ ܐܲܢ̄ܬ݁ܝ ܕܒܹܟ݂ܝ ܩܵܒܲܥ: ܪܸܥܝܵܢܵܐ ܛܘܼܦ̮ܤܵܐ ܕܐ̄ܪ̈ܵܙܵܘܗܝ.

ʿamūdhā a(n)tī d-bēkhī qābaʿ: reʿyānā ṭūpsā d-rāzāwhī.

ܕܲܢܚܵܘܸܐ ܠܥܲܝܢܵܐ ܕܲܠܒܲܪ: ܐܸܢ ܡܫܲܝܲܢ ܥܘܼܡܪܹܗ ܐܵܘ ܠܵܐ܀

da-nḥāwe l-ʿaynā da-l-bar: en mshayan ʿūmrēh āw lā.

ܡܹܐܡܪܵܐ .ܠܕ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 408

Photograph of page 408 of Bedjan’s 1903 edition, leaf 0459 — Leaf 0459, from Archive.org.

ܫܘܼܒ݂ܚܵܐ ܠܵܟ݂ ܥܵܒܹ̇ܕ݂ ܐ̄ܢܵܫܵܐ: ܟܡܵܐ ܡܠܹܝܢ ܥܘܼܬ݂ܪܵܐ ܬܘܼܩܵܢܲܝ̈ܟ.

shūvḥā lākh ʿābēdh nāshā: kmā mlēyn ʿūthrā tūqānayk.

ܠܵܟ݂ ܫܘܼܒ݂ܚܵܐ ܡ̣ܢ ܟܠ ܕܲܒ݂ܪܲܝܬ݁: ܒܲܫܡܲܝܵܐ ܘܒܲܐܪܥܵܐ ܐܵܡܹܝܢ܀

lākh shūvḥā men kul da-b-rayt: ba-shmayā w-ba-ʾrʿā āmēyn.

ܥܡܝܼܪܵܐ

ʿmīrā

ܕܟܼܠ ܒܤܵܲܪܲ

d-kul b-sāra

ܒܥܲܝܢܵܐ ܕܪܘܼܚܵܐ ܐܸܫܲܥܝܵܐ: ܚܸܙܵܝܗܝ ܗ̄ܘܵܐ ܠܥܵܠܡܵܐ ܕܥܵܒܲܪ ܠܹܗ.

b-ʿaynā d-rūḥā eshaʿyā: ḥezāyhī (h)wā l-ʿālmā d-ʿābar lēh.

ܘܲܒ݂ܦܘܼܡܵܐ ܕܲܢܒ݂ܝܼܘܼܬܵܐ: ܒܲܥܡܝܼܪܵܐ ܘܥܘܼܦܝܵܐ ܡܲܬ݂ܠܹܗ܀

wa-b-pūmā da-nvīūtā: ba-ʿmīrā w-ʿūpyā mathlēh.

ܟܠ ܒܤܲܪ ܠܲܡ ܥܡܝܼܪܵܐ ܐܝܼܬ݂ܵܘܗܝ: ܘܝܵܐܝܘܼܬܹܗ ܥܘܼܦܝܵܐ ܕܚܲܩܠܵܐ.

kul b-sar lam ʿmīrā ʾīthāwhī: w-yāyūtēh ʿūpyā d-ḥaqlā.

ܝܵܒܹܫ ܥܡܝܼܪܵܐ ܘܐܵܦ ܚܵܡܹܐ: ܘܡܸܠܬܹܗ ܕܡܵܪܝܵܐ ܩܲܝܵܡܵܐ܀

yābēsh ʿmīrā w-āp ḥāmē: w-meltēh d-māryā qayāmā.

ܫܲܦܝܼܪ ܨܵܪܹܗ ܐܸܫܲܥܝܵܐ: ܠܥܘܼܡܪܵܐ ܕܥܵܠܡܵܐ ܥܵܒܲܘܿܪܵܐ.

shapīr ṣārēh eshaʿyā: l-ʿūmrā d-ʿālmā ʿābaōrā.

ܘܲܒ݂ܩܘܼܫܬܵܐ ܡܬܲܠ̣ ܝܵܐܝܘܼܬܹܗ: ܒܥܘܼܦܝܵܐ ܕܚܵܡ̇ܐ ܘܠܵܐ ܝܲܕ݂ܝܼܥ܀

wa-b-qūshtā mtal yāyūtēh: b-ʿūpyā d-ḥām w-lā yadhīʿ.

ܘܐܲܝܕܵܐ ܗ̄ܝ ܥܸܠܬ݂ܵܐ ܕܲܩܪܵܬܹܗ: ܠܗܵܢܵܐ ܫܲܪܒܵܐ ܕܢܸܬ݂ܡܲܠܲܠ.

w-aydā (h)ī ʿelthā da-qrātēh: l-hānā sharbā d-nethmalal.

ܘܡ̣ܢ ܐܲܝܟܵܐ ܚ̣ܙܵܝܗܝ ܗ̄ܘ̣ܐ ܠܥܵܠܡܵܐ: ܘܕܲܡܝܹܗ ܠܲܥܡܝܼܪܵܐ ܕܚܲܩܠܵܐ܀

w-men aykā ḥzāyhī (h)w l-ʿālmā: w-da-myēh la-ʿmīrā d-ḥaqlā.

ܐܲܝܢܵܐ ܪܸܥܝܵܢܵܐ ܫܲܩ̣ܠܹܗ: ܕܢܸܙܡܲܪ ܗܵܕܹܐ ܒܲܪ̄ܬ݂ ܩܵܠܵܐ.‏

aynā reʿyānā shaqlēh: d-nezmar hādē ba(r)th qālā.

ܒܐܲܝܢܵܐ ܢܝܼܫܵܐ ܚܵ̇ܐܲܪ ܗ̄ܘ̣ܵܐ: ܦܫܝܼܩ ܗ̄ܘ ܕܢܹܐܠܲܦ ܓܲܠܝܵܐܝܼܬ݂܀

b-aynā nīshā ḥāar (h)wā: pshīq hāw d-nēlap galyāīth.

ܐ ܕܢܐܡܪ .121

d-nmr.

Memra 33 On pūrshānā d-ḥūshāvā kyānāyā

Suggest a correction