Memra 25: On ṣāwmā qadīshā d-arbʿīn — Isaac of Antioch

ܡܹܐܡܪܵܐ .ܝܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 158

Photograph of page 158 of Bedjan’s 1903 edition, leaf 0709 — Leaf 0709, from Archive.org.

ܕܚܘܼ̈ܫܵܒܹܐ ܫܦܲܝ̈ܐ ܐܸܟ݂ܕܲܘܿܢ: ܘܲܒ݂ܗܘܿܢ ܐܸܙܡܲܪ ܬܸܫܒܘܿܚܬܵܐ܀

d-ḥūshābē shpay ekhdaōn: wa-b-hōn ezmar teshbōḥtā.

ܘܠܵܐ ܐܸܗܘܸܐ ܡܵܪܝ ܢܘܼܟ݂ܪܵܝܵܐ: ܠܗܵܠܹܝܢ ܕܐܸܡ̇ܪܹܬ݂ ܠܲܐ̄ܚܪ̈ܵܢܹܐ܀

w-lā ehwe mārī nūkhrāyā: l-hālēyn d-emrēth la-ḥrānē.

ܐܫܐ ܙܥܗ.

ʾsh zʿh.

ܓܲܠܝܵܐܝܼܬ݂ ܡܲܟ݂ܡܲܪ ܨܵܘܡܵܐ: ܘܟܲܤܝܵܐܝܼܬ݂ ܡܵܪܹܩ ܢܲܦܫܵܐ.‏

galyāīth makhmar ṣāwmā: w-kasyāīth mārēq napshā.

ܗܵܢܵܐ ܓܹܝܪ ܕܲܩܫܸܐ ܛܲܥܢܹܗ: ܤܲܓ݁ܝܼ ܡܝܲܬܲܪ ܦܘܼܪܥܵܢܹܗ܀

hānā gēyr da-qshe ṭaʿnēh: sagī myatar pūrʿānēh.

ܚܲܡܪܵܐ ܕܡܲܤܡܸܩ ܦܲܪܨܘܿܦܵܐ: ܠܢܲܦܫܵܐ ܤܲܓ݁ܝܼ ܡܵܘܟܸܡ ܠܵܗ̇.

ḥamrā d-masmeq parṣōpā: l-napshā sagī māwkem lāh.

ܗܵܢ ܓܹܝܪ ܕܲܡܙܲܗܸܐ ܦܲܓ݂ܪܵܐ: ܠܪܸܥܝܵܢܵܐ ܤܲܓ݁ܝܼ ܡܲܫܚܸܬ݂܀

hān gēyr da-mzahe paghrā: l-reʿyānā sagī mashḥeth.

ܚܢܲܢ ܗܵܟܹܝܠ ܕܐܝܼܬ݂ ܠܲܢ ܦܲܓ݂ܪܵܐ: ܘܐܝܼܬ݂ ܠܲܢ ܬܘܼܒ݂ ܢܲܦ̮ܫܵܐ ܚܲܝܬ݂ܵܐ.‏

ḥnan hākēyl d-ʾīth lan paghrā: w-ʾīth lan tūv napshā ḥaythā.

ܒܛܲܟ݂ܤܵܐ ܢܸܥܒܸ݁ܕ݂ ܟܠܡܸܕܲܡ: ܕܦܲܓ݂ܪܵܐ ܘܢܲܦ̮ܫܵܐ ܢܸܬ݁ܬܲܪܤܘܿܢ܀

b-ṭakhsā neʿbedh klmedam: d-paghrā w-napshā nettarsōn.

ܬܗܸܐ ܡܹܐܟ݂ܘܼܠܬܲܢ ܒܐܸܤܪܹܡܵܐ: ܕܢܲܤܓܹ݁ܐ ܠܦܲܓ݂ܪܲܢ ܛܘܼܟܵܤܵܐ.‏

the mēkhūltan b-esrēmā: d-nasgē l-paghran ṭūkāsā.

ܘܢܸܗܘܸܐ ܨܵܘܡܲܢ ܒܝܼܕܲܥܬ݂ܵܐ: ܕܢܲܤܓܸ݁ܐ ܠܢܲܦ̮ܫܲܢ ܢܸܨܚܵܢܵܐ܀

w-nehwe ṣāwman b-īdaʿthā: d-nasge l-napshan neṣḥānā.

ܢܨܘܼܡ ܦܘܼܡܲܢ ܡ̣ܢ ܠܲܚܡܵܐ: ܐܵܦ ܠܸܒܲܢ ܡ̣ܢ ܒܝ̈ܫܵܬ݂ܵܐ.

nṣūm pūman men la-ḥmā: āp leban men b-yshāthā.

ܕܢܸܬ݂ܩܲܒܲܠ ܨܵܘܡܹܗ ܕܦܘܼܡܐ: ܥܲܡ ܚܘܼܫܵܒܹܗ ܕܪܸܥܝܵܢܵܐ܀

d-nethqabal ṣāwmēh d-pūm: ʿam ḥūshābēh d-reʿyānā.

ܠܵܘ ܓܹܝܪ ܒܲܠܚܘܿܕ݂ ܡ̣ܢ ܦܘܼܡܐ: ܘܵܠܹܐ ܕܢܸܚܤܘܿܟ݂ ܡܹܐܟ݂ܘܼܠܬܵܐ.

lāw gēyr ba-l-ḥōdh men pūm: wālē d-neḥsōkh mēkhūltā.

ܕܥܲܠ ܨܵܘܡܵܐ ܩܲܕܝܼܫܵܐ ܕܐܲܪܒ݁ܥܝܼܢ. 159

Photograph of page 159 of Bedjan’s 1903 edition, leaf 0708 — Leaf 0708, from Archive.org.

ܐܸܠܵܐ ܟܠܗܘܿܢ ܗܲܕܵܡܹ̈ܐ: ܢܸܬ݂ܢܲܛܪܘܼܢ ܡ̣ܢ ܢܸܟ݂ܝܵܢܹ̈ܐ܀

elā klhōn hadāmē: nethnaṭrūn men nekhyānē.

ܚܙܵܘ ܠܗܸܢܝܘܿܟ݂ܵܐ ܐܘܼܡܵܢܵܐ: ܟܲܕ݂ ܢܵܛܲܪ ܪ̈ܲܟ݂ܫܵܐ ܟܕ݂ܝܼܢܹ̈ܐ.

ḥzāw l-henyōkhā ʾūmānā: kad nāṭar rakhshā kdhīnē.

ܘܲܡܪܲܦܸܐ ܘܚܵܐܹܨ ܥܲܪ̈ܩܹܐ: ܕܚܲܕ݂ ܪܲܗܛܵܐ ܫܲܘܝܵܐ ܢܸܕ݂ܒܲܪ܀

wa-mrape w-ḥāēṣ ʿarqē: d-ḥadh rahṭā shawyā nedhbar.

ܐܸܢ ܓܹܝܪ ܚܲܕ݂ ܡܸܢܗܘܿܢ ܢܸܓ݂ܕܲܫ: ܒܥܲܪ̈ܩܹܐ ܢܸܦܠܲܛ ܢܸܬ݂ܦܲܟܲܪ.‏

en gēyr ḥadh menhōn neghdash: b-ʿarqē neplaṭ nethpakar.

ܒܚܲܕ݂ ܕܲܢܦܲܠ̣ ܚܲܒ݂ܘ (ܐܵܦ ܚܲܒ݂ܪܵܘܗܝ: ܕܡܸܬ݂ܥܵܘܟ݂ܝܼܢ ܠܗܘܿܢ

b-ḥadh da-npal ḥavw āp ḥavrāwhī: d-methʿāwkhīn l-hōn

ܪ̈ܗܛܲܝܗܘܿܢ܀

rhṭayhōn.

ܗܵܐ ܡܲܠܸܦ ܬܘܼܒ݂ ܢܵܡܘܿܤܵܐ: ܥܲܠ ܫܲܪܒܵܐ ܕܓܲܪܒ݂ܵܐ ܘܐܵܡܲܪ.

hā malep tūv nāmōsā: ʿal sharbā d-garvā w-āmar.

ܕܐܸܡܲܬ݂ܝ ܕܐܲܓ݂ܪܸܒ݂ ܗܲܕܵܡܵܐ: ܐܸܬ݁ܛܲܡܲܐ ܟ̱ܠܹܗ ܓܘܼܫܡܵܐ܀

d-emathī d-aghrev hadāmā: etṭama klēh gūshmā.

ܗܵܐ ܒܲܩܪܵܒ݂ܵܐ ܕܐܝܼܪܝܼܚܘܿ: ܓܢܲܒ݂ ܗ̄ܘ̣ܵܐ ܥܵܟ݂ܵܪ ܒܲܠܚܘܿܕܵܘܗܝ.

hā ba-qrāvā d-ʾīrīḥō: gnav (h)wā ʿākhār ba-l-ḥōdāwhī.

ܘܐܸܬ݂ܚܲܝܲܒ݂ ܟ̱ܠܹܗ ܥܲܡܵܐ: ܒܓܲܢܵܒ݂ܘܼܬܹܗ ܕܲܪܓ݂ܝܼܡܵܐ܀

w-ethḥayav klēh ʿamā: b-ganāvūtēh da-rghīmā.

ܒܗܵܕܹܐ ܬܲܚܘܝܼܬ݂ܵܐ ܢܸܩܪܘܿܒ݂: ܐܵܦ ܨܹܝܕ݂ ܓܘܼܫܡܵܐ ܘܗܲܕܵܡܵܘ̈ܗܝ.

b-hādē taḥwīthā neqrōv: āp ṣēydh gūshmā w-hadāmāwhī.

ܕܚܲܕ݂ ܗܲܕܵܡܵܐ ܐܸܢ ܡܲܤܟܸ݁ܠ: ܚܵܛܹܐ ܠܹܗ ܟ̱ܠܹܗ ܦܲܓ݂ܪܵܐ܀

d-ḥadh hadāmā en maskel: ḥāṭē lēh klēh paghrā.

ܗܵܐ ܓܹܝܪ ܡܲܪܝܲܡ ܟܲܕ݂ ܓܸܪܒܲܬ݀: ܠܸܫܵܢܵܗ̇ ܒܲܠܚܘܿܕ݂ ܡܲܠܸܠ̣.‏

hā gēyr maryam kad gerbat: leshānāh ba-l-ḥōdh malel.

ܘܟ݂ܠܹܗ ܦܲܓ݂ܪܵܗ̇ ܐܸܬ݂ܟܲܤܝܼ: ܗܵܘ̇ ܢܲܚܬܵܐ ܢܕ݂ܝܼܕܵܐ ܕܓܲܪܒ݂ܵܐ܀

w-khlēh paghrāh ethkasī: hāw naḥtā ndhīdā d-garvā.

ܠܵܐ ܗܵܟܹܝܠ ܦܘܼܡܵܐ ܒܲܠܚܘܿܕ݂: ܢܸܠܐܸܐ ܘܲܢܨܘܼܡ ܡ̣ܢ ܠܲܚܡܵܐ.

lā hākēyl pūmā ba-l-ḥōdh: nele wa-nṣūm men la-ḥmā.

ܐܲܠܵܐ ܟܠܗܘܿܢ ܗܲܕܵܡ̈ܐ: ܢܸܬ݂ܢܲܛܪܘܼܢ ܡ̣ܢ ܢܸܟ݂ܝܵܢܹ̈ܐ܀

alā klhōn hadām: nethnaṭrūn men nekhyānē.

ܨܵܐܹܲܡ ܦܘܼܡܵܐ ܡ̣ܢ ܠܲܚܡܵܐ: ܢܨܘܼܡ ܥܲܡܹܗ ܐܵܦ ܠܸܫܵܢܵܐ.

ṣāēm pūmā men la-ḥmā: nṣūm ʿamēh āp leshānā.

ܕܠܵܐ ܢܡܲܠܸܠ ܝܲܬ݁ܝܼܪ̈ܵܬ݂ܵܐ: ܢܸܗܘܸܐ ܨܵܘܡܵܐ ܠܚܘܼܤܪܵܢܵܐ܀

d-lā nmalel yatīrāthā: nehwe ṣāwmā l-ḥūsrānā.

ܐܸܢ ܨܵܘܡܵܐ ܕܵܡܹ̇ܐ ܠܕܸܒ݂ܫܵܐ: ܘܠܸܫܵܢܵܐ ܚܠܝܼܛ ܒܲܡܪܵܪܹ̈ܐ.‏

en ṣāwmā dāmē l-devshā: w-leshānā ḥlīṭ ba-mrārē.

ܡܸܤܬܲܠܝܵܐ ܠܵܗ̇ ܚܲܠܝܘܼܬܵܐ: ܒܚܘܼܠܛܵܢܵܗ̇ ܕܡܲܪܝܼܪܘܼܬܵܐ܀

mestalyā lāh ḥalyūtā: b-ḥūlṭānāh d-marīrūtā.

ܡܹܐܡܪܵܐ .ܝܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 160

Photograph of page 160 of Bedjan’s 1903 edition, leaf 0707 — Leaf 0707, from Archive.org.

ܘܐܲܝܟܲܢܵܐ ܕܠܵܐ ܡܸܬ݂ܩܲܒܲܠ: ܕܸܒ݂ܫܵܐ ܕܲܚܠܝܼܛ ܒܲܡܪܵܪܹ̈ܐ.‏

w-aykanā d-lā methqabal: devshā da-ḥlīṭ ba-mrārē.

ܗܵܟܲܢܵܐ ܠܵܐ ܡܸܬ݂ܩܲܒܲܠ: ܨܵܘܡܵܐ ܕܲܦܬ݂ܝܼܟ݂ ܒܲܚܤܵܡܵܐ܀

hākanā lā methqabal: ṣāwmā da-pthīkh ba-ḥsāmā.

ܨܵܐܹ̇ܡ ܦܘܼܡܵܐ ܡ̣ܢ ܠܲܚܡܵܐ: ܢܨܘܼܼ̈ܡܵܢ ܥܲܡܹܗ ܒܵܒ̈ܲܬ݂ܵܐ.

ṣāēm pūmā men la-ḥmā: nṣūmān ʿamēh bābathā.

ܕܠܵܐ ܗܵܘ̇ ܢܸܫܬܸܐ ܚܲܡܪ̈ܵܢܹܐ: ܘܠܵܐ ܗܵܢܹ̇ܝܢ ܙܲܠܝܼܠܘܼܬܵܐ܀

d-lā hāw neshte ḥamrānē: w-lā hānēyn zalīlūtā.

ܐܲܢ ܨܵܡ̣ ܦܘܼܡܵܐ ܡ̣ܢ ܠܲܚܡܵܐ: ܘܥܲܝ̈ܢܹܐ ܦܗܲܝ̈ ܒܲܪ̈ܓ݂ܝܼܓ݂ܵܬ݂ܵܐ.

en ṣām pūmā men la-ḥmā: w-ʿaynē phaī ba-rghīghāthā.

ܗܘ݀ܵܘ ܬܸܡܪܹ̈ܐ ܦܟ݂ܵܪܹ̈ܐ ܠܨܵܘܡܵܐ: ܘܠܵܐ ܐܸܫܟܲܚ̣ ܐܲܩ̣ܪܸܒ݂ ܘܲܙܟ݂ܵܐ܀

hwāw temrē pkhārē l-ṣāwmā: w-lā eshkaḥ aqrev wa-zkhā.

ܐܲܝܟܲܢ ܓܹܝܪ ܕܲܒ݂ܥܸܕܵܢܵܐ: ܕܡܲܬ݁ܪ̈ܵܢ ܕܸܡܥܹ̈ܐ ܚܢܝܼ̈ܓ݂ܵܬ݂ܵܐ.‏

aykan gēyr da-b-ʿedānā: d-matrān demʿē ḥnīghāthā.

ܥܵܛ̈ܝܵܢ ܐܸܫܛܵܪܹ̈ܐ ܕܚܵܘ̈ܒܹܐ: ܘܲܡܕܲܟ̈ܝܵܢ ܠܟ݂ܠܹܗ ܦܲܓ݂ܪܵܐ܀

ʿāṭyān eshṭārē d-ḥāwbē: wa-mdakyān l-khlēh paghrā.

ܗܵܟܲܢܵܐ ܒܥܸܕܵܢܵܐ ܬܘܼܒ݂: ܕܲܒ݂ܦܲܪ̈ܨܘܿܦܹܐ ܡܸܫܬܲܒ݂̈ܩܵܢ.‏

hākanā b-ʿedānā tūv: da-b-parṣōpē meshtavqān.

ܕܵܓܲܢܵܢ ܠܗܹܝܢ ܡ̣ܢ ܚܸܙܘܵܢܹ̈ܐ: ܘܡܲܚ̈ܛܝܵܢ ܠܟ݂ܠܗܘܿܢ ܗܲܕܵܡܹ̈ܐ܀

dāganān l-hēyn men ḥezwānē: w-maḥṭyān l-khlhōn hadāmē.

ܨܵܐ̇ܡ ܦܘܼܡܵܐ ܕܠܵܐ ܢܹܐܟ݂ܘܿܠ: ܬܨܘܼܡ ܥܲܡܹܗ ܐܵܦ ܡܲܫܡܲܥܬ݂ܵܐ.

ṣām pūmā d-lā nēkhōl: tṣūm ʿamēh āp mashmaʿthā.

ܕܠܵܐ ܬܲܥܸܠ ܡܹܐܟܲܠܩܲܪ̈ܨܐ: ܓܹܐܪܹ̈ܐ ܕܩܵܛ̇ܠܝܼܢ ܪܸ̈ܥܝܵܢܹܐ܀

d-lā taʿel mēkalqarṣ: gērē d-qāṭlīn reʿyānē.

ܐܸܢ ܓܹܝܪ ܦܘܼܡܵܐ ܐܸܬ݂ܠܲܒܲܫ: ܨܵܘܡܐ ܒܲܕ݂ܡܘܼܬ݂ ܫܸܪܝܵܢܵܐ.‏

en gēyr pūmā ethlabash: ṣāwm ba-d-mūth sheryānā.

ܘܐܸܕ݂ܢܹ̈ܐ ܫܠܝܼ̈ܚܵܢ ܒܲܩܪܵܒ݂ܵܐ: ܡܸܬ݂ܚܲܝܲܒ݂ ܠܹܗ ܓܲܢ̄ܒܵܪܵܐ܀

w-edhnē shlīḥān ba-qrāvā: methḥayav lēh ga(n)bārā.

ܗܵܘܢܵܐ ܡܲܠܟܵܐ ܕܗܲܕܵܡܹ̈ܐ:

hāwnā malkā d-hadāmē:

ܩܲܛܝܼܢ ܗ̄ܘ ܓܹܐܪܹܗ ܕܒ݂ܝܼܫܵܐ: ܘܒܹܝܬ݂ ܬܸܡܪܵܐ ܠܚܲܒ݂ܪܹܗ ܥܵܒܲܪ.

qaṭīn hāw gērēh d-b-īshā: w-bēyth temrā l-ḥavrēh ʿābar.

ܟܡܵܐ ܗܵܟܹܝܠ ܡܸܫܟܲܚ ܥܵܐ̇ܠ: ܡ̣ܢ ܬܲܪܥܵܐ ܦܬ݂ܝܼܚܵܐ ܕܐܸܕ݂ܢܵܐ܀

kmā hākēyl meshkaḥ ʿāl: men tarʿā pthīḥā d-edhnā.

ܡܸܢܹܗ ܗ̄ܘ ܓܹܝܪ ܥܲܠ̣ ܡܵܘܬܵܐ: ܘܲܩܛܲܠ̣ ܠܐܵܕܵܡ ܩܲܕ݂ܡܵܝܵܐ.‏

menēh hāw gēyr ʿal māwtā: wa-qṭal l-ādām qadhmāyā.

ܓܲܪܘ ܨܲܝܡܹܐ ܡܲܫܡܲܥܬ݂ܵܐ: ܕܠܵܐ ܬܩܲܒ݁ܠܘܼܢ ܡܹܐܟܲܠܩܲܪܨܵܐ܀

garw ṣaymē mashmaʿthā: d-lā tqablūn mēkalqarṣā.

ܐܵܦ ܐܝܼܕܹܐ ܬܘܼܒ݂ ܢܙܸܫܬܵܘ̈ܝܵܢ: ܕܲܢܨܘܼ̈ܡܵܢ ܥܲܡ ܗܲܕܵܡܹ̈ܐ.‏

āp ʾīdē tūv nzeshtāwyān: da-nṣūmān ʿam hadāmē.

ܪ13

r

ܘܡ

wm

ܕܥܲܠ ܨܵܘܡܵܐ ܩܲܕܝܼܫܵܐ ܕܐܲܪܒ݁̇ܥܝܼܢ. 161

Photograph of page 161 of Bedjan’s 1903 edition, leaf 0706 — Leaf 0706, from Archive.org.

ܘܠܵܐ ܢܸܬ݂ܩܲܪ̈ܒ݂ܵܢ ܠܲܚܛܘܼܦܝܵܐ: ܘܟ݂ܠܹܗ ܓܘܼܫܡܵܐ ܢܸܬ݂ܩܲܕܲܫ܀؟‏

w-lā nethqarvān la-ḥṭūpyā: w-khlēh gūshmā nethqadash.

ܘܡܵܐ ܕܐܸܨܛܲܠܲܠܘ ܚܘܼܫܵܒܹ̈ܐ: ܘܐܸܬ݁ܕܲܟ݁ܝܼܘ ܐܵܦ ܗܲܕܵܡܹ̈ܐ.

w-mā d-eṣṭalalw ḥūshābē: w-etdakīw āp hadāmē.

ܡܸܬ݂ܩܲܒܲܠ ܨܵܘܡܵܐ ܕܲܕ݂ܝܵܐ: ܕܠܵܐ ܚܠܝܼܛܵܐ ܒܹܗ ܨܘܿܚܝܼܬ݂ܵܐ:

methqabal ṣāwmā da-d-yā: d-lā ḥlīṭā bēh ṣōḥīthā:

ܠܵܐ ܢܨܘܼܡ ܨܵܘܡܹܗ ܕܲܦܪܝܼܫܵܐ: ܕܙܲܕ݂ܸܩ̣ ܢܲܦ̮ܫܹܗ ܒܪܵܡܘܼܬܹܗ.‏

lā nṣūm ṣāwmēh da-prīshā: d-zadheq napshēh b-rāmūtēh.

ܘܡܲܟܸܟ݂ܬܹܗ ܗ̄ܘ̣ܵܬ݂ ܟܹܐܢܘܼܬܵܐ: ܥܲܠ ܕܐܸܬ݁ܬ݁ܪܝܼܡ ܥܲܠ ܚܲܛܵܝܵܐ܀

w-makekhtēh (h)wāth kēnūtā: ʿal d-ettrīm ʿal ḥaṭāyā.

ܠܵܐ ܢܨܘܼܡ ܨܵܘܡܵܐ ܕܙܵܩ̈ܘܿܦܹܐ: ܕܨܵܝܡ̇ܝܼܢ ܚܲܕ݂ ܝܘܿܡ ܡ̣ܢ ܠܲܚܡܵܐ.

lā nṣūm ṣāwmā d-zāqōpē: d-ṣāymīn ḥadh yōm men la-ḥmā.

ܘܡܸܤܬܲܥܪܵܲܢ ܒܗܘܿܢ ܤܲܢ̈ܝܵܬ݂ܵܐ: ܒܟ݂ܠ ܝܵܘܡ̈ܝܼܢ ܐܲܝܟ݂ ܕܲܡܥܵܕܝܼܢ܀

w-mestaʿrān b-hōn sanyāthā: b-kul yāwmīn aykh da-mʿādīn.

ܠܵܐ ܢܨܘܼܡ ܨܵܘܡܐ ܕܨܵܡܲܬ̤ ܗ̄ܘ̣ܵܬ: ܐܝܼܙܒܸܠ ܡܲܠܟܲܬ݂ ܤܲܢ̈ܝܵܬ݂ܵܐ.

lā nṣūm ṣāwm d-ṣāmat (h)wāt: ʾīzbel malkath sanyāthā.

ܕܲܗܘ݀ܵܐ ܨܵܘܡܵܗ̇ ܩܵܛܘܿܠܵܐ: ܠܬܲܡܝܼܡܵܐ ܕܠܵܐ ܐܲܤܟܸ݁ܠ̣ ܒܵܗ̇܀

da-hwā ṣāwmāh qāṭōlā: l-tamīmā d-lā askel bāh.

ܠܵܐ ܢܨܘܼܡ ܨܵܘܡܵܐ ܕܝܘܼܠܦܵܢܹ̈ܐ: ܛܵܥܲܝ̈ܐ ܕܠܵܐ ܗܲܝܡܵܢܘܼ.

lā nṣūm ṣāwmā d-yūlpānē: ṭāʿay d-lā haymānū.

ܕܐܵܟ݂ܠܝܼܢ ܥܲܦܪܵܐ ܐܲܝܟ݂ ܚܸܘܝܵܐ: ܘܲܥܒ݂ܝܼܕ݂ܝܼܢ ܠܹܗ ܬܲܠܡܝܼ̈ܕܹܐ܀

d-ākhlīn ʿaprā aykh ḥewyā: wa-ʿvīdhīn lēh talmīdē.

ܠܵܐ ܢܨܘܼܡ ܨܵܘܡܵܐ ܕܲܦܪ̈ܝܼܫܹܐ: ܕܲܠܬܲܠܡܝܼܕܹܐ ܪܵܫܹܝܢ ܗ̄ܘ̣ܵܘ.‏

lā nṣūm ṣāwmā da-prīshē: da-l-talmīdē rāshēyn (h)wāw.

ܟܲܕ݂ ܨܵܝܡܝܼܢ ܗ̄ܘ̣ܵܘ ܡ̣ܢ ܠܲܚܡܵܐ: ܢܲܟܸܬܼܘ ܒܸܤܪܵܐ ܕܲܢܒ݂ܝܹ̈ܐ܀

kad ṣāymīn (h)wāw men la-ḥmā: naketīw besrā da-nvyē.

ܢܨܘܼܡ ܚܢܲܢ ܐܲܝܟ݂ ܦܵܪ̈ܘܿܫܹܐ: ܨܵܘܡܵܐ ܕܝܵܐܹܵܐ ܠܐܲܠܵܗܵܐ.

nṣūm ḥnan aykh pārōshē: ṣāwmā d-yāā l-alāhā.

ܕܗܵܐ ܐܝܼܬ݂ ܠܲܢ ܛܘܼܦ̮ܤܹ̈ܐ ܩܲܕ̈ܡܹܐ: ܒܗܘܿܢ ܢܸܬ݁ܕܲܡ̈ܝܵܢ ܡܘܼܫܚܵܬܲܢ܀

d-hā ʾīth lan ṭūpsē qadmē: b-hōn netdamyān mūshḥātan.

ܢܨܘܼܡܘܼܢ ܤܵܒܲܝ̈ܢ ܐܲܝܟ݂ ܡܘܼܫܹܐ: ܗܵܘ̇ ܕܐܸܙܕܲܵܗܝܼ ܦܲܪܨܘܿܦܹܗ.‏

nṣūmūn sābayn aykh mūshē: hāw d-ezdahī parṣōpēh.

ܕܫܵܛ̣ ܗ̄ܘ̣ܵܐ ܘܐܲܤ̣ܠܝܼ ܦܘܼܢܵܩܹ̈ܐ: ܘܲܤܠܸܩ̣ ܐܲܚܸܬ݂ ܦܘܼܩܕܵܢܹ̈ܐ܀

d-shāṭ (h)wā w-aslī pūnāqē: wa-sleq aḥeth pūqdānē.

ܗܵܢܵܘ ܤܵܒ݂ܵܐ ܕܐܸܬ݂ܥܲܠܲܡ: ܒܨܵܘܡܵܐ ܡܵܘܩܲܪ ܛܲܠܝܘܼܬܵܐ.

hānāw sāvā d-ethʿalam: b-ṣāwmā māwqar ṭalyūtā.

ܘܲܕ݂ܚܸܠܼܘ ܡܸܢܹܗ ܐܵܤܘܿܛܹ̈ܐ: ܕܲܟ݂ܪܝܼܗܝܼܢ ܒܲܪ̈ܓ݂ܝܼܓܵܬ݂ܵܐ܀

wa-d-ḥelīw menēh āsōṭē: da-khrīhīn ba-rghīgāthā.

ܬܵܘ ܐܸܬ݁ܕܲܡܲܪܘ ܒܲܫܪܵܓ݂ܐ: ܕܲܕ݂ܠܵܐ ܡܸܫܚܵܐ ܢܵܝܵܗܲܪ ܗ̄ܘ̣ܵܐ.

tāw etdamarw ba-shrāgh: da-d-lā meshḥā nāyāhar (h)wā.

ܘܢܵܦ̇ܩܝܼܢ ܡܸܢܹܗ ܙܲܠܝܼܩܹ̈ܐ: ܕܡܲܪܗܒ݂ܝܼܢ ܥܲܝ̈ܢܹܐ ܕܥܲܢܵܬܹ̈ܐ܀

w-nāpqīn menēh zalīqē: d-marhvīn ʿaynē d-ʿanātē.

ܡܹܐܡܪܵܐ .ܝܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 162

Photograph of page 162 of Bedjan’s 1903 edition, leaf 0705 — Leaf 0705, from Archive.org.

ܬܵܘ ܐܸܬ݁ܕܲܡܲܪܘ ܒܐܝܼܠܵܢܵܐ: ܕܲܕ݂ܠܵܐ ܫܸܩܝܵܐ ܐܸܬ݂ܪܲܒ݁ܝܼ.‏

tāw etdamarw b-ʾīlānā: da-d-lā sheqyā ethrabī.

ܘܲܬ݂ܠܸܐ ܒܹܗ ܦܹܐܪܵܐ ܕܢܘܼܗܪܵܐ: ܕܠܵܐ ܡܤܲܝܒ݁ܪ̈ܵܢ ܠܹܗ ܒܵܒ̈ܵܬ݂ܵܐ܀

wa-thle bēh pērā d-nūhrā: d-lā msaybrān lēh bābāthā.

ܒܡܘܼܫܹܐ ܤܵܒܹ̈ܐ ܢܸܬ݁ܕܲܡܘܿܢ: ܘܗܵܐ ܐܝܼܬ݂ ܠܗܘܿܢ ܬܲܚܘܝܼܬ݂ܵܐ.

b-mūshē sābē netdamōn: w-hā ʾīth l-hōn taḥwīthā.

ܘܲܡܥܲܠܡܵܐ ܠܗܘܿܢ ܛܲܝܒ݁ܘܼܬܵܐ: ܒܲܥܕ݂ܸܢ ܒܵܬܲܪ ܢܘܼܚܵܡܵܐ܀

wa-mʿalmā l-hōn ṭaybūtā: ba-ʿdhen bātar nūḥāmā.

ܢܨܘܼܡܘܼܢ ܬܘܼܒ݂ ܝܲܚܝܼܕܵܝܹܐ: ܐܲܝܟ݂ ܨܵܘܡܹܗ ܕܗܵܘ̇ ܛܲܢܵܢܵܐ.

nṣūmūn tūv yaḥīdāyē: aykh ṣāwmēh d-hāw ṭanānā.

ܐܸܠܝܼܵܐ ܓܲܒ݂ܪܵܐ ܓܡܝܼܪܵܐ: ܕܫܲܡ̣ܫܘܼܗܝ ܥܝܼܪܹ̈ܐ ܥܸܠܵܝܹ̈ܐ܀

elī gavrā gmīrā: d-shamshūhī ʿīrē ʿelāyē.

ܨܵܡ ܐܵܦ ܗ݀ܘ ܐܲܪܒ݁̇ܥܝܼܢ ܝܵܘܡ̈ܝܼܢ: ܐܲܝܟ݂ ܡܘܼܫܹܐ ܬܵܘܪܵܐ ܠܲܐܝܵܐ.

ṣām āp hāw arbʿīn yāwmīn: aykh mūshē tāwrā la-ʾyā.

ܕܲܠ݂ܐܝܼ ܘܲܦܠܲܚ̣ ܒܐܸܫܟܵܪܵܐ: ܕܡܸܪܕܲܬ݀ ܥܲܠ ܟܠ ܐܲܟܵܪ̈ܝܼܢ܀

da-l-ʾī wa-plaḥ b-eshkārā: d-merdat ʿal kul akārīn.

ܠܵܐ ܕܹܝܢ ܛܲܠܼܡܹܗ ܗ̄ܘ̣ܵܐ ܡܵܪܹܗ: ܕܲܠܘܵܬܹܗ ܫܲܕܲܪ ܕܲܒ݂ܪܹܗ.‏

lā dēyn ṭalīmēh (h)wā mārēh: da-l-wātēh shadar da-b-rēh.

ܕܢܸܓ݂ܗܸܐ ܗ̄ܘ̣ܵܐ ܗܵܘ̇ ܡܲܟ݁ܝܼܟ݂ܵܐ: ܡ̣ܢ ܥܲܝܛܗ ܕܥܲܡܵܐ ܦܲܩܪܵܐ܀

d-neghhe (h)wā hāw makīkhā: men ʿayṭh d-ʿamā paqrā.

ܗܵܐ ܕܡܘܼܬܵܐ ܠܤܵܒܹ̈ܐ ܡܘܼܫܹܐ: ܘܠܝܼܚܝܼܕܵܝܹ̈ܐ ܐܸܠܝܼܵܐ.‏

hā d-mūtā l-sābē mūshē: w-l-īḥīdāyē elī.

ܘܲܠܫܲܒ݂ܪܹ̈ܐ ܬܘܼܒ݂ ܐܝܼܬ݂ ܠܗܘܿܢ: ܬܲܚܘܝܼܬܵܐ ܕܒܹܝܬ݂ ܚܲܢܲܢܝܵܐ܀

wa-l-shavrē tūv ʾīth l-hōn: taḥwītā d-bēyth ḥananyā.

ܨܵܡ̣ܘ ܗ̄ܘ̣ܵܘ ܓܹܝܪ ܡ̣ܢ ܬܘܼܩܵܢܹ̈ܐ: ܘܐܲܤܠܼܝܼܘ ܬܘܼܒ݂ ܐܵܦ ܦܘܼܢܵܩܹ̈ܐ.

ṣāmw (h)wāw gēyr men tūqānē: w-aslīīw tūv āp pūnāqē.

ܘܐܸܟܲܠܼܘ ܛܠܵܝܹ̈ܐ ܙܲܪ̈ܥܘܿܢܹܐ: ܠܸܩܛܵܐ ܕܥܵܘܦܵܐ ܕܲܫܡܲܝܵܐ܀

w-ekalīw ṭlāyē zarʿōnē: leqṭā d-ʿāwpā da-shmayā.

ܦܪܲܚܼܘ ܢܸܫܪܹ̈ܐ ܡ̣ܢ ܒܹܝܬ݂ ܦܲܚܹ̈ܐ: ܘܲܡܬܲܚܘ ܐܸܒ݂ܪܹ̈ܐ ܠܲܫܡܲܝܵܐ.‏

praḥīw neshrē men bēyth paḥē: wa-mtaḥw evrē la-shmayā.

ܘܲܒ݂ܛܸܠܵܠܵܐ ܕܓܸܦܲܝ̈ܗܘܿܢ: ܤܲܬܲܪܘ ܥܲܡܵܐ ܒܓܵܘ ܒܵܒܹܠ܀

wa-b-ṭelālā d-gepayhōn: satarw ʿamā b-gāw bābēl.

ܟܲܕ݂ ܐܝܼܬ݂ ܗ̄ܘ̣ܵܐ ܡܲܠܟܵܐ ܒܥܲܡܵܐ: ܐܸܬ݂ܝܲܩܲܪܘ ܡܸܛܠ ܡܲܠܟܵܐ.

kad ʾīth (h)wā malkā b-ʿamā: ethyaqarw meṭul malkā.

ܝܵܘܡܵܢܵܐ ܕܹܝܢ ܗܵܐ ܡܲܤܠܹܝܢ: ܕܫܸܒ݂ܩܲܬ݀ ܐܸܢܘܿܢ ܡܲܠܟ݁ܘܼܬܵܐ܀

yāwmānā dēyn hā maslēyn: d-shevqat enōn malkūtā.

ܒܙܵܘܚܵܐ ܢܦܲܩܼܘ ܗ̄ܘ̣ܵܘ ܡ̣ܢ ܡܸܨܪܹܝܢ: ܕܥܲܡܗܘܿܢ ܗ̄ܘ̣ܵܐ

b-zāwḥā npaqīw (h)wāw men meṣrēyn: d-ʿamhōn (h)wā

ܛܘܼܦ̮ܣܹܗ ܕܲܒ݂ܪܵܐ.

ṭūpsēh da-b-rā.

ܘܒ݂ܐܝܼܩܵܪܵܐ ܤܠܸܩܼܘ ܡ̣ܢ ܒܵܒܹܠ: ܕܐܝܼܬ݂ ܗ̄ܘ̣ܵܐ ܒܗܘܿܢ ܐܵܦ ܦܸܠܵܐ̄ܬ݂ܵܐ܀

w-b-ʾīqārā sleqīw men bābēl: d-ʾīth (h)wā b-hōn āp pelāthā.

ܕܥܲܠ ܨܵܘܡܐ ܩܲܕܝܼܫܵܐ ܕܐܲܪܒ݁ܥܝܼܢ. 163

Photograph of page 163 of Bedjan’s 1903 edition, leaf 0704 — Leaf 0704, from Archive.org.

ܝܵܘܡܵܢܵܐ ܕܹܝܢ ܗܵܐ ܫܝܼܛܝܼܢ: ܕܐܸܬܵܐ ܠܹܗ ܫܪܵܪܵܐ ܘܐ̄ܪܵܙ̈ܵܘܗܝ.

yāwmānā dēyn hā shīṭīn: d-etā lēh shrārā w-rāzāwhī.

ܐܵܦ ܩܘܼܫܬܵܐ ܥܲܡ ܦܸܠܵܐܬܹ̈ܗ: (ܘܥܲܠ̣ ܐܸܬ݁ܬ݁ܢܝܼܚ ܒܲܝܢܵܬ݂ ܥܲܡܡ̈ܐ܀

āp qūshtā ʿam pelātēh: w-ʿal ettnīḥ ba-ynāth ʿamm.

ܗܘܵܐ ܨܵܝܡܝܼܢ ܟܲܕ݂ ܡܲܤܠܹܝܢ ܐ̄ܢܘܿܢ: ܨܵܘܡܲܝ̈ܗܘܿܢ ܒܲܢܒ݂ܝܲܝܗܘܿܢ.‏

hwā ṣāymīn kad maslēyn nōn: ṣāwmayhōn ba-nvyayhōn.

ܢܸܦܩܘܼܢ ܢܸܩܪܘܿܢ ܒܐܹܫܲܥܝܵܐ: ܕܐܲܤܠܝܼ ܗ̄ܘ̣ܵܐ ܥܲܕ݂ܥܹܕܲܝ̈ܗܘܿܢ܀

nepqūn neqrōn b-ēshaʿyā: d-aslī (h)wā ʿadhʿēdayhōn.

ܪܹܫ ܝܲܪ̈ܚܲܝܗܘܿܢ ܠܲܡ ܐܲܤܵܠܝܼܬ݂: ܘܲܤܢܵܬ݀ ܢܲܦ̮ܫܝ ܥܲܕ݂ܥܹܕܲܝ̈ܗܘܿܢ.

rēsh yarḥayhōn lam asālīth: wa-snāt napshī ʿadhʿēdayhōn.

ܟܲܕܘܼ ܠܝܼ ܠܵܐ ܒܵܥܹܐ ܐ̄ܢܵܐ: ܨܵܘܡܵܐ ܕܲܡܠܸܐ ܚܸܪܝܵܢܵܐ܀

kadū lī lā bāʿē nā: ṣāwmā da-mle ḥeryānā.

ܗܵܐ ܠܚܸܪ̈ܝܵܢܹܐ ܐܵܡܲܪ ܗ̄ܘ̣ܵܐ: ܨܵܝ̇ܡܝܼܢ ܐܢ̄ܬ݁ܘܿܢ ܘܲܠܡܲܨܘܼܬܵܐ.‏

hā l-ḥeryānē āmar (h)wā: ṣāymīn ʾ(n)tōn wa-l-maṣūtā.

ܘܒܲܩܛܝܼܪܵܐ ܕܥܵܘܼܠܵܐ ܠܡܸܡܚܵܐ: ܠܡܸܤܟܹ݁ܢܹ̈ܐ ܘܲܠܐܲܪ̈ܡܠܵܬ݂ܵܐ܀

w-ba-qṭīrā d-ʿāūlā l-memḥā: l-meskēnē wa-l-armlāthā.

ܫܡܲܥܘ ܘܐܸܤܬܲܪܲܕ݂ܘ ܬܲܠܡܝܼܕܹܐ: ܡܵܢܵܐ ܥܵܒܲܕܝܼܢ ܡܲܪܵܚܹܐ.

shmaʿw w-estaradhw talmīdē: mānā ʿābadīn marāḥē.

ܘܠܵܐ ܬܨܘܼܡܘܼܢ ܨܵܘܡܵܐ ܕܲܡܠܸܐ: ܚܛܘܼܦܝܵܐ ܘܒܸܙܬܵܐ ܕܡܸܤܟܹ݁ܢܹ̈ܐ܀

w-lā tṣūmūn ṣāwmā da-mle: ḥṭūpyā w-beztā d-meskēnē.

ܠܘܵܬ݂ܟ݂ܘܿܢ ܥܲܬ݁ܝܼܪܹ̈ܐ ܡܸܠܬ݂ܵܐ: ܡܸܬ݂ܐܲܡܪܵܐ ܠܲܡܙܲܗܵܪܘܼ.‏

l-wāthkhōn ʿatīrē melthā: methamrā la-mzahārū.

ܕܠܵܐ ܬܨܘܼܡܘܼܢ ܐܲܝܟ݂ ܬܲܠܡܝܼܕܹܐ: ܘܬܸܬ݂ܝܲܥܢܘܼܢ ܐܲܝܟ݂ ܚܵܛ̈ܘܿܦܹܐ܀

d-lā tṣūmūn aykh talmīdē: w-tethyaʿnūn aykh ḥāṭōpē.

ܠܵܐ ܬܲܪܓܙܘܼܢܵܝܗܝ ܠܐܲܠܵܗܵܐ: ܟܲܕ݂ ܒܵܥܹܝܬ݁ܘܿܢ ܕܲܬ݂ܪܲܥܘܿܢ.‏

lā targzūnāyhī l-alāhā: kad bāʿēytōn da-thraʿōn.

ܕܐܸܢܗ݀ܘ ܕܨܵܡ̣ܬ݁ܘܿܢ ܘܲܚܛܲܦ݂ܬ݁ܘܿܢ: ܡܸܬ݂ܚܲܡܬ݂ܵܐ ܠܵܗ̇ ܟܹܐܢܘܼܬܵܐ܀

d-enhw d-ṣāmtōn wa-ḥṭaftōn: methḥamthā lāh kēnūtā.

ܚܙܵܘ ܕܲܒ݂ܨܵܘܡܵܐ ܬܲܪܥܘܼܬܵܐ: ܗܵܘ̇ܝܵܐ ܒܹܗ ܠܡܸܫܒܲܩ ܚܵܘ̈ܒܹܐ.

ḥzāw da-b-ṣāwmā tarʿūtā: hāwyā bēh l-meshbaq ḥāwbē.

ܠܵܐ ܬܟܲܢܫܘܼܢ ܒܹܗ ܚܘܼܤܪ̈ܵܢܹܐ: ܒܨܵܘܡܵܐ ܕܲܡܠܸܐ ܝܘܼܬ݂ܪ̈ܵܢܹܐ܀

lā tkanshūn bēh ḥūsrānē: b-ṣāwmā da-mle yūthrānē.

ܐܸܢ ܓܹܝܪ ܨܵܡ̣ܬ݁ܘܿܢ ܡ̣ܢ ܠܲܚܡܵܐ: ܘܐܸܟܲܠܼܬ݁ܘܿܢ ܒܸܤܪܵܐ ܕܝܲܬ݂ܡ̈ܐ.

en gēyr ṣāmtōn men la-ḥmā: w-ekalītōn besrā d-yathm.

ܗܘ݀ܵܐ ܠܹܗ ܨܵܘܡܵܐ ܕܒܹܝܬ݂ ܐ̄ܚܵܒ݂: ܕܪܲܓ݂ܡ̣ܘܼܗܝ ܗ̄ܘ̣ܵܘ ܒܹܗ ܠܙܲܕܝܼܩܵܐ܀

hwā lēh ṣāwmā d-bēyth ḥāv: d-raghmūhī (h)wāw bēh l-zadīqā.

ܒܸܤܪܹܗ ܕܝܲܬ݂ܡܵܐ ܝܘܼܬ݂ܪܵܢܹܗ: ܘܐܵܦ ܦܲܓ݂ܪܹܗ ܒܲܝܬܵܐ ܕܲܩܢܸܐ.

besrēh d-yathmā yūthrānēh: w-āp paghrēh ba-ytā da-qne.

ܠܵܐ ܬܸܚܛܘܿܦ ܒܲܝܬܹܗ ܡܸܢܹܗ: ܠܵܐ ܬܹܐܟ݂ܘܿܠ ܒܸܤܪܹܗ ܡܸܢܹܗ܀

lā teḥṭōp ba-ytēh menēh: lā tēkhōl besrēh menēh.

ܗܵܐ ܚܲܩ̈ܠܵܬܹܗ ܐܲܝܟ݂ ܪܸܓ݂ܠܵܘܗܝ: ܐܵܦ ܟܲܪ̈ܡܵܘܗܝ ܒܲܕ݂ܡܘܼܬ݂ ܐܝܼܕܵܘ̈ܗܝ.

hā ḥaqlātēh aykh reghlāwhī: āp karmāwhī ba-d-mūth ʾīdāwhī.

ܐܬܬܢܝܼ

ʾttnī

ܡܹܐܡܪܵܐ .ܝܘ. ܕܡ̇ܪܝ ܐܝܼܤܚܵܩ ܕܐܲܢܛܝܘܿܟ݂ 164

Photograph of page 164 of Bedjan’s 1903 edition, leaf 0703 — Leaf 0703, from Archive.org.

ܠܵܐ ܬܸܒ݁ܘܿܙ ܟܲܪ̈ܡܵܘܗܝ ܡܸܢܹܗ: ܐܸܬ݁ܕܲܟ݂ܪ ܠܐ̄ܚܵܒ݂ ܘܐܸܤܬܲܪܲܕ݂܀

lā tebōz karmāwhī menēh: etdakhr l-ḥāv w-estaradh.

ܘܡܵܢܵܘ ܦܲܓ݂ܪܵܗ̇ ܕܐܲܪܡܲܠܬܵܐ: ܐܸܠܵܐ ܡܲܪܛܘܼܛܵܐ ܕܩܲܢܝܵܐ.

w-mānāw paghrāh d-armaltā: elā marṭūṭā d-qanyā.

ܠܵܐ ܬܲܫܠ̱ܚܝܼܗ̇ ܡܲܪܛܘܼܛܵܗ̇: ܠܵܐ ܬܸܫܘܿܛ ܡܸܫܟܵܗ̇ ܡܸܢܵܗ̇܀

lā tashlḥīh marṭūṭāh: lā teshōṭ meshkāh menāh.

ܫܸܠܚܵܐ ܕܢܸܩܝܵܟ݂ ܬܵܒܲܥ̇ ܐܲܢ̄ܬ݁: ܡ̣ܢ ܪܵܥܝܵܐ ܐܸܢ ܛܵܥܹ̇ܐ ܠܵܟ݂.‏

shelḥā d-neqyākh tābaʿ a(n)t: men rāʿyā en ṭāʿē lākh.

ܟܡܵܐ ܢܸܬ݂ܒܲܥ ܐܵܦ ܐܲܠܵܗܵܐ: ܠܗܵܘ̇ ܡܲܪܛܘܼܛܵܗ̇ ܕܐܲܪܡܲܠܬܵܐ܀

kmā nethbaʿ āp alāhā: l-hāw marṭūṭāh d-armaltā.

ܐܲܝܟ݂ ܪ̈ܵܥܵܘܵܬ݂ܵܐ ܥܒܲܕ݂ܟ݂ܘܿܢ: ܐܲܠܵܗܵܐ ܠܥܵܢܵܐ ܕܝܲܬ݂ܡܹ̈ܐ.

aykh rāʿāwāthā ʿbadhkhōn: alāhā l-ʿānā d-yathmē.

ܠܵܐ ܬܸܗܘܘܿܢ ܒܲܕ݂ܡܘܼܬ݂ ܕܹܐܒܹ̈ܐ: ܕܪܵܗ̇ܛܝܼܢ ܟܠܫܵܥ ܠܲܚܒ݂ܵܠܵܐ܀

lā tehwōn ba-d-mūth dēbē: d-rāhṭīn klshāʿ la-ḥvālā.

ܠܥܵܢ̈ܵܐ ܕܥܹܕܬܹܗ ܬܵܒܲܥ̇ ܠܵܗ̇: ܡ̣ܢ ܟܵܗܢܹ̈ܐ ܘܡ̣ܢ ܫܲܡܵܫܵܘ̈ܗܝ.

l-ʿānā d-ʿēdtēh tābaʿ lāh: men kāhnē w-men shamāshāwhī.

ܘܲܠܥܵܢܵܐ ܬܘܼܒ݂ ܕܡܸܤܟܹ݁ܢܹ̈ܐ: ܬܵܒܲܥ ܒܐܝܼܕܵܐ ܕܥܲܬ݁ܝܼܪܹ̈ܐ܀

wa-l-ʿānā tūv d-meskēnē: tābaʿ b-ʾīdā d-ʿatīrē.

ܡܵܐ ܕܐܵܬܹ̇ܐ ܓܹܝܪ ܥܵܒ̇ܲܕ݂ ܗ̄ܘ: ܚܘܼܫܒܵܢܵܐ ܥܲܡ ܥܲܠܠܵܢܵܘ̈ܗܝ.

mā d-ātē gēyr ʿābadh hāw: ḥūshbānā ʿam ʿallānāwhī.

ܕܐܲܝܟܲܢ ܕܲܒܲܪܘ ܡܲܪܥܝܼܬ݂ܵܐ: ܕܒܲܕ݂ܡܵܐ ܚܲܝܵܐ ܐܸܙܕܲܒ݂ܢܲܬ݀܀

d-aykan da-barw marʿīthā: d-ba-d-mā ḥayā ezdavnat.

ܘܡܵܐ ܕܲܕ݂ܢܲܚ ܬܘܼܒ݂ ܥܵܒܹܕ݂ ܗ̄ܘ̣: ܚܘܼܫܒܵܢܵܐ ܥܲܡ ܕܲܝܵܢܹ̈ܐ.‏

w-mā da-d-naḥ tūv ʿābēdh hāw: ḥūshbānā ʿam da-yānē.

ܕܐܲܝܟܲܢ ܕܲܒܲܪܘ ܠܲܒ݂ܪܝܼܬܵܐ: ܕܲܒ݂ܛܲܝܒ݁ܘܼܬܹܗ ܐܸܬ݂ܒܲܪܝܲܬ݀܀

d-aykan da-barw la-b-rītā: da-b-ṭaybūtēh ethbaryat.

ܐܸܬ݁ܕܲܟܲܪܘ ܗܵܟܹܝܠ ܥܲܬ݁ܝܼܪܹ̈ܐ: ܕܐܵܬܲܐ ܬܵܒܲܥ̇ ܠܲܛܠܝ̈ܡܹܐ.

etdakarw hākēyl ʿatīrē: d-āta tābaʿ la-ṭlymē.

ܘܲܥܕܲܡܵܐ ܠܚܲܕ݂ ܫܵܡܘܿܢܵܐ: ܚܘܼܫܒܵܢܵܐ ܩܕܵܡܵܘܗܝ ܗܵܘܹ̇ܐ܀

wa-ʿdamā l-ḥadh shāmōnā: ḥūshbānā qdāmāwhī hāwē.

ܐܲܝܟܲܢܵܐ ܓܹܝܪ ܕܐܝܼܬ݂ ܠܟ݂ܘܿܢ: ܫܲܠܝ̈ܛܹܐ ܥܲܠ ܩܸܢܝܵܢܹ̈ܐ.‏

aykanā gēyr d-ʾīth l-khōn: shalyṭē ʿal qenyānē.

ܗܵܟܲܢܵܐ ܬܘܼܒ݂ ܐܵܦ ܐܲܢ̄ܬ݁ܘܿܢ: ܫܲܠܝ̈ܛܹܐ ܐܢ̄ܬ݁ܘܿܢ ܕܲܤܢܝܼܩܹܐ܀

hākanā tūv āp a(n)tōn: shalyṭē ʾ(n)tōn da-snīqē.

ܘܐܲܝܟܲܢܵܐ ܬܘܼܒ݂ ܕܐܝܼܬ݂ ܠܟ݂ܘܿܢ: ܥܲܒ݂ܕܹܐ ܘܐܲܢ̄ܬ݁ܘܿܢ ܡܪ̈ܲܝܵܐ.‏

w-aykanā tūv d-ʾīth l-khōn: ʿavdē w-a(n)tōn mrayā.

ܗܵܟܲܢܵܐ ܥܲܒ̈ܕܹܐ ܐܲܢ̄ܬ݁ܘܿܢ: ܕܗܵܘ̇ ܡܵܪܵܐ ܕܡܵܪܵܘܵܬ݂ܵܐ:

hākanā ʿabdē a(n)tōn: d-hāw mārā d-mārāwāthā:

ܘܐܲܝܟ݂ ܚܘܼܫܒܵܢܵܟ݂ ܥܵܒܹܕ݂ ܐܲܢ̄ܬ݁: ܘܐܲܝܟ݂ ܬܲܒ݂̈ܥܵܬ݂ܵܟ݂ ܡܸܬ݁ܬ݁ܒܲܥ ܐܲܢ̄ܬ݁.

w-aykh ḥūshbānākh ʿābēdh a(n)t: w-aykh tavʿāthākh mettbaʿ a(n)t.

ܕܥܲܡ ܫܲܠܝܼܛܵܟ݂ ܚܵܫܹ̇ܒ݂ ܐܲܢ̄ܬ: ܟܲܕ݂ ܠܵܐ ܛܵܥܹܝܬ݁ ܚ̣ܘܼܫܒܵܢܵܟ݂܀

d-ʿam shalīṭākh ḥāshēv a(n)t: kad lā ṭāʿēyt ḥūshbānākh.

ܕܥܲܠ ܨܵܘܡܵܐ ܩܲܕܝܼܫܵܐ ܕܐܲܪܒ݁ܥܝܼܢ. 165

Photograph of page 165 of Bedjan’s 1903 edition, leaf 0702 — Leaf 0702, from Archive.org.

ܕܡܵܐ ܝܲܬ݁ܝܼܪ ܗܵܘ̇ ܝܵܕ݂ܘܿܥܵܐ: ܕܲܕ݂ܠܵܐ ܤܸܦܪܵܐ ܝܵܕܲܥ̇ ܗ̄ܘ.‏

d-mā yatīr hāw yādhōʿā: da-d-lā seprā yādaʿ hāw.

ܕܪܸܡܙܵܐ ܕܥܲܝ̈ܢܲܝܟ݂ ܢܸܬ݂ܒܥܵܟ݂܀

d-remzā d-ʿaynaykh nethbʿākh.

ܐܸܢ ܚܵܛܲܦ ܠܵܟ݂ ܫܲܠܝܼܛܵܟ݂: ܘܲܡܫܲܢܸܩ ܠܲܟ̈ܢܵܘܵܬܹܗ.‏

en ḥāṭap lākh shalīṭākh: wa-mshaneq la-knāwātēh.

ܐܵܦ ܟܹܐܢܵܐܝܼܬ݂ ܡܸܬܚܲܝܲܒ݂: ܒܐܲܝܠܹܝܢ ܕܸܓ݂ܙܲܪ ܠܸܫܵܢܹܗ܀

āp kēnāīth metḥayav: b-aylēyn deghzar leshānēh.

ܐܵܦ ܐܲܢ̄ܬ݁ ܓܹܝܪ ܐܸܢ ܚܵܛ̇ܲܐ ܐܲܢ̄ܬ: ܥܲܠ ܡܵܪܵܟ݂ ܘܥܲܠ ܡܸܤܪܹ̇ܢܹ̈ܐ.‏

āp a(n)t gēyr en ḥāṭa a(n)t: ʿal mārākh w-ʿal mesrēnē.

ܒܕܝܼܢܵܐ ܟܹܐܢܵܐ ܡܚܲܝܸܒ݂ ܠܵܟ݂: ܥܲܠ ܕܲܚܛܲܦ݂ܬ݁ ܠܲܟ݂ܲܢܵܘܵܬ݂ܵܟ݂܀

b-d-īnā kēnā mḥayev lākh: ʿal da-ḥṭaft la-khanāwāthākh.

ܐܵܘ ܕܲܠܡܵܐ ܒܲܚܬ݂ܝܼܪܘܼܬܵܟ݂: ܠܵܐ ܝܵܕ݂ܥܲܬ݁ ܕܐܝܼܬ݂ ܠܵܟ݂ ܡܪܵܐ.‏

āw da-l-mā ba-ḥthīrūtākh: lā yādhʿat d-ʾīth lākh mrā.

ܚܘܼܪ ܒܲܫܡܲܝܵܐ ܘܐܸܬ݂ܒܲܠܗܵܐ: ܕܡܵܪܵܟ݂ ܟܲܤܝܵܐ ܥܵܡܲܪ ܒܵܗ̇܀

ḥūr ba-shmayā w-ethbalhā: d-mārākh kasyā ʿāmar bāh.

ܡܪܵܟ݂ ܗ̄ܘ̣ ܘܲܕܡܸܤܟܹܢܹ̈ܐ: ܘܲܟܲܢܵܘܵܬܵܐ ܐܝܼܬܲܝܟ݁ܘܿܢ.‏

mrākh hāw wa-d-meskēnē: wa-kanāwātā ʾītaykōn.

ܘܝܵܗ̇ܒ݂ ܠܵܟ݂ ܗ݀ܘ ܐܲܝܟ݂ ܛܵܒ݂ܵܐ: ܘܲܠܗܘܿܢ ܐܲܙܥܲܪ ܐܲܝܟ݂ ܕܲܨܒ݂ܵܐ܀

w-yāhv lākh hāw aykh ṭāvā: wa-l-hōn azʿar aykh da-ṣvā.

ܘܗܵܐ ܒܵܚܲܪ ܠܲܬ݂ܪܹܝܢ ܓܲܒ݁ܝ̈ܢ: ܒܲܬ݂ܪܹܝܢ ܟܘܼܪ̈ܝܲܢ ܫܲܘܝܵܐܝܼܬ݂.‏

w-hā bāḥar la-thrēyn gabyn: ba-thrēyn kūryan shawyāīth.

ܕܚܲܕ݂ ܚܲܕ݂ ܡܸܢܗܘܿܢ ܗ݀ܘ ܢܵܘܕܲܥ: ܕܐܸܢ ܙܹܐܦܵܐ ܗ̄ܘ̣ ܘܐܸܢ ܫܲܪܝܼܪܵܐ ܗ̄ܘ̣܀

d-ḥadh ḥadh menhōn hāw nāwdaʿ: d-en zēpā hāw w-en sharīrā hāw.

ܐܲܢܗ݀ܘ ܕܤܲܝܒܲܪ ܡܸܤܟܹ݁ܢܵܐ: ܘܠܵܐ ܓܲܕܲܦ݂ ܒܲܤܢܝܼܩܘܼܬܹܗ.‏

anhw d-saybar meskēnā: w-lā gadaf ba-snīqūtēh.

ܢܦܲܩ̣ ܐܲܝܟ݂ ܕܲܗܒ݂ܵܐ ܡ̣ܢ ܟܘܼܪܵܐ: ܘܐܸܙܲܠ̣ ܠܓܲܙܵܐ ܕܡܲܠܟ݁ܘܼܬܵܐ܀

npaq aykh da-hvā men kūrā: w-ezal l-gazā d-malkūtā.

ܐܲܢ ܕܹܝܢ ܪܲܛܸܢ ܪܸܥܝܵܢܹܗ: ܘܓܲܕܸܦ݂ ܘܲܢ̣ܨܵܐ ܠܸܫܵܢܹܗ.‏

en dēyn raṭen reʿyānēh: w-gadef wa-nṣā leshānēh.

ܬܢܵܢ ܗܵܐ ܡܩܲܕܹܐ ܛܘܼܪ̈ܵܦܵܘܗܝ: ܘܬܲܡܵܢ ܡܸܫܟܲܚ ܐܘܼܠܨܵܢܵܘ̈ܗܝ܀

tnān hā mqadē ṭūrāpāwhī: w-tamān meshkaḥ ʾūlṣānāwhī.

ܐܵܦ ܠܵܟ݂ ܬܘܼܒ݂ ܐܲܝܟ݂ ܕܲܒ݂ܟ݂ܘܼܪܵܐ: ܗܵܐ ܒܩܸܢܝܵܢܹ̈ܐ ܒܵܚܲܪ ܠܵܟ݂.

āp lākh tūv aykh da-b-khūrā: hā b-qenyānē bāḥar lākh.

ܐܵܘ ܬܸܗܘܸܐ ܕܲܗܒ݂ܵܐ ܛܵܒ݂ܵܐ: ܐܵܘ ܬܸܗܘܸܐ ܙܐܦܵܐ ܒܝܼܫܵܐ܀

āw tehwe da-hvā ṭāvā: āw tehwe zpā b-īshā.

ܕܢ ܐܸܬ݂ܚܲܬܲܪ ܪܸܥܝܵܢܵܟ݂: ܘܲܚܛܲܦ݂ܬ݁ ܬܘܼܒ݂ ܠܲܟ̈ܲܢܵܘܵܬ݂ܵܟ݂.‏

dn ethḥatar reʿyānākh: wa-ḥṭaft tūv la-kanāwāthākh.

ܗܵܐ ܥܲܡ ܐܵܚܵܒ݂ ܐܸܬ݂ܦܲܚܲܡ̣ܬ݁: ܘܥܲܡܹܗ ܐܝܼܬ݂ܵܘܗܝ ܚܘܼܝܵܒ݂ܵܟ݂܀

hā ʿam āḥāv ethpaḥamt: w-ʿamēh ʾīthāwhī ḥūyāvākh.

ܠ

l

ܡܹܐܡܪܵܐ .ܝܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 166

Photograph of page 166 of Bedjan’s 1903 edition, leaf 0701 — Leaf 0701, from Archive.org.

ܐܸܢ ܕܹܝܢ ܐܵܘܕܝܼܬ݁ ܠܐܲܠܵܗܵܐ: ܘܐܸܬ݂ܪܲܚܲܡ̣ܬ݁ ܥܲܠ ܡܸܤܟܹ݁ܢܹ̈ܐ.‏

en dēyn āwdīt l-alāhā: w-ethraḥamt ʿal meskēnē.

ܗܵܐ ܠܐܲܒ݂ܪܵܗܵܡ ܐܸܬ݁ܕܲܡܝܼܬ݁: ܘܥܲܡܗ ܐܝܼܬܵܘܗܝ ܟܘܼܠܵܠܵܟ݂܀

hā l-avrāhām etdamīt: w-ʿamh ʾītāwhī kūlālākh.

ܐܸܢ ܕܵܡܹ̇ܝܬ݁ ܠܹܗ ܒܲܥܒ݂ܵܕܹ̈ܵܐ: ܫܲܦܝܼܪ ܨܵܘܡܵܐ ܢܵܛܲܪ ܐܲܢ̄ܬ݁.

en dāmēyt lēh ba-ʿvādā: shapīr ṣāwmā nāṭar a(n)t.

ܘܐܸܢܗ݀ܘ ܕܒ݂ܵܐܵܙܲܬ݁ ܠܲܐ̄ܚܪ̈ܵܢܹܐ: ܐܵܦܠܵܐ ܨܵܘܡܵܐ ܒܵܥܹ̇ܐ ܠܵܟ݂܀

w-enhw d-vāāzat la-ḥrānē: āplā ṣāwmā bāʿē lākh.

ܡܵܢ ܓܹܝܪ ܢܹܐܬܲܪ ܐܲܠܵܗܵܐ: ܒܨܵܘܡܵܐ ܕܠܲܚܡܵܟ݂ ܘܲܕܫܸܩܝܵܟ݂.‏

men gēyr nētar alāhā: b-ṣāwmā d-la-ḥmākh wa-d-sheqyākh.

ܕܗܵܐ ܠܡܸܤܟ݂ܢܹ̈ܐ ܐܵܟܹ̇ܠ ܐܲܢ̄ܬ݁: ܘܲܕ݂ܡܵܐ ܕܝܲܬ݂ܡ̈ܐ ܫܵܬ̇ܲܐ ܐܲܢ̄ܬ݁܀

d-hā l-meskhnē ākēl a(n)t: wa-d-mā d-yathm shāta a(n)t.

ܐܲܢ ܨܵܒܹܝܬ݁ ܕܬܸܗܘܸܐ ܩܲܕ݂ܡܵܐ: ܬܵܐ ܐܲܠܦܵܟ݂ ܨܵܘܡܵܐ ܕܲܟ݂ܝܵܐ.

en ṣābēyt d-tehwe qadhmā: tā alpākh ṣāwmā da-khyā.

ܕܲܢܨܘܼܡ ܦܘܼܡܵܟ݂ ܡ̣ܢ ܠܲܚܡܵܐ: ܘܪܸܥܝܵܢܵܟ݂ ܡ̣ܢ ܒܝܼܫܵܬ݂ܵܐ܀

da-nṣūm pūmākh men la-ḥmā: w-reʿyānākh men b-īshāthā.

ܕܐܲܝܟ݂ ܕܲܢܙܝܼܪ ܐܲܢ̄ܬ݁ ܓܲܠܝܵܐܝܼܬ݂: ܡ̣ܢ ܡܹܐܟ̈ܠܵܬ݂ܵܐ ܕܡܸܬ݂ܚܲܙ̈ܝܵܢ.‏

d-aykh da-nzīr a(n)t galyāīth: men mēklāthā d-methḥazyān.

ܗܵܟܲܢܵܐ ܡ̣ܢ ܤܲܢ̈ܝܵܬ݂ܵܐ: ܬܸܗܘܸܐ ܪܲܚܝܼܩ ܐܵܦ ܡܲܒ݂ܥܲܕ݂܀

hākanā men sanyāthā: tehwe raḥīq āp mavʿadh.

ܕܟܲܕ݂ ܨܵܐ̇ܡ ܐܲܢ̄ܬ݁ ܡ̣ܢ ܠܲܚܡܵܐ: ܬܸܗܘܸܐ ܡܢܲܟ݂ܪܲܝ ܡ̣ܢ ܥܵܘܼܠܵܐ.

d-kad ṣām a(n)t men la-ḥmā: tehwe mnakhraī men ʿāūlā.

ܕܨܵܘܡܵܟ݂ ܕܲܟ݂ܝܵܐ ܢܸܬ݂ܩܲܒܲܠ: ܩܕ݂ܵܡ ܡܵܪܵܟ݂ ܘܝܵܗܹ̇ܒ݂ ܐܲܓ݂ܪܵܟ݂܀

d-ṣāwmākh da-khyā nethqabal: qdhām mārākh w-yāhēv aghrākh.

ܐܸܲܢ ܕܹܝܢ ܒܵܬܲܪ ܩܲܕ݂ܡܹ̈ܐ ܐܲܢ̄ܬ݁: ܬܵܐ ܐܲܠܦܵܟ݂ ܨܵܘܡܵܐ ܕܲܬ݂ܪܹܝܢ.

en dēyn bātar qadhmē a(n)t: tā alpākh ṣāwmā da-thrēyn.

ܕܟܲܕ݂ ܠܵܥܹܣ ܐܲܢ̄ܬ݁ ܨܵܐ̇ܡ ܐܲܢ̄ܬ݁: ܘܟܲܕ݂ ܫܵܬܹ̇ܐ ܐܲܢ̄ܬ݁ ܢܵܛܲܪ ܐܲܢ̄ܬ݁܀

d-kad lāʿēs a(n)t ṣām a(n)t: w-kad shātē a(n)t nāṭar a(n)t.

ܡܠܝܼ ܦܵܬ݂ܘܿܪܵܟ݂ ܬܘܼܩܵܢܹ̈ܐ: ܐܵܦ ܠܸܫܵܢܵܟ݂ ܩܘܼܠܵܤܹ̈ܐ.

mlī pāthōrākh tūqānē: āp leshānākh qūlāsē.

ܕܟܲܕ݂ ܐܵܟܹ̇ܠ ܦܘܼܡܵܐ ܢܵܘܕܲܐ: ܠܛܵܒ݂ܵܐ ܕܐܲܡܝܼܢ ܙܵܐ̇ܢ ܠܵܟ݂܀

d-kad ākēl pūmā nāwda: l-ṭāvā d-amīn zān lākh.

ܠܵܐ ܡܨܝܬ ܕܲܬ݂ܨܘܼܡ ܡ̣ܢ ܠܲܚܡܵܐ: ܨܘܼܡ ܡ̣ܢ ܒܸܙܬ݂ܵܐ ܕܡܸܤܟ݁ܲܢܹ̈ܐ.

lā mṣyt da-thṣūm men la-ḥmā: ṣūm men bezthā d-meskanē.

ܘܠܵܐ ܪܵܫܹ̇ܐ ܠܵܟ݂ ܐܲܠܵܗܵܐ: ܕܲܠܡܵܢܵܐ ܠܵܐ ܨܵܐ̇ܡ ܐܲܢ̄ܬ݁܀

w-lā rāshē lākh alāhā: da-l-mānā lā ṣām a(n)t.

ܠܵܐ ܡܨܝܬ݁ ܕܲܬ݂ܨܘܼܡ ܡ̣ܢ ܚܲܡܪܵܐ: ܨܘܼܡ ܡ̣ܢ ܥܵܘܼܠܵܐ ܘܲܚܛܘܼܦܝܵܐ.

lā mṣyt da-thṣūm men ḥamrā: ṣūm men ʿāūlā wa-ḥṭūpyā.

ܘܠܵܐ ܡܚܲܝܸܒ݂ ܠܵܟ݂ ܕܲܝܵܢܵܐ: ܕܲܠܡܵܢ ܚܲܡܪܵܐ ܫܵܬܹ̇ܐ ܐܲܢ̄ܬ݁܀

w-lā mḥayev lākh da-yānā: da-l-men ḥamrā shātē a(n)t.

ܕܥܲܠ ܨܵܘܡܵܐ ܩܲܕܝܼܫܵܐ ܕܐܲܪܒ݁ܥܝܼܢ.‏ 167

Photograph of page 167 of Bedjan’s 1903 edition, leaf 0700 — Leaf 0700, from Archive.org.

ܐܸܬ݂ܟܲܫ̄ܪ ܐܲܝܟ݂ ܩܲܕ݂ܡܵܝܹ̈ܐ: ܐܲܝܟ݂ ܩܲܕ݂ܡܹ̈ܐ ܬܸܤܲܒ݂ ܐܲܓ݂ܪܵܐ.‏

ethka(sh)r aykh qadhmāyē: aykh qadhmē tesav aghrā.

ܕܡ̣ܢ ܡܹܐܟ̈ܠܵܬ݂ܵܐ ܬܸܬ݂ܪܲܚܲܩ: ܘܡ̣ܢ ܒܝܼܫܵܬ݂ܵܐ ܬܸܬ݂ܦܲܪܲܩ܀

d-men mēklāthā tethraḥaq: w-men b-īshāthā tethparaq.

ܐܸܲܢ ܕܹܝܢ ܠܵܐ ܡܨܹܝܬ݁ ܗܵܟܲܢܵܐ: ܕܲܬ݂ܪ̈ܲܝܗܘܿܢ ܨܵܘܡܹܐ ܬܨܘܼܡ.‏

en dēyn lā mṣēyt hākanā: da-thrayhōn ṣāwmē tṣūm.

ܓܒ݂ܝܼ ܠܵܟ݂ ܨܵܘܡܵܐ ܕܲܡܝܼܬܲܪ: ܗܵܘ̇ ܕܪܲܚܝܼܩ ܡ̣ܢ ܒܝܼ̈ܫܵܬܵܐ܀

gvī lākh ṣāwmā da-mītar: hāw d-raḥīq men b-īshātā.

ܕܐܵܦܸܢ ܙܥܘܿܪ ܕܲܪܓܵܟ݂ ܩܲܠܝܼܠ: ܡ̣ܢ ܗܵܘ̇ ܕܲܪܓ݂ܵܟ݂ ܩܲܕ݂ܡܵܝܵܐ.‏

d-āpen zʿōr da-rgākh qalīl: men hāw da-rghākh qadhmāyā.

ܐܸܠܵܐ ܚܲܝܹܐ ܝܵܬܲܪ ܐܲܢ̄ܬ݁: ܕܡ̣ܢ ܒܝܼܫܵܬܵܐ ܐܸܬ݂ܢܲܟ݂ܪܝܼܬ݁܀

elā ḥayē yātar a(n)t: d-men b-īshātā ethnakhrīt.

ܐܸܡܲܪ ܠܲܟ݂ ܕܹܝܢ ܗܵܘ̇ ܨܵܘܡܵܐ: ܕܲܤܢܸܐ ܘܡܲܤܠܲܝ ܠܐܲܠܵܗܵܐ.

emar lakh dēyn hāw ṣāwmā: da-sne w-maslaī l-alāhā.

ܕܤܲܓ݁ܝܼ ܡܸܢܹܗ ܬܸܬ݂ܪܲܚܲܩ: ܕܒܲܬ݂ܪܹܝܢ ܥܵܠܡܝܼܢ ܚܘܼܤܪܵܢܵܐ ܗ̄ܘ̣܀

d-sagī menēh tethraḥaq: d-ba-thrēyn ʿālmīn ḥūsrānā hāw.

ܐܲܝܢܵܐ ܕܨܵܐ̇ܡ ܡ̣ܢ ܠܲܚܡܵܐ: ܘܥܵܘܼܠܵܐ ܪܵܗܹܛ ܘܲܡܫܲܡܸܫ.‏

aynā d-ṣām men la-ḥmā: w-ʿāūlā rāhēṭ wa-mshamesh.

ܗܵܢܵܐ ܨܵܘܡܵܐ ܚܘܼܤܪܵܢܵܐ ܗ̄ܘ: ܕܤܲܓܸܲܦ ܦܲܓ݂ܪܹܗ ܐܵܦ ܢܲܦ̮ܫܹܗ܀

hānā ṣāwmā ḥūsrānā hāw: d-sagap paghrēh āp napshēh.

ܤܲܓ̰ܸܦ ܦܲܓ݂ܪܹܗ ܓܲܠܝܵܐܝܼܬ݂: ܕܡܵܙܘܿܢܵܐ ܠܵܐ ܩܲܪܸܒ݂ ܠܹܗ.

sagep paghrēh galyāīth: d-māzōnā lā qarev lēh.

ܘܤܲܓ̰ܸܦ݂ ܢܲܦ̮ܫܹܗ ܟܲܤܝܵܐܝܼܬ݂: ܕܪܘܼܫܥܵܐ ܡܸܢܵܗ̇ ܠܵܐ ܐܲܪܚܸܩ̣܀

w-sagef napshēh kasyāīth: d-rūshʿā menāh lā arḥeq.

ܐܲܝܢܵܐ ܕܗܵܟܲܢ ܡܸܬ݁ܕܲܒܲܪ: ܠܚܸܘܝܵܐ ܕܵܡܹܐ ܤܘܼܥܪܵܢܹܗ.‏

aynā d-hākan metdabar: l-ḥewyā dāmē sūʿrānēh.

ܕܐܵܟܹ̇ܠ ܥܲܦܪܵܐ ܐܲܟ݂ܘܵܬܹܗ: ܘܢܵܟܹ̇ܐ ܡܲܓ݁ܵܢ ܒܲܕ݂ܡܘܼܬܹܗ܀

d-ākēl ʿaprā akhwātēh: w-nākē magān ba-d-mūtēh.

ܗܵܐ ܨܵܐܹܡ ܤܲܟ݂ܠܵܐ ܘܲܚܬ݂ܝܼܪ: ܟܲܕ݂ ܨܵܘܡܹܗ ܠܵܐ ܡܸܬ݂ܩܲܒܲܠ.‏

hā ṣāēm sakhlā wa-ḥthīr: kad ṣāwmēh lā methqabal.

ܕܠܵܐ ܓܹܝܪ ܦܵܠܲܚ̇ ܠܐܲܠܵܗܵܐ: ܐܲܝܟܲܢ ܨܵܐ̇ܡ ܠܐܲܠܵܗܵܐ܀

d-lā gēyr pālaḥ l-alāhā: aykan ṣām l-alāhā.

ܕܬܸܬ݂ܪܲܚܲܩ ܡ̣ܢ ܒܝܼܫܵܬ݂ܵܐ: ܕܠܵܐ ܨܵܒܹܐ ܒܗܹܝܢ ܐܲܠܵܗܵܐ܀

d-tethraḥaq men b-īshāthā: d-lā ṣābē b-hēyn alāhā.

ܐܵܦ ܠܟܹܝܢ ܢܸܫܹ̈ܐ ܢܹܐܡܲܪ: ܬܲܠܡܝܼ̈ܕܵܬܹܗ ܕܲܡܫܝܼܚܵܐ.

āp l-kēyn neshē nēmar: talmīdātēh da-mshīḥā.

ܕܲܬ݂ܨܘܼ̈ܡܵܢ ܐܲܝܟ݂ ܢܲܟ̈ܦܵܬ݂ܵܐ: ܨܵܘܡܵܐ ܕܲܡܠܸܐ ܦܘܼܪܫܵܢܵܐ܀

da-thṣūmān aykh nakpāthā: ṣāwmā da-mle pūrshānā.

ܠܵܐ ܢܸܗܘܸܐ ܨܵܘܡܵܐ ܕܚܲܫܵܐ: ܥܸܠܲܬ݂ ܡܸܠܹ̈ܐ ܘܦܘܼܪܓܵܝܵܐ.‏

lā nehwe ṣāwmā d-ḥashā: ʿelath melē w-pūrgāyā.

ܕܲܠܡܵܐ ܢܒܲܕܲܪ ܠܸܫܵܢܵܐ: ܡܲܪ̈ܗܵܛܐ ܕܟܲܢܸܫ̣ ܦܘܼܡܵܐ܀

da-l-mā nbadar leshānā: marhāṭ d-kanesh pūmā.

ܡܹܐܡܪܵܐ ܝܝܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 168

Photograph of page 168 of Bedjan’s 1903 edition, leaf 0699 — Leaf 0699, from Archive.org.

ܚܵܙܲܝܢܲܢ ܕܐܲܝܢܵܐ ܕܒܸܐܒ݂ܠܵܐ ܗ̄ܘ̣: ܒܫܸܠܝܵܐ ܝܵܬܹ̇ܒ݂ ܘܡܸܬ݁ܬܲܢܲܚ.‏

ḥāzaynan d-aynā d-bevlā hāw: b-shelyā yātēv w-mettanaḥ.

ܕܠܵܐ ܫܵܒ݂ܩ̇ܝܼܢ ܠܹܗ ܚܘܼܫܵܒ݂ܵܘ̈ܗܝ: ܕܓ݂ܘܼܚܟܵܐ ܢܸܦܘܿܩ ܡ̣ܢ ܦܘܼܡܹܗ܀

d-lā shāvqīn lēh ḥūshāvāwhī: d-ghūḥkā nepōq men pūmēh.

ܚܲܫܵܐ ܗ̄ܘ̣ ܒܗܵܠܹܝܢ ܝܵܘ̈ܡܵܬ݂ܵܐ: ܕܐܸܨܛܲܥܲܪ ܗܵܘ̇ ܝܲܩܝܼܪܵܐ.‏

ḥashā hāw b-hālēyn yāwmāthā: d-eṣṭaʿar hāw yaqīrā.

ܡ̣ܢ ܙܵܩܘܿܦܹ̈ܐ ܙܲܠܝ̈ܠܹܐ: ܥܘܼܪܵܐ ܕܒܲܕܪܲܬ݀ ܟܹܐܢܘܼܬܵܐ܀

men zāqōpē zalylē: ʿūrā d-ba-d-rat kēnūtā.

ܘܟܲܕ݂ ܡܵܪܟܹܝܢ ܠܵܐ ܗ̄ܘ̣ܵܐ ܕܚܲܫܵܐ: ܕܗ݀ܘܝܘܼ ܡܲܦܨܲܚ ܠܲܟ݂ܡܝܼܪܹ̈ܐ.‏

w-kad mārkēyn lā (h)wā d-ḥashā: d-hwyū mapṣaḥ la-khmīrē.

ܐܸܠܵܐ ܠܟܹܝܢ ܘܵܠܹܐ ܠܡܸܚܲܫ: ܕܲܟ݂ܡܵܐ ܐܲܡܪܲܚܼܘ ܨܵܠܘܿܒܹ̈ܐ܀

elā l-kēyn wālē l-meḥash: da-khmā amraḥīw ṣālōbē.

ܒܟ݂ܵܐ ܡܵܪܲܢ ܥܲܠ ܠܵܥܵܙܲܪ: ܟܲܕ݂ ܝܵܕܲܥ̇ ܕܲܡܢܲܚܸܡ ܠܹܗ.‏

b-khā māran ʿal lāʿāzar: kad yādaʿ da-mnaḥem lēh.

ܕܲܒ݂ܒܸܟ݂ܝܹܗ ܢܵܘܕܲܥ ܚܘܼܒܹܗ: ܘܲܒ݂ܢܘܼܚܵܡܹܗ ܫܘܼܠܛܵܢܹܗ܀

da-b-bekhyēh nāwdaʿ ḥūbēh: wa-b-nūḥāmēh shūlṭānēh.

ܘܐܲܢ̄ܬܹܝܢ ܗܵܫܵܐ ܚܵܘܵܝܹܝܢ: ܟܡܝܼܪܘܼܬ݂ܟܹܝܢ ܕܲܒ݂ܗܵܢ ܙܲܒ݂ܢܵܐ.‏

w-a(n)tēyn hāshā ḥāwāyēyn: kmīrūthkēyn da-b-hān zavnā.

ܟܲܕ ܥܵܠܒܵܐ ܠܲܕܟ݂ܠ ܙܲܒ݂ܥܢ̈ܵܝܼܢ: ܒܗܵܢܵܐ ܝܵܘܡܵܐ ܕܦܘܼܪܫܵܢܵܐ܀؟

kad ʿālbā la-d-kul zavʿnāīn: b-hānā yāwmā d-pūrshānā.

ܟܡܝܼܪܵܐ ܗ̄ܘܵܬ݂ ܡܲܪܝܲܡ ܐܸܡܹܗ: ܐܵܦ ܢܲܪ̈ܲܦܵܬ݂ܵܐ ܚܲܒ݂ܪܵܬ݂ܵܗ̇.‏

kmīrā (h)wāth maryam emēh: āp narapāthā ḥavrāthāh.

ܘܬܲܠܡܝ̈ܕܹܐ ܒܒܲܝܬܵܐ ܛܫܹܝܢ ܗ̄ܘ̣ܵܘ: ܥܕܲܡܵܐ ܕܩܵܡ̣ ܝܲܠܕܵܐ ܝ̄ܚܝܼܕܵܐ܀

w-talmydē b-ba-ytā ṭshēyn (h)wāw: ʿdamā d-qām yaldā (y)ḥīdā.

ܚܲܕܝܼ ܠܐܸܡܹܗ ܒܢܘܼܚܵܡܹܗ: ܘܲܠܬܲܠܡܝܼܕ݂ܵܘ̈ܗܝ ܒܲܫܠܵܡܹܗ.

ḥadī l-emēh b-nūḥāmēh: wa-l-talmīdhāwhī ba-shlāmēh.

ܘܐܲܝܟ݂ ܕܐܲܥܝܼܩ̣ ܐܸܢܘܿܢ ܚܲܫܵܐ: ܐܲܦܨܲܚ̣ ܐܸܢܘܿܢ ܢܘܼܚܵܡܵܐ܀

w-aykh d-aʿīq enōn ḥashā: apṣaḥ enōn nūḥāmā.

ܐܵܦ ܐܲܝܢܵܐ ܕܗܵܫܵܐ ܚܵܐܹܫ: ܡ̣ܢ ܚܲܫܵܐ ܕܗܵܢܵܐ ܝܵܘܡܵܐ.

āp aynā d-hāshā ḥāēsh: men ḥashā d-hānā yāwmā.

ܥܲܡܹܗ ܚܵܕܹܐ ܒܲܓ݂ܢܘܿܢܹܗ: ܡܵܐ ܕܡܸܬ݂ܟܲܢܫܝܼܢ ܩܲܕܝܼܫܵܘ̈ܗܝ܀

ʿamēh ḥādē ba-ghnōnēh: mā d-methkanshīn qadīshāwhī.

ܠܵܐ ܬܸܤܬܲܩ̈ܠܵܢ ܒܲܠܒ݂ܘܼ̈ܫܹܐ: ܕܲܡܟ݂ܝܼܪܵܢ ܐܢ̄ܬܹܝܢ ܠܲܡܫܝܼܚܵܐ.

lā testaqlān ba-l-b-w-shē: da-mkhīrān ʾ(n)tēyn la-mshīḥā.

ܡܟ݂ܝܼܪ̈ܵܬ݂ܵܐ ܕܙܲܒ݂ܢܵܐ ܗܵܢܵܐ: ܠܵܐ ܠܵܒ̈ܫܵܢ ܢܲܚ̈ܬܹܐ ܨܵܐܹܐ܀

mkhīrāthā d-zavnā hānā: lā lābshān naḥtē ṣāē.

ܒܥܸܕܵܢܵܐ ܕܲܚܠܘܿܠܲܝ̈ܗܹܝܢ: ܡܸܛܠ ܕܗܵܪܟܵܐ ܗ̄ܘ̣ ܤܘܼܟܵܝܵܐ.

b-ʿedānā da-ḥlōlayhēyn: meṭul d-hārkā hāw sūkāyā.

ܐܲܢ̄ܬܹܝܢ ܕܹܝܢ ܕܲܡܟ݂ܝܼܪ̈ܲܢ ܐܢ̄ܬܹܝܢ: ܠܲܓ݂ܢܘܿܢܵܐ ܚܲܕ݂ܬ݂ܵܐ ܕܲܥܬ݂ܝܼܕ݂܀

a(n)tēyn dēyn da-mkhīran ʾ(n)tēyn: la-ghnōnā ḥadhthā da-ʿthīdh.

ܕܥܲܠ ܨܵܘܡܵܐ ܩܲܕܝܼܫܵܐ ܕܐܲܪܒ݁ܥܝܼܢ. 169

Photograph of page 169 of Bedjan’s 1903 edition, leaf 0698 — Leaf 0698, from Archive.org.

ܠܵܐ ܬܸܠܒ̈ܫܵܢ ܢܲܚ̈ܬܹܐ ܤܩܝܼ̈ܠܹܐ: ܕܠܵܐ ܢܸܫܪܸܐ ܨܸܒ݂ܬܵܐ ܠܤܲܒ݂ܪܵܐ.‏

lā telbshān naḥtē sqīlē: d-lā neshre ṣevtā l-savrā.

ܨܲܒ݁ܲܬܹܝܢ ܪܸ̈ܥܝܵܢܲܝܟܹܝܢ: ܠܚܲܬ݂ܢܵܐ ܕܚܵܙ̇ܐ ܟܲܤ̈ܝܵܬ݂ܵܐ܀

ṣabatēyn reʿyānaykēyn: l-ḥathnā d-ḥāz kasyāthā.

ܐܲܝܕܵܐ ܓܹܝܪ ܕܲܬ݂ܢܵܢ ܨܒ݂ܬܵܗ̇: ܬܢܵܢ ܐܝܼܬ݂ܵܘܗܝ ܐܵܦ ܤܘܼܟܵܝܵܗ̇.

aydā gēyr da-thnān ṣvtāh: tnān ʾīthāwhī āp sūkāyāh.

ܠܒ݂ܘܼܫܵܐ ܓܹܝܪ ܕܲܠܒܲܪ ܡܵܘܕܲܥ: ܕܐܲܝܟܵܐ ܐܝܼܬܵܘܗܝ ܪܸܥܝܵܢܵܗ̇܀

l-b-w-shā gēyr da-l-bar māwdaʿ: d-aykā ʾītāwhī reʿyānāh.

ܐܸܢ ܡ̇ܪܲܢ ܐܝܼܬ݂ܵܘܗܝ ܤܲܒ݂ܪܵܗ̇: ܗܵܐ ܨܒ݂ܬܵܗ̇ ܒܓܵܘ ܪܸܥܝܵܢܵܗ̇.‏

en mran ʾīthāwhī savrāh: hā ṣvtāh b-gāw reʿyānāh.

ܕܲܡܨ̇ܲܒ݁ܬ݂ܵܐ ܠܹܗ ܟܲܤܝܵܐܝܼܬ݂: ܠܗܵܘ̇ ܕܝܵܕܲܥ̇ ܝܲܨܪܹ̈ܐ ܛܡܝܼܪܹ̈ܐ܀

da-mṣabthā lēh kasyāīth: l-hāw d-yādaʿ yaṣrē ṭmīrē.

ܐܸܢ ܒܐܲܪܥܵܐ ܗ̄ܘ̣ ܕܹܝܢ ܪܸܥܝܵܢܵܗ̇: ܗܵܐ ܨܒ݂ܬܵܗ̇ ܥܲܠ ܗܲܕܵܡܹܝܗ̇.‏

en b-arʿā hāw dēyn reʿyānāh: hā ṣvtāh ʿal hadāmēyh.

ܕܢܸܗܘܸܐ ܨܒ݂ܬܵܗ̇ ܐܲܝܟ݂ ܦܲܚܵܐ: ܠܐܲܝܢܵܐ ܕܲܫܡܝܼܛ ܒܘܼܝܵܢܹܗ܀

d-nehwe ṣvtāh aykh paḥā: l-aynā da-shmīṭ b-w-yānēh.

ܐܲܢ̄ܬܹܝܢ ܕܹܝܢ ܐܘܿ ܢܲܟ̈ܦܵܬ݂ܵܐ: ܗܵܐ ܨܸܒ݂ܬܵܐ ܨܵܘܡܐ ܕܲܟ݂ܝܵܐ.‏

a(n)tēyn dēyn ʾō nakpāthā: hā ṣevtā ṣāwm da-khyā.

ܘܢܲܟ݂ܦܘܼܬ݂ܵܐ ܐܲܝܟ݂ ܒܹܪܘܼܠܵܐ: ܩܒܝܼܥܵܐ ܒܡܸܨܥܲܬ݂ ܦܲܪ̈ܨܘܿܦܹܐ܀

w-nakhpūthā aykh bērūlā: qbīʿā b-meṣʿath parṣōpē.

ܠܗܵܘ̇ ܓܹܝܪ ܨܒ݂ܬܵܐ ܙܲܠܝܼܠܵܐ: ܗܵܐ ܒܵܤ̇ܪܝܼܢ ܠܹܗ ܦܵܪ̈ܘܿܫܹܐ.

l-hāw gēyr ṣvtā zalīlā: hā bāsrīn lēh pārōshē.

ܘܲܠܗܵܢ ܨܸܒ݂ܬܵܐ ܪܘܼܚܵܢܵܐ: ܗܵܐ ܡܫܲܒ݁ܚܝܼܢ ܠܹܗ ܥܸܠܵܝܹ̈ܐ܀

wa-l-hān ṣevtā rūḥānā: hā mshabḥīn lēh ʿelāyē.

ܡܲܤܓܸ݁ܐ ܓܹܝܪ ܟܠܢܵܫ ܒܵܤܲܪ: ܠܐܲܝܕܵܐ ܕܙܲܠܝܼܠ ܐܸܤܟܹ݁ܡܵܗ̇.

masge gēyr klnāsh bāsar: l-aydā d-zalīl eskēmāh.

ܘܲܡܫܲܒܲܚ ܡܲܤܓ̰ܸܐ ܟܠܢܵܫ: ܠܐܲܝܕܵܐ ܕܢܵܟ݂ܦ̇ܝܼܢ ܐܸܤܟܹ݁ܡܹ̈ܝܗ̇܀

wa-mshabaḥ masge klnāsh: l-aydā d-nākhpīn eskēmēyh.

ܐܵܦ ܐܲܢ̄ܬܹ݁ܝܢ ܢܸܫܲܝ̈ ܓܲܒ݂ܪܹ̈ܐ: ܨܘܼܡܝ ܘܐܲܠܸܦܝ ܫܵܘܬܵܦܲܝܟܹܝܢ.

āp a(n)tēyn neshaī gavrē: ṣūmī w-alepī shāwtāpaykēyn.

ܘܨܲܠܵܚܹܝ̈ܢ ܒܐܲܡܝܼܢܘܼܬܵܐ: ܕܢܸܬ݂ܪܲܒ݁ܘܿܢ ܝܲܠܘܼܕܲܝ̈ܟܹܝܢ܀

w-ṣalāḥēyn b-amīnūtā: d-nethrabōn yalūdaykēyn.

ܢܸܗܘܸܐ ܨܵܘܡܟܹܝܢ ܐܲܝܟ݂ ܕܐܸܤܬܹܝܪ: ܘܲܨܠܘܿܬ݂ܟܹܝܢ ܐܲܝܟ݂ ܕܲܝܗܘܼܕ݂ܝܼܬ݂.‏

nehwe ṣāwmkēyn aykh d-estēyr: wa-ṣlōthkēyn aykh da-yhūdhīth.

ܗܵܠܹܝܢ ܢܸܫܹ̈ܐ ܚܹܐܪ̈ܵܬ݂ܵܐ: ܕܲܙܟܲܝ ܠܐ̄ܢܵܫܵܐ ܪ̈ܲܫܝܼܥܹܐ܀

hālēyn neshē ḥērāthā: da-zkaī l-nāshā rashīʿē.

ܗܘܵܐ ܨܵܘܡܵܗ̇ ܕܐܸܤܬܲܝܪ ܫܘܼܪܵܐ: ܕܲܒ݂ܢܸܐ ܗ̄ܘ̣ܵܐ ܒܲܨ̈ܠܵܘܵܬ݂ܵܐ.

hwā ṣāwmāh d-estayr shūrā: da-b-ne (h)wā ba-ṣlāwāthā.

ܘܒܹܗ ܤܲܬܵܪܲܬ݀ ܟ̱ܠܹܗ ܥܲܡܵܗ̇: ܡ̣ܢ ܠܘܼܚܵܡܹܗ ܕܪܲܫܝܼܥܵܐ܀

w-bēh satārat klēh ʿamāh: men l-w-ḥāmēh d-rashīʿā.

ܡܹܐܡܪܵܐ .ܝܙ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 170

Photograph of page 170 of Bedjan’s 1903 edition, leaf 0697 — Leaf 0697, from Archive.org.

ܐܸܢ ܨܵܘܡܵܗ̇ ܕܲܚܕܵܐ ܙܲܟ݁ܝܼ: ܠܟ݂ܠܹܗ ܥܲܡܵܐ ܕܠܵܐ ܩܪܵܒ݂ܵܐ.‏

en ṣāwmāh da-ḥdā zakī: l-khlēh ʿamā d-lā qrāvā.

ܨܵܘܡܵܐ ܕܟ݂ܠܵܗ̇ ܡܲܪܥܝܼܬܲܢ: ܟܡܵܐ ܝܲܬ݁ܝܼܪ ܡܸܫܟܲܚ ܙܵܟܹܐ܀

ṣāwmā d-khlāh marʿītan: kmā yatīr meshkaḥ zākē.

ܗܵܐ ܗܵܠܹܝܢ ܚܵܘܪܹ̈ܐ ܨܝܼܪܝܼܢ: ܠܐܲܝܢܵܐ ܕܨܵܒܹܐ ܕܲܢܕܲܡܸܐ.

hā hālēyn ḥāwrē ṣīrīn: l-aynā d-ṣābē da-ndame.

ܡܲܢܼܘܼ ܕܲܗܘ݀ܵܐ ܬܲܠܡܝܼܕܵܐ: ܗܵܐ ܚܫܝܼܒ݂ܝܼܢ ܠܹܗ ܪ̈ܲܒܵܢܹܐ܀

manīū da-hwā talmīdā: hā ḥshīvīn lēh rabānē.

ܤܵܒܹ̈ܐ ܠܡܘܼܫܹܐ ܢܸܬ݁ܕܲܡܘܿܢ: ܕܠܵܐ ܐܸܬ݂ܩܲܛܲܥ ܪܸܥܝܵܢܹܗ.‏

sābē l-mūshē netdamōn: d-lā ethqaṭaʿ reʿyānēh.

ܕܲܒ݂ܨܵܘܡܵܐ ܕܡܲܫܚܸܬ݂ ܦܲܓ݂ܪܵܐ: ܒܹܗ ܐܸܙܕܲܗܝܼܘ ܗܲܕܵܡܵܘ̈ܗܝ܀

da-b-ṣāwmā d-mashḥeth paghrā: bēh ezdahīw hadāmāwhī.

ܝܚܝܼܕܵܝܹܐ ܐܲܝܟ݂ ܐܹܠܝܵܐ: ܕܐܲܩܪܸܒ݂ ܘܲܙܟ݂ܵܐ ܘܐܸܬ݂ܢܲܨܲܚ.

yḥīdāyē aykh ēlyā: d-aqrev wa-zkhā w-ethnaṣaḥ.

ܕܲܒ݂ܨܵܘܡܵܐ ܡܲܠܐܸܐ ܪܸܓ݂ܠܹܐ: ܒܹܗ ܐܸܬ݂ܚܲܝܲܠܘ ܫܸܪ̈ܝܵܢܵܘܗܝ܀

da-b-ṣāwmā male reghlē: bēh ethḥayalw sheryānāwhī.

ܝܲܠܘܼ̈ܕܹܐ ܐܲܝܟ݂ ܚܲܒ݂ܪ̈ܲܝܗܘܿܢ: ܢܲܨܝܼܚܹܐ ܕܲܒ݂ܓ݂ܵܘ ܒܵܒܹܠ.

yalūdē aykh ḥavrayhōn: naṣīḥē da-b-ghāw bābēl.

ܕܠܵܐ ܐܸܫܬ݁ܒ݂ܝܼܘ ܠܲܪ̈ܓ݂ܝܼܓ݂ܵܬ݂ܵܐ: ܟܲܕ݂ ܠܲܝܬ݁ ܗ̄ܘ̣ܵܐ ܠܗܘܿܢ ܬܵܟ݂ܘܿܤܵܐ܀

d-lā eshtvīw la-rghīghāthā: kad layt (h)wā l-hōn tākhōsā.

ܢܲܟ̈ܦܵܬܲܢ ܬܘܼܒ݂ ܐܲܝܟ݂ ܡܲܪܝܲܡ: ܒܢܵܬ݂ܵܐ ܠܐܸܡܗܹܝܢ ܢܸܬ݁ܕܲܡ̈ܝܵܢ.‏

nakpātan tūv aykh maryam: b-nāthā l-emhēyn netdamyān.

ܕܲܒ݂ܨܵܘܡܵܐ ܕܲܟ݂ܝܵܐ ܩܲܒ݁ܠܲܬ݀: ܤܒܲܪܬܹܗ ܕܡܵܪܹܐ ܨܲܝܵܡܹܐ܀

da-b-ṣāwmā da-khyā qablat: sbartēh d-mārē ṣayāmē.

ܢܸܫܲܝ ܓܲܒ݂ܪܹ̈ܐ ܐܲܝܟ݂ ܐܸܤܬܹܝܪ: ܕܨܵܡܲܬ݀ ܘܲܒ݂ܥܵܬ݀ ܘܐܸܬ݂ܚܲܢܢܲܬ݀.

neshaī gavrē aykh estēyr: d-ṣāmat wa-b-ʿāt w-ethḥannat.

ܘܐܲܡ̈ܗܵܬ݂ܗܹܝܢ ܬܘܼܒ݂ ܐܲܝܟ݂ ܕܝܼܠܵܗ̇: ܕܥܲܡܵܗ̇ ܒܨܵܘܡܵܐ ܐܸܬ݂ܢܲܨܲܚ܀

w-amhāthhēyn tūv aykh d-īlāh: d-ʿamāh b-ṣāwmā ethnaṣaḥ.

ܥܲܡܵܐ ܟ̱ܠܹܗ ܕܡܲܫܪܝܼܬܲܢ: ܢܨܘܼܡܘܼܢ ܬܘܼܒ݂ ܐܲܝܟ݂ ܢܝܼܢܘܵܝܹ̈ܐ.‏

ʿamā klēh d-mashrītan: nṣūmūn tūv aykh nīnwāyē.

ܕܨܲܡ̣ܘ ܗ̄ܘ̣ܵܘ ܨܵܘܡܐ ܩܲܕܝܼܫܵܐ: ܨܵܘܡܐ ܕܪܲܥܝܼ ܠܐܲܠܵܗܵܐ܀

d-ṣamw (h)wāw ṣāwm qadīshā: ṣāwm d-raʿī l-alāhā.

ܟ̱ܠܹܗ ܓܹܝܪ ܕܲܟ݂ܬܲܒ݂ ܐܸܢܘܿܢ: (ܐܲܠܵܗܵܐ ܗ݀ܘ ܝܵܕܲܥ ܟܠ.‏

klēh gēyr da-khtav enōn: alāhā hāw yādaʿ kul.

ܡܸܛܠ ܕܠܲܢ ܢܸܗܘܘܿܢ ܛܘܼܦ̮ܤܵܐ: ܕܲܢܕܲܡܸܐ ܒܲܥܒ݂ܵܕܲܝ̈ܗܘܿܢ܀

meṭul d-lan nehwōn ṭūpsā: da-ndame ba-ʿvādayhōn.

ܠ ܫܘܡܐ ܩܕܐ .1 .2 ܡܐܡܪܐ ܕܫܵܘܡܵܐ .ܘ 2

l shwm qd.. mmr d-shāwmā.6

ܤܬܝܪ.B. 1

styr..

ܕܥܠ ܟܡ܀

d-ʿal km.

ܕܥܲܠ ܨܵܘܡܐ ܩܲܕܝܼܫܵܐ. 171

Photograph of page 171 of Bedjan’s 1903 edition, leaf 0696 — Leaf 0696, from Archive.org.

ܙܝܥV.

zyʿ.

ܪܹܫܝܼܬ݂ܵܐ ܕܨܵܘܡܲܢ ܬܸܗܘܸܐ: ܥܸܛܪܵܐ ܕܒܸܤ̈ܡܹܐ ܠܐܲܠܵܗܵܐ.‏

rēshīthā d-ṣāwman tehwe: ʿeṭrā d-besmē l-alāhā.

ܕܠܵܐ ܢܸܡܚܸܐ ܪܹܝܚܵܐ ܕܩܸܛܠܵܐ: ܒܐܲܬ݂ܪܲܢ ܕܲܥܒ݂ܝܼܕ݂ ܒܲܪܵܝܵܐ܀

d-lā nemḥe rēyḥā d-qeṭlā: b-athran da-ʿvīdh ba-rāyā.

ܨܠܘܿܬܵܐ ܕܡܲܠܝܵܐ ܚܘܼܤܵܝܵܐ: ܬܩܲܪܸܒ݂ ܟ̱ܠܵܗ̇ ܡܲܫܪܝܼܬܲܢ.

ṣlōtā d-malyā ḥūsāyā: tqarev klāh mashrītan.

ܕܫܲܢ̄ܬܵܐ ܕܡܲܠܝܵܐ ܒܘܼܪ̈ܟܵܬ݂ܵܐ: ܢܩܲܒܸ݁ܠ ܟ̱ܠܲܢ ܒܲܚܢܵܢܵܐ܀

d-sha(n)tā d-malyā b-w-rkāthā: nqabel klan ba-ḥnānā.

ܟܸܢܫܲܢ ܟ̱ܠܹܗ ܢܸܬ݂ܢܲܨܲܚ: ܒܨܵܘܡܐ ܕܲܡܠܸܐ ܫܘܼܒ݂ܩܵܢܵܐ.‏

kenshan klēh nethnaṣaḥ: b-ṣāwm da-mle shūvqānā.

ܕܫܲܢ̄ܬܵܐ ܟ̱ܠܵܗ̇ ܬܸܬ݂ܒܲܪܲܟ݂: ܒܫܲܝܢܵܐ ܘܤܲܒ݂ܥܵܐ ܘܚܘܼܠܡܵܢܵܐ܀

d-sha(n)tā klāh tethbarakh: b-shaynā w-savʿā w-ḥūlmānā.

ܒܨܵܘܡܐ ܢܲܤܓܸ݁ܐ ܫܘܼܒ݂ܩܢܵܐ: ܕܢܸܤܓܸ݁ܐ ܒܩܲܝܛܵܐ ܦܘܼܪܩܵܢܵܐ.

b-ṣāwm nasge shūvqnā: d-nesge b-qayṭā pūrqānā.

ܒܨܵܘܡܐ ܢܲܪܘܲܚ ܠܐܲܠܝܼ̈ܨܹܐ: ܕܠܵܐ ܢܸܤܓ݁ܘܿܢ ܠܲܢ ܐܘܼܠܨܵܢܹ̈ܐ܀

b-ṣāwm narwaḥ l-alīṣē: d-lā nesgōn lan ʾūlṣānē.

ܨܲܘܡܐ ܒܫܲܒܹ̈ܐ ܢܸܬ݂ܩܲܕܲܫ: ܕܫܲܢ̄ܬܵܐ ܒܝܼܪ̈ܚܹܐ ܬܸܬ݂ܒܲܪܲܟ݂.‏

ṣawm b-shabē nethqadash: d-sha(n)tā b-īrḥē tethbarakh.

ܒܨܵܘܡܵܐ ܢܲܨܲܚܘ ܢܸܕ݂ܪ̈ܲܝܟ݁ܘܿܢ: ܕܩܲܝܛܵܐ ܒܦܹܐܪ̈ܵܘܗܝ ܢܸܬ݂ܢܲܨܲܚ܀

b-ṣāwmā naṣaḥw nedhraykōn: d-qayṭā b-pērāwhī nethnaṣaḥ.

ܒܨܵܘܡܵܐ ܢܸܙܪܘܿܥ ܙܸܕ̈ܲܩܵܬ݂ܵܐ: ܕܢܲܕ݂ܪܸܟ݂ ܐܸܕܪܵܐ ܠܡܲܥܨܲܪܬܵܐ.‏

b-ṣāwmā nezrōʿ zedaqāthā: d-nadhrekh edrā l-maʿṣartā.

ܒܨܵܘܡܵܐ ܢܚܵܘܸܐ ܙܕ̈ܩܵܬ݂ܵܐ: ܕܢܲܩܒܸ݁ܠ ܚܲܕ݂ܬܵܐ ܠܥܲܬ݁ܝܼܩܵܐ܀

b-ṣāwmā nḥāwe zdqāthā: d-naqbel ḥadhtā l-ʿatīqā.

ܒܨܵܘܡܐ ܢܸܥܛܸܐ ܪܸܒ݁ܝܼܬ݂ܵܐ: ܕܠܵܐ ܢܸܥܛܸܐ ܠܲܢ ܡ̣ܢ ܐܲܬ݂ܪܲܢ.‏

b-ṣāwm neʿṭe rebīthā: d-lā neʿṭe lan men athran.

ܒܨܵܘܡܵܐ ܢܸܠܚܸܐ ܠܐܸܫܛܵܪܹ̈ܐ: ܕܠܵܐ ܢܸܬ݂ܠܲܚ̈ܝܵܢ ܐܲܪ̈ܥܵܬܲܢ܀

b-ṣāwmā nelḥe l-eshṭārē: d-lā nethlaḥyān arʿātan.

ܒܨܵܘܡܵܐ ܢܸܫܒ݁ܘܿܩ ܠܲܚܕ݂ܵܪܹ̈ܐ: ܕܠܵܐ ܢܸܫܒ݁ܘܿܩ ܐܲܬ݂ܪܵܐ ܘܢܸܦܘܿܩ.‏

b-ṣāwmā neshbōq la-ḥdhārē: d-lā neshbōq athrā w-nepōq.

ܡܐܡܪܵܐ ܝܝܙ. ܕܡܪܝ ܐܝܼܤܚܵܩ ܕܐܲܢܛܝܘܿܟ 172

Photograph of page 172 of Bedjan’s 1903 edition, leaf 0695 — Leaf 0695, from Archive.org.

ܒܨܵܘܡܵܐ ܢܦܲܠܸܓ݂ ܠܐܸܫܛܵܪܹ̈ܐ: ܕܠܵܐ ܢܦܲܠܓ݂ܘܼܢ ܠܲܢ ܓܲܝܵܤܹ̈ܐ܀

b-ṣāwmā npalegh l-eshṭārē: d-lā npalghūn lan gayāsē.

ܒܨܵܘܡܐ ܢܸܫܪܸܐ ܐܲܤܝܼܪܹ̈ܐ: ܕܐܲܤܝܼܪܝܼܢ ܠܲܢ ܒܲܕ݂ܝܘܿܬܵܐ.‏

b-ṣāwm neshre asīrē: d-asīrīn lan ba-d-yōtā.

ܒܨܵܘܡܵܐ ܢܸܦ̮ܬܲܚ ܠܲܚܒ݂ܝܼܫܹܐ: ܕܲܚܒ݂ܝܼܫܝܼܢ ܠܲܢ ܒܲܡ̈ܓ݂ܠܹܐ܀

b-ṣāwmā neptaḥ la-ḥvīshē: da-ḥvīshīn lan ba-mghlē.

ܒܨܵܘܡܵܐ ܢܢܲܚܸܡ ܥܲܢܝ̈ܕܹܐ: ܕܲܩܒ݂ܝܼܪܝܼܢ ܠܲܢ ܒܲܩܨܵܨ̈ܐ.‏

b-ṣāwmā nnaḥem ʿanydē: da-qvīrīn lan ba-qṣāṣ.

ܒܨܵܘܡܵܐ ܢܲܚܸܐ ܡܸܤܟܹܢܹ̈ܐ: ܕܡܝܼܬ݂ܝܼܢ ܐ̄ܢܘܿܢ ܡ̣ܢ ܪܸܒ݁ܝܼܬ݂ܵܐ܀

b-ṣāwmā naḥe meskēnē: d-mīthīn nōn men rebīthā.

ܠܵܐ ܢܨܘܼܡ ܨܵܘܡܐ ܕܥܵܘ̈ܵܠܹܐ: ܕܨܵܝܡܝܼܢ ܘܐܵܟ݂ܠ̇ܝܼܢ ܠܲܫܠܲܕܹ̈ܐ.

lā nṣūm ṣāwm d-ʿāwālē: d-ṣāymīn w-ākhlīn la-shladē.

ܠܵܐ ܢܸܬ݁ܕܲܡܸܐ ܠܥܸܒ݂ܪܵܝܹܐ: ܕܲܒ݂ܨܵܘܡܲܝܗܘܿܢ ܩܵܛܘܿܠܝܼܢ܀

lā netdame l-ʿevrāyē: da-b-ṣāwmayhōn qāṭōlīn.

ܐܸܢ ܐܸܫܬܲܥܸܐ ܥܲܠ ܨܵܘܡܵܐ: ܐܲܝܢܵܐ ܕܨܵܝܡ̇ܝܼܢ ܕܲܓܵܠܹ̈ܐ.

en eshtaʿe ʿal ṣāwmā: aynā d-ṣāymīn da-gālē.

ܕܲܟ݂ܡܵܐ ܡܲܤܠܹܝܢ ܨܵܘܡܲܝܗܘܿܢ: ܘܲܨ̈ܠܵܘܵܬ݂ܗܘܿܢ ܠܐܲܠܵܗܵܐ܀

da-khmā maslēyn ṣāwmayhōn: wa-ṣlāwāthhōn l-alāhā.

ܨܵܝܡ̇ܝܼܢ ܘܐܵܟ݂ܠܵܝܼܢ ܪܸܒ݁ܝܼܬ݂ܵܐ: ܡܨܲܠܹܝܢ ܘܫܵܬܹܝܢ ܕܲܩܨܵܨܹ̈ܐ.‏

ṣāymīn w-ākhlāīn rebīthā: mṣalēyn w-shātēyn da-qṣāṣē.

ܡ̣ܢ ܪܲܡܫܵܐ ܠܪܲܡܫܵܐ ܨܵܝܡܝܼܢ: ܘܐܵܟ݂ܠ̇ܝܼܢ ܒܸܤܪܵܐ ܕܡܸܤܟܲܢܹ̈ܐ܀

men ramshā l-ramshā ṣāymīn: w-ākhlīn besrā d-meskanē.

ܦܟ݂ܝܼܪ ܠܵܟ݂ ܐܲܚܘܼܟ݂ ܒܲܕ݂ܝܘܿܬ݂ܵܐ: ܡܵܢܵܐ ܠܒ݂ܝܼܫ ܐܲܢ̄ܬ݁ ܐܘܼܟܵܡܹ̈ܐ.

pkhīr lākh aḥūkh ba-d-yōthā: mānā l-b-īsh a(n)t ʾūkāmē.

ܟܦܝܼܦ ܠܵܟ݂ ܚܲܨܹܗ ܒܲܡ̈ܓܲܠܹܐ: ܘܲܟ݂ܦܝܼܦ ܨܵܘܪܵܟ݂ ܒܲܨܠܘܿܬ݂ܵܐ܀

kpīp lākh ḥaṣēh ba-mgalē: wa-khpīp ṣāwrākh ba-ṣlōthā.

ܫܩܲܦܬܵܝܗܝ ܓܵܘܿܢܹܗ ܒܲܩܨܵܨ̈ܐ: ܘܲܫܩܝܼܦ ܓܵܘܢܵܟ݂ ܡ̣ܢ ܨܵܘܡܵܐ.

shqaptāyhī gāōnēh ba-qṣāṣ: wa-shqīp gāwnākh men ṣāwmā.

ܐܸܟܲܠ̣ܬ݁ ܒܸܤܪܹܗ ܒܪܸܒ݁ܝܼܬ݂ܵܐ: ܘܐܵܟܲܠܲܬ݁ ܥܲܦܪܵܐ ܐܲܝܟ݂ ܚܸܘܝܵܐ܀

ekalt besrēh b-rebīthā: w-ākalat ʿaprā aykh ḥewyā.

ܐ̄ܤܝܼܪܝܼܢ ܐ̄ܢܵܫܵܐ ܒܐܸܫܛܵܪܹ̈ܐ: ܘܐܲܝܟܲܢ ܟܲܒ̈ܠܹܐ ܠܵܐ ܢܸܛܥܲܢ.‏

sīrīn nāshā b-eshṭārē: w-aykan kablē lā neṭʿan.

ܩܒ݂ܝܼܪ̈ܵܢ ܫܠܲܕܹ̈ܐ ܒܲܡ̈ܓܲܠܹܐ: ܘܐܲܝܟܲܢ ܫܠܲܕܵܐ ܬܸܬ݂ܥܲܦܸܐ܀

qvīrān shladē ba-mgalē: w-aykan shladā tethʿape.

ܩܨܵܨܵܐ ܐܸܟܲܠ̣ ܡܸܤܟܹ݁ܢܹ̈ܐ: ܘܐܲܝܟܲܢ ܚܲܪܒܵܐ ܠܵܐ ܬܹܐܟ݂ܠܲܢ.‏

qṣāṣā ekal meskēnē: w-aykan ḥarbā lā tēkhlan.

ܪܸܒ݁ܝܼܬܵܐ ܙܲܒ݁ܢܲܬ݀ ܚܹܐܪܹ̈ܐ: ܘܐܲܝܟܲܢ ܥܲܒ̈ܕܹܐ ܠܵܐ ܢܸܗܘܸܐ܀

rebītā zabnat ḥērē: w-aykan ʿabdē lā nehwe.

ܒܨܘܡܐ ܢܸܬܲܠ ܡܥܤܵܪܹ̈ܐ: ܕܠܵܐ ܢܥܲܤܪܘܼܢܵܢ ܢܘܼܟ݂ܪ̈ܵܝܹܐ.

b-ṣwm netal mʿsārē: d-lā nʿasrūnān nūkhrāyē.

ܒܨܵܘܡܵܐ ܢܸܫܪܸܐ ܠܲܟ݂ܒ݂ܝܼ̈ܫܹܐ: ܕܠܵܐ ܢܸܙܒ݁ܢܘܼܢܵܢ ܬܲܓܵܪܹ̈ܐ܀

b-ṣāwmā neshre la-khvīshē: d-lā nezbnūnān tagārē.

ܕܥܲܠ ܨܘܡܐ ܩܲܕܝܼܫܵܐ. 173

Photograph of page 173 of Bedjan’s 1903 edition, leaf 0694 — Leaf 0694, from Archive.org.

ܒܨܵܘܡܵܐ ܢܤܲܒܲܥ ܠܲܕ݂ܟܲܦܢܝܼܢ: ܕܛܲܝܪܵܐ ܡܸܢܲܢ ܠܵܐ ܬܸܤܒܲܥ.

b-ṣāwmā nsabaʿ la-d-kapnīn: d-ṭayrā menan lā tesbaʿ.

ܒܨܵܘܡܵܐ ܢܲܫܩܸܐ ܠܲܨ̈ܗܲܝܵܐ: ܕܐܲܪܥܵܐ ܒܲܕ݂ܡܲܢ ܠܵܐ ܬܸܪܘܸܐ܀

b-ṣāwmā nashqe la-ṣhayā: d-arʿā ba-d-men lā terwe.

ܒܨܵܘܡܵܐ ܢܲܠܒܸ݁ܫ ܠܲܫܠܝܼܚܹ̈ܐ: ܕܠܵܐ ܬܫܲܠܲܚ ܠܲܢ ܦܵܪܲܚܬ݂ܵܐ.

b-ṣāwmā nalbesh la-shlīḥē: d-lā tshalaḥ lan pāraḥthā.

ܒܨܵܘܡܵܐ ܢܥܲܦܸܐ ܡܸܤܪܹܢܹ̈ܐ: ܕܠܵܐ ܢܥܲܡܨܘܼܢܵܢ ܢܘܼܟ݂ܪ̈ܵܝܹܐ܀

b-ṣāwmā nʿape mesrēnē: d-lā nʿamṣūnān nūkhrāyē.

ܐܢܸܬ݁ܒ݂ܘܼܢ ܝܼܬ݂ܡܹܐ ܒܲܝܢܵܬܲܢ: ܕܢܸܬܲܒ݂ ܟܠܢܵܫ ܒܲܬ݂ܚܘܼܡܵܘ̈ܗܝ.

ʾnetvūn īthmē ba-ynātan: d-netav klnāsh ba-thḥūmāwhī.

ܬܸܥܡܲܪ ܥܲܡ̇ܢ ܐܲܪܡܲܠܬܵܐ: ܕܠܵܐ ܢܸܗܘܸܐ ܠܲܢ ܥܵܡܘܿܪܹ̈ܐ܀

teʿmar ʿamn armaltā: d-lā nehwe lan ʿāmōrē.

ܠܵܐ ܢܸܥܒܲܪ ܥܲܠ ܟܹܐܢܘܼܬܵܐ: ܕܠܵܐ ܢܸܥܒܲܪ ܐܲܬ݂ܪܵܐ ܠܐܲܬ݂ܪܵܐ.‏

lā neʿbar ʿal kēnūtā: d-lā neʿbar athrā l-athrā.

ܠܵܐ ܢܸܤܛܸܐ ܡ̣ܢ ܛܲܝܒ݁ܘܼܬܵܐ: ܕܠܵܐ ܢܸܬ݁ܬ݁ܕܝܼܢ ܡ̣ܢ ܟܹܐܢܘܼܬܵܐ܀

lā nesṭe men ṭaybūtā: d-lā nettdīn men kēnūtā.

ܠܵܐ ܢܸܫܒܸܐ ܫܸܒ݂ܝܵܐ ܒܫܲܝܢܵܐ: ܕܠܵܐ ܢܸܚܙܸܐ ܫܸܒ݂ܝܵܐ ܒܕܲܒ݂ܪܵܐ.

lā neshbe shevyā b-shaynā: d-lā neḥze shevyā b-da-b-rā.

ܠܵܐ ܐ̄ܢܵܫ ܢܸܕ݂ܒܲܪ ܒܲܩܛܝܼܪܵܐ: ܕܠܵܐ ܢܸܩܛܘܿܪ ܓܲܝܤܵܐ ܒܐܲܪܥܵܐ܀

lā nāsh nedhbar ba-qṭīrā: d-lā neqṭōr gaysā b-arʿā.

ܢܹܐܟ݂ܘܿܠ ܠܲܚܡܵܐ ܕܡܘܼܟܵܟ݂ܵܐ: ܕܚܲܪܒܵܐ ܡܸܢܲܢ ܠܵܐ ܬܲܐܟ݂ܘܿܠ.‏

nēkhōl la-ḥmā d-mūkākhā: d-ḥarbā menan lā takhōl.

ܢܹܐܫܘܿܕ݂ ܕܸܡܥܹ̈ܐ ܒܲܨܠܘܿܬܵܐ: ܕܲܕ݂ܡܲܢ ܒܐܲܬ݂ܪܲܢ ܠܵܐ ܢܸܬ݂ܐܫܸܕ݂܀

nēshōdh demʿē ba-ṣlōtā: da-d-men b-athran lā nethshedh.

ܢܸܬ݂ܟܲܤܸܐ ܢܲܚ̈ܬܹܐ ܟܡܝܼܪܹ̈ܐ: ܕܠܵܐ ܢܸܫܚܲܪ ܓܵܘܢܵܐ ܕܐܲܦܲܝ̈ܢ.‏

nethkase naḥtē kmīrē: d-lā neshḥar gāwnā d-apayn.

ܢܸܠܒܲܫ ܚܲܫܵܐ ܘܡܘܼܟܵܟ݂ܵܐ: ܕܤܲܩܹ̈ܐ ܒܫܸܒ݂ܝܵܐ ܠܵܐ ܢܸܠܒܲܫ܀

nelbash ḥashā w-mūkākhā: d-saqē b-shevyā lā nelbash.

ܠܵܐ ܐ̄ܢܵܫ ܢܲܟܸ݁ܐ ܠܲܟ݂ܢܵܬܹܗ: ܕܛܵܒ݂ ܤܲܓ݁ܝܼܐܝܼܢ ܢܸܕ݂ܝܵܢܹ̈ܐ.

lā nāsh nake la-khnātēh: d-ṭāv sagīīn nedhyānē.

ܠܵܐ ܐ̄ܢܵܫ ܢܹܐܠܘܿܨ ܒܲܪ ܙܵܘܓܹܗ: ܕܐܘܼܠܨܵܢܹ̈ܐ ܡ̣ܢ ܟܠ ܓܲܒ݁ܝ̈ܢ܀

lā nāsh nēlōṣ bar zāwgēh: d-ʾūlṣānē men kul gabyn.

ܡܲܠܟܵܐ ܚܲܢܦܵܐ ܒܲܬ݂ܚܘܼ̈ܡܲܝܢ: ܩܲܡܨܵܐ ܢܨܝܼܒ݂ܵܐ ܒܐܲܪ̈ܥܵܬܲܢ.

malkā ḥanpā ba-thḥūmayn: qamṣā nṣīvā b-arʿātan.

ܒܲܪ ܗܵܓܵܪ ܕܹܐܒ݂ܵܐ ܟܲܦܢܵܐ: ܓܲܝܵܤܵܐ ܒܓ݂ܵܘܼܗ ܕܐܲܬ݂ܪܲܢ܀

bar hāgār dēvā kapnā: gayāsā b-ghāūh d-athran.

ܬܠܵܬ݂ ܡܲܚ̈ܘܵܢ ܕܲܚ̣ܙܵܐ ܕܵܘܝܼܕ݂: ܒܲܚܛܵܗܲܝܢ ܩܲܒܸ݁ܠܢ ܐܸܢܹܝܢ.‏

tlāth maḥwān da-ḥzā dāwīdh: ba-ḥṭāhayn qabeln enēyn.

ܚܲܪܒܵܐ ܘܟܲܦܢܵܐ ܘܡܘܬܵܢܵܐ: ܗܵܐ ܠܚܝܼܡܝܼܢ ܐܲܝܟ݂ ܬܵܒ݂ܘܿܥܹ̈ܐ܀

ḥarbā w-kapnā w-mwtānā: hā l-ḥīmīn aykh tāvōʿē.

ܐܲܝܟ݂ ܕܲܒ݂ܟܲܦܹ̈ܐ ܕܡܲܤܲܐܬ݂ܵܐ: ܗܵܐ ܬܠܹܝܢ ܚܲܝܲܝܢ ܐܲܝܟ݂ ܕܲܟ݂ܬܝܼܒ݂.

aykh da-b-kapē d-masathā: hā tlēyn ḥayayn aykh da-khtīv.

ܡܹܐܡܪܵܐ ܝܝܙ. ܕܡܪܝ ܐܝܼܤܚܵܩ ܕܐܲܢܛܝܘܿܟ 174

Photograph of page 174 of Bedjan’s 1903 edition, leaf 0693 — Leaf 0693, from Archive.org.

ܕܐܸܢ ܐܸܨܛܲܠܝܲܬ݀ ܛܲܝܒ݁ܘܼܬܵܐ: ܥܸܠܲܬ݀ ܚܸܪܒܲܬ݀ ܟܹܐܢܘܼܬܵܐ܀

d-en eṣṭalyat ṭaybūtā: ʿelat ḥerbat kēnūtā.

ܐܸܢ ܢܹܐܬܸܐ ܡܲܠܟܵܐ ܚܲܢܦܵܐ: ܠܛܲܝܪܵܐ ܫܠܲܕܲܢ ܝܵܗ̇ܒ݂ ܠܵܗ̇.‏

en nēte malkā ḥanpā: l-ṭayrā shladan yāhv lāh.

ܘܐܸܢ ܢܹܐܬܸܐ ܩܲܡܨܵܐ ܫܝܼܛܵܐ: ܢܲܦ̮ܫܵܐ ܕܦܲܓ݂ܪܲܢ ܫܵܩܹ̇ܠ ܠܵܗ̇܀

w-en nēte qamṣā shīṭā: napshā d-paghran shāqēl lāh.

ܘܐܸܢ ܢܹܐܬܸܐ ܕܹܐܒ݂ܵܐ ܟܲܦܢܵܐ: ܗܲܕܵܡܹ̈ܐ ܕܓ݂ܘܼܫܡܲܢ ܤܵܪܲܚ̇.‏

w-en nēte dēvā kapnā: hadāmē d-ghūshman sāraḥ.

ܘܐܸܢ ܓܵܢܹ̇ܒ݂ ܠܲܢ ܓܲܝܵܤܵܐ: ܗܵܐ ܐܸܤܬܲܪܲܩ ܤܝܼܡܵܬܲܢ܀

w-en gānēv lan gayāsā: hā estaraq sīmātan.

ܗܵܝ ܕܲܓ݂ܒ݂ܵܐ ܕܵܘܝܼܕ݂ ܢܸܓ݂ܒܸ݁ܐ: ܕܡ̣ܢ ܥܲܪܤܵܐ ܠܩܲܒ݂ܪܵܐ ܢܹܐܙܲܠ.‏

(h)ī da-ghvā dāwīdh neghbe: d-men ʿarsā l-qavrā nēzal.

ܘܠܵܐ ܢܸܫܒܹ݁ܝܢ ܡܲܠܟܵܐ ܚܲܢܦܵܐ: ܕܪ̈ܲܚܡܹܐ ܒܫܸܒ݂ܝܵܐ ܠܵܐ ܥܵܒܲܕ݂܀

w-lā neshbēyn malkā ḥanpā: d-raḥmē b-shevyā lā ʿābadh.

ܡܲܢ ܓܹܝܪ ܕܲܕ݂ܠܵܐ ܐܲܠܵܗܵܐ ܗ̄ܘ̣: ܐܵܦ ܚܲܪܒܹܗ ܕܲܕ݂ܠܵܐ ܪ̈ܲܚܡܹܐ ܗ̣̄ܝ.‏

men gēyr da-d-lā alāhā hāw: āp ḥarbēh da-d-lā raḥmē (h)ī.

ܦܵܠܚܵܘ̈ܗܝ ܗ̄ܘ ܒܝܼܫܝܼܢ ܡܸܢܹܗ: ܕܐܲܝܟ݂ ܐܸܤܦܸܣ ܠܵܐ ܡܸܬ݂ܐܲܫܦܝܼܢ܀

pālḥāwhī hāw b-īshīn menēh: d-aykh espes lā methashpīn.

ܥܲܡܵܐ ܡܠܝܼܓ݂݂ܵܐ ܘܲܥܩܝܼܪܵܐ: ܕܢܹܐܬܸܐ ܠܐܲܪܥܲܢ ܐܸܬ݂ܚܲܫܲܒ݂.‏

ʿamā mlīghā wa-ʿqīrā: d-nēte l-arʿan ethḥashav.

ܥܵܘܼܠܹܗ ܕܐܲܬ݂ܪܲܢ ܙܵܩܹ̇ܬ݂ ܠܹܗ: ܠܚܲܢܦܵܐ ܕܢܹܐܬܸܐ ܠܲܬ݂ܚܘܼ̈ܡܲܝܢ܀

ʿāūlēh d-athran zāqēth lēh: l-ḥanpā d-nēte la-thḥūmayn.

ܢܸܦ̮ܬܲܚ ܬܲܪ̈ܥܲܝܢ ܠܲܤܢܝܼܩܹܐ: ܕܢܸܬ݁ܬܲܚܕܘܼܢ ܬܲܪ̈ܥܹܐ ܩܕ݂ܵܡܵܘܗܝ.‏

neptaḥ tarʿayn la-snīqē: d-nettaḥdūn tarʿē qdhāmāwhī.

ܢܲܤܓܸ݁ܐ ܘܢܸܬܲܠ ܙܸܕ̈ܩܵܬ݂ܵܐ: ܕܢܸܤܓܸ݁ܐ ܩܕܵܡܵܘܗܝ ܐܘܼܠܨܵܢܵܐ܀

nasge w-netal zedqāthā: d-nesge qdāmāwhī ʾūlṣānā.

ܢܸܥܒܲܕ݂ ܢܲܤܓܸ݁ܐ ܫܘܼܒ݂ܩܵܢܵܐ: ܕܠܵܐ ܢܸܫܒ݁ܘܿܩ ܐܲܬ݂ܪܹܗ ܘܢܹܐܬܹܐ܀

neʿbadh nasge shūvqānā: d-lā neshbōq athrēh w-nētē.

ܢܸܥܛܸܐ ܩܨܵܨܵܐ ܘܪܸܒ݁ܝܼܬ݂ܵܐ: ܕܠܵܐ ܢܸܬ݁ܛܲܠܲܩ ܡ̣ܢ ܩܘܼܕ݂ܡܵܘܗܝ.

neʿṭe qṣāṣā w-rebīthā: d-lā netṭalaq men qūdhmāwhī.

ܠܤܝܼܤܪܵܐ ܕܹܝܢ ܩܛܲܠܬܹܗ ܥܢܵܐܹܝܠ: ܘܲܠܚܲܝܵܒ݂ܵܐ ܪܸܒ݁ܝܼܬ݂ܵܐ܀

l-sīsrā dēyn qṭaltēh ʿnāēyl: wa-l-ḥayāvā rebīthā.

ܒܫܲܒ݂ܥܵܐ ܝܲܬ݂ܪܹ̈ܐ ܪ̈ܲܛܝܼܒܹܐ: ܦܟ݂ܝܼܪ ܗ̄ܘ̣ܵܐ ܫܸܡܫܘܿܢ ܘܐܸܬ݂ܦܲܤܲܩܘ.‏

b-shavʿā yathrē raṭībē: pkhīr (h)wā shemshōn w-ethpasaqw.

ܒܚܲܕ݂ ܝܲܬ݂ܪܵܐ ܕܡܲܝ̈ܵܐ ܫܚܝܼܪܹ̈ܐ: ܕܢܵܦܹ̇ܨ ܡܲܝ̈ܵܐ ܒܲܡ̈ܓ݂ܲܠܹܐ܀

b-ḥadh yathrā d-mayā shḥīrē: d-nāpēṣ mayā ba-mghalē.

ܦܟ݂ܝܼܪ ܚܲܝܵܒ݂ܵܐ ܘܝܵܪ̈ܘܼܬܵܘܗܝ: ܐܲܝܟ݂ ܕܲܒ݂ܥܲܪ̈ܩܹܐ ܛܚܝ̈ܢܵܬ݂ܵܐ.‏

pkhīr ḥayāvā w-yārūtāwhī: aykh da-b-ʿarqē ṭḥynāthā.

ܥܵܘܼܠܵܐ ܕܕܵܐܲܠ ܒܐܸܫܛܵܪܹ̈ܐ: ܗܵܐ ܡܕܝܼܠ ܡܵܘܬܵܐ ܥܲܠ ܪܹܫܲܢ܀

ʿāūlā d-dāal b-eshṭārē: hā mdīl māwtā ʿal rēshan.

ܪܸܒ݁ܝܼܬ݂ܵܐ ܕܐܝܼܬ݂ ܒܲܡ̈ܓܲܠܹܐ: ܩܵܪܝܵܐ ܚܲܪܒܵܐ ܥܲܠ ܢܲܦ̮ܫܲܢ.‏

rebīthā d-ʾīth ba-mgalē: qāryā ḥarbā ʿal napshan.

ܕܥܲܠ ܨܵܘܡܵܐ ܩܲܕܝܼܫܵܐ. 175

Photograph of page 175 of Bedjan’s 1903 edition, leaf 0692 — Leaf 0692, from Archive.org.

ܕܥܲܒ݂ܪܘܼܗܝ ܟܹܐܢܹ̈ܐ ܠܲܬ݂ܚܘܼܡܵܐ: ܚܲܢ̈ܦܹܐ ܕܢܹܐܬ݂ܘܿܢ ܐܸܬ݂ܘܲܥܲܕ݂ܘ܀

d-ʿavrūhī kēnē la-thḥūmā: ḥanpē d-nēthōn ethwaʿadhw.

ܘܲܕ݂ ܓܵܠܙܝܼܢܲܢ ܛܲܝܒ݁ܘܼܬܵܐ: ܗܵܐ ܪܵܕ݂ܝܵܐ ܠܲܢ ܟܹܐܢܘܼܬ݂ܵܐ.‏

wadh gālzīnan ṭaybūtā: hā rādhyā lan kēnūthā.

ܕܠܵܐ ܐ̄ܢܵܫ ܟܵܐܹܐ ܒܝܲܥܢܘܼܬܵܐ: ܗܵܐ ܟܵܐܝܵܐ ܒܲܢ ܟܹܐܢܘܼܬܵܐ܀

d-lā nāsh kāē b-yaʿnūtā: hā kāyā ban kēnūtā.

ܕܠܵܐ ܐܸܬ݂ܟܲܤܤܲܬ̤ ܚܹܐܪܘܼܬܲܢ: ܗܵܐ ܬܵܟܲܤܵܐ ܠܵܗ̇ ܡܲܪܕܘܼܬܵܐ.‏

d-lā ethkassat ḥērūtan: hā tākasā lāh mardūtā.

ܕܲܢܨܲܒ݂ ܡܵܘܬܵܐ ܐܸܫܛܵܪܹ̈ܐ: ܗܵܐ ܢܨܝܼܒ݂ ܡܵܘܬܵܐ ܥܲܠ ܪܹܫܲܢ܀

da-nṣav māwtā eshṭārē: hā nṣīv māwtā ʿal rēshan.

ܕܚܲܪܒܵܐ ܠܛܝܼܫܵܐ ܒܲܡ̈ܓ݂ܠܹܐ: ܗܵܐ ܠܛܝܼܫ ܤܲܝܦܵܐ ܥܲܠ ܨܵܘܪܲܢ.

d-ḥarbā l-ṭīshā ba-mghlē: hā l-ṭīsh saypā ʿal ṣāwran.

ܢܨܲܠܸܐ ܟܵܗܢܵܐ ܘܫܲܡܵܫܵܘ̈ܗܝ: ܕܡܵܘܬܵܐ ܒܚܲܪܒܵܐ ܠܵܐ ܢܸܛܥܲܡ܀

nṣale kāhnā w-shamāshāwhī: d-māwtā b-ḥarbā lā neṭʿam.

ܬܨ̇ܠܸܐ ܥܵܢ̈ܵܐ ܘܡܲܪܥܝܼܬ݂ܵܐ: ܕܐܵܬܵܐ ܕܪܘܼܓ݂ܙܵܐ ܠܵܐ ܬܸܚܙܸܐ.‏

tṣle ʿānā w-marʿīthā: d-ātā d-rūghzā lā teḥze.

ܢܨ̇ܠܸܐ ܟܠܢܵܫ ܥܲܡ ܟܠܢܵܫ: ܕܲܢܡܘܼܬ݂ ܡܘܬܵܐ ܐܲܝܟ݂ ܟܠܢܵܫ܀

nṣle klnāsh ʿam klnāsh: da-nmūth mwtā aykh klnāsh.

ܘܠܵܐ ܢܸܚܙܸܐ ܡܵܘܬܵܐ ܒܫܸܒ݂ܝܵܐ: ܕܲܕ݂ܚܝܼܠ ܗ̄ܘ̣ ܡ̣ܢ ܟܠ ܡܵܘ̈ܬ݁ܝܼܢ.

w-lā neḥze māwtā b-shevyā: da-d-ḥīl hāw men kul māwtīn.

ܘܠܵܐ ܢܸܚܙܸܐ ܐܸܕܪ̈ܲܝ ܦܲܓ݂ܪܹ̈ܐ: ܘܲܓ݂ܕ݂ܝܼܫܹܐ ܕܲܫܠܲܕܲܝܵܗܘܿܢ܀

w-lā neḥze edraī paghrē: wa-ghdhīshē da-shladayāhōn.

ܠܵܐ ܢܸܚܙܸܐ ܚܨܵܕܵܐ ܕܤܲܝܦܵܐ: ܘܲܩܛܵܦܵܐ ܕܥܘܸܠܹ̈ܐ ܫܲܒ݂ܪܹ̈ܐ.‏

lā neḥze ḥṣādā d-saypā: wa-qṭāpā d-ʿwelē shavrē.

ܘܠܵܐ ܢܸܚܙܸܐ ܥܢܵܢܹ̈ܐ ܕܲܕ݂ܡܵܐ: ܟܲܕ݂ ܡܛܪ̈ܵܢ ܥܲܠ ܦܘܼܡ ܤܲܝܵܦܹܐ܀

w-lā neḥze ʿnānē da-d-mā: kad mṭrān ʿal pūm sayāpē.

ܠܵܐ ܢܸܫܡܲܥ ܪܲܥܡܵܐ ܕܙܵܘܥܹ̈ܐ: ܥܘܵܬ݂ܵܐ ܘܐܝܼܢܬܵܐ ܕܲܩܛܝܼ̈ܠܹܐ.

lā neshmaʿ raʿmā d-zāwʿē: ʿwāthā w-ʾīntā da-qṭīlē.

ܠܵܐ ܢܸܚܙܸܐ ܒܲܪ̈ܩܹܐ ܕܚܝܼܠܹܐ: ܤܲܝ̈ܦܹܐ ܕܢܵܚ̇ܬ݁ܝܼܢ ܥܲܠ ܚܲܝܹܐ܀

lā neḥze ba-rqē d-ḥīlē: saypē d-nāḥtīn ʿal ḥayē.

ܠܵܐ ܢܸܚܙܸܐ ܒܲܪܕܵܐ ܕܪܘܼܓ݂ܙܵܐ: ܤܝܼܩܘܿܪܹ̈ܐ ܕܚܵܒ݂ܛ̇ܝܼܢ ܦܲܓ݂ܪܵܐ.‏

lā neḥze ba-rdā d-rūghzā: sīqōrē d-ḥāvṭīn paghrā.

ܠܵܐ ܢܸܚܙܸܐ ܥܢܵܢܹ̈ܐ ܕܡܵܘܬܵܐ: ܩܸܫ̈ܬܵܬ݂ܵܐ ܕܡܛܪ̈ܵܢ ܓܹܐܪܹ̈ܐ܀

lā neḥze ʿnānē d-māwtā: qeshtāthā d-mṭrān gērē.

ܠܵܐ ܢܸܫܡܲܥ ܩܵܠ ܝܵܪܘܿܪܹ̈ܐ: ܝܲܬ݂ܪܵܐ ܘܩܸܫܬܵܐ ܟܲܕ݂ ܡܲܝܠܸܠ.

lā neshmaʿ qāl yārōrē: yathrā w-qeshtā kad maylel.

ܠܵܐ ܢܸܚܙܸܐ ܡܵܪܝ ܥܲܪ̈ܦܸܠܹܐ: ܥܵܒܹ̈ܐ ܕܪ̈ܘܼܡܚܹܐ ܕܲܙܩܝܼܦܝܼܢ܀

lā neḥze mārī ʿarpelē: ʿābē d-rūmḥē da-zqīpīn.

ܠܵܐ ܢܸܚܙܸܐ ܥܲܝ̈ܡܹܐ ܕܚܝܼܠܹܐ: ܢܲܝܙܟܹ̈ܐ ܕܪܵܡܝܼܢ ܐܲܝܟ݂ ܐܲܪ̈ܙܹܐ.‏

lā neḥze ʿaymē d-ḥīlē: nayzkē d-rāmīn aykh arzē.

ܠܵܐ ܢܸܚܙܸܐ ܢܸܫܪܹ̈ܐ ܟܲܦܢܹ̈ܐ: (ܓܹܐܪܹ̈ܐ ܕܦܵܪܚܝܼܢ ܒܲܥ̈ܢܵܢܹܐ܀

lā neḥze neshrē kapnē: gērē d-pārḥīn ba-ʿnānē.

ܡܹܐܡܪܵܐ ܝܝܙ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 176

Photograph of page 176 of Bedjan’s 1903 edition, leaf 0691 — Leaf 0691, from Archive.org.

ܠܵܐ ܢܸܚܙܸܐ ܙܲܝܢܵܐ ܕܨܵܡܲܚ: ܘܲܡܚܲܦܸܐ ܫܸܡܫܵܐ ܒܢܘܼܗܪܹܗ.

lā neḥze zaynā d-ṣāmaḥ: wa-mḥape shemshā b-nūhrēh.

ܠܵܐ ܢܸܚܙܸܐ ܟܲܕ݂ ܡܸܬ݁ܕܲܪܟ݁ܝܼܢ: ܝܲܠܘܼܼ̈ܕܹܐ ܒܥܸܩܒ݂ܵܐ ܕܪ̈ܲܟ݂ܫܵܐ܀

lā neḥze kad metdarkīn: yalūdē b-ʿeqvā d-rakhshā.

ܠܵܐ ܢܸܚܙܸܐ ܟܲܕ݂ ܡܸܬ݂ܥܲܨܪ̈ܵܢ: ܒܛܝܼ̈ܢܵܬܵܐ ܒܕܵܘܫܵܐ ܕܦܝܼ̈ܠܹܐ܀

lā neḥze kad methʿaṣrān: b-ṭīnātā b-dāwshā d-pīlē.

ܠܵܐ ܢܸܚܙܸܐ ܟܲܕ݂ ܡܸܬ݁ܛܲܚ̈ܢܵܢ: ܫܲܒ݂ܪܵܬ݂ܵܐ ܬܚܹܝܬ݂ ܦܲܪܵܫܹܵܐ.‏

lā neḥze kad metṭaḥnān: shavrāthā tḥēyth parāshā.

ܠܵܐ ܢܸܚܙܸܐ ܟܲܕ݂ ܡܸܬ݁ܬ݁ܕܝܼ̈ܫܵܢ: ܒܬ݂ܘܼܠܵܬ݂ܐ ܬܚܹܝܬ݂ ܪ̈ܲܓܵܠܹܐ܀

lā neḥze kad mettdīshān: b-thūlāth tḥēyth ragālē.

ܠܵܐ ܢܸܚܙܸܐ ܡܵܪܝ ܓܲܕܘܼ̈ܕܹܐ: ܕܡܸܬ݁ܕܲܒ݂ܚܝܼܢ ܒܲܥ̈ܠܵܘܵܬ݂ܵܐ.

lā neḥze mārī gadūdē: d-metdavḥīn ba-ʿlāwāthā.

ܠܵܐ ܢܸܚܙܸܐ ܡܵܪܝ ܠܲܥܠܲܝܡܹ̈ܐ: ܕܡܸܬ݂ܢܲܟ݂ܤܝܼܢ ܩܘܼܕ݂ܡܲܬ݂ ܫܹܐܕܹ̈ܐ܀

lā neḥze mārī la-ʿlaymē: d-methnakhsīn qūdhmath shēdē.

ܠܵܐ ܢܸܚܙܸܐ ܤܵܒܹ̈ܐ ܕܲܫܕܹܝܢ: (ܘܕܵܝܵܫܵܐ ܠܗܘܿܢ ܓܸܠܝܵܪܘܼܬܵܐ.‏

lā neḥze sābē da-shdēyn: w-dāyāshā l-hōn gelyārūtā.

ܠܵܐ ܢܸܚܙܸܐ ܡ̇ܪܝ ܤܵܒ̈ܵܬ݂ܵܐ: ܕܡܸܬ݁ܬ݁ܕܝ̈ܫܵܢ ܡ̣ܢ ܦܸܡܠܵܝܹ̈ܐ܀

lā neḥze mrī sābāthā: d-mettdyshān men pemlāyē.

ܠܵܐ ܢܸܚܙܸܐ ܒܲܪܩܵܐ ܕܕܵܐܹܫ: ܟܲܒ̈ܕܵܬ݂ܵܐ ܘܠܸܒܵܐ ܕܐ̄ܢܵܫܵܐ.‏

lā neḥze ba-rqā d-dāēsh: kabdāthā w-lebā d-nāshā.

ܠܵܐ ܢܸܚܙܸܐ ܦܝܼܠܵܐ ܕܛܵܒܲܥ̇: ܒܲܕ݂ܡܵܐ ܘܦܸܪܬܵܐ ܕܲܩܛܝܼܼ̈ܠܹܐ܀

lā neḥze pīlā d-ṭābaʿ: ba-d-mā w-pertā da-qṭīlē.

ܠܵܐ ܢܸܚܙܸܐ ܤܘܼܤܝܵܐ ܕܢܵܦܲܪ: ܘܒܲܫ̈ܠܲܕܹܐ ܡܛܲܒܲܥ ܩܵܐ̇ܡ.‏

lā neḥze sūsyā d-nāpar: w-ba-shladē mṭabaʿ qām.

ܠܵܐ ܢܸܚܙܸܐ ܐ̄ܢܵܫܵܐ ܕܦܝܼܠܝܼܢ: ܒܲܕ݂ܡܵܐ ܘܦܸܪܬܵܐ ܕܚܲܒ݂ܪ̈ܲܝܗܘܿܢ܀

lā neḥze nāshā d-pīlīn: ba-d-mā w-pertā d-ḥavrayhōn.

ܠܵܐ ܢܸܚܙܸܐ ܡܵܘܬܵܐ ܕܚܝܼܠܵܐ: ܘܡܲܪܕܘܼܬܵܐ ܕܲܓ݂ܢܵܚ ܠܸܒܵܐ.

lā neḥze māwtā d-ḥīlā: w-mardūtā da-ghnāḥ lebā.

ܠܵܐ ܢܸܚܙܸܐ ܡܲܠܟܵܐ ܕܥܵܪܹܩ: ܘܦܲܤܵܐ ܕܥܸܪܩܲܬ݀ ܡ̣ܢ ܤܵܟ݂ܵܗ̇܀

lā neḥze malkā d-ʿārēq: w-pasā d-ʿerqat men sākhāh.

ܡܸܕܲܡ ܕܲܚ̣ܙܵܘ ܙܲܕܝܼ̈ܩܹܐ: ܚܢܲܢ ܥܵܘ̈ܠܹܐ ܠܵܐ ܢܸܚܙܸܐ.‏

medam da-ḥzāw zadīqē: ḥnan ʿāwlē lā neḥze.

ܡܸܕܲܡ ܕܲܤܒܲܠܼܘ ܢܲܨܝܼܚܹܐ: ܚܢܲܢ ܛܵܠܘܿܡܹ̈ܐ ܠܵܐ ܢܸܤܒ݁ܘܿܠ܀

medam da-sbalīw naṣīḥē: ḥnan ṭālōmē lā nesbōl.

ܦܲܓ݂ܪܵܟ݂ ܘܲܕ݂ܡܵܟ݂ ܕܲܫܩܲܠܢܲܢ: ܢܸܗܘܸܐ ܠܐܲܬ݂ܪܲܢ ܐܝܼܠܵܐ.

paghrākh wa-d-mākh da-shqalnan: nehwe l-athran ʾīlā.

ܨܠܝܼܒ݂ܵܟ݂ ܙܲܝܢܵܐ ܡܙܲܟܸ݁ܐ ܟܠ: ܢܩܘܼܡ ܒܐܲܦܲܝ̈ ܡܲܫܪܝܼܬܲܢ܀

ṣlīvākh zaynā mzake kul: nqūm b-apaī mashrītan.

ܒܝܵܘ̈ܡܲܝ ܕܵܘܝܼܕ݂ ܩܵܡ̣ ܕܵܘܝܼܕ݂: ܒܬ݂ܘܼܪ̈ܥܵܬ݂ܵܐ ܕܲܒ݂ܢܲܝ̈ ܥܲܡܹܗ.‏

b-yāwmaī dāwīdh qām dāwīdh: b-thūrʿāthā da-b-naī ʿamēh.

ܐܕ ܕܲܝܵܫܵܐ ܠܗܘܿܢ ܓܠܝܪܘܼܬܐ .9...ܓܥܝܪܘܬܐ

ʾd da-yāshā l-hōn glyrūt....gʿyrwt

ܕܥܲܠ ܨܘܡܵܐ ܩܲܕܝܼܫܐ.‏ 177

Photograph of page 177 of Bedjan’s 1903 edition, leaf 0690 — Leaf 0690, from Archive.org.

ܡ̣ܢ ܕܹܝܢ ܝܲܗ̣ܒ݂ܠܲܢ ܐܲܟ݂ܘܵܬܹܗ: ܐ̄ܚܪܹܢܵܐ ܕܤܵܐܲܓ݂ ܬܘܼܪ̈ܥܵܬܲܢ܀

men dēyn yahvlan akhwātēh: ḥrēnā d-sāagh tūrʿātan.

ܟܠ ܐܲܝܟܵܐ ܕܲܬ݂ܪܲܥ̣ ܪܘܼܓ݂ܙܵܐ: ܒܥܸܒ݂ܪܵܝܹ̈ܐ ܤܵܓܹܗ ܡܘܼܫܹܐ.

kul aykā da-thraʿ rūghzā: b-ʿevrāyē sāgēh mūshē.

ܘܟ݂ܠ ܐܲܝܟܵܐ ܕܲܬ݂ܩܸܦ݂ ܢܸܓ݂ܕܵܐ: ܪܗܸܛ̣ ܕܵܘܝܼܕ݂ ܘܲܡܬܲܚ̣ ܢܲܦ̮ܫܹܗ܀

w-kul aykā da-thqef neghdā: rheṭ dāwīdh wa-mtaḥ napshēh.

ܗܵܐ ܬܪܝܼܥܝܼܢܲܢ ܠܲܚܛܝܼܬ݂ܵܐ: ܘܠܵܐ ܐ̄ܢܵܫ ܤܵܐܲܓ݂ ܬܘܼܪ̈ܥܵܬܲܢ.

hā trīʿīnan la-ḥṭīthā: w-lā nāsh sāagh tūrʿātan.

ܗܵܐ ܙܩܝܼܦ ܫܲܒ݂ܛܵܐ ܕܟܹܐܢܘܼܬܵܐ: ܘܠܵܐ ܐ̄ܢܵܫ ܡܵܬܲܚ̇ ܗܲܕܵܡܵܘ̈ܗܝ܀

hā zqīp shavṭā d-kēnūtā: w-lā nāsh mātaḥ hadāmāwhī.

ܟܵܗܢܵܐ ܗܘܵܐ ܠܹܗ ܐܲܝܟ݂ ܥܲܡܵܐ: ܥܲܡܵܐ ܒܟ݂ܵܗܢܵܐ ܐܸܬ݁ܕܲܡܝܼ.‏

kāhnā hwā lēh aykh ʿamā: ʿamā b-khāhnā etdamī.

ܚܲܪܘ ܒܲܪܵܝܹܐ ܒܓ݂ܵܘܵܝܹ̈ܐ: ܘܲܢܦܲܠ̣ ܥܵܠܡܵܐ ܒܲܬ݂ܥܵܫܵܐ܀

ḥarw ba-rāyē b-ghāwāyē: wa-npal ʿālmā ba-thʿāshā.

ܟܲܪ̈ܡܹܐ ܘܙܲܝ̈ܬܹܐ ܡܸܬ݂ܦܲܠܚ̇ܝܼܢ: ܘܒܲܛܝܼܠ ܦܘܼܠܚܵܢ ܟܹܐܢܘܼܬ݂ܵܐ.‏

karmē w-zaytē methpalḥīn: w-ba-ṭīl pūlḥān kēnūthā.

ܐܲܪܥܵܐ ܘܙܲܪ̈ܥܹܐ ܡܸܙܕܲܪܥܝܼܢ: ܘܠܵܐ ܐ̄ܢܵܫ ܤܵܥܲܪ ܕܲܟ݂ܬ݂ܝܼ̈ܒ݂ܵܢ܀

arʿā w-zarʿē mezdarʿīn: w-lā nāsh sāʿar da-khthīvān.

ܟܠ ܐ̄ܢܵܫ ܫܵܪܹܐ ܐܘܼܪ̈ܚܵܬܹܗ: ܘܠܵܐ ܐ̄ܢܵܫ ܫܵܪܹܐ ܒܝܼܫܵܬܹܗ.

kul nāsh shārē ʾūrḥātēh: w-lā nāsh shārē b-īshātēh.

ܤܘܼܥܪܵܢܹܗ ܟܠܢܵܫ ܥܵܒܹܕ݂: ܘܒܲܛܝܼܠ ܤܘܼܥܪܵܢ ܡܸܤܟܹܢܹ̈ܐ܀

sūʿrānēh klnāsh ʿābēdh: w-ba-ṭīl sūʿrān meskēnē.

ܠܵܐ ܐ̄ܢܵܫ ܟܵܐܹܐ ܘܲܡܟ݂ܵܘܸܢ: ܕܚܵܘܪܵܐ ܥܒ݂ܝܼܕܝܼܢ ܪܹ̈ܫܵܢܹܐ.

lā nāsh kāē wa-mkhāwen: d-ḥāwrā ʿvīdīn rēshānē.

ܠܵܐ ܐ̄ܢܵܫ ܐܵܬܹܲܐ ܠܲܦܝܵܤܵܐ: ܕܡ̣ܢ ܪ̈ܲܒܵܢܹܐ ܡܸܬ݂ܚܲܙܝܵܐ܀

lā nāsh āta la-pyāsā: d-men rabānē methḥazyā.

ܪ̈ܵܥܵܘܵܬ݂ܵܐ ܐܲܟܵܪܹ̈ܐ: ܥܲܠܠܵܢܹ̈ܐ ܘܡܵܪ̈ܲܝ ܩܘܼܪ̈ܝܵܐ.

rāʿāwāthā akārē: ʿallānē w-māraī qūryā.

ܕܒܲܝܬܹܗ ܗ̣̄ܘ ܪܵܢܹܐ ܟܠܢܵܫ: ܘܲܕ݂ܡܲܪܥܝܼܬܹܗ ܠܵܐ ܝܵܨ̇ܦ܀

d-ba-ytēh hāw rānē klnāsh: wa-d-marʿītēh lā yāṣp.

ܟܵܗܢܹ̈ܐ ܥܒ݂ܝܼܕܹܝܼܢ ܐܘܼܡܢܹ̈ܐ: ܘܟ݂ܠܢܵܫ ܝܨܲܦ ܕܲܥ̇ܒ݂ܵܕܹܗ.

kāhnē ʿvīdēīn ʾūmnē: w-khlnāsh yṣap da-ʿvādēh.

ܨܦܬ݂ܵܐ ܕܥܵܢܵܐ ܒܲܛܝܼܠܵܐ: ܘܡܸܬ݂ܝܲܨܦܵܐ ܐܘܼܡܵܢܘܼܬܵܐ܀

ṣpthā d-ʿānā ba-ṭīlā: w-methyaṣpā ʾūmānūtā.

ܥܲܠܠܵܢܹ̈ܐ ܚܠܵܦ ܡܲܪܥܝܼܬܵܐ: ܗܵܐ ܡܢܲܨܚܝܼܢ ܐܘܼܡܵܢ̈ܘܵܬ݂ܵܐ.

ʿallānē ḥlāp marʿītā: hā mnaṣḥīn ʾūmānwāthā.

ܠܵܐ ܐ̄ܢܵܫ ܚܵܤܹ̇ܡ ܕܲܢܩܲܕܸܡ: ܢܹܐܬܸܐ ܢܸܤܥܘܿܪ ܡܲܪܥܝܼܬܗ܀

lā nāsh ḥāsēm da-nqadem: nēte nesʿōr marʿīth.

ܘܤܲܡܵܐ ܐ̄ܚܪܹܢܵܐ ܕܵܐܲܠ ܒܲܢ: ܕܐܲܚܵܐ ܢܸܩܕܘܿܡ ܠܲܥ̇ܒ݂ܵܕܹܗ.

w-samā ḥrēnā dāal ban: d-aḥā neqdōm la-ʿvādēh.

ܫܘܼܒ݂ܗܵܪܲܢ ܟܠܹܗ ܗܵܢܵܐ ܗ̄ܘ: ܕܐܲܝܢܵܐ ܢܸܩܢܸܐ ܝܲܬ݁ܝܼܪܵܐ܀

shūvhāran klēh hānā hāw: d-aynā neqne yatīrā.

ܡܹܐܡܪܵܐ ܝܝܙ. ܕܡ̇ܪܝ ܐܝܼܤܚܵܩ ܕܐܲܢܛܝܘܿܟ݂ 178

Photograph of page 178 of Bedjan’s 1903 edition, leaf 0689 — Leaf 0689, from Archive.org.

ܪܵܥܝܵܐ ܕܪܵܥܹܐ ܡܲܪܥܝܼܬ݂ܵܐ: ܒܠܸܠܝܵܐ ܗܼ̄ܘ ܟ̱ܠܹܗ ܐܵܓ݂ܘܿܢܹܗ.‏

rāʿyā d-rāʿē marʿīthā: b-lelyā hāw klēh āghōnēh.

ܫܵܗܲܪ ܢܵܛܲܪ ܡܲܪܥܝܼܬܹܗ: ܕܢܸܗܘܸܐ ܒܨܲܦܪܵܐ ܫܘܼܒ݂ܗܵܪܹܗ܀

shāhar nāṭar marʿītēh: d-nehwe b-ṣaprā shūvhārēh.

ܟܵܗܢܵܐ ܕܪܵܥܹ̇ܐ ܢܲܦ̈ܫܵܬ݂ܵܐ: ܐܲܝܟܲܢ ܒܵܤܹ̇ܐ ܒܡܲܪܥܝܼܬܹܗ.‏

kāhnā d-rāʿē napshāthā: aykan bāsē b-marʿītēh.

ܕܲܚܕܵܐ ܢܲܦ̮ܫܵܐ ܐܸܢ ܬܹܐܒܲܕ݂: ܢܲܦ̮ܫܹܗ ܚܠܵܦܹܝܗ̇ ܡܸܫܬܲܩܠܵܐ܀

da-ḥdā napshā en tēbadh: napshēh ḥlāpēyh meshtaqlā.

ܓܲܒ݂ܝܵܐ ܠܲܢ ܪܹܫܵܢܘܼܬ݂ܵܐ: ܘܝܲܬ݁ܝܼܪ ܡܸܢܵܗ̇ ܝܲܥܢܘܼܬܵܐ.‏

gavyā lan rēshānūthā: w-yatīr menāh yaʿnūtā.

ܪܵܚܡܝܼܢܲܢ ܦܵܩܘܿܕ݂ܘܼܬܵܐ: ܘܲܠܗܲܠ ܡܸܢܵܗ̇ ܡܵܡܘܿܢܵܐ܀

rāḥmīnan pāqōdhūtā: wa-l-hal menāh māmōnā.

ܫܩܲܠܢܲܢ ܚܘܼܛܪܵܐ ܕܥܲܠܠܵܢܹ̈ܐ: ܘܠܵܐ ܟܵܠܹܝܢܲܢ ܢܸܟ݂ܝܵܢܹ̈ܐ.‏

shqalnan ḥūṭrā d-ʿallānē: w-lā kālēynan nekhyānē.

ܫܸܩܠܵܗ̇ ܕܥܵܢܵܐ ܒܵܥܹܝܢܲܢ: ܘܡ̣ܢ ܡܲܪܥܝܼܬܵܗ̇ ܐܲܗܡܝܼܢܲܢ܀

sheqlāh d-ʿānā bāʿēynan: w-men marʿītāh ahmīnan.

ܤ̣ܵܲܡܲܢ ܕܢܸܗܘܸܐ ܚܲܙܵܝܹ̈ܐ: ܘܕܵܝܵܩܵܐ ܥܲܝܢܲܢ ܡܵܡܘܿܢܵܐ.‏

sāman d-nehwe ḥazāyē: w-dāyāqā ʿaynan māmōnā.

ܡܸܠܚܵܐ ܡܡܲܕ̄ܟܲܬ݂ ܦܲܟ݁ܝ̈ܗܹܐ: ܗܵܐ ܡܸܬ݁ܬ݁ܕܝܼܫܵܐ ܒܲܬ݂ܥܵܫܵܐ܀

melḥā mma(d)kath pakyhē: hā mettdīshā ba-thʿāshā.

ܡܕܝܼܢ̄ܬܵܐ ܕܒܲܢܝܵܐ ܥܲܠ ܛܘܼܪܵܐ: ܒܥܘܼܡܩܵܐ ܕܐܲܪܥܵܐ ܝܸܬ݂ܒܲܬ݀ ܠܵܗ̇.

mdī(n)tā d-ba-nyā ʿal ṭūrā: b-ʿūmqā d-arʿā yethbat lāh.

ܫܪܵܓ݂ܵܐ ܕܡܲܢܗܲܪ ܤܲܓ݁ܝܹ̈ܐܹܐ: ܢܘܼܗܪܹܗ ܒܐܲܪܥܵܐ ܐܸܬ݂ܚܲܦܝܼ܀

shrāghā d-manhar sagyēē: nūhrēh b-arʿā ethḥapī.

ܪܲܒܵܐ ܕܥܘܼܬ݂ܪܹܗ ܒܲܫܡܲܝܵܐ: ܒܥܲܦܪܵܐ ܤܵܐ̇ܡ ܤܝܼܡܵܬܹܗ.‏

rabā d-ʿūthrēh ba-shmayā: b-ʿaprā sām sīmātēh.

ܟܵܗܢܵܐ ܕܡܲܥܬܲܪ ܤܲܓ݁ܝܹ̈ܐܹܐ: ܒܵܬܲܪ ܕܲܗܒ݂ܵܐ ܗܵܐ ܪܵܗܹ̇ܛ܀

kāhnā d-maʿtar sagyēē: bātar da-hvā hā rāhēṭ.

ܟܘܼܡܪܵܐ ܕܝܵܗܹ̇ܒ݂ ܠܲܐ̄ܚܪ̈ܵܢܹܐ: ܝܲܡܐ ܘܝܼܒ݂ܫܵܐ ܗܵܐ ܚܵܕܲܪ.

kūmrā d-yāhēv la-ḥrānē: yam w-īvshā hā ḥādar.

ܪܵܥܝܵܐ ܕܪܵܥܹ̇ܐ ܡܲܪܥܝܼܬ݂ܵܐ: (ܡܵܢܵܘ ܟܹܐܒ݂ܵܗ̇ ܠܵܐ ܝܵܕܲܥ̇.

rāʿyā d-rāʿē marʿīthā: mānāw kēvāh lā yādaʿ.

ܤܵܦܵܪܵܐ ܡܬܲܠܡܸܕ݂ ܗܸܕܝܘܿܛܹ̈ܐ: ܠܡܲܢ ܐܸܬ݁ܬܲܠܡܲܕ݂ ܠܵܐ ܝܵܕܲܥ̇܀

sāpārā mtalmedh hedyōṭē: l-men ettalmadh lā yādaʿ.

ܡ̣ܢ ܐܲܝܟܵܘ ܗܵܢ ܬܘܼܠܡܵܕܵܟ݂: ܐܸܡܲܪ ܠܲܢ ܐܲܝܟ݂ ܕܒܲܦܝܵܤܵܐ.‏

men aykāw hān tūlmādākh: emar lan aykh d-ba-pyāsā.

ܐܸܢ ܡ̣ܢ ܢܒ݂ܝܹ̈ܐ ܗܼ̄ܘ ܐܸܡܲܪ ܠܲܢ: ܘܐܸܢ ܡ̣ܢ ܫܠܝܼܚܹ̈ܐ ܦܲܫܸܩ ܠܲܢ܀

en men nvyē hāw emar lan: w-en men shlīḥē pasheq lan.

ܘܐܸܢ ܡܵܪܵܟ݂ ܚܵܘܝܼ ܗܵܟܲܢ: ܐܸܡܲܪ ܠܲܢ ܐܲܝܟ݂ ܕܒܲܫܪܵܪܵܐ.‏

w-en mārākh ḥāwī hākan: emar lan aykh d-ba-shrārā.

ܟܐܒܗ

kbh

ܐܒܹܗ.5.

ʾbēh..

ܕܥܲܠ ܨܵܘܡܐ ܩܲܕܝܼܫܵܐ. 179

Photograph of page 179 of Bedjan’s 1903 edition, leaf 0688 — Leaf 0688, from Archive.org.

ܘܐܸܢ ܡܵܪܵܐ ܐ̄ܚܪܹܢܵܐ ܙܲܒ݂ܢܵܟ݂: ܫܸܡ ܩܲܕ݂ܡܵܝܵܐ ܐܸܨܛܲܥܲܪ܀

w-en mārā ḥrēnā zavnākh: shem qadhmāyā eṣṭaʿar.

ܘܐܸܢ ܡܸܛܠ ܕܐܵܘܪܸܟ݂ ܪ̈ܲܚܡܵܘܗܝ: ܤܵܒܲܪ ܐܲܢ̄ܬ݁ ܕܐܵܦܠܵܐ ܬܵܒܲܥ̇.

w-en meṭul d-āwrekh raḥmāwhī: sābar a(n)t d-āplā tābaʿ.

ܠܚܲܪܬ݂ܵܐ ܝܵܠܦܲܬ݁ ܬܲܒ̈ܲܥܵܬܹܗ: ܡܵܐ ܕܲܡܚܵܘܸܐ ܟܲܤ̈ܝܵܬ݂ܵܐ܀

l-ḥarthā yālpat tabaʿātēh: mā da-mḥāwe kasyāthā.

ܐܸܢ ܥܲܒ݂ܕܹܗ ܐܲܢ̄ܬ݁ ܕܲܡܫܝܼܚܵܐ: ܠܵܐ ܬܸܬ݂ܪܲܥܸܐ ܪܵܡܘܼܬܵܐ.‏

en ʿavdēh a(n)t da-mshīḥā: lā tethraʿe rāmūtā.

ܘܐܸܢ ܗ݀ܘ ܠܒܸܫ̣ ܡܸܛܠܵܬ݂ܵܟ݂: ܢܲܚ̈ܬܹܐ ܕܒܸܙܚܵܐ ܘܐܸܨܛܲܥܲܪ܀

w-en hāw l-besh meṭlāthākh: naḥtē d-bezḥā w-eṣṭaʿar.

ܠܒܲܫ ܐܵܦ ܐܲܢ̄ܬ݁ ܡܸܛܠܵܬܹܗ: ܤܲܩܵܐ ܨܥܝܼܪܵܐ ܘܐܸܬ݂ܡܲܟܲܟ݂.‏

l-bash āp a(n)t meṭlātēh: saqā ṣʿīrā w-ethmakakh.

ܗܵܘ̇ ܪܲܒܵܐ ܡܸܛܠܵܬ݂ܵܟ݂: ܐܸܬ݁ܬܲܚܬ݁ܝܼ ܠܲܒ݂ܨܝܼܪܘܼܬܵܐ܀

hāw rabā meṭlāthākh: ettaḥtī la-b-ṣīrūtā.

ܘܐܲܢ̄ܬ݁ ܫܝܼܛܵܐ ܡܸܛܠܵܬܹܗ: ܐܸܬ݂ܡܲܟܲܟ݂ ܨܝܕ݂ ܒܲܪ ܙܵܘܓܵܟ݂.‏

w-a(n)t shīṭā meṭlātēh: ethmakakh ṣydh bar zāwgākh.

ܒܲܪ ܡܲܠܟܵܐ ܒܠܲܥ̣ ܡ̣ܢ ܥܲܒ݂ܕܵܐ: ܘܠܵܐ ܩܥܵܐ ܗ̄ܘ̣ܵܐ ܘܠܵܐ ܐܸܬ݂ܚܲܡܲܬ݂܀

bar malkā b-laʿ men ʿavdā: w-lā qʿā (h)wā w-lā ethḥamath.

ܒܠܲܥ ܐܵܦ ܐܲܢ̄ܬ݁ ܡ̣ܢ ܒܲܪ ܙܵܘܓܵܟ݂: ܘܤܲܝܒܲܪܲܝܗܝ ܟܲܕ݂ ܡܲܤܟܸܠ ܒܵܟ݂.‏

b-laʿ āp a(n)t men bar zāwgākh: w-saybarayhī kad maskel bākh.

ܗ݀ܘ ܩܲܒܸ݁ܠ̣ ܨܸܹ̈ܐ ܘܲܫܬܸܩ̣: ܩܲܒܸ݁ܠ ܐܲܢ̄ܬ݁ ܨܲܥܪܵܐ ܘܲܫܠܝܼ܀

hāw qabel ṣe wa-shteq: qabel a(n)t ṣaʿrā wa-shlī.

ܗ݀ܘ ܩܲܒܸ݁ܠ̣ ܡܸܛܠܵܬ݂ܵܟ݂: ܨܘܿܚ̈ܝܵܬ݂ܵܐ ܕܲܒ݂ܢܲܝ̈ ܥܲܡܵܐ.‏

hāw qabel meṭlāthākh: ṣōḥyāthā da-b-naī ʿamā.

ܩܲܒܸ݁ܠ ܐܲܢ̄ܬ݁ ܡܸܛܠܵܬܹܗ: ܡܘܼܝܵܩܐ ܕܲܒ݂ܢܲܝ̈ ܐ̄ܢܵܫܵܐ܀

qabel a(n)t meṭlātēh: mūyāq da-b-naī nāshā.

ܗ݀ܘ ܩܲܒܸ݁ܠ̣ ܪܘܼܩܵܐ ܡܸܛܠ: ܕܲܢܫܝܼܓܵܟ݂ ܡ̣ܢ ܛܲܢܦܘܼܬ݂ܵܐ.‏

hāw qabel rūqā meṭul: da-nshīgākh men ṭanpūthā.

ܩܲܒܸ݁ܠ ܐܲܢ̄ܬ݁ ܛܠܘܼܡܝܵܐ ܡܸܛܠ: ܕܲܬ݂ܩܲܕܹܐ ܛܘܼܒ݂ܵܐ ܕܲܡ̣ܠܲܟ݂܀

qabel a(n)t ṭlūmyā meṭul: da-thqadē ṭūvā da-mlakh.

ܘ݀ܘ ܛ̣ܥܲܢ ܗ̄ܘ̣ܵܐ ܨܠܝܼܒ݂ܵܐ ܡܸܛܠ: ܕܡܲܤܩܵܢܵܐ ܠܪܵܘܡܵܐ ܢܸܥܒܸ݁ܕ݂.‏

ww ṭʿan (h)wā ṣlīvā meṭul: d-masqānā l-rāwmā neʿbedh.

ܛܥܲܢ ܐܵܦ ܐܲܢ̄ܬ݁ ܚܲܫܵܐ ܡܸܛܠ: ܕܲܒ݂ܕܲܪܓ݂ܐ ܕܲܠܥܸܠ ܬܩܘܼܡ܀

ṭʿan āp a(n)t ḥashā meṭul: da-b-da-rgh da-l-ʿal tqūm.

ܘ݀ܘ ܨܲܠܒ݂ܘܼܗܝ ܟܲܕ݂ ܠܵܐ ܐܲܤܟܸ݁ܠ̣: ܕܤܲܟ݂ܠܘܼܬܹܗ ܕܐܵܕܵܡ ܬܸܥܒܲܪ.

ww ṣalvūhī kad lā askel: d-sakhlūtēh d-ādām teʿbar.

ܨܠܘܿܒ݂ ܢܲܦ̮ܫܵܟ݂ ܥܲܠ ܤܲܟ݂ܠܘܼܬܵܟ݂: ܕܲܢܪܲܥܹܝܟ݂ ܥܲܡ ܫܵܠܘܿܚܹܗ܀

ṣlōv napshākh ʿal sakhlūtākh: da-nraʿēykh ʿam shālōḥēh.

ܩܕܵܡ ܚܲܝܵܐ ܥܲܠ ܒܘܼܪ̈ܟܲܝܗܘܿܢ: ܒܪܲܟ݂ܘ ܘܲܩܥܵܘ ܕܐܲܚܵܐ ܢܲܦ̮ܫܵܟ݂.‏

qdām ḥayā ʿal b-w-rkayhōn: b-rakhw wa-qʿāw d-aḥā napshākh.

ܩܕܵܡ ܐܲܚܘܼܟ݂ ܡܸܛܠ ܚܲܝܲܝܟ݂: ܒܪܲܟ݂ ܘܲܤܓ݂ܘܿܕ݂ ܘܐܲܚܵܐ ܢܲܦ̮ܫܵܟ݂܀

qdām aḥūkh meṭul ḥayaykh: b-rakh wa-sghōdh w-aḥā napshākh.

ܡܹܐܡܪܵܐ ܝܝܚ. ܕܡ̇ܪܝ ܐܝܼܤܚܵܩ ܕܐܲܢܛܝܘܿܟ݂ 180

Photograph of page 180 of Bedjan’s 1903 edition, leaf 0687 — Leaf 0687, from Archive.org.

ܠܵܐ ܐ̄ܡܲܪ ܡܵܪܵܟ݂ ܥܲܠ ܢܲܦ̮ܫܹܗ: ܕܡܲܠܟܵܐ ܗ̄ܘ̣ܵܐ ܩܕܵܡ ܦܝܼܠܵܛܘܿܣ.

lā mar mārākh ʿal napshēh: d-malkā (h)wā qdām pīlāṭōs.

ܠܵܐ ܬܹܐܡܲܪ ܐܲܢ̄ܬ݁ ܥܲܠ ܢܲܦ̮ܫܵܟ݂: ܕܙܲܟܵܝ ܐܲܢ̄ܬ݁ ܡܵܐ ܕܐܸܬ݂ܢܲܨ̈ܚ̣ܬ݁܀

lā tēmar a(n)t ʿal napshākh: d-zakāī a(n)t mā d-ethnaṣḥt.

ܠܵܐ ܫܡܲܥ̣ ܡܸܢܹܗ ܦܝܼܠܵܛܘܿܣ: ܘܲܟ݂ܬܲܒ݂ ܠܹܗ ܕܡܲܠܟܵܐ ܐܝܼܬܵܘܗܝ.

lā shmaʿ menēh pīlāṭōs: wa-khtav lēh d-malkā ʾītāwhī.

ܠܵܐ ܐ̄ܢܵܫ ܢܸܫܡܲܥ ܫܘܼܒ݂ܗܵܪܵܟ݂: ܘܗܵܐ ܟܲܬ݂ܒ݁ܘܼܟ݂ ܒܲܪ ܡܲܠܟ݁ܘܼܬ݂ܵܐ܀

lā nāsh neshmaʿ shūvhārākh: w-hā kathbūkh bar malkūthā.

ܟܵܗܢܵܐ ܘܟ݂ܘܼܡܪܵܐ ܢܲܨܝܼܚܵܐ: ܒܲܫܡܵܟ݂ ܥܵܢܵܟ݂ ܬܸܬ݂ܢܛܲܪ.‏

kāhnā w-khūmrā naṣīḥā: ba-shmākh ʿānākh tethnṭar.

ܪܲܒܵܐ ܘܪܵܥܝܵܐ ܫܲܪܝܼܪܵܐ: ܚܬ݂ܝܼܡܵܐ ܒܲܫܡܵܟ݂ ܡܲܪܥܝܼܬܵܟ݂܀

rabā w-rāʿyā sharīrā: ḥthīmā ba-shmākh marʿītākh.

ܠܸܡ̣ (ܡܹܐܡܪܵܐ ܕ

lem mēmrā d

ܨܘܡܵܐ

ṣwmā

ܝܼܠܹܗ ܕܛܘܼܒ݂ܵܢܵܐ ܡܵܪܝ ܐܝܼܤܚܵܩ

īlēh d-ṭūvānā mārī ʾīsḥāq

ܪܐ ܙܫܦ̄ܥܢ.

r zsh(p)ʿn.

ܥܲܠ ܡܲܟ݁ܤܵܢܘܼܬܵܐ

ʿal maksānūtā

ܐܸܒ݂ܠܵܐ ܗܼ̄ܘ ܪܲܒܵܐ ܥܲܠ ܗܵܕܹܐ: ܕܲܟ݂ܡܵܐ ܛܲܒ݁ܝܼܥ ܪܸܥܝܵܢܲܢ.

evlā hāw rabā ʿal hādē: da-khmā ṭabīʿ reʿyānan.

ܕܫܸܡܫܵܐ ܗܵܐ ܕܢܲܚ̣ ܒܲܒ݂ܪܝܼܬ݂ܵܐ: ܘܫܸܢܬܲܢ ܕܝܼܠܲܢ ܠܵܐ ܦܸܪܕܲܬ݀܀

d-shemshā hā d-naḥ ba-b-rīthā: w-shentan d-īlan lā perdat.

ܢܘܼܗܪܵܐ ܗܵܐ ܦܪܝܼܣ ܥܲܠ ܬܹܒܹܝܠ: ܘܕܲܡ̈ܟܹܐ ܚܸܠܡ̈ܐ ܡܸܫܬܲܥܹܝܢ.‏

nūhrā hā prīs ʿal tēbēyl: w-da-mkē ḥelm meshtaʿēyn.

ܬܲܓܵܪܹ̈ܐ ܐܵܘܦܝܼܘ ܐܘܼܪܚܵܐ: ܘܲܚܒܸ̈ܢܵܢܹܐ ܠܵܐ ܫܲܪܝܼܘ܀

tagārē āwpīw ʾūrḥā: wa-ḥbenānē lā sharīw.

ܘܐܸܢ ܟܲܕ݂ ܠܵܐ ܢܸܕ݂ܢܲܚ ܢܘܼܗܪܵܐ: ܐܝܼܬ݂ ܗ̄ܘ̣ܵܐ ܐܲܟ݂ܒܲܪ ܠܲܡܦܵܤܘܼ.‏

w-en kad lā nedhnaḥ nūhrā: ʾīth (h)wā akhbar la-mpāsū.

ܕܥܠ ܨܘܡܐ.1 . ܡܹܐܡܪܐ ܕܨܵܘܡܵܐ.5 .

d-ʿal ṣwm.. mēmr d-ṣāwmā..

ܕܝܚ .II

d-yḥ.

) ܕܡܠܦܢܐ.IV. 1

d-mlpn..

ܚ̇ܠܝܼܡܐ.i6V. 1

ḥlīm..

ܘܬ48 2

wt

ܡܦܣܘ .I.1

mpsw..

Memra 25 On ṣāwmā qadīshā d-arbʿīn

Suggest a correction