Memra 6 On īḥīdāyē w-avīlē w-madhbrāyē

Pages 48–70 · 23 pages · translations not yet written

ܡܹܐܡܪܵܐ .ܘ. ܕܡܪܝ ܐܝܼܤܚܵܩ ܕܐܲܢܛܝܘܿܟ݂ 48
Photograph of page 48 of Bedjan’s 1903 edition, leaf 0819
Leaf 0819, from Archive.org.

ܕܗܵܘ̇ ܡܵܘܬܵܐ ܕܐܸܬ݂ܵܐ ܒܵܬܲܪܝ: ܗ݀ܘ ܚܲܒܸ݁ܠ̣ ܘܲܫ̣ܪܵܐ ܨܘܼܪܵܬ݂ܝ܀

d-hāw māwtā d-ethā bātarī: hāw ḥabel wa-shrā ṣūrāthī.

ܩܦܲܠ̣ ܘܲܫ̣ܕܵܐ ܡܸܫܟܵܐ ܕܐܲܦܲܝ: ܘܗܵܐ ܥܒ݂ܝܼܕ݂ ܐ̄ܢܵܐ ܐܲܝܟ݂ ܠܵܐ ܡܸܕܲܡ.‏

qpal wa-shdā meshkā d-apaī: w-hā ʿvīdh nā aykh lā medam.

ܩܲܪܒܲܬ݂ ܨܝܕ݂ ܗܵܘ̇ ܡܸܤܟܹ݁ܢܵܐ: ܘܫܲܪܝܼܬ݂ ܗܵܟܲܢ ܐܹܡܲܪ ܠܹܗ܀

qarbath ṣydh hāw meskēnā: w-sharīth hākan ēmar lēh.

ܐܘ̇ ܡܸܤܟܹܢܵܐ ܐܸܡܲܪ ܠܝܼ: ܐܲܝܟܲܢܵܐ ܥܒ݂ܝܼܕ݂ ܐܲܢ̄ܬ݁ ܗܵܪܟܵܐ.

ʾw meskēnā emar lī: aykanā ʿvīdh a(n)t hārkā.

ܘܐܸܡܲܪ ܠܝܼ ܕܡ̇ܢ ܩܵܪܹܝܬ݁ ܠܝܼ: ܡܸܤܟ݂ܹܢܵܐ ܐܵܘ ܚܵܕ݂ܘܿܪܵܐ܀

w-emar lī d-men qārēyt lī: meskhēnā āw ḥādhōrā.

ܠܵܐ ܝ̄ܕ݂ܝܼܥ ܗܵܪܟܵܐ ܡܸܤܟܹ݁ܢܵܐ: ܘܠܵܐ ܦܪܝܼܫ ܗܵܪܟܵܐ ܥܲܬ݁ܝܼܪܵܐ.

lā (y)dhīʿ hārkā meskēnā: w-lā prīsh hārkā ʿatīrā.

ܕܚܲܕ݂ ܡܵܘܬܵܐ ܫܲܘܝܵܐ ܕܵܒܲܪ: ܠܥܲܬ݁ܝܼܪܹ̈ܐ ܘܲܠܡܸܤܟܹ̈ܢܹ̈ܐ܀

d-ḥadh māwtā shawyā dābar: l-ʿatīrē wa-l-meskēnē.

ܘܐܵܦ ܗܵܢܵܐ ܕܐܸܬܲܝܬ݁ ܕܬܸܩܒ݁ܘܿܪ: ܠܵܘ ܐܲܟ݂ܡܵܐ ܕܐܝܼܬܵܘܗܝ ܦܵܐܲܫ.

w-āp hānā d-etayt d-teqbōr: lāw akhmā d-ʾītāwhī pāash.

ܕܥܲܕ݂ ܡܠܹܐ ܫܲܒܲܬ݂ ܝܵܘܡܹ̈ܐ: ܢܵܐܲܚ̇ ܫܘܼܦܪܹܗ ܘܗܲܕܵܡܵܘ̈ܗܝ܀

d-ʿadh mlē shabath yāwmē: nāaḥ shūprēh w-hadāmāwhī.

ܟܲܕ݂ ܗܵܠܹܝܢ ܫܸܡܥܹܬ݂ ܡܸܢܹܗ: ܠܵܘܝܼܢܵܝܗܝ ܥܕܲܡܐ ܠܩܲܒ݂ܪܵܐ.‏

kad hālēyn shemʿēth menēh: lāwīnāyhī ʿdam l-qavrā.

ܘܐܸܚܲܕ݂ܢܲܢ ܟܹܐܦܵܐ ܒܐܲܦܵܘ̈ܗܝ: ܘܐܸܙܲܠ̣ ܟܠܢܵܫ ܠܲܥ̇ܒ݂ܵܕܹܗ܀

w-eḥadhnan kēpā b-apāwhī: w-ezal klnāsh la-ʿvādēh.

ܘܟܲܕ݂ ܡܠܲܘ ܠܹܗ ܫܲܒܲܬ݂ ܝܵܘܡܹܐ: ܢܸܦܠܲܬ̤ ܗܸܪܬ݂ܵܐ ܒܡܲܪ̈ܗܵܛܵܘܗܝ.

w-kad mlaw lēh shabath yāwmē: neplat herthā b-marhāṭāwhī.

ܘܓܸܢܤܹܗ ܟ̱ܠܹܗ ܐܸܬ݂ܦܲܪܲܣ: ܕܢܸܥܠܘܿܒ݂ ܢܸܤܲܒ݂ ܘܲܕ݂ܢܸܚܛܘܿܦ܀

w-gensēh klēh ethparas: d-neʿlōv nesav wa-d-neḥṭōp.

ܘܥܲܕ݂ ܩܲܠܝܼܠ ܝܵܘܡܹ̈ܐ ܩܪܵܬܲܢܝ: ܥܸܠܬܵܐ ܕܐܸܥܒܲܪ ܥܲܠ ܩܲܒ݂ܪܹܗ.‏

w-ʿadh qalīl yāwmē qrātanī: ʿeltā d-eʿbar ʿal qavrēh.

ܘܲܡ̣ܚܵܢܝ ܪܹܝܚܵܐ ܕܤܲܪܝܘܼܬܹܗ: ܘܲܢܚܝܼܪ̈ܲܝ ܤܸܟ݂ܪܹܬ݂ ܡܸܢܹܗ܀

wa-mḥānī rēyḥā d-saryūtēh: wa-nḥīraī sekhrēth menēh.

ܘܐܸܙܲܠܬ݂ ܝܸܬܲܒܲܬ݂ ܡ̣ܢ ܪܘܼܚܩܵܐ: ܘܫܲܪܝܲܬ݂ ܕܗܵܟܲܢ ܐܵܡܲܪ ܗ̄ܘܹ̇ܝܬ݂.

w-ezalth yetabath men rūḥqā: w-sharyath d-hākan āmar (h)wēyth.

ܗܵܘ̇ ܕܐܸܬ݂ܡܠܝ ܥܲܡܝ ܚܵܕܹܐ ܗ̄ܘ̣ܵܐ: ܗܵܐ ܥܸܪܩܹܬ݂ ܠܝܼ ܡ̣ܢ ܪܹܚܚܹܗ܀

hāw d-ethmlī ʿamī ḥādē (h)wā: hā ʿerqēth lī men rēḥḥēh.

ܐܸܬ݂ܡ̇ܠܝ ܚܲܒ݂ܪܵܐ ܥܒ݂ܝܼܕ݂ ܗ̄ܘ̣ܵܐ ܠܝܼ: ܘܝܵܘܡ̇ܢ ܥܒ݂ܝܼܕ݂ ܠܝܼ ܤܘܼܪܵܕܵܐ.‏

ethmlī ḥavrā ʿvīdh (h)wā lī: w-yāwmn ʿvīdh lī sūrādā.

ܐܸܬ݂ܡܠܝ ܨܵܘܬܵܐ ܥܒ݂ܝܼܕ݂ ܗ̄ܘ̣ܵܐ ܠܝܼ: ܘܝܵܘܡ̇ܢ ܩܲܒ݂ܪܹܗ ܡܕܲܚܸܠ ܠܝܼ܀

ethmlī ṣāwtā ʿvīdh (h)wā lī: w-yāwmn qavrēh mdaḥel lī.

ܡ̣ܢ ܥܲܪ̈ܤܵܬ݂ܵܐ ܪ̈ܵܡܵܬ݂ܵܐ: ܗܵܐ ܓܘܼܪ̈ܢܹܐ ܕܲܡܠܹܝܢ ܓܲܪ̈ܡܹܐ.‏

men ʿarsāthā rāmāthā: hā gūrnē da-mlēyn garmē.

ܘܡ̣ܢ ܪܹ̈ܝܚܵܢܹܐ ܒܲܤܝܼ̈ܡܹܐ: ܪܹܝܚܵܐ ܤܲܪܝܵܐ ܕܠܵܐ ܤܵܟ݂ܵܐ

w-men rēyḥānē ba-sīmē: rēyḥā saryā d-lā sākhā

ܕܥܲܠ ܝܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕܒܵܪܵܝܹܐ 49
Photograph of page 49 of Bedjan’s 1903 edition, leaf 0818
Leaf 0818, from Archive.org.

ܡ̣ܢ ܡܐܟܲܠܵܬ݂ܵܐ ܘܚܲܡܪ̈ܵܢܹܐ: ܗܵܐ ܤܵܤܵܐ ܕܩܲܠܝܼܠ ܪܲܗܛܵܗ̇.

men mkalāthā w-ḥamrānē: hā sāsā d-qalīl rahṭāh.

ܘܡ̣ܢ ܝܲܙ̈ܦܬ݂ܵܐ ܕܝܗܹܒ݂ ܗ̄ܘ̣ܵܐ: ܠܵܐ ܠܒ݂ܝܼܟ݂ ܡܸܕܲܡ ܒܹܝܬ݂ ܐܝܼܕ݂ܵܘ̈ܗܝ܀

w-men yazpthā d-yhēv (h)wā: lā l-b-īkh medam bēyth ʾīdhāwhī.

ܪܸ̈ܓ݂ܠܹܐ ܕܲܪܗܸܛ̣ ܒܐܘܼܪ̈ܚܵܬ݂ܵܐ: ܕܠܵܐ ܦܟ݂ܵܪܹ̈ܐ ܫܲܪ̈ܝܵܢ ܒܲܫܝܘܿܠ.

reghlē da-rheṭ b-ʾūrḥāthā: d-lā pkhārē sharyān ba-shyōl.

ܦܘܼܡܵܐ ܕܡܲܠܸܠ̣ ܘܐܸܫܬܲܒܲܚ: ܒܠܝܼܡ ܘܲܤܟ݂ܝܼܪ ܘܲܡܠܸܐ ܤܵܤܵܐ܀

pūmā d-malel w-eshtabaḥ: b-l-īm wa-skhīr wa-mle sāsā.

ܥܲܝ̈ܢܹܐ ܕܲܫ̣ܦܲܪ ܒܬܸܡܪ̈ܲܝܗܹܝܢ: ܕܠܵܐ ܚܙܵܬ݂ܵܐ ܘܠܵܐ ܒܵܒ̈ܵܬ݂ܵܐ.

ʿaynē da-shpar b-temrayhēyn: d-lā ḥzāthā w-lā bābāthā.

ܐܝܼܕܹܐ ܕܲܒ̈ܢܲܝ ܒܸܢܝܵܢܹ̈ܐ: ܘܒ݂ܝܼܪ̈ܵܬ݂ܵܐ ܠܦܘܼܪ̈ܦܵܥܲܝܗܹܝܢ܀

ʾīdē da-b-naī benyānē: w-b-īrāthā l-pūrpāʿayhēyn.

ܗܵܐ ܥܒ݂ܝܼܕ݂ܵܢ ܙܸܒ݂ܠܵܐ ܘܐܘܼܟ݂ܠܵܐ: ܘܲܤܝܵܢܵܐ ܒܫܘܼܩܹ̈ܗ̇ ܕܲܫܝܘܿܠ.

hā ʿvīdhān zevlā w-ʾūkhlā: wa-syānā b-shūqēh da-shyōl.

ܡ̣ܢ ܟܠ ܕܲܗܘܵܐ ܠܠܵܐ ܡܸܕܲܡ: ܠܓܸܢܤܹܗ ܗܵܦܹܟ݂ ܟܠܡܸܕܸܡ܀

men kul da-hwā l-lā medam: l-gensēh hāpēkh klmedem.

ܒܪܝܼܟ݂ ܕܲܡܢܲܚܸܡ ܠܹܗ ܠܐܵܕܵܡ: ܡ̣ܢ ܓܵܘ ܩܲܒ݂ܪܵܐ ܒܬܸܫܒ݁ܘܿܚܬܵܐ.

b-rīkh da-mnaḥem lēh l-ādām: men gāw qavrā b-teshbōḥtā.

ܵܐ ܘܡܲܕ݂ܒ݁ܪܵܝܹܐ.

w-madhbrāyē.

ܐܲܠܵܗܵܐ ܕܲܬ݂ܩܲܠ̣ ܛܘܼܪܹ̈ܐ: ܒܝܲܕ݂ ܚܲܝܠܵܐ ܕܠܵܐ ܡܲܬ݂ܩܵܠܵܐ.

alāhā da-thqal ṭūrē: b-yadh ḥaylā d-lā mathqālā.

ܡܫܝܼܚܵܐ ܕܐܲܟ݁ܝܼܠ ܠܲܬ݂ܗܘܿܡ̈ܐ: ܒܝܼܕܲܥܬܵܐ ܕܠܵܐ ܡܸܬ݁ܬ݁ܟ݂ܝܼܠܵܐ؟

mshīḥā d-akīl la-thhōm: b-īdaʿtā d-lā mettkhīlā

ܪܘܼܚܵܐ ܕܡܲܫܲܚ̣ ܒܸܪ̈ܝܵܬ݂ܵܐ: ܒܛܲܝܒ݁ܘܼܬܵܐ ܕܠܵܐ ܡܸܬ݂ܡܲܫܚܵܐ.

rūḥā d-mashaḥ beryāthā: b-ṭaybūtā d-lā methmashḥā.

ܬܠܝܼܬ݂ܵܝܵܐ ܕܒܹܗ ܐܸܫܬܲܡܠܝܼܘ: ܟܠܗܘܿܢ ܥܒ݂ܕ݂ܵܘ̈ܗܝ ܕܐܲܠܵܗܵܐ܀

tlīthāyā d-bēh eshtamlīw: klhōn ʿvdhāwhī d-alāhā.

ܐܝܼܬ݂ܘܼܬ݂ܵܐ ܕܠܵܐ ܡܸܬ݂ܦܲܠܓܵܐ: ܒܲܒ݂ܥܵܬܵܐ ܡ̣ܢ ܡ̣ܲܢ ܕܲܦܠܝܼܓ݂.‏

ʾīthūthā d-lā methpalgā: ba-b-ʿātā men men da-plīgh.

ܡܐܡܪܵܐ .ܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 50
Photograph of page 50 of Bedjan’s 1903 edition, leaf 0817
Leaf 0817, from Archive.org.

ܝܼܚܝܼܕܵܝܵܐ ܕܠܵܐ ܡܸܬ݂ܦܪܸܫ: ܒܲܒ݂ܨܵܬ݂ܵܐ ܡ̣ܢ ܡܲܢ ܕܲܦܠܝܼܓ݂܀

īḥīdāyā d-lā methpresh: ba-b-ṣāthā men men da-plīgh.

ܪܘܼܚܩܘܼܕܫܵܐ ܕܠܵܐ ܡܸܬ݂ܢܲܟ݂ܪܸܐ: ܒܲܕ݂ܪܵܫܵܐ ܡ̣ܢ ܫܵܠܘܿܚܹܗ.‏

rūḥqūdshā d-lā methnakhre: ba-d-rāshā men shālōḥēh.

ܪܲܚܡܵܢܵܐ ܕܲܡܤܲܝܒܲܪ ܠܲܢ: ܘܚܵܐ̇ܢ ܠܲܢ ܟܲܕ݂ ܒܝܼܫܝܼܢܲܢ܀

raḥmānā da-msaybar lan: w-ḥān lan kad b-īshīnan.

ܚܲܢܵܢܵܐ ܕܚܲܤ̣ܝܼ ܒܚܘܼܒܹܗ: ܒܸܪ̈ܝܵܬ݂ܵܐ ܡ̣ܢ ܫܘܼܪܵܝܵܐ.

ḥanānā d-ḥasī b-ḥūbēh: beryāthā men shūrāyā.

ܒܲܪ ܛܵܒ݂ܵܐ ܕܲܦܪܝܼܣ ܚܘܼܒܹܗ: ܥܲܠ ܒܝܼܫܹܐ ܡ̣ܢ ܪܹܫܝܼܬ݂ܵܐ܀

bar ṭāvā da-prīs ḥūbēh: ʿal b-īshē men rēshīthā.

ܪܘܼܚܩܘܼܕܫܵܐ ܕܲܦܬܲܚ̣ ܦܘܼܡܵܐ: ܕܒܸܪ̈ܝܵܬ݂ܵܐ ܒܝܲܕ݂ ܬܸܫܒ݁ܘܿܚܬܹܗ.

rūḥqūdshā da-ptaḥ pūmā: d-beryāthā b-yadh teshbōḥtēh.

ܘܝܼܪܸܒ݂ܢܲܢ ܡܸܛܠ ܗܵܕܹܐ: ܕܢܲܤܸܩ ܠܹܗ ܫܘܼܒ݂ܚܵܐ ܚܲܕ݂ܬܵܐ܀

w-īrevnan meṭul hādē: d-naseq lēh shūvḥā ḥadhtā.

ܫܡܲܝ̈ܵܐ ܡܸܫܬܲܥܹܝܢ ܫܘܼܒ݂ܚܹܗ: ܕܐܲܠܵܗܵܐ ܐܲܟ݂ܡܵܐ ܕܲܟ݂ܬ݂ܝܼܒ݂.

shmayā meshtaʿēyn shūvḥēh: d-alāhā akhmā da-khthīv.

ܘܲܪܩܝܼܥܵܐ ܡܚܵܘܸܐ ܥ̇ܒ݂ܵܕܵܘ̈ܗܝ: ܕܒ݂ܵܪܘܿܝܵܐ ܕܠܵܐ ܥܘܼܩܵܒ݂ܵܐ܀

wa-rqīʿā mḥāwe ʿvādāwhī: d-vārōyā d-lā ʿūqāvā.

ܐܵܦ ܝܲܡܵܐ ܝܲܗ̣̄ܒ݂ ܠܹܗ ܫܘܼܒ݂ܚܵܐ: ܒܬܲܢܝ̈ܢܹܐ ܕܐܝܼܬ݂ ܒܲܬ݂ܗܘܿܡܵܘ̈ܗܝ.

āp yamā ya(h)v lēh shūvḥā: b-tanynē d-ʾīth ba-thhōmāwhī.

ܘܐܲܪܥܵܐ ܐܲܤܩܲܬ݀ ܬܸܫܒ݁ܘܿܚܬܵܐ: ܒܙܲܕܝܼܩܹܐ ܕܐܝܼܬ݂ ܒܲܬ݂ܚܘܼܡܹܝܗ̇܀

w-arʿā asqat teshbōḥtā: b-zadīqē d-ʾīth ba-thḥūmēyh.

ܐܵܦ ܛܘܼܪܹ̈ܐ ܙܡܲܪܘ ܬܸܫܒ݁ܘܿܚܬܵܐ: ܒܗܵܠܹܝܢ ܕܝܬܹܒ݁ܝܼܢ ܒܲܫܩܝܼܦܹܐ.

āp ṭūrē zmarw teshbōḥtā: b-hālēyn d-ytēbīn ba-shqīpē.

ܘܪ̈ܵܡܵܬܵܐ ܥܢܲܝ ܗܘܼ̈ܠܵܠܹܐ: ܒܐܲܒ݂ܝܼܠܹܐ ܛܥܝܼܢܲܝ̈ ܚܲܫܹ̈ܐ܀

w-rāmātā ʿnaī hūlālē: b-avīlē ṭʿīnaī ḥashē.

ܫܲܒܲܚܘ ܝܬ݂ܒ݂ܝ ܒܲܫܩܝܼܦܹܐ: ܩܲܕܸܡ ܐܲܟ݂ܪܸܙ ܐܹܫܲܥܝܵܐ.‏

shabaḥw ythvī ba-shqīpē: qadem akhrez ēshaʿyā.

ܘܡ̣ܢ ܪܹܫܵܐ ܕܛܘܼܪܹ̈ܐ ܢܸܩܥܘܿܢ: ܬܢܵܐ ܘܐܸܬ݂ܢܲܒ݁ܝܼ ܒܲܪ ܐܵܡܘܿܨ܀

w-men rēshā d-ṭūrē neqʿōn: tnā w-ethnabī bar āmōṣ.

ܥܲܠ ܦܲܥܪܹ̈ܐ ܕܹܝܢ ܘܲܡܥܲܪܹ̈ܐ: ܙܵܥܹ̇ܬ݂ ܕܐܹܡܲܪ ܫܲܪ̈ܒܲܝܗܘܿܢ.‏

ʿal paʿrē dēyn wa-mʿarē: zāʿēth d-ēmar sharbayhōn.

ܕܲܒ݂ܓ݂ܵܘ ܫܘܿܥܹ̈ܐ ܘܒܲܫܩܝܼܦܹܐ: ܥ̣ܡܲܪܘ ܗ̄ܘ̣ܵܘ ܓܲܒ݂ܪܹ̈ܐ ܕܲܡܫܘܼܚܬ݂ܵܐ܀

da-b-ghāw shōʿē w-ba-shqīpē: ʿmarw (h)wāw gavrē da-mshūḥthā.

ܒܲܡܥܲܪܬ݂݂ܵܐ ܥ̣ܡܲܪ ܐܸܠܝܼܵܐ: ܘܲܒ݂ܪܹܫ ܛܘܼܪܵܐ ܐܹܠܝܼܫܲܥ.‏

ba-mʿarthā ʿmar elī: wa-b-rēsh ṭūrā ēlīshaʿ.

ܒܚܘܼܪܒܵܐ ܥ̣ܡܲܪ ܗ̄ܘ̣ܵܐ ܝܘܿܚܲܢܵܢ: ܘܲܒ݂ܕܲܒ݂ܪܵܐ ܨܲܠܝܼ ܡܵܪܲܢ܀

b-ḥūrbā ʿmar (h)wā yōḥanān: wa-b-da-b-rā ṣalī māran.

ܪܲܒ݁ ܗ̣̄ܘ ܚܘܼܪܒܵܐ ܡ̣ܢ ܫܲܝܢܵܐ: ܠܐܲܝܢܵܐ ܕܦܵܪܹܫ ܐܝܼܩܵܪܹܗ.

rab hāw ḥūrbā men shaynā: l-aynā d-pārēsh ʾīqārēh.

ܘܒܫܩܝ̈

w-b-shqī

ܕܥܲܠ ܝܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕ݂ܒ݁ܪܵܝܹ̈ܐ.‏ 51
Photograph of page 51 of Bedjan’s 1903 edition, leaf 0816
Leaf 0816, from Archive.org.

ܘܛܵܒ݂ܝܼܢ ܛܘܼܪܹ̈ܐ ܡ̣ܢ ܟܲܪ̈ܟܹܐ: ܠܐܲܝܢܵܐ ܕܝܵܕܲܥ̇ ܛܲܝܒ݁ܘܼܬܹܗ܀

w-ṭāvīn ṭūrē men karkē: l-aynā d-yādaʿ ṭaybūtēh.

ܒܲܙܥܘܿܪ̈ܝܵܬ݂ܵܐ ܐܸܬ݂ܒܲܩܵܐ: ܘܤܲܒ݂ ܠܵܟ݂ ܡܸܢܗܹܝܢ ܬܲܚܘܝܼܬ݂ܵܐ.

ba-zʿōryāthā ethbaqā: w-sav lākh menhēyn taḥwīthā.

ܒܲܫܚܝܼܡܵܬ݂ܵܐ ܐܸܬ݂ܒܲܝܲܢ: ܘܝܼܠܲܦ ܡܸܢܗܹܝܢ ܒܘܼܝܵܢܵܐ܀

ba-shḥīmāthā ethbayan: w-īlap menhēyn b-w-yānā.

ܠܵܐ ܪܵܡܹܝܢ ܫܲܒ݂ܛܵܐ ܡܸܡܬ݂ܘܿܡ: ܥܲܠ ܚܲܝ̈ܘܵܬ݂ܵܐ ܕܲܒ݂ܕܲܒ݂ܪܵܐ.

lā rāmēyn shavṭā memthōm: ʿal ḥaywāthā da-b-da-b-rā.

ܘܠܵܐ ܕܲܝ̈ܨܵܬ݂ܵܐ ܕܲܒ݂ܛܘܼܪܹ̈ܐ: ܡܸܬ݂ܡܲܬ̈ܚܵܢ ܩܕܵܡ ܓܵܙܘܿܙܹ̈ܐ܀

w-lā da-yṣāthā da-b-ṭūrē: methmatḥān qdām gāzōzē.

ܚܙܝܼ ܥܪܵܕܵܐ ܕܲܒ݂ܓ݂ܵܘ ܕܲܒ݂ܪܵܐ: ܕܠܵܐ ܐ̄ܢܵܫ ܪܵܟܹ̇ܒ݂ ܥܲܠ ܚܲܨܹܗ.

ḥzī ʿrādā da-b-ghāw da-b-rā: d-lā nāsh rākēv ʿal ḥaṣēh.

ܚܙܝܼ ܛܲܒ݂ܝܵܐ ܕܲܒ݂ܓܵܘ ܚܘܼܪܒܵܐ: ܕܠܵܐ ܫܵܩ̇ܠܝܼܢ ܠܲܢܙܝܼܪܘܼܬܹܗ̇܀

ḥzī ṭavyā da-b-gāw ḥūrbā: d-lā shāqlīn la-nzīrūtēh.

ܚܘܼܪ ܒܐܲܝ̈ܠܹܐ ܕܲܒ݂ܪ̈ܵܡܵܬ݂ܵܐ: ܕܠܵܐ ܕܵܒܲܪܝܼܢ ܒܗܘܿܢ ܦܲܕܵܢܵܐ.‏

ḥūr b-aylē da-b-rāmāthā: d-lā dābarīn b-hōn padānā.

ܐܸܬ݂ܒܲܩܵܐ ܒܚܲܝܘܿܬ݂ ܫܸܢܵܐ: ܟܲܕ݂ ܐܵܟ̇ܠܵܐ ܕܠܵܐ ܡܲܬ݂ܩܵܠܵܐ܀

ethbaqā b-ḥayōth shenā: kad āklā d-lā mathqālā.

ܚܵܙܝܼ ܚܲܓ݂ܠܵܐ ܕܲܒ݂ܓܵܘ ܫܘܿܥܵܐ: ܕܠܵܐ ܫܵܩܹ̇ܠ ܠܸܩܛܵܐ ܒܟܲܝܠܵܐ.

ḥāzī ḥaghlā da-b-gāw shōʿā: d-lā shāqēl leqṭā b-kaylā.

ܐܸܬ݂ܒܲܩܵܐ ܒܹܗ ܒܬܲܪܘܼܚܵܐ: ܕܠܵܐ ܥܵܐܲܠ ܠܐܲܬ݂ܪܵܐ ܕܫܲܝܢܵܐ܀‏

ethbaqā bēh b-tarūḥā: d-lā ʿāal l-athrā d-shaynā.

ܚܙܝܼ ܠܐܲܪܝܵܐ ܕܲܟ݂ܡܵܐ ܕܐܝܼܬܵܘܗܝ: ܒܓܵܘ ܕܲܒ݂ܪܵܐ ܠܵܐ ܡܸܬ݂ܒܲܙܲܚ.

ḥzī l-aryā da-khmā d-ʾītāwhī: b-gāw da-b-rā lā methbazaḥ.

ܐܸܬ݂ܒܲܩܵܐ ܒܢܸܫܪܵܐ ܕܲܟ݂ܡܵܐ: ܕܒܲܫܩܝܼܦܵܐ ܗ̄ܘ ܠܵܐ ܡܸܬ݂ܒܲܙܲܚ܀

ethbaqā b-neshrā da-khmā: d-ba-shqīpā hāw lā methbazaḥ.

ܐܸܢ ܥܵܐܲܠ ܐܲܪܝܵܐ ܠܟܲܪܟ݂ܐ: ܗܘܵܐ ܠܹܗ ܫܥܵܬܵܐ ܠܚܲܙܵܝܹ̈ܐ.

en ʿāal aryā l-karkh: hwā lēh shʿātā l-ḥazāyē.

ܐܸܢ ܐܲܩܸܢ ܢܸܫܪܵܐ ܒܒܲܝܬܵܐ: ܬܸܢܵܢܵܐ ܡܥܵܘܲܪ ܥܲܝܢܵܘ̈ܗܝ܀

en aqen neshrā b-ba-ytā: tenānā mʿāwar ʿaynāwhī.

ܥܪܵܕܵܐ ܘܛܲܒ݂ܝܵܐ ܐܸܢ ܥܵܐܲܠ: ܠܓ݂ܵܘ ܫܲܝܢܵܐ ܒܩܸܢܛܵܐ ܐܝܼܬܵܘܗܝ.

ʿrādā w-ṭavyā en ʿāal: l-ghāw shaynā b-qenṭā ʾītāwhī.

ܚܲܝܘܲܬ݂ ܫܸܢܵܐ ܐܸܢ ܩܸܪܒܲܬ݀: ܨܝܕ݂ ܫܘܼܪܵܐ ܚܲܠܨܘܼܗܝ ܡܸܫܟܵܗ̇܀

ḥaywath shenā en qerbat: ṣydh shūrā ḥalṣūhī meshkāh.

ܐܲܝܠܵܐ ܕܢܵܚܹܬ݂ ܠܲܦܩܲܥܬ݂ܵܐ: ܟܠܝܼܠܵܐ ܕܪܹܫܹܗ ܡܵܘܒܸܲܕ݂ ܠܹܗ.

aylā d-nāḥēth la-pqaʿthā: klīlā d-rēshēh māwbadh lēh.

ܬܲܪܘܼܚܵܐ ܕܟܲܪܟ݂ܘܼܗܝ ܟܲܠܒܹ̈ܐ: ܩܵܡ ܠܹܗ ܥܲܪܛܸܠ ܡ̣ܢ ܢܲܚ̈ܬܵܘܗܝ܀

tarūḥā d-karkhūhī kalbē: qām lēh ʿarṭel men naḥtāwhī.

ܡܹܐܡܪܵܐ .ܘ. ܕܡܪܝ ܐܝܼܤܚܵܩ ܕܐܲܢܛܝܘܿܟ݂ 52
Photograph of page 52 of Bedjan’s 1903 edition, leaf 0815
Leaf 0815, from Archive.org.

ܚܲܓ݂ܠܵܐ ܕܲܩ̣ܪܸܒ݂ ܨܝܕ݂ ܦܲܚܵܐ: ܡܲܪܛܘܼܗܝ ܓܸܦܹܗ ܨܲܝܵܕܹ̈ܐ.‏

ḥaghlā da-qrev ṣydh paḥā: marṭūhī gepēh ṣayādē.

ܚܲܝܘܲܬ݂ ܟܸܢܦܵܐ ܐܸܢ ܥܸܠܲܬ݀: ܠܓ݂ܵܘ ܦܲܚܵܐ ܗܘ݀ܵܬ݂ ܠܲܫܥܵܬ݂ܵܐ܀

ḥaywath kenpā en ʿelat: l-ghāw paḥā hwāth la-shʿāthā.

ܒܓ݂ܵܘ ܫܲܝܢܵܐ ܫܢܵܘ ܙܝܼܘܲܝܗܹܝܢ: ܕܚܲܝ̈ܘܵܬ݂ܵܐ ܕܲܗܕ݂ܝܼܪ̈ܵܢ ܗ̣̄ܘܲܝ̈.‏

b-ghāw shaynā shnāw zīwayhēyn: d-ḥaywāthā da-hdhīrān (h)waī.

ܒܥܵܡܲܪܬܵܐ ܚܲܒ݂ܘ ܘܐܸܫܬܲܦܲܠܼܘ: ܐܲܪ̈ܝܵܘܵܬ݂ܵܐ ܥܲܙܝܼܘܹܐ܀

b-ʿāmartā ḥavw w-eshtapalīw: aryāwāthā ʿazīwē.

ܒܚܲܝ̈ܘܵܬ݂ܵܐ ܚܘܼܪ ܘܐܸܤܬܲܪܲܕ݂: ܛܘܼܪܵܝܵܐ ܘܠܵܐ ܬܸܬ݂ܪܲܦܸܐ.

b-ḥaywāthā ḥūr w-estaradh: ṭūrāyā w-lā tethrape.

ܒܦܵܪܲܚܬ݂ܵܐ ܤܲܒ݂ ܠܵܟ݂ ܛܘܼܦܤܵܐ: ܘܠܵܐ ܬܸܫܪܸܐ ܠܲܢܙܝܼܪܘܼܬܵܟ݂܀

b-pāraḥthā sav lākh ṭūpsā: w-lā teshre la-nzīrūtākh.

ܠܵܐ ܬܸܪܲܓ݂ ܫܲܝܢܵܐ ܘܝܲܬ݂ܒܵܐ: ܘܠܵܐ ܬܸܫܐܲܠ ܡܵܘܬܵܐ ܠܢܲܦ̮ܫܵܟ݂.‏

lā teragh shaynā w-yathbā: w-lā teshal māwtā l-napshākh.

ܠܵܐ ܬܲܪܦܸܐ ܡܥܲܪܹ̈ܐ ܘܦܲܥܟܹ̈ܐ: ܕܠܵܐ ܬܸܬܲܠ ܛܘܼܒ݂ܵܐ ܠܡܝܼ̈ܬܹܐ܀

lā tarpe mʿarē w-paʿkē: d-lā tetal ṭūvā l-mītē.

ܠܵܐ ܬܸܪܚܲܡ ܠܲܡܕܲܝ̈ܢܵܬ݂ܵܐ: ܘܠܵܐ ܬܤܲܟܸ݁ܐ ܠܲܪ̈ܒ݂ܝܼܥܵܬ݂ܵܐ.

lā terḥam la-mdaynāthā: w-lā tsake la-rvīʿāthā.

ܠܵܐ ܬܸܒ݂ܥܸܐ ܢܝܵܚܵܐ ܕܙܲܒ݂ܢܵܐ: ܕܠܵܐ ܬܸܫܟܲܚ ܠܵܟ݂ ܛܘܼܪܵܦܵܐ܀

lā tevʿe nyāḥā d-zavnā: d-lā teshkaḥ lākh ṭūrāpā.

ܠܵܐ ܬܸܪܚܲܡ ܕܲܗܒ݂ܵܐ ܘܤܹܐܡܵܐ: ܕܠܵܐ ܢܤܘܼܓ݂ܝܼܘܗܝ ܒܝܼܫܵܐ ܪܲܗܛܵܟ݂.‏

lā terḥam da-hvā w-sēmā: d-lā nsūghīwhī b-īshā rahṭākh.

ܠܵܐ ܬܸܩܢܸܐ ܨܪܵܪܵܐ ܘܟ݂ܝܼܤܵܐ: ܕܠܵܐ ܬܹܐܬܸܐ ܐܲܝܟ݂ ܨܸܒ݂ܝܵܢܹܗ܀

lā teqne ṣrārā w-khīsā: d-lā tēte aykh ṣevyānēh.

ܠܵܐ ܬܸܠܒ݁ܘܿܟ݂ ܡܸܕܸܡ ܒܐܝܼܕܵܟ݂: ܘܗܵܐ ܦܤܝܼܩܲܬ݁ ܡ̣ܢ ܒܹܝܬ݂ ܐܝܼܕܵܘ̈ܗܝ.

lā telbōkh medem b-ʾīdākh: w-hā psīqat men bēyth ʾīdāwhī.

ܠܵܐܬܸܪܚܲܡ ܫܘܼܦܪܵܐ ܫܐܝܼܠܵܐ: ܕܠܵܐܬܩܘܼܡ ܠܵܟ݂ ܥܲܪܛܸܠ ܩܘܼܕ݂ܡܵܘܗܝ܀

lāterḥam shūprā shīlā: d-lātqūm lākh ʿarṭel qūdhmāwhī.

ܠܵܐ ܬܸܪܚܲܡ ܥܘܼܬ݂ܪܵܐ ܒܐܲܪܥܵܐ: ܕܠܵܐ ܬܹܐܪܲܬ݂ ܡܸܤܟܲܢܘܼܬܵܐ.

lā terḥam ʿūthrā b-arʿā: d-lā tērath meskanūtā.

ܠܵܐ ܬܸܩܢܸܐ ܡܸܕܸܡ ܗܵܪܟܵܐ: ܕܠܵܐ ܬܸܩܢܸܐ ܠܵܟ݂ ܪܵܡܘܼܬܵܐ܀

lā teqne medem hārkā: d-lā teqne lākh rāmūtā.

ܒܥܝܼ ܘܐܸܫܟܲܚ ܡܸܤܟܹܢܘܼܬܵܐ: ܕܬܸܥܬܲܪ ܒܵܗ̇ ܦܵܪܘܿܫܵܐܝܼܬ݂.‏

b-ʿī w-eshkaḥ meskēnūtā: d-teʿtar bāh pārōshāīth.

ܚܲܡܤܸܢ ܒܵܗ̇ ܒܡܲܟ݁ܝܼܟ݂ܘܼܬܵܐ: ܘܝܵܪܬ݁ܘܼܬܵܟ݂ ܐܲܪܥܵܐ ܗ̣̄ܝ ܟܠܵܗ̇܀

ḥamsen bāh b-makīkhūtā: w-yārtūtākh arʿā (h)ī klāh.

ܪܚܲܡ ܤܲܩܵܐ ܕܒܹܗ ܐܸܬ݂ܢܲܨܲܚܘ: ܙܲܕܝܼܩܹܐ ܒܐܵܓ݂ܘܿܢܲܝ̈ܗܘܿܢ.‏

rḥam saqā d-bēh ethnaṣaḥw: zadīqē b-āghōnayhōn.

ܤܢܝܼ ܟܸܤܦܵܐ ܕܒܹܗ ܐܸܫܬܲܦܲܠܘ: ܪܹܫܵܢܹܐ ܒܲܩܪ̈ܵܒܲܝܗܘܿܢ܀

snī kespā d-bēh eshtapalw: rēshānē ba-qrābayhōn.

ܪܚܲܡ ܘܐܲܚܸܒ݂ ܚܸܦܚܵܘܬܵܐ: ܕܕܵܝ̇ܫܵܐ ܪܲܫܹܗ ܕܬܲܢܝܼܢܵܐ.

rḥam w-aḥev ḥepḥāwtā: d-dāyshā rashēh d-tanīnā.

ܕܥܲܠ ܝܼܚܝܼܕܵܝܹܐ ܘܐܲܒ݂ܝ̈ܠܹܐ ܘܡܲܕ݂ܒ݁ܪ̈ܵܝܹܐ.‏ 53
Photograph of page 53 of Bedjan’s 1903 edition, leaf 0814
Leaf 0814, from Archive.org.

ܫܪܝܼ ܘܲܫܕ݂ܝܼ ܡܤܵܐܢܵܐ ܡܸܢܵܟ݂: ܕܠܵܐ ܢܹܐܚܘܿܕ݂ ܦܲܚܵܐ ܒܥܸܩܒ݂ܵܟ݂܀

shrī wa-shdhī msānā menākh: d-lā nēḥōdh paḥā b-ʿeqvākh.

ܠܵܐ ܬܸܒ݂ܢܸܐ ܠܵܟ݂ ܡܸܕ݂ܝܵܪܹ̈ܐ: ܕܠܵܐ ܬܸܚܘܿܬ݂ ܠܵܟ݂ ܠܲܬ݂ܗܘܿܡܵܐ.

lā tevne lākh medhyārē: d-lā teḥōth lākh la-thhōmā.

ܠܵܐ ܬܸܪܚܲܡ ܥܘܼܡܪܵܐ ܕܲܠܓ݂ܵܘ: ܕܠܵܐ ܬܹܐܪܲܬ݂ ܚܸܫܟܵܐ ܕܲܠܒܲܪ܀

lā terḥam ʿūmrā da-l-ghāw: d-lā tērath ḥeshkā da-l-bar.

ܪܚܲܡ ܕܲܝܪܵܐ ܕܲܒ݂ܓ݂ܵܘ ܕܲܒ݂ܪܵܐ: ܕܢܸܗܘܸܐ ܕܲܝܪܵܟ݂ ܦܲܪܕܲܝܤܵܐ.‏

rḥam da-yrā da-b-ghāw da-b-rā: d-nehwe da-yrākh pardaysā.

ܐܸܫܬܲܝ ܡܲܝ̈ܵܐ ܕܲܦܨܝܼܕܹܐ: ܕܢܲܗܪܵܐ ܕܲܥܕ݂ܢ ܡܲܫܩܸܐ ܠܵܟ݂܀

eshtaī mayā da-pṣīdē: d-nahrā da-ʿdhn mashqe lākh.

ܐܲܟ݂ܘܿܠ (ܛܲܪ̈ܦܹܐ ܕܐܝܼܠܵܢܹ̈ܐ: ܕܐܝܼܠܵܢ ܚܲܝܹܐ ܝܵܗܹ̇ܒ݂ ܠܵܟ݂.

akhōl ṭarpē d-ʾīlānē: d-ʾīlān ḥayē yāhēv lākh.

ܐܸܬ݁ܬܲܪܤܵܐ ܡ̣ܢ ܙܲܪ̈ܥܘܿܢܹܐ: ܕܠܵܐܘܵܢܹܗ ܡܲܫܩܸܠ ܓܸܦܵܟ݂܀

ettarsā men zarʿōnē: d-lāwānēh mashqel gepākh.

ܡܲܟܸܟ݂ ܢܲܦ̮ܫܵܟ݂ ܥܲܠ ܥܲܦܪܵܐ: ܕܢܸܬ݂ܢܲܚܲܡ ܘܲܢܩܘܼܡ ܡܸܕܪܵܟ݂.

makekh napshākh ʿal ʿaprā: d-nethnaḥam wa-nqūm medrākh.

ܬܸܕ݂ܒܲܩ ܬܘܼܒ݂ ܟܲܪܤܵܟ݂ ܠܐܲܪܥܵܐ: ܕܲܢܚܵܘܹܝܟ݂ ܐܘܼܪܚܵܐ ܕܚܲܝܹܐ܀

tedhbaq tūv karsākh l-arʿā: da-nḥāwēykh ʾūrḥā d-ḥayē.

ܫܘܿܥܹ̈ܐ ܕܲܒ݂ܗܘܿܢ ܐܸܬ݁ܛܲܦܝܼܬ݁: ܒܡܲܬ݂ܩܵܠܗܘܿܢ ܛܘܼܒܹܐ ܝܵܗܹ̇ܒ݂.

shōʿē da-b-hōn etṭapīt: b-mathqālhōn ṭūbē yāhēv.

ܡܥܲܪܹ̈ܐ ܕܲܗ݀ܘܲܝ ܤܸܬܵܪܵܟ݂: ܒܝܼܪܬܵܐ ܒܢܲܝ ܠܵܟ݂ ܒܲܫܡܲܝܵܐ܀

mʿarē da-hwaī setārākh: b-īrtā b-naī lākh ba-shmayā.

ܤܲܥܪܵܟ݂ ܕܲܪܒ݂ܵܐ ܐܲܝܟ݂ ܕܢܸܫܪܵܐ: ܐܸܒ݂ܪܹ̈ܐ ܠܪܵܘܡܵܐ ܬܲܩܸܢ ܠܵܟ݂.

saʿrākh da-rvā aykh d-neshrā: evrē l-rāwmā taqen lākh.

ܨܵܐܬܵܟ݂ ܕܲܗܘ݀ܵܬ݂ ܬܲܠܒܲܫܬܵܟ݂: ܐܸܤܛܲܠ ܢܘܼܗܪܵܐ ܙܸܩܪܲܬ݀ ܠܵܟ݂

ṣātākh da-hwāth talbashtākh: esṭal nūhrā zeqrat lākh

ܫܵܘܒܵܐ ܕܐܲܟ݂ܠܵܟ݂ ܒܐܝܼܡܵܡܵܐ: ܓܢܘܿܢܵܐ ܕܢܘܼܗܪܵܐ ܡܲܪܘܸܐ ܠܵܟ݂.

shāwbā d-akhlākh b-ʾīmāmā: gnōnā d-nūhrā marwe lākh.

ܥܲܪܝܵܐ ܕܡܸܢܵܟ݂ ܐܸܬ݂ܢܲܩܲܡ: ܚܲܡܪܹܗ ܚܲܕ݂ܬܵܐ ܡܲܪܘܲܚ ܠܵܟ݂܀

ʿaryā d-menākh ethnaqam: ḥamrēh ḥadhtā marwaḥ lākh.

ܟܲܦܢܵܐ ܕܐܸܟܲܠ̣ ܡ̣ܢ ܒܸܤܪܵܟ݂: ܠܛܘܼܒ݂ܵܐ ܕܲܥܕܸܢ ܫܵܕܹܐ ܠܵܟ݂.‏

kapnā d-ekal men besrākh: l-ṭūvā da-ʿden shādē lākh.

ܨܲܗܝܐ ܕܐܸܫܬ݁ܝܼܘ ܫܸܪ̈ܝܵܢܲܝܟ: ܡܲܒ݁ܘܼܥ ܚܲܝܹ̈ܐ ܡܲܪܕܹܐ ܠܵܟ݂܀

ṣahy d-eshtīw sheryānayk: mabūʿ ḥayē mardē lākh.

ܨܵܘܡܵܐ ܕܚܲܪܸܟ݂ ܦܲܪܨܘܿܦܵܟ݂: ܡܲܢܗܲܪ ܐܲܦܵܘ̈ܗܝ ܘܐܵܪܲܥ̇ ܠܵܟ݂.

ṣāwmā d-ḥarekh parṣōpākh: manhar apāwhī w-āraʿ lākh.

ܫܲܗܪܵܐ ܕܐܸܟܲܠ̣ ܒܵܒ̈ܲܬ݂ܵܟ݂: ܪܸܡܙܹܗ ܒܕ݂ܝܼܢܵܐ ܡܙܲܟܸ݁ܐ ܠܵܟ݂܀

shahrā d-ekal bābathākh: remzēh b-d-īnā mzake lākh.

ܒܸܤܪܵܟ݂ ܕܲܕ݂ܒ݂ܸܩ̣ ܥܲܠ ܓܲܪ̈ܡܲܝܟ݂: ܒܛܵܒ̈ܬ݂ܵܐ ܡܤܲܒܲܥ ܓܘܼܫܡܵܟ݂.

besrākh da-d-veq ʿal garmaykh: b-ṭābthā msabaʿ gūshmākh.

ܟܹܐܒܹ̈ܐ ܕܲܛܥܲܢܼܘ ܗܲܕܵܡܲܝܟ݂: ܐܲܝܟ݂ ܢܸܫܪܵܐ ܥܠܲܝܡܵܐ ܗܵܘ̇ܝܬ݁܀

kēbē da-ṭʿanīw hadāmaykh: aykh neshrā ʿlaymā hāwyt.

ܠ1

l

ܡܹܐܡܪܵܐ .ܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ 54
Photograph of page 54 of Bedjan’s 1903 edition, leaf 0813
Leaf 0813, from Archive.org.

ܤܘܼܡܥܵܠܵܐ ܕܐܲܤܢ̣ܝܼ ܩܢܘܿܡܵܟ݂: ܒܲܚܕ݂ܘܿܓܵܘ̈ܗܝ ܡܲܦܪܸܓ݂ ܫܘܼܦܪܵܟ݂.‏

sūmʿālā d-asnī qnōmākh: ba-ḥdhōgāwhī mapregh shūprākh.

ܐܲܒ݂ܝܼܠܘܼܬ݂ܵܐ ܕܡܲܟܸܟ݂ܬܵܟ݂: ܩܕ݂ܵܡ ܒܹܝܡܵܐ ܡܪܝܼܡܵܐ ܪܹܫܵܟ݂܀

avīlūthā d-makekhtākh: qdhām bēymā mrīmā rēshākh.

ܟܠ ܐܘܼܠܨܵܢܵܐ ܕܲܦܓܲܥ̣ ܒܵܟ݂: ܕܲܪܓ݂ܵܐ ܠܪܵܘܡܵܐ ܬܲܩܸܢ ܠܵܟ݂.

kul ʾūlṣānā da-pgaʿ bākh: da-rghā l-rāwmā taqen lākh.

ܐܸܢ ܗ݀ܘ ܕܬܲܟ݂ܒ݁ܘܼܟ݂ ܢܸܤܝ̈ܘܿܢܹܐ: ܤܸܒ݁ܠܬܵܐ ܙܩܲܦ̮ܘ ܠܲܫܡܲܝܵܐ܀

en hāw d-takhbūkh nesyōnē: sebltā zqapw la-shmayā.

ܘܐܸܢܗ݀ܘ ܕܟܲܪ̈ܟ݂ܵܟ݂ ܥܵܩ̈ܬ݂ܵܐ: ܦܬ݂ܝܼܚ ܠܵܟ݂ ܬܲܪܥܹܗ ܕܦܲܪܕܲܝܤܵܐ.

w-enhw d-karkhākh ʿāqthā: pthīḥ lākh tarʿēh d-pardaysā.

ܘܐܸܢܗ݀ܘ ܕܚܲܕ݂ܪ̈ܵܟ݂ ܒܝܼ̈ܫܵܬ݂ܵܐ: ܦܸܪܤܲܬ݀ ܠܵܟ݂ ܥܕ݂ܸܢ ܟܸܢ̈ܦܵܬ݂ܵܗ̇܀

w-enhw d-ḥadhrākh b-īshāthā: persat lākh ʿdhen kenpāthāh.

ܟܹܐܦ̈ܐ ܕܲܒ݂ܗܹܝܢ ܐܸܬ݁ܬܲܩܲܠܬ݁: ܩܵܥܝܵܢ ܐܸܢܗܹܘ ܕܡܸܬ݁ܛܲܠܡܲܬ݁.

kēp da-b-hēyn ettaqalt: qāʿyān enhēw d-metṭalmat.

ܠܵܐ ܬܸܬ݂ܦܲܠܲܓ݂ ܥܲܠ ܗܵܕܹܐ: ܕܠܵܐ ܛܵܠܲܡ ܠܵܟ݂ ܚܲܢܵܢܵܐ܀

lā tethpalagh ʿal hādē: d-lā ṭālam lākh ḥanānā.

ܟܲܕ݂ ܠܵܐ ܝ̄ܙܸܦ ܡܸܢܵܟ݂ ܦܲܪܥܲܵܟ݂: ܘܗܵܫ ܕܐܵܘܙܸܦܬ݁ ܠܵܐ ܛܵܠܲܡ ܠܵܟ݂.

kad lā (y)zep menākh parʿakh: w-hāsh d-āwzept lā ṭālam lākh.

ܟܲܕ݂ ܠܵܐ ܝ̄ܙܸܦ݂ ܡܸܢܵܟ݂ ܡܸܕܲܡ: ܝܲܗ̣̄ܒ݂ ܠܵܟ݂ ܟܠܡܵܐ ܕܚܵܫܲܚ̇ ܠܵܟ݂܀

kad lā (y)zef menākh medam: ya(h)v lākh klmā d-ḥāshaḥ lākh.

ܝܲܗ̣̄ܒ݂ ܠܵܟ݂ ܡܸܠܬ݂ܵܐ ܘܝܼܕܲܥܬ݂ܵܐ: ܕܠܵܐ ܡܸܙܕܲܒ̈ܢܵܢ ܒܲܕ̈ܲܡܲܝܵܐ.‏

ya(h)v lākh melthā w-īdaʿthā: d-lā mezdabnān ba-da-mayā.

ܝܲܗ̣̄ܒ݂ ܠܵܟ݂ ܬܘܼܒ݂ ܐܵܦ ܚܹܐܪܘܼܬܵܐ: ܕܠܵܐ ܡܸܬ݁ܬܲܩܠܵܐ ܥܲܡ ܕܲܗܒ݂ܵܐ܀

ya(h)v lākh tūv āp ḥērūtā: d-lā mettaqlā ʿam da-hvā.

ܝܲܗ̄ܒ݂ ܠܵܟ݂ ܐܲܪܥܵܐ ܘܲܫܡܲܝܵܐ: ܕܗ݀ܘܝܘܼ ܝܵܕܲܥ̇ ܡܲܬ݂ܩܵܠܵܗ̇.‏

ya(h)v lākh arʿā wa-shmayā: d-hwyū yādaʿ mathqālāh.

ܝܲܗ̄ܒ݂ܠܵܟ݂ ܠܸܠܝܵܐ ܘܐܝܼܡܵܡܵܐ: ܘܲܡܗܲܝܡܲܢ ܠܵܟ݂ ܐܲܝܟ݂ ܡܵܪܵܐ܀

ya(h)vlākh lelyā w-ʾīmāmā: wa-mhayman lākh aykh mārā.

ܐܲܪܦܵܐ ܟܠܗܹܝܢ ܓܹܐ̄ܘܵܬܹܗ: ܕܠܵܐ ܡܸܬ݂ܚܲܫ̈ܒܵܢ ܛܵܒ̈ܲܵܬܹܗ.

arpā klhēyn gēwātēh: d-lā methḥashbān ṭābatēh.

ܐܸܠܵܐ ܡܨܝܬ݁ ܕܬܸܦܪܘܿܥ ܐܵܘܕܵܐ: ܘܠܵܐ ܗܵܘܹ̇ܐ ܠܵܟ݂ ܛܵܠ̇ܘܿܡܵܐ܀

elā mṣyt d-teprōʿ āwdā: w-lā hāwē lākh ṭālōmā.

ܠܵܐ ܢܸܬܲܦܲܠܲܓ݂ ܪܸܥܝܵܢܵܟ݂: ܥܲܠ ܥܲܡܠܲܝ̈ܟ݂ ܘܥܲܠ ܡܲܪ̈ܗܵܛܲܝܟ݂.‏

lā netapalagh reʿyānākh: ʿal ʿamlaykh w-ʿal marhāṭaykh.

ܠܵܐ ܢܸܗܘܸܐ ܤܸܕ݂ܩܵܐ ܒܠܸܒܵܟ݂: ܥܲܠ ܐܲܓ݂ܪ̈ܵܟ݂ ܘܥܲܠ ܦܘܼܪܥܵܢܵܟ݂܀

lā nehwe sedhqā b-lebākh: ʿal aghrākh w-ʿal pūrʿānākh.

ܥܡܲܠ ܘܲܠܐܝܼ ܐܲܝܟ݂ ܟܲܫܝܼܪܵܐ: ܕܢܹܐܬܸܐ ܙܲܪܥܵܟ݂ ܚܲܕ݂ ܒܲܡܵܐܐ.

ʿmal wa-l-ʾī aykh kashīrā: d-nēte zarʿākh ḥadh ba-mā.

ܐܵܘܙܸܦ ܡܲܢܝܵܟ݂ ܠܐܲܠܵܗܵܐ: ܘܟܲܟ݁ܪܵܐ ܚܠܵܦܵܘܗܝ ܢܵܤܹ̇ܒ݂ ܐܲܢ̄ܬ݁܀

āwzep manyākh l-alāhā: w-kakrā ḥlāpāwhī nāsēv a(n)t.

ܟܵܤܵܐ ܕܡܲܝ̈ܵܐ ܠܵܐ ܛܵܠܲܡ: ܘܐܲܝܟܲܢ ܛܵܠ̇ܲܡ ܦܘܼܪܥܵܢܵܟ݂.‏

kāsā d-mayā lā ṭālam: w-aykan ṭālam pūrʿānākh.

ܕܥܲܠ ܝܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕ݂ܒ݁ܪܵܝܹܐ.‏ 55
Photograph of page 55 of Bedjan’s 1903 edition, leaf 0812
Leaf 0812, from Archive.org.

ܫܵܡܘܿܢܵܐ ܟܬܲܒ݂ ܒܲܫܡܲܝܵܐ: ܘܟܲܟ݁ܪܵܟ݂ ܐܲܝܟܲܢ ܡܸܬ݁ܛܲܠܡܵܐ܀

shāmōnā ktav ba-shmayā: w-kakrākh aykan metṭalmā.

ܡܸܢܹ̈ܐ ܕܤܲܥܪܵܟ݂ ܡܲܢ̈ܝܵܢ ܠܹܗ: ܘܐܲܝܟܲܢ ܛܵܥܹܐ ܤܘܼܥܪ̈ܵܢܲܝܟ.

menē d-saʿrākh manyān lēh: w-aykan ṭāʿē sūʿrānayk.

ܒܲܙܘܵܪܹܗ ܤܝܼܡܵܐ ܐܲܪܥܵܐ: ܘܠܵܐ ܝܵܕܲܥ̇ ܒܵܗ̇ ܗܘܼܦܵܟܲܝ̈ܟ܀

ba-zwārēh sīmā arʿā: w-lā yādaʿ bāh hūpākayk.

ܠܵܐ ܬܸܬ݂ܦܲܠܲܓ݂ ܥܲܠ ܢܲܦ̮ܫܵܟ݂: ܕܠܵܐ ܬܸܬ݂ܚܲܝܲܒ݂ ܡ̣ܢ ܢܲܦ̮ܫܵܟ݂.‏

lā tethpalagh ʿal napshākh: d-lā tethḥayav men napshākh.

ܠܵܐ ܬܸܗܘܸܐ ܠܵܟ݂ ܚܲܕ݂ ܠܲܬ݂ܪܹܝܢ: ܕܠܵܐ ܢܸܗܘܸܐ ܡܵܘܬܵܟ݂ ܡܸܢܵܟ݂܀

lā tehwe lākh ḥadh la-thrēyn: d-lā nehwe māwtākh menākh.

ܠܵܐ ܬܸܦܠܘܿܚܵܝܗܝ ܒܲܡܫܵܟ݂ܵܐ: ܕܠܵܐ ܢܸܫܪܹܝܟ݂ ܐܲܝܟ݂ ܥܵܒ݂ܘܿܪܵܐ.

lā teplōḥāyhī ba-mshākhā: d-lā neshrēykh aykh ʿāvōrā.

ܠܵܐ ܬܸܩܪܘܿܒ݂ ܠܹܗ ܒܐܸܤܟܲܡܵܐ: ܕܠܵܐ ܥܵܐ̇ܠ ܙܐܦܵܐ ܩܕܵܡܵܘܗܝ܀

lā teqrōv lēh b-eskamā: d-lā ʿāl zpā qdāmāwhī.

ܠܵܐ ܬܸܩܪܹܝܘܗܝ ܐܲܝܟ݂ ܕܲܒ݂ܨܲܕ݂ܘܵܐ: ܕܠܵܐ ܢܸܥܢܹܝܟ݂ ܐܲܝܟ݂ ܕܲܒ݂ܪܘܼܓ݂ܙܵܐ.‏

lā teqrēywhī aykh da-b-ṣadhwā: d-lā neʿnēykh aykh da-b-rūghzā.

ܩܘܿܫ ܘܐܲܤܓܵܐ ܘܲܩܪܝܼ ܒܬܲܪܥܹܗ: ܕܢܸܬܸܠ ܠܵܟ݂ ܟܠܡܵܐ ܕܒ݂ܵܥܹܝܬ݁܀

qōsh w-asgā wa-qrī b-tarʿēh: d-netel lākh klmā d-vāʿēyt.

ܠܵܐ ܢܸܬ݂ܩܲܛܲܥ ܪܸܥܝܵܢܵܟ݂: ܐܸܢܗ݀ܘ ܕܡܘܚܲܪ ܥܵܢܹܐ ܠܵܟ݂.

lā nethqaṭaʿ reʿyānākh: enhw d-mwḥar ʿānē lākh.

ܐܸܬ݂ܟܲܫܲܦ ܘܲܒ݂ܥܝܼ ܡܸܢܹܗ: ܕܢܸܦܬܲܚ ܬܲܪܥܵܐ ܠܫܹܐ̈ܠܵܬ݂ܵܟ܀

ethkashap wa-b-ʿī menēh: d-neptaḥ tarʿā l-shēlāthāk.

ܐܲܤܓܵܐ ܩܕ݂ܵܡܘܗܝ ܒܵܥܘܼܬ݂ܵܐ: ܕܢܸܨܠܸܐ ܐܸܕ݂ܢܹܗ ܠܲܨܠܘܿܬ݂ܵܟ݂.‏

asgā qdhāmwhī bāʿūthā: d-neṣle edhnēh la-ṣlōthākh.

ܐܲܓܲܪ ܨܹܐܕܵܘܗܝ ܒܐܘܼܠܨܵܢܵܐ: ܕܢܘܼܓ݂ܪܵܐ ܗܼ̄ܘ ܪܲܒܵܐ ܦܘܼܪܥܵܢܹܗ܀

agar ṣēdāwhī b-ʾūlṣānā: d-nūghrā hāw rabā pūrʿānēh.

ܠܵܐ ܬܸܫܘܿܦ ܩܲܠܝܼܠ ܩܲܠܝܼܠ: ܘܬܸܥܘܿܠ ܬܹܐܬܸܐ ܒܓܵܘ ܫܲܝܢܵܐ.

lā teshōp qalīl qalīl: w-teʿōl tēte b-gāw shaynā.

ܠܵܐ ܬܸܬ݁ܕܲܪܲܓ݂ ܝܘܿܡ ܡ̣ܢ ܝܘܿܡ: ܘܬܸܥܘܿܠ ܬܸܗܘܸܐ ܥܵܡܘܿܪܵܐ؟

lā tetdaragh yōm men yōm: w-teʿōl tehwe ʿāmōrā

ܠܵܐ ܬܸܚܘܿܬ݂ ܡ̣ܢ ܪܹܫ ܛܘܼܪܵܐ: ܕܠܵܐ ܬܸܬܲܚܬܸܐ ܠܲܬ݂ܗܘܿܡܵܐ.

lā teḥōth men rēsh ṭūrā: d-lā tetaḥte la-thhōmā.

ܠܵܐ ܬܸܬ݂ܪܲܦܸܐ ܢܲܨܝܼܚܵܐ: ܕܠܵܐ ܢܟܲܤܹܝܟ݂ ܚܹܐܦܵܐ ܕܡܲܝ̈ܐ܀

lā tethrape naṣīḥā: d-lā nkasēykh ḥēpā d-may.

ܐܲܝܟ݂ ܐܲܪܝܵܐ ܒܥܵܒ݂ܵܐ ܐܝܼܬܲܝܟ݂: ܠܵܐ ܬܸܗܘܸܐ ܠܵܟ݂ ܐܲܝܟ݂ ܬܲܥܠܵܐ.

aykh aryā b-ʿāvā ʾītaykh: lā tehwe lākh aykh taʿlā.

ܐܲܝܟ݂ ܢܸܫܪܵܐ ܒܐܵܐܲܪ ܕܵܡܹ̇ܝܬ݁: ܠܵܐ ܢܟܲܤܹܝܟ݂ ܚܸܠܵܗ̇ ܕܐܲܪܥܵܐ܀

aykh neshrā b-āar dāmēyt: lā nkasēykh ḥelāh d-arʿā.

ܠܲܡܦܹܝܕܵܐ ܕܢܘܼܗܪܵܐ ܐܝܼܬܲܝܟ: ܠܵܐ ܬܸܚܫܲܟ݂ ܡ̣ܢ ܝܲܥܢܘܼܬܵܐ.‏

la-mpēydā d-nūhrā ʾītayk: lā teḥshakh men yaʿnūtā.

ܫܪܵܓ݂ܵܐ ܕܲܢܗܲܪ ܡ̣ܢ ܢܲܦ̮ܫܹܗ: ܠܵܐ ܬܸܕ݂ܥܲܟ݂ ܡ̣ܢ ܨܸܒ݂ܝܵܢܵܟ݂܀

shrāghā da-nhar men napshēh: lā tedhʿakh men ṣevyānākh.

ܡܐܡܪܵܐ .ܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 56
Photograph of page 56 of Bedjan’s 1903 edition, leaf 0811
Leaf 0811, from Archive.org.

ܠܵܐ ܢܗܸܐ ܨܲܠܡܵܟ݂ ܒܹܝܬ݂ ܛܘܼܪܹ̈ܐ: ܘܡܲܚܫܲܒ݂ܬܵܟ݂ ܟܠܵܗ̇ ܒܫܲܝܢܵܐ.‏

lā nhe ṣalmākh bēyth ṭūrē: w-maḥshavtākh klāh b-shaynā.

ܠܵܐ ܢܗܸܐ ܩܢܘܿܡܟ݂ ܒܲܡܥܲܪܹ̈ܐ: ܘܪܸܥܝܵܢܵܟ݂ ܒܲܡܕ݂ܝ̈ܢܵܬ݂ܵܐ܀

lā nhe qnōmkh ba-mʿarē: w-reʿyānākh ba-mdhynāthā.

ܚܲܝ̈ܘܵܬ݂ܵܐ ܥܪܲܩ ܡ̣ܢ ܫܲܝܢܵܐ: ܘܐܲܢ̄ܬ݁ ܩܵܐܹ̇ܡ ܐܲܢ̄ܬ݁ ܒܲܡܨܲܥܬܹܗ.

ḥaywāthā ʿraq men shaynā: w-a(n)t qāēm a(n)t ba-mṣaʿtēh.

ܦܵܪܲܚܬ݂ܵܐ ܦܵܚܲܬ݀ ܡܸܢܹܗ: ܘܐܲܢ̄ܬ݁ ܗܵܐ ܨܸܐܕܵܘܗܝ ܩܵܪܹܒ݂ ܐܲܢ̄ܬ݁܀

pāraḥthā pāḥat menēh: w-a(n)t hā ṣedāwhī qārēv a(n)t.

ܒܦܵܪܲܚܬ݂ܵܐ ܐܲܡܬ݁ܠܲܢ ܡܵܪܲܢ: ܠܵܐ ܢܸܒ݂ܥܸܐ ܐܲܬ݂ܪܵܐ ܕܫܲܝܢܵܐ.‏

b-pāraḥthā amtlan māran: lā nevʿe athrā d-shaynā.

ܒܫܘܿܫܲܢܹ̈ܐ ܬܘܼܒ݂ ܕܲܡܝܼ ܠܲܢ: ܠܵܐ ܢܸܥܘܿܠ ܠܲܡܕܲܝ̈ܢܵܬ݂ܵܐ܀

b-shōshanē tūv damī lan: lā neʿōl la-mdaynāthā.

ܒܓܵܘ ܫܲܝܢܵܐ ܚܵܒܼܘ ܬܲܩܝ̈ܦܐ: ܘܲܒ݂ܝܼܬܒܵܐ ܛܥܵܘ ܚܲܟܝܼܡܐ.

b-gāw shaynā ḥābīw taqyp: wa-b-ītbā ṭʿāw ḥakīm.

ܐܵܦ ܡܲܠܟܹ̈ܐ ܘܟ݂ܵܗ̈ܢܲܝ ܥܲܡܵܐ: ܢܚܸܬ݂ܘ ܗ̄ܘ̣ܵܘ ܒܹܗ ܡ̣ܢ ܕܲܪ̈ܓ݁ܝܼܗܘܿܢ܀

āp malkē w-khāhnaī ʿamā: nḥethw (h)wāw bēh men da-rgīhōn.

ܢܙܝܼܪܵܐ ܫܸܡܫܘܿܢ ܒܓ݂ܵܘ ܫܲܝܢܵܐ: ܐܵܘܒܸܕ݂ ܗ̄ܘ̣ܵܐ ܠܲܢܙܝܼܪܘܼܬܹܗ.

nzīrā shemshōn b-ghāw shaynā: āwbedh (h)wā la-nzīrūtēh.

ܕܓܲܙܬܹܗ ܪܹܫܹܗ ܕܵܘܝܼܬ݂ܵܐ: ܘܩܵܡ̣ ܥܲܪܛܸܠ ܡ̣ܢ ܬܸܫܒ݁ܘܿܚܬܹܗ܀

d-gaztēh rēshēh dāwīthā: w-qām ʿarṭel men teshbōḥtēh.

ܒܓܵܘ ܚܘܼܪܒܵܐ ܩܛܲܠ̣ ܗ̄ܘ̣ܵܐ ܕܵܘܝܼܕ݂: ܓܲܢ̄ܒܵܪܵܐ ܘܫܲܩ̣ܠܹܗ ܙܲܝܢܹܗ.

b-gāw ḥūrbā qṭal (h)wā dāwīdh: ga(n)bārā w-shaqlēh zaynēh.

ܘܲܒ݂ܫܲܝܢܵܐ ܐܲܢ̄ܬ݁ܬ݂ܵܐ ܙܟ݂ܵܬܹܗ: ܘܥܲܠ ܤܲܩܵܐ ܫܕ݂ܵܬܹܗ ܬܓܹܗ܀

wa-b-shaynā a(n)tthā zkhātēh: w-ʿal saqā shdhātēh tgēh.

ܒܚܘܼܪܒܵܐ ܥ̣ܡܲܪ ܗ̄ܘ̣ܵܐ ܝܘܿܚܲܢܵܢ: ܘܠܵܐ ܢܟܲܬܬܹܗ ܚܲܝܘܲܬ݂ ܫܸܢܵܐ.

b-ḥūrbā ʿmar (h)wā yōḥanān: w-lā nkattēh ḥaywath shenā.

ܘܒܹܝܬ݂ ܡܲܠܟܵܐ ܕܲܡܠܸܐ ܫܲܝܢܵܐ: ܤܥܵܬ݀ ܥܠܵܘܗܝ ܚܲܝܘܲܬ݂ ܫܸܢܵܐ܀

w-bēyth malkā da-mle shaynā: sʿāt ʿlāwhī ḥaywath shenā.

ܦܘܿܩ ܡܸܢܹܗ ܥܲܕ݂ ܐܝܼܬ݂ ܢܘܼܗܪܵܐ: ܕܠܵܐ ܢܸܪܕܘܿܦ ܚܸܫܟܵܐ ܒܥܘܼܒܵܟ݂.‏

pōq menēh ʿadh ʾīth nūhrā: d-lā nerdōp ḥeshkā b-ʿūbākh.

ܠܵܐ ܬܲܪܦܸܐ ܚܘܼܪܒܵܐ ܕܲܠܒܲܟ݂ܬ݁: ܕܠܵܐ ܢܲܡܨܝܘܗܝ ܠܲܕ݂ܡܵܟ݂ ܡܸܢܵܟ݂܀

lā tarpe ḥūrbā da-l-bakht: d-lā namṣywhī la-d-mākh menākh.

ܠܵܐ ܬܸܤܲܒ݂ ܡܸܕܸܡ ܥܲܡܵܟ݂: ܕܒ݂ܐܘܼܪܚܵܐ ܐ̄ܠܝܼܨܬܵܐ ܥܵܒܲܪ ܐܲܢ̄ܬ݁.

lā tesav medem ʿamākh: d-b-ʾūrḥā līṣtā ʿābar a(n)t.

ܘܐܸܢ ܦܸܠܛܲܬ݀ ܪܸܓܠܵܟ݂ ܩܲܠܝܼܠ: ܐܵܘܒܸܕܬܵܝܗܝ ܟ̱ܠܹܗ ܥܲܡܠܵܟ݂܀

w-en pelṭat reglākh qalīl: āwbedtāyhī klēh ʿamlākh.

ܩܲܛܝܼܢ ܗܼ̄ܘ ܫܒ݂ܝܼܠܵܐ ܕܲܥܕܸܢ: ܘܒ݂ܐܘܼܠܨܵܢܵܐ ܥܵܒܲܪ ܠܹܗ ܐ̄ܢܵܫ.

qaṭīn hāw shvīlā da-ʿden: w-b-ʾūlṣānā ʿābar lēh nāsh.

ܘܟ݂ܠ ܐܲܝܢܵܐ ܕܠܵܐ ܡܸܬ݁ܛܲܪܲܦ: ܠܵܐ ܡܨܐ ܥܵܒܲܪ ܗܵܝ ܐܘܼܪܚܵܐ܀

w-kul aynā d-lā metṭarap: lā mṣ ʿābar (h)ī ʾūrḥā.

ܘܐܸܢ ܠܵܐ ܟܵܦܲܪ ܒܲܩܢܘܿܡܹܗ: ܠܵܐ ܡܫܲܠܸܡ ܒܵܗ̇ ܡܲܪܕܝܼܬܹܗ.‏

w-en lā kāpar ba-qnōmēh: lā mshalem bāh mardītēh.

ܕܥܲܠ ܝܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕ݂ܒ݁ܪܵܝܹ̈ܐ.‏ 57
Photograph of page 57 of Bedjan’s 1903 edition, leaf 0810
Leaf 0810, from Archive.org.

ܫܒ݂ܝܼܠܵܐ ܟ̱ܠܹܗ ܕܐܘܼܠܨܵܢܵܐ ܗܼ̄ܘ: ܘܡܲܥܒܲܪܬܵܗ̇ ܡܸܤܟܲܢܘܼܬܵܐ܀

shvīlā klēh d-ʾūlṣānā hāw: w-maʿbartāh meskanūtā.

ܘܟ݂ܠ ܕܲܠܒ݂ܝܼܟ݂ ܡܲܢܝܵܐ ܒܐܝܼܕܹܗ: ܐܲܝܟ݂ ܤܲܡܝܵܐ ܫܵܓܹܐ ܡܸܢܵܗ̇܀

w-kul da-l-b-īkh manyā b-ʾīdēh: aykh samyā shāgē menāh.

ܡܝܼܠܹܐ ܕܚܸܕ݂ܪܵܐ ܤܝܼܡܝܼܢ ܒܵܗ̇: ܘܐܵܘܵܢܹ̈ܐ ܕܲܨܪܝܼܟ݂ܘܼܬܵܐ.

mīlē d-ḥedhrā sīmīn bāh: w-āwānē da-ṣrīkhūtā.

ܘܟ݂ܠ ܕܲܤܡܝܼܟ݂ ܒܵܗ̇ ܘܲܡܫܲܪܬܲܚ: ܠܵܐ ܝܵܕܲܥ̇ ܕܐܲܝܟܲܢ ܢܸܪܕ݂ܲܐ܀

w-kul da-smīkh bāh wa-mshartaḥ: lā yādaʿ d-aykan nerdha.

ܬܚܘܼܡܵܐ ܕܟܲܦܢܵܐ ܟܵܪܹܟ݂ ܠܵܗ̇: ܘܲܤܝܵܓܵܐ ܕܲܡܤܲܪܩܘܼܬܵܐ.‏

tḥūmā d-kapnā kārēkh lāh: wa-syāgā da-msarqūtā.

ܘܟ݂ܠ ܕܲܩܢܸܐ ܠܲܚܡܐ ܕܝܘܡܐ: ܐܘܼܪܚܵܐ ܕܪܲܫ̣ ܠܹܗ ܠܒܲܪ ܡܸܢܵܗ̇܀

w-kul da-qne la-ḥm d-ywm: ʾūrḥā d-rash lēh l-bar menāh.

ܠܵܐ ܥܲܤܩܵܐ ܛܵܟ݂ ܕܲܒ݂ܝܲܡܵܐ: ܬܲܪܬܹܝܢ ܢܸܠܒܲܫ ܤܲܚܵܝܵܐ.

lā ʿasqā ṭākh da-b-yamā: tartēyn nelbash saḥāyā.

ܥܲܤܩܵܐ ܗ̣̄ܝ ܗܵܕܹܐ ܠܦܵܪܘܿܫܵܐ: ܕܬܲܪܬܹܝܢ ܢܸܩܢܸܐ ܒܲܒ݂ܪܝܼܬ݂ܵܐ܀

ʿasqā (h)ī hādē l-pārōshā: d-tartēyn neqne ba-b-rīthā.

ܠܵܐ ܦܵܤܹ̇ܩ ܐ̄ܢܵܐ ܕܲܒ݂ܝܲܡܵܐ: ܠܵܐ ܡܨܐ ܙܵܪܲܥ̇ ܐܲܟܵܪܵܐ.

lā pāsēq nā da-b-yamā: lā mṣ zāraʿ akārā.

ܐܲܝܟ݂ ܕܲܦܤܝܼܩܵܐ ܒܲܟ݂ܬܵܒ݂ܵܐ: ܕܐܲܝܢܵܐ ܕܙܵܪܲܥ ܡܸܬ݁ܕܵܘܲܕ:

aykh da-psīqā ba-khtāvā: d-aynā d-zāraʿ metdāwad:

ܫܸܠܝܵܐ ܥܒ݂ܝܼܕ݂ ܠܵܗ̇ ܡܲܠܵܚܵܐ: ܗܵܕܹܐ ܐܘܼܪܚܵܐ ܕܪܵܕ݂ܝܢܲܢ.

shelyā ʿvīdh lāh malāḥā: hādē ʾūrḥā d-rādhynan.

ܘܫܲܗܪܵܐ ܘܨܵܘܡܵܐ ܐܝܼܬܲܝܗܘܿܢ: ܚܠܵܦ ܠܹܩܹ̈ܐ ܕܲܡܕܲܠܹܝܢ ܠܵܗ̇܀

w-shahrā w-ṣāwmā ʾītayhōn: ḥlāp lēqē da-mdalēyn lāh.

ܪܸܓ݂ܠܵܝܵܐ ܗ̣̄ܘ ܡܸܫܟܲܚ ܥܵܒܲܪ: ܒܗܵܕܹܐ ܐܘܼܪܚܵܐ ܕܩܲܛܝܼܢܵܐ.

reghlāyā hāw meshkaḥ ʿābar: b-hādē ʾūrḥā d-qaṭīnā.

ܘܟ݂ܠ ܐܲܝܢܵܐ ܕܲܩܢܸܐ ܪܟ݂ܘܿܒ݂ܵܐ: ܒܬܲܪܥܵܐ ܐ̄ܠܝܼܨܵܐ ܠܵܐ ܥܵܐܲܠ܀

w-kul aynā da-qne rkhōvā: b-tarʿā līṣā lā ʿāal.

ܓܲܫܪܵܐ ܓܫܝܼܪ ܒܵܗ̇ ܕܛܘܼܪ̈ܵܦܹܐ: ܘܟܠ ܡܲܢ ܕܐܵܙ̇ܠ ܒܹܗ ܕܵܪܹܟ݂.

gashrā gshīr bāh d-ṭūrāpē: w-kul men d-āzl bēh dārēkh.

ܢܲܗܪܵܐ ܕܡܘܬܵܐ ܥܵܒܲܪ ܒܵܗ̇: ܘܒܹܗ݀ܘ ܥܵܡ̇ܕ݂ ܟܠ ܕܐܵܙ̇ܠ܀

nahrā d-mwtā ʿābar bāh: w-bēhw ʿāmdh kul d-āzl.

ܩܵܝܵܡܵܐ ܒܓܵܘܵܗ̇ ܫܲܠܝܘܼܬܵܐ: ܘܥܲܢܘܵܝܘܼܬܵܐ ܒܲܡܨܲܥܬ݂ܵܗ̇.

qāyāmā b-gāwāh shalyūtā: w-ʿanwāyūtā ba-mṣaʿthāh.

ܡܸܟܵܐ ܘܡܸܟܵܐ ܢܲܚܒ݁ܘܼܬܵܐ: ܘܲܦܪܝܼܥܘܼܬܵܐ ܥܲܠ ܓܲܒܵܗ̇܀

mekā w-mekā naḥbūtā: wa-prīʿūtā ʿal gabāh.

ܫܬ݂ܝܼܠܵܐ ܘܡܲܠܝܵܐ ܥܵܩ̈ܬ݂ܵܐ: ܘܒ݂ܝܼ̈ܫܵܬ݂ܵܐ ܡ̣ܢ ܟܠ ܓܲܒ݁ܝ̈ܢ.

shthīlā w-malyā ʿāqthā: w-b-īshāthā men kul gabyn.

ܬܸܢ̈̄ܚܵܬ݂ܵܐ ܘܕܸܡܥܹܐ ܡܲܠܝܵܐ: ܠܦܵܪܘܿܫܵܐ ܥܲܕ݂ ܥܵܒܲܪ ܠܵܗ̇܀

te(n)ḥāthā w-demʿē malyā: l-pārōshā ʿadh ʿābar lāh.

ܒܲܟ݂ܬܵܒܹ̈ܐ

ba-khtābē

ܡܹܐܡܪܵܐ .ܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 58
Photograph of page 58 of Bedjan’s 1903 edition, leaf 0809
Leaf 0809, from Archive.org.

ܟܫܹܝܢ ܒܵܗ̇ ܝܲܓ݂ܪܹ̈ܐ ܕܒ݂ܘܼܙܵܚܵܐ: ܘܫܲܕ̈ܝܵܢ ܟܹܐܦܹ̈ܐ ܕܡܘܼܝܵܩܵܐ.

kshēyn bāh yaghrē d-b-w-zāḥā: w-shadyān kēpē d-mūyāqā.

ܡܲܠܝܵܐ ܚܸܤܕܵܐ ܕܐ̄ܢܵܫܘܼܬܵܐ: ܘܨܘܿܚ̈ܝܵܬ݂ܵܐ ܕܲܒ݂ܢܲܝ ܓܸܢܤܵܐ܀

malyā ḥesdā d-nāshūtā: w-ṣōḥyāthā da-b-naī gensā.

ܡܵܐ ܕܲܚ̣ܙܵܘ ܠܐܲܝܢܵܐ ܕܠܲܒ݂ܟܵܗ̇: ܦܬܲܚ̣ܘ ܦܘܼܡܲܝ̈ܗܘܿܢ ܒܡܘܼܝܵܩܵܐ.

mā da-ḥzāw l-aynā d-la-b-kāh: ptaḥw pūmayhōn b-mūyāqā.

ܟܠ ܐܲܝܢܵܐ ܕܝܲܕ݂ܥܵܗ̇ ܘܐܲܚ̣ܕܵܗ̇: ܐܲܝܟ݂ ܗܸܕ݂ܝܘܿܛܵܐ ܡܵܢ̇ܝܢ ܠܹܗ܀

kul aynā d-yadhʿāh w-aḥdāh: aykh hedhyōṭā mānyn lēh.

ܬܘܼܬܵܪܵܐ ܩܵܐ̇ܲܡ (ܩܘܼܕܡܘܗܝ: ܡ̣ܢ ܓܵܘܵܝܹ̈ܐ ܘܒܲܪܵܝܹܐ.

tūtārā qāam qūdmwhī: men gāwāyē w-ba-rāyē.

ܠܗܵܘ̇ ܕܐܝܼܬ݂݂ܵܘܗܝ ܡܸܕܲܡ ܚܲܫܼܒ݁ܘܼܗܝ: ܒܪܸܥܝܵܢܗܘܿܢ ܐܲܝܟ݂ ܠܵܐ ܐܝܼܬܵܘܗܝ܀

l-hāw d-ʾīthāwhī medam ḥashībūhī: b-reʿyānhōn aykh lā ʾītāwhī.

ܠܗܵܘ̇ ܡ̣ܢ ܕܐܸܫܟܲܚ̣ ܠܐܲܠܵܗܵܐ: ܐܲܝܟ݂ ܠܐܲܒ݁ܝܼܕܵܐ ܡܵܢܹ̇ܝܢ ܠܹܗ.

l-hāw men d-eshkaḥ l-alāhā: aykh l-abīdā mānēyn lēh.

ܟܠ ܕܐܲܪܟܸ݁ܢ ܨܵܘܪܹܗ ܘܲܦܠܲܚ̣: ܒܗܵܝ ܐܘܼܪܚܵܐ ܚܲܫ݂ܒ݁ܘܼܗܝ ܡܝܼܬ݂ܵܐ܀

kul d-arken ṣāwrēh wa-plaḥ: b-(h)ī ʾūrḥā ḥashbūhī mīthā.

ܐܲܝܟ݂ ܟܘܼܪܵܐ ܠܕܲܗܒ݂ܵܐ ܐܝܼܬܹܝܗ̇: ܗܵܕ݂ ܐܘܼܪܚܵܐ ܠܲܕ݂ܥܵܒܲܪ ܒܵܗ̇.

aykh kūrā l-da-hvā ʾītēyh: hādh ʾūrḥā la-d-ʿābar bāh.

ܘܟ݂ܠ ܕܐܲܩܸܬ݂ ܪܸ̈ܓ݂ܠܵܘܗܝ ܘܲܥܒܲܪ: ܢܦܲܩ̣ ܠܹܗ ܤܢܝܼܢܵܐ ܡ̣ܢ ܓܵܘܵܗ̇܀

w-kul d-aqeth reghlāwhī wa-ʿbar: npaq lēh snīnā men gāwāh.

ܒܪܹܫܵܗ̇ ܩܵܐ̇ܡ ܒܘܼܩܝܵܢܵܐ: ܘܲܒ݂ܫܘܼܠܵܡܵܗ̇ ܒܘܼܚܪܵܢܵܐ.

b-rēshāh qām b-w-qyānā: wa-b-shūlāmāh b-w-ḥrānā.

ܩܘܼܛܵܥܵܐ ܙܪܝܼܥ ܒܲܡܨܲܥܬܵܗ̇: ܘܡܲܐܝܼܢܘܼܬܵܐ ܒܫܘܼܠܵܡܵܗ̇܀

qūṭāʿā zrīʿ ba-mṣaʿtāh: w-maīnūtā b-shūlāmāh.

ܐܘܼܠܨܵܢܵܐ ܦܪܝܼܣ ܥܲܠ ܟ̱ܠܵܗ̇: ܘܲܤܡܵܟ݂ܵܐ ܩܒ݂ܝܼܥ ܥܲܠ ܪܹܫܵܗ̇.‏

ʾūlṣānā prīs ʿal klāh: wa-smākhā qvīʿ ʿal rēshāh.

ܠܵܐ ܒܝܼ̈ܫܵܬ݂ܵܗ̇ ܡܸܬ݂ܚܲܫ̈ܒܵܢ: ܘܠܵܐ ܛܵܒ̈ܵܬܵܗ̇ ܡܸܬ݂ܡܲܢ̈ܝܵܢ܀

lā b-īshāthāh methḥashbān: w-lā ṭābātāh methmanyān.

ܠܵܐ ܓܹܗܲܢܵܗ̇ ܡܸܬ݂ܟܲܬ݂ܒܵܐ: ܘܠܵܐ ܡܲܠܟ݁ܘܼܬܵܗ̇ ܡܸܬ݁ܬܲܩܠܵܐ.

lā gēhanāh methkathbā: w-lā malkūtāh mettaqlā.

ܠܨܵܝܵܡܵܐ ܡܠܝܼܟ݂ ܒܘܼܤܵܡܵܐ: ܘܲܠܐܵܤܘܿܛܵܐ ܫܘܼܢܵܩܵܐ܀

l-ṣāyāmā mlīkh b-w-sāmā: wa-l-āsōṭā shūnāqā.

ܠܨ̇ܗܝܵܐ ܡܠܝܼܟ݂ ܠܹܗ ܦܘܼܪܦܵܥܵܐ: ܘܲܠܪܵܘܵܝܵܐ ܝܲܩܕܵܢܵܐ.

l-ṣhyā mlīkh lēh pūrpāʿā: wa-l-rāwāyā yaqdānā.

ܠܫܲܗܪܵܐ ܡܠܝܼܟ݂ܵܐ ܙܲܗܝܘܼܬܵܐ: ܘܲܠܕܲܡܝܼܟ݂ܵܐ ܛܲܢܦܘܼܬ݂ܵܐ܀

l-shahrā mlīkhā zahyūtā: wa-l-da-mīkhā ṭanpūthā.

ܠܤܲܩܵܐ ܡܠܝܼܟܵܐ ܬܸܫܒ݁ܘܿܚܬܵܐ: ܘܠܲܐܝܢܵܐ ܕܲܤܩܝܼܠ ܦܘܼܪܤܵܝܵܐ.

l-saqā mlīkā teshbōḥtā: w-la-ʾynā da-sqīl pūrsāyā.

ܠܕܸܡܥܹܐ ܡܠܝܼ̈ܟ݂ܵܢ ܚܲܕ݂̈ܘܵܬ݂ܵܐ: ܘܠܲܐܝܢܵܐ ܕܓܲܚܲܟ݂ ܐܸܢ̈ܩܵܬ݂ܵܐ܀

l-demʿē mlīkhān ḥadhwāthā: w-la-ʾynā d-gaḥakh enqāthā.

ܕܥܲܠ ܝܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕ݂ܒ݁ܪ̈ܵܝܹܐ. 59
Photograph of page 59 of Bedjan’s 1903 edition, leaf 0808
Leaf 0808, from Archive.org.

ܠܐܲܒ݂ܝܼܠܹܐ ܡܠܝܼܟ݂ ܒܘܼܝܵܐܵܐ: ܘܲܠܙܲܠܝ̈ܠܹܐ ܬܸܢ̈ܚܵܬ݂ܵܐ.

l-avīlē mlīkh b-w-yāā: wa-l-zalylē tenḥāthā.

ܠܡܸܤܟܹܢܹ̈ܐ ܡܠܝܼܟ݂ ܠܗܘܿܢ ܛܘܼܒ݂ܵܐ: ܘܲܠܒ݂ܵܙ̈ܘܿܙܹܐ ܐܲܒ݂ܕܵܢܵܐ܀

l-meskēnē mlīkh l-hōn ṭūvā: wa-l-vāzōzē avdānā.

ܠܡܲܟ݁ܝ̈ܟܹܐ ܡܠܝܼܟ݂ ܡܲܠܟ݁ܘܼܬܵܐ: ܘܠܲܐܝܢܵܐ ܕܲܚܬ݂ܝܼܪ ܓܘܼܡܨܵܐ.‏

l-makykē mlīkh malkūtā: w-la-ʾynā da-ḥthīr gūmṣā.

ܠܚܸܤܕܵܐ ܡܠܝܼܟ݂ܝܼܢ ܩܘܼܠܵܤܹ̈ܐ: ܘܲܠܫܘܼܒ݂ܗܵܪܵܐ ܤܝܼܡ ܨܲܥܪܵܐ܀

l-ḥesdā mlīkhīn qūlāsē: wa-l-shūvhārā sīm ṣaʿrā.

ܠܢܸܓ݂ܕܵܐ ܡܠܝܼܟ݂ ܠܹܗ ܠܘܼܒܵܒ݂ܵܐ: ܘܠܲܚܒ݂ܘܼܫܝܵܐ ܩܵܠ ܢܘܼܚܵܡܐ.

l-neghdā mlīkh lēh l-w-bāvā: w-la-ḥvūshyā qāl nūḥām.

ܠܟ݂ܠܗܘܿܢ ܝܵܗܹ̇ܒ݂ ܕܹܝܢܵܪܵܐ: ܗܵܘ̇ ܒܲܪ ܡܲܠܟܵܐ ܥܲܬ݁ܝܼܪܵܐ܀

l-khlhōn yāhēv dēynārā: hāw bar malkā ʿatīrā.

ܦܸܤܩܲܬ݀ ܠܵܗ̇ ܘܠܵܐ ܛܵܠܲܡ ܠܗܘܿܢ: ܫܵܡܘܿܢܵܐ ܡ̣ܢ ܥܲܡܠܲܝ̈ܗܘܿܢ܀

pesqat lāh w-lā ṭālam l-hōn: shāmōnā men ʿamlayhōn.

ܠܲܒ݂ܬ݂ܘܼ̈ܠܹܐ ܤܵܘܲܚ ܚܲܬ݂ܢܵܐ: ܘܥܵܐ̇ܠܝܼܢ ܥܲܡܹܗ ܠܲܓ݂ܢܘܿܢܵܐ.‏

la-b-thūlē sāwaḥ ḥathnā: w-ʿālīn ʿamēh la-ghnōnā.

ܓܵܝ̈ܚܵܢ ܓܘ̈ܕܹܐ ܕܡܲܠܲܐܟܹ̈ܐ: ܠܘܼܩܒܲܠ ܟܠܗܘܿܢ ܩܲܕܝܼܫܹܐ܀

gāyḥān gwdē d-malakē: l-w-qbal klhōn qadīshē.

ܦܵܪܚ̇ܝܼܢ ܢܵܦܩܝܼܢ ܪ̈ܘܼܚܵܢܹܐ: ܠܐܘܼܪܥܵܐ (ܕܫܵܗܪܹ̈ܐ ܘܲܕܥܵܡ̈ܠܹܐ.

pārḥīn nāpqīn rūḥānē: l-ʾūrʿā d-shāhrē wa-d-ʿāmlē.

ܙܵܝ̈ܚܵܢ ܓܘܼܕܲܝ̈ ܢܘܼܪ̈ܵܢܹܐ: ܘܝܵܗ̈ܒܵܢ ܫܠܵܡܵܐ ܠܐܲܒ݂ܝܼܠܹܐ܀

zāyḥān gūdaī nūrānē: w-yāhbān shlāmā l-avīlē.

ܗܵܐ ܨܝܼܪܵܐ ܐܘܼܪܚܵܐ ܩܕܵܡܲܝܟ݂: ܚܘܼܨ ܪܸܓ݂ܠܵܐ ܐܸܢ ܨܵܒܹܐ ܐܲܢ̄ܬ̇.

hā ṣīrā ʾūrḥā qdāmaykh: ḥūṣ reghlā en ṣābē a(n)t.

ܗܵܐ ܪܚܝܼܡܵܐ ܠܵܟ݂ ܡܲܠܟ݁ܘܼܬܵܐ: ܦܤܲܥ ܘܲܥܒܲܪ ܐܸܢ ܡܲܫܲܪ ܐܲܢ̄ܬ݁܀

hā rḥīmā lākh malkūtā: psaʿ wa-ʿbar en mashar a(n)t.

ܪܲܓܵܠܵܐ ܐܲܝܢܵܐ ܕܚܵܐܹ̇ܨ: ܨܵܪܹܐ ܘܥܵܒܲܪ ܗܵܝ ܐܘܼܪܚܵܐ.

ragālā aynā d-ḥāēṣ: ṣārē w-ʿābar (h)ī ʾūrḥā.

ܘܡܲܚܫܲܒ݂ܬ݂ܵܐ ܐܲܝܕܵܐ ܕܚܝܼܨܵܐ: ܫܵܝ̇ܦܵܐ ܘܥܵܒ݂ܪܵܐ ܒܐܘܼܠܨܵܢܵܗ̇܀

w-maḥshavthā aydā d-ḥīṣā: shāypā w-ʿāvrā b-ʾūlṣānāh.

ܚܙܝܼ ܓܹܐܪܵܐ ܐܲܝܢܵܐ ܕܲܬ݂ܪܝܼܨ: ܒܥܸܙܲܩܬ݂ܵܐ ܨܵܪܹܐ ܘܥܵܒܲܪ.

ḥzī gērā aynā da-thrīṣ: b-ʿezaqthā ṣārē w-ʿābar.

ܚܙܝܼ ܩܸܫܬܵܐ ܐܲܝܕܵܐ ܕܚܝܼܨܵܐ: ܕܚܵܢܝܵܐ ܠܢܝܼܫܵܐ ܩܲܕ݂ܡܐܝܼܬ݂܀

ḥzī qeshtā aydā d-ḥīṣā: d-ḥānyā l-nīshā qadhmīth.

ܚܙܝܼ ܓܹܐܪܵܐ ܕܠܵܐ ܡܸܬ݁ܬܲܗܹܐ: ܒܡܲܦܲܩܬܹܗ ܡ̣ܢ ܓܵܘ ܩܸܫܬܵܐ.

ḥzī gērā d-lā mettahē: b-mapaqtēh men gāw qeshtā.

ܥܕܲܡܐ ܕܹܝܢ ܕܐܵܙܹ̇ܠ ܤܵܥܲܪ: ܢܝܚܵܐ ܕܐܝܼܕܵܐ ܕܫܲܕܲܪܬܹܗ܀

ʿdam dēyn d-āzēl sāʿar: nyḥā d-ʾīdā d-shadartēh.

ܠܵܐ ܬܸܗܦܘܿܟ݂ ܐܲܢ̄ܬ݁ ܡ̣ܢ ܐܘܼܪܚܵܐ: ܘܠܵܐ ܬܸܬ݁ܕܵܘܲܕ݂ ܡܲܪܕܝܼܬܵܟ݂.‏

lā tehpōkh a(n)t men ʾūrḥā: w-lā tetdāwadh mardītākh.

ܡܐܡܪܵܐ .ܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 60
Photograph of page 60 of Bedjan’s 1903 edition, leaf 0807
Leaf 0807, from Archive.org.

ܥܕܲܡܵܐ ܕܤܵܥܪܲܬ݁ ܨܸܒ݂ܝܵܢܵܗ̇: ܕܝܲܡܝܼܢܵܐ ܕܨܵܪܲܬ݀ ܨܲܠܡܵܟ݂܀

ʿdamā d-sāʿrat ṣevyānāh: d-yamīnā d-ṣārat ṣalmākh.

ܓܹܐܪܹܗ ܐܝܼܬܲܝܟ݂ ܕܓܲܢ̄ܒܵܪܵܐ: ܘܕܲܥܠܲܝܡܵܐ ܕܥܲܫܝܼܢ ܚܲܝܠܹܗ.‏

gērēh ʾītaykh d-ga(n)bārā: w-da-ʿlaymā d-ʿashīn ḥaylēh.

ܢܸܬ݁ܠܘܼܢ ܛܘܼܒ݂ܵܐ ܚܲܙܵܝܼܝܟ݂: ܘܢܸܡܠܘܿܢ ܡܸܢܵܟ݂ ܓܲܙܲܝܗܘܿܢ܀

netlūn ṭūvā ḥazāīykh: w-nemlōn menākh gazayhōn.

ܠܵܐ ܡܬ݂ܘܿܡ ܐܸܫܬܲܡܥܲܬ̤ ܗܵܕܹܐ: ܘܠܵܐ ܐܸܬ݂ܡܲܠܠܲܬ݂ ܒܲܒ݂ܪܝܼܬܵܐ.

lā mthōm eshtamʿat hādē: w-lā ethmallath ba-b-rītā.

ܕܲܗ̣ܦܲܟ݂ ܓܹܐܪܵܐ ܒܡܲܪܕܝܼܬܹܗ: ܘܐܸܬ݂ܵܐ ܘܲܫ̣ܟܸܢ ܥܲܠ ܝܼܬ݂ܪܹܗ܀

da-hpakh gērā b-mardītēh: w-ethā wa-shken ʿal īthrēh.

ܠܵܐ ܬܸܗܦܘܿܟ݂ ܐܲܢ̄ܬ݁ ܡ̣ܢ ܥܲܡܠܵܟ݂: ܘܬܸܥܘܿܠ ܬܸܬܲܒ݂ ܥܲܠ ܩܸܢܵܟ݂.‏

lā tehpōkh a(n)t men ʿamlākh: w-teʿōl tetav ʿal qenākh.

ܕܠܵܐ ܬܸܗܘܸܐ ܚܸܤܕܵܐ ܠܚܲܒ݂ܪܲܝܟ: ܘܲܤܢܝܼܐܵܐ ܠܥܝܼܪ̈ܲܝ ܪܵܘܡܵܐ܀

d-lā tehwe ḥesdā l-ḥavrayk: wa-snīā l-ʿīraī rāwmā.

ܚܙܝܼ ܓܹܐܪܵܐ ܘܐܸܬܵܕܲܡܵܐ ܒܹܗ: ܕܠܵܐ ܗܵܦܹܟ݂ ܘܐܵܬܹܐ ܡܸܡܬ݂ܘܿܡ.‏

ḥzī gērā w-etādamā bēh: d-lā hāpēkh w-ātē memthōm.

ܠܘܵܬ݂ ܩܸܫܬܵܐ ܕܲܡܫܲܕܪܵܐ ܠܹܗ: ܥܕܲܡܵܐ ܕܫܵܠܵܡܵܐ ܡܲܪܕܝܼܬܹܗ:

l-wāth qeshtā da-mshadrā lēh: ʿdamā d-shālāmā mardītēh:

ܘܚܵܙܹ̇ܐ ܕܡܵܢܵܘ ܫܘܼܠܵܡܹܗ܀

w-ḥāzē d-mānāw shūlāmēh.

ܒܵܟ݂ ܗܼ̄ܘ ܩܲܬ݁ܝܼܬ݂ܵܐ ܥܲܝܢܹܗ: ܕܗܵܘ̇ ܒܲܪ ܡܲܠܟܵܐ ܕܚܵܐܲܪ ܒܵܟ݂.

bākh hāw qatīthā ʿaynēh: d-hāw bar malkā d-ḥāar bākh.

ܥܕܲܡܵܐ ܕܫܵܠܲܡ ܐܵܓ݂ܘܿܢܵܟ݂: ܘܚܵܙܹ̇ܐ ܚܲܪܬ݂ܵܟ݂ ܕܐܲܝܟܲܢ ܗ̄ܝ܀

ʿdamā d-shālam āghōnākh: w-ḥāzē ḥarthākh d-aykan (h)ī.

ܐܸܢ ܡܲܟ݁ܝܼܟ݂ ܐܲܢ̄ܬ݁ ܪܵܚܹ̇ܡ ܠܵܟ݂: ܘܐܸܢܗ݀ܘ ܕܪܵܡ ܐܲܢ̄ܬ݁ ܤܵܢܹܲܐ ܠܵܟ݂.‏

en makīkh a(n)t rāḥēm lākh: w-enhw d-rām a(n)t sāna lākh.

ܐܸܢ ܡܸܤܟܹܝܢ ܐܲܢ̄ܬ݁ ܪܵܚܹ̇ܡ ܠܵܟ݂: ܘܐܸܢ (ܥܲܬ݁ܝܼܪ ܐܲܢ̄ܬ݁ ܤܵܩܲܪ ܠܵܟ݂܀

en meskēyn a(n)t rāḥēm lākh: w-en ʿatīr a(n)t sāqar lākh.

ܐܸܢ ܐܲܚܸܒ݂ܬܵܝܗܝ ܒܐܘܼܠܨܵܢܵܐ: ܨܹܐܕܲܝܟ ܗܼ̄ܘ ܒܝܘܿܡ ܦܘܼܪܩܵܢܵܐ.

en aḥevtāyhī b-ʾūlṣānā: ṣēdayk hāw b-yōm pūrqānā.

ܘܐܸܢ ܚܲܠܸܦܬܵܝܗܝ ܒܲܢܝܵܚܵܐ: ܠܩܘܼܒ݂ܠܵܟ݂ ܗܼ̄ܘ ܒܝܘܿܡ ܦܘܼܪܥܵܢܵܐ܀

w-en ḥaleptāyhī ba-nyāḥā: l-qūvlākh hāw b-yōm pūrʿānā.

ܐܸܢ ܐܝܼܬ݂ ܒܵܟ݂ ܚܘܼܒܵܐ ܫܲܠܡܵܐ: ܠܘܵܬ݂ܵܟ݂ ܥܵܒܲܕ݂ ܐܵܘܵܢܵܐ.‏

en ʾīth bākh ḥūbā shalmā: l-wāthākh ʿābadh āwānā.

ܘܐܸܢܗ݀ܘ ܕܐܝܼܬ݂ ܒܵܟ݂ ܒܝܼܫܘܼܬܵܐ: ܦܲܚܬܵܐ ܗܼ̄ܘ ܪܲܒܵܐ ܒܲܡܨ̇ܥܬ݂ܵܐ܀

w-enhw d-ʾīth bākh b-īshūtā: paḥtā hāw rabā ba-mṣʿthā.

ܐܸܢ ܐܲܚܸܒ݂ܬܝܗܝ ܘܲܪܚܸܡܬܵܝܗܝ: ܒܵܟ݂ ܗ̣̄ܘ ܥܵܡܲܪ ܥܵܕ݂ܘܿܪܵܟ݂.

en aḥevtyhī wa-rḥemtāyhī: bākh hāw ʿāmar ʿādhōrākh.

ܘܐܸܢ ܚܲܠܸܦܬܵܝܗܝ ܒܠܵܐ ܡܸܕܲܡ: ܐܲܪܚܸܩ ܡܸܢܵܟ݂ ܐܝܼܠܹܗ܀

w-en ḥaleptāyhī b-lā medam: arḥeq menākh ʾīlēh.

ܠܵܐ ܬܚܲܠܸܦ ܐܲܪܥܵܐ ܒܲܥܕܸܢ: ܘܠܵܐ ܬܸܪܚܲܡ ܗܵܕ݂ ܛܵܒ݂ ܡ̣ܢ ܗܵܝ.

lā tḥalep arʿā ba-ʿden: w-lā terḥam hādh ṭāv men (h)ī.

ܕܥܲܠ ܝܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕ݂ܒ݁ܪܵܝܹܐ. 61
Photograph of page 61 of Bedjan’s 1903 edition, leaf 0806
Leaf 0806, from Archive.org.

ܠܵܐ ܬܸܗܘܸܐ ܤܟܲܠ ܐܲܝܟ݂ ܐܵܕܵܡ: ܕܲܪܚܸܡ ܟܘܼ̈ܒܹܐ ܚܠܵܦ ܦܹܐܪܹ̈ܐ܀

lā tehwe skal aykh ādām: da-rḥem kūbē ḥlāp pērē.

ܠܵܐ ܦܵܚ̇ܡܵܐ ܗܵܕܹܐ ܐܲܪܥܵܐ: ܠܗܵܝ ܐܲܪܥܵܐ ܕܒܹܝܬ݂ ܡܲܠܟ݁ܘܼܬܵܐ.

lā pāḥmā hādē arʿā: l-(h)ī arʿā d-bēyth malkūtā.

ܘܠܵܐ ܗܵܠܹܝܢ ܚܲܫܹ̈ܐ ܫܵܘ̇ܝܢ: ܠܛܘܼܼ̈ܒܹܐ ܕܬܲܡܵܢ ܡܸܬ݂ܝܲܗܒ݁ܝܼܢ܀

w-lā hālēyn ḥashē shāwyn: l-ṭūbē d-tamān methyahbīn.

ܗܵܠܹܝܢ ܕܲܬ݂ܢܵܢ ܡܸܬ݂ܚܲܙ̈ܝܵܢ: ܥܬ݂ܝܼܕ݂ ܗ̣̄ܘ ܕܢܸܗܘܸܐ ܫܘܼܠܵܡܗܹܝܢ.

hālēyn da-thnān methḥazyān: ʿthīdh hāw d-nehwe shūlāmhēyn.

ܘܟܠ ܕܲܟ݂ܤܸܐ ܒܗܵܝ ܡܲܠܟ݁ܘܼܬܵܐ: ܠܥܵܠܲܡ ܚܲܪܬܹܗ ܩܲܝܵܡܵܐ܀:

w-kul da-khse b-(h)ī malkūtā: l-ʿālam ḥartēh qayāmā.:

ܟܠ ܕܐܲܫܲܪ ܕܐܝܼܬ݂ ܡܲܠܟ݁ܘܼܬܵܐ: ܫܵܛܵܗ̇ ܠܐܲܪܥܵܐ ܘܩܸܢܝܵܢܵܗ̇.

kul d-ashar d-ʾīth malkūtā: shāṭāh l-arʿā w-qenyānāh.

ܘܟ݂ܠ ܕܐܲܫܲܪ ܕܐܝܼܬ݂ ܦܲܪܕܲܝܤܵܐ: ܒ݂ܤܪܹܗ ܠܐܲܬ݂ܪܵܐ ܘܢܸܨ̈ܒܵܬܹܗ܀

w-kul d-ashar d-ʾīth pardaysā: b-srēh l-athrā w-neṣbātēh.

ܐܲܝܢܵܐ ܕܚܵܐܲܪ ܠܲܓ݂ܢܘܿܢܵܐ: ܒܒܸܢ̈ܝܵܢܹܐ ܤܵܟ݂ ܠܵܐ ܫܵܚܹܩ.

aynā d-ḥāar la-ghnōnā: b-benyānē sākh lā shāḥēq.

ܘܐܲܝܢܵܐ ܕܪܵܢܹ̇ܐ ܒܲܤܡܵܟܵܐ: ܠܲܚܡܵܐ ܕܝܵܘܡܵܐ ܠܵܐ ܩܵܢܹܐ܀

w-aynā d-rānē ba-smākā: la-ḥmā d-yāwmā lā qānē.

ܐܸܢ ܫܲܪܝܼܪ ܠܵܟ݂ ܡܘܼܠܟܵܢܹܗ: ܠܵܐ ܬܸܥܒܲܪ ܥܲܠ ܦܘܼܩܕܵܢܹܗ.

en sharīr lākh mūlkānēh: lā teʿbar ʿal pūqdānēh.

ܘܐܸܢ ܠܵܐ ܕܲܓܲܠܬܵܝܗܝ ܥܲܠ ܡܵܢ: ܡܲܡܤܲܪ ܐܲܢ̄ܬ݁ ܥܲܠ ܢܵܡܘܿ ܤܵܘ̈ܗܝ܀

w-en lā da-galtāyhī ʿal men: mamsar a(n)t ʿal nāmō sāwhī.

ܐܲܝܢܵܐ ܕܗܲܝܡܸܢ ܡܘܼܠܟܵܢܹ̈ܐ: ܠܵܐ ܚܫܝܼܒ݂ܝܼܢ ܠܹܗ ܐܘܼܠܨܵܢܹ̈ܐ.

aynā d-haymen mūlkānē: lā ḥshīvīn lēh ʾūlṣānē.

ܘܐܲܝܢܵܐ ܕܫܵܡܲܥ̇ ܠܲܟ݂ܬ݂ܵܒܹ̈ܐ: ܫܝܼܛܝܼܢ ܒܥܲܝܢܵܘ̈ܗܝ ܢܸܤܝ̈ܘܿܢܹܐ܀

w-aynā d-shāmaʿ la-khthābē: shīṭīn b-ʿaynāwhī nesyōnē.

ܟܠ ܕܲܡܗܲܝܡܸܢ ܕܐܝܼܬ݂ ܕܝܼܢܵܐ: ܠܵܐ ܠܵܥܹ̇ܣ ܠܲܚܡܹܗ ܠܚܘܿܕܵܘܗܝ.

kul da-mhaymen d-ʾīth d-īnā: lā lāʿēs la-ḥmēh l-ḥōdāwhī.

ܟܠ ܕܐܲܫܲܪ ܕܐܝܼܬ݂ ܓܹܗܲܢܵܐ: ܠܵܐ ܒܵܤܹ̇ܐ ܥܲܠ ܡܸܤܟܹܢܹ̈ܐ܀

kul d-ashar d-ʾīth gēhanā: lā bāsē ʿal meskēnē.

ܟܠ ܕܝܕܲܥ ܕܐܝܼܬ݂ ܐܘܼܠܨܵܢܵܐ: ܠܝܲܬ݂ܡܹܐ ܡܲܠܒܸ݁ܫ ܡ̣ܢ ܚܸܕ݂ܪܹܗ.

kul d-ydaʿ d-ʾīth ʾūlṣānā: l-yathmē malbesh men ḥedhrēh.

ܘܟ݂ܠ ܕܐܲܪܓܸܲܫ ܕܐܝܼܬ݂ ܦܘܼܪܥܵܢܵܐ: ܠܟܲܦܢܹ̈ܐ ܝܵܗ̇ܒ݂ ܡܵܙܘܿܢܹܗ܀

w-kul d-argesh d-ʾīth pūrʿānā: l-kapnē yāhv māzōnēh.

ܐܲܝܢܵܐ ܕܪܵܚܲܡ ܠܐܲܠܵܗܵܐ: ܢܸܪܚܲܡ ܥܲܡܗ ܢܵܡܘܿܤܵܘ̈ܗܝ.

aynā d-rāḥam l-alāhā: nerḥam ʿamh nāmōsāwhī.

ܘܐܲܝܢܵܐ ܕܡܲܚܸܒ݂ ܠܲܡܫܝܼܚܵܐ: ܢܸܥܒܲܕ݂ ܒܲܥܓܲܠ ܦܘܼܩܕܵܢܵܘ̈ܗܝ܀

w-aynā d-maḥev la-mshīḥā: neʿbadh ba-ʿgal pūqdānāwhī.

ܐܲܝܢܵܐ ܕܗܲܝܡܸܢ ܬܲܩܢܵܐܝܼܬ݂: ܥܲܠ ܡ̇ܢ ܫܵܡܲܥ ܗܲܦܟܵܐܝܼܬ݂.

aynā d-haymen taqnāīth: ʿal men shāmaʿ hapkāīth.

ܘܐܲܝܢܵܐ ܕܫܵܡܲܥ ܬܲܩ̈ܢܵܬ݂ܵܐ: ܠܵܐ ܢܸܤܥܘܿܪ ܗܲܦܵܟ̈ܬ݂ܵܐ܀

w-aynā d-shāmaʿ taqnāthā: lā nesʿōr hapākthā.

ܐܲܝܢܵܐ ܕܩܵܐ̇ܲܡ ܒܲܫܪܵܪܵܐ: ܠܵܐ ܢܹܐܠܲܦ ܟܲܕܵܒ̈ܵܬ݂ܵܐ.

aynā d-qāam ba-shrārā: lā nēlap kadābāthā.

ܡܹܐܡܪܵܐ .ܘ. ܕܡ̇ܪܝ ܐܝܼܤܚܵܩ ܕܐܲܢܛܝܘܿܟ 62
Photograph of page 62 of Bedjan’s 1903 edition, leaf 0805
Leaf 0805, from Archive.org.

ܘܐܲܝܢܵܐ ܕܲܤܡܝܼܟ݂ ܥܲܠ ܩܘܼܫܬܵܐ: ܙܹܐܦܵܐ ܠܘܵܬܹܗ ܠܵܐ ܢܸܩܪܘܿܒ݂܀

w-aynā da-smīkh ʿal qūshtā: zēpā l-wātēh lā neqrōv.

ܘܐܲܝܢܵܐ ܕܕܵܚܹ̇ܠ ܡ̣ܢ ܢܘܼܪܵܐ: ܠܵܐ ܢܹܐܩܲܕ݂ ܗ݀ܘ ܡ̣ܢ ܚܸܡܬܹܗ.

w-aynā d-dāḥēl men nūrā: lā nēqadh hāw men ḥemtēh.

ܘܐܲܝܢܵܐ ܕܤܵܢܹ̈ܐ ܬܲܫܢܝܼܩܵܐ: ܠܵܐ ܢܸܫܬܲܢܲܩ ܒܲܚܤܵܡܵܐ܀

w-aynā d-sānē tashnīqā: lā neshtanaq ba-ḥsāmā.

ܘܐܲܝܢܵܐ ܕܥܵܪܹܩ̇ ܡ̣ܢ ܪܘܼܓ݂ܙܵܐ: ܠܵܐ ܢܸܬ݁ܕܲܠܲܚ ܟܠܥܸܕܵܢ.‏

w-aynā d-ʿārēq men rūghzā: lā netdalaḥ klʿedān.

ܘܐܲܝܢܵܐ ܕܤܵܢܹܐ ܝܲܩܕܵܢܵܐ: ܠܵܐ ܢܸܬ݂ܓܵܘܙܲܠ ܪܸܥܝܵܢܹܗ܀

w-aynā d-sānē yaqdānā: lā nethgāwzal reʿyānēh.

ܘܟ݂ܠ ܕܐܸܬ݁ܬܲܠܡܲܕ݂ ܠܲܡܫܝܼܚܵܐ: ܠܵܐ ܢܸܪܓܲܙ ܥܲܠ ܗܲܕܵܡܵܘ̈ܗܝ.

w-kul d-ettalmadh la-mshīḥā: lā nergaz ʿal hadāmāwhī.

ܘܟ݂ܠ ܕܝܼܕܲܥ̣ ܕܐܝܼܬ ܐܲܠܵܗܵܐ: ܢܘܼܟ݂ܪܵܝܵܐ ܗ̣̄ܘ ܡ̣ܢ ܒܝܼ̈ܫܵܬ݂ܵܐ܀

w-kul d-īdaʿ d-ʾīt alāhā: nūkhrāyā hāw men b-īshāthā.

ܐܸܢ (ܡܝܼܬ݂ ܐܲܢ̄ܬ݁ܘܼ ܐܲܝܟܲܢܵܐ: ܐܲܝܟ݂ ܚܲܝܵܐ ܡܸܬ݁ܕܲܒܲܪ ܐܲܢ̄ܬ݁.

en mīth a(n)tū aykanā: aykh ḥayā metdabar a(n)t.

ܘܐܸܢ (ܚܲܝ ܐܲܢ̄ܬ݁ܘܼ ܐܲܝܟܲܢܵܐ: ܫܵܡܲܥ ܐܲܢ̄ܬ݁ ܡܸܕܲܡ ܕܲܟ݂ܬ݂ܝܼܒ݂܀

w-en ḥaī a(n)tū aykanā: shāmaʿ a(n)t medam da-khthīv.

ܐܸܢ ܠܒ݂ܝܼܫ ܐܲܢ̄ܬ݁ ܚܲܫܹܗ ܕܲܒ݂ܪܵܐ: ܠܡܵܢ (ܒܵܥܹ̇ܐ ܐܲܢ̄ܬ݁ ܐܝܼܩܵܪܵܐ.

en l-b-īsh a(n)t ḥashēh da-b-rā: l-men bāʿē a(n)t ʾīqārā.

ܘܐܸܢ ܠܵܐ ܠܒ݂ܝܼܫ ܐܲܢ̄ܬ݁ ܥܲܠ ܡܵܢܵܐ: ܡܸܬ݂ܝܲܩܪܲܬ݁ ܡܸܛܠܵܬܹܗ܀

w-en lā l-b-īsh a(n)t ʿal mānā: methyaqrat meṭlātēh.

ܐܸܢ ܕܝܼܠܹܗ ܐܲܢ̄ܬ݁ ܒܲܫܪܵܪܵܐ: ܠܒܲܫ ܚܲܫܹܗ ܘܐܸܫܬܲܒܲܚ ܒܹܗ.

en d-īlēh a(n)t ba-shrārā: l-bash ḥashēh w-eshtabaḥ bēh.

ܘܐܸܢ ܠܵܐ ܡܨܝܬ ܕܬܸܛܥܲܢ ܚܲܫܹܗ: ܠܡܵܢܵܐ ܠܒ݂ܝܼܫܲܬ݁ ܐܸܤܟܹܡܹܗ܀

w-en lā mṣyt d-teṭʿan ḥashēh: l-mānā l-b-īshat eskēmēh.

ܐܸܢ ܒܐܘܼܪܚܵܐ ܦܬ݂ܝܼܬ݂ܵܐ ܪܵܕܹܝܬ݁: ܤܲܒ݂ ܪܸܓ݂ܠܵܟ݂ ܡ̣ܢ ܕܐܲܠܝܼܨܵܐ.

en b-ʾūrḥā pthīthā rādēyt: sav reghlākh men d-alīṣā.

ܘܐܸܢ ܚܸܫܟܵܐ ܕܲܠܒܲܪ ܐܲܚܸܒ݂ܬ݁: ܫܒ݂ܝܼܠܵܐ ܕܢܘܼܗܪܵܐ ܠܵܐ ܬܸܠܒ݁ܘܿܟ܀

w-en ḥeshkā da-l-bar aḥevt: shvīlā d-nūhrā lā telbōk.

ܐܸܢ ܪܹܫܵܟ݂ ܠܵܐ ܡܲܪܟܸܢ ܐܲܢ̄ܬ݁: ܒܬܲܪܥܵܐ ܐܲܠܝܼܨܵܐ ܠܵܐ ܬܩܘܼܡ.

en rēshākh lā marken a(n)t: b-tarʿā alīṣā lā tqūm.

ܘܐܸܢ ܠܵܐ ܡܚܵܘܹ̇ܝܬ݁ ܝܘܼܬ݂ܪܵܢܵܐ: ܠܡܵܢܵܐ ܡܒ݂ܛܠܲܬ݁ ܬܹܐܓ݂ܘܼܪܬܵܐ܀

w-en lā mḥāwēyt yūthrānā: l-mānā mvṭlat tēghūrtā.

ܘܐܸܢ ܠܵܐ ܥܵܒ݂ܕܲܬ݁ ܢܸܨܚܵܢܵܐ: ܥܲܠ ܡܵܢܵܐ ܛܥܝܼܢ ܐܲܢ̄ܬ݁ ܢܝܼܫܵܐ.

w-en lā ʿāvdat neṣḥānā: ʿal mānā ṭʿīn a(n)t nīshā.

ܘܐܸܢ ܠܵܐ ܥܵܐܠܲܬ ܠܲܩܪܵܒ݂ܵܐ: ܙܲܝܢܵܐ ܕܡܲܠܟܵܐ ܠܵܐ ܬܸܠܒܲܫ܀

w-en lā ʿālat la-qrāvā: zaynā d-malkā lā telbash.

ܐܸܢ ܕܲܡܝܼܟ݂ ܐܲܢ̄ܬ݁ ܒܲܚܨܵܕܵܐ: ܐܲܝܟܲܢ ܐܲܓ݂ܪܵܐ ܬܵܒܲܥ̇ ܐܲܝܲܬ݁.‏

en da-mīkh a(n)t ba-ḥṣādā: aykan aghrā tābaʿ ayat.

ܕܥܲܠ ܝܲܚܝܼܕܵܝܹܐ ܘܐܲܒ݂ܝ̈ܠܹܐ ܘܡܲܕ݂ܒ݁ܪܵܝܹܐ.‏ 63
Photograph of page 63 of Bedjan’s 1903 edition, leaf 0804
Leaf 0804, from Archive.org.

ܘܐܸܢ ܠܵܐ ܥܒ݂ܝܼܪ ܠܵܟ݂ ܥܲܠ ܟܲܪܡܵܐ: ܐܲܝܟܲܢ ܢܹܐܬܸܐ ܕܹܝܢܵܪܵܟ݂܀

w-en lā ʿvīr lākh ʿal karmā: aykan nēte dēynārākh.

ܐܸܢ ܒܲܛܝܼܠ ܐܲܢ̄ܬ݁ ܡ̣ܢ ܥܲܡܠܵܐ: ܐܲܝܟܲܢ ܚܫܝܼܒ݂ ܐܲܢ̄ܬ݁ ܦܲܠܵܚܵܐ.‏

en ba-ṭīl a(n)t men ʿamlā: aykan ḥshīv a(n)t palāḥā.

ܘܐܸܢ ܢܘܼܟ݂ܪܵܝ ܐܲܢ̄ܬ݁ ܠܲܥ̇ܒ݂ܕܵܐ: ܠܡܵܢܵܐ ܚܠܝܼܛܲܬ݁ ܥܲܡ ܥܵܡ̈ܠܹܐ܀

w-en nūkhrāī a(n)t la-ʿvdā: l-mānā ḥlīṭat ʿam ʿāmlē.

ܐܸܢ ܕܲܓܵܠ ܐܲܢ̄ܬ݁ ܡ̣ܢ ܩܘܼܫܬܵܐ: ܠܡܵܢ ܡܲܛܥܸܐ ܐܲܢ̄ܬ݁ ܒܲܫܪܵܪܵܐ.

en dagāl a(n)t men qūshtā: l-men maṭʿe a(n)t ba-shrārā.

ܘܐܸܢ ܠܵܐ ܠܒ݂ܝܼܫ ܐܲܢ̄ܬ݁ ܟܹܐܢܘܼܬܵܐ: ܠܡܵܢܵܐ ܛܥܝܼܢ ܐܲܢ̄ܬ݁ ܐܸܤܟܹܡܵܐ܀

w-en lā l-b-īsh a(n)t kēnūtā: l-mānā ṭʿīn a(n)t eskēmā.

ܐܸܢ ܙܹܐܦܵܐ ܠܒ݂ܝܼܫܲܬ݁ ܡ̣ܢ ܠܓ݂ܵܘ: ܫܠܲܚ ܘܲܫܕ݂ܝܼ ܩܘܼܫܬܵܐ ܡܸܢܵܟ݂.

en zēpā l-b-īshat men l-ghāw: shlaḥ wa-shdhī qūshtā menākh.

ܐܸܢ ܝܲܥܪܵܐ ܕܢܲܦ̮ܫܵܟ݂ ܐܝܼܬܲܝܟ: ܒܓܵܘ ܟܲܪܡܐ ܡ̇ܢ ܩܵܐ̇ܡ ܐܲܢ̄ܬ݁܀

en yaʿrā d-napshākh ʾītayk: b-gāw karm men qām a(n)t.

ܘܐܸܢ ܙܝܼܙܵܢܵܐ ܐܢ̄ܬ݁ ܚܲܬ݁ܝܼܬ݂ܵܐ: ܒܹܝܬ݂ ܚܸܛ̈ܐ ܡ̇ܢ ܥܵܒܹܕ݂ ܐܲܢ̄ܬ݁.

w-en zīzānā ʾ(n)t ḥatīthā: bēyth ḥeṭ men ʿābēdh a(n)t.

ܐܸܢ ܦܹܐܪܹ̈ܐ ܠܵܐ ܝܵܗܹܒ݂ ܐܲܢ̄ܬ݁: ܡܸܛܪܵܐ ܒܟ݂ܝܼܪܵܐ ܠܵܐ ܬܸܫܬܸܐ܀

en pērē lā yāhēv a(n)t: meṭrā b-khīrā lā teshte.

ܐܸܢ ܥܸܩܵܪܵܐ ܐܢ̄ܬ݁ ܡܲܪܝܼܪܵܐ: ܡܸܛܪܵܟ݂ ܟܠܹܗ ܬܲܫܢܝܼܩܵܐ ܗܼ̄ܘ.

en ʿeqārā ʾ(n)t marīrā: meṭrākh klēh tashnīqā hāw.

ܘܐܸܢ ܙܲܪܥܵܐ ܕܟ݂ܘ̈ܒܹܐ ܐܝܼܬܲܝܟ: ܥܠܲܠܬܲܟ݂ ܟ̱ܠܵܗ̇ ܓܹܗܲܢܵܐ ܗ̣̄ܝ܀

w-en zarʿā d-khwbē ʾītayk: ʿlaltakh klāh gēhanā (h)ī.

ܘܐܸܢ ܦܲܟ݁ܝܼܗܵܐ ܐܢ̄ܬ݁ ܘܲܚܠܲܡܬܵܐ ܐܢ̄ܬ݁: ܪܘܼܓ݂ܙܵܐ ܡܸܠܚܵܐ ܗܵܘܹ̇ܐ ܠܵܟ݂.‏

w-en pakīhā ʾ(n)t wa-ḥlamtā ʾ(n)t: rūghzā melḥā hāwē lākh.

ܐܲܢ ܛܲܥܡܵܐ ܕܡܘܬܵܐ ܐܝܼܬܲܝܟ݂: ܩܵܠ ܢܘܼܚܵܡܵܟ݂ ܐܲܒ݂ܕܵܢܵܐ ܗ̄ܘ܀

en ṭaʿmā d-mwtā ʾītaykh: qāl nūḥāmākh avdānā hāw.

ܐܸܢ ܡܲܪܝܼܕܲܬ݁ ܥܲܠ ܩܘܼܫܬܵܐ: ܤܘܼܼ̈ܛܡܹܐ ܘܟܲܒ̈ܠܹܐ ܢܛܝܼܪܝܼܢ ܠܵܟ݂.

en marīdat ʿal qūshtā: sūṭmē w-kablē nṭīrīn lākh.

ܘܐܸܢ ܥܵܪܩܲܬ݁ ܡ̣ܢ ܟܹܐܢܘܼܬܵܐ: ܚܒ݂ܘܼܫܝܵܐ ܘܕܝܼܢܵܐ ܡܢܵܘܸܠ ܠܵܟ݂܀

w-en ʿārqat men kēnūtā: ḥvūshyā w-d-īnā mnāwel lākh.

ܐܸܢ ܥܲܒ݂ܕܵܐ ܐܢ̄ܬ݁ ܡ̣ܢ ܚܹܐܪܘܼܬܵܐ: ܒܝܵܪ̈ܘܿܬܹܐ ܡܲܢ ܟܵܬܹ̇ܒ݂ ܠܵܟ݂.

en ʿavdā ʾ(n)t men ḥērūtā: b-yārōtē men kātēv lākh.

ܘܐܸܢ ܙܲܒܸ݁ܢܬܵܝܗܝ ܨܸܒ݂ܝܵܢܵܟ݂: ܒܲܒ̈ܢܲܝܵܐ ܡܲܢ ܚܵܫܹ̇ܒ݂ ܠܵܟ݂܀

w-en zabentāyhī ṣevyānākh: ba-b-nayā men ḥāshēv lākh.

ܘܐܸܢ ܡܵܪܵܐ ܕܙܸܐܦܵܐ ܩܢܸܐ ܐܲܢ̄ܬ݁: ܡܵܪܵܐ ܕܩܘܼܫܬܵܐ ܐܵܘܒܸܲܕܬܵܝܗܝ.

w-en mārā d-zepā qne a(n)t: mārā d-qūshtā āwbadtāyhī.

ܘܐܸܢ ܠܕܲܓܵܠܵܐ ܦܵܠܲܚ̇ ܐܲܢ̄ܬ݁: ܗܵܘ̇ ܫܲܪܝܼܪܵܐ ܐܲܪܓܸܙܬܵܝܗܝ܀

w-en l-da-gālā pālaḥ a(n)t: hāw sharīrā argeztāyhī.

ܝܲܕ݂ܝܼܥ ܥܲܡܠܵܐ ܕܟܹܐܢܘܼܬܵܐ: ܡ̣ܢ ܥܲܡܠܵܐ ܕܪܕܲܓܵܠܘܼܬ݂ܵܐ.‏

yadhīʿ ʿamlā d-kēnūtā: men ʿamlā d-rdagālūthā.

ܡܹܐܡܪܵܐ .ܘ. ܕܡ̇ܪܝ ܐܝܼܤܚܵܩ ܕܐܲܢܛܝܘܿܟ݂ 64
Photograph of page 64 of Bedjan’s 1903 edition, leaf 0803
Leaf 0803, from Archive.org.

ܘܝܼܕ݂ܝܼܥ ܐܲܓ݂ܪܵܐ ܕܲܫܪܵܪܵܐ: ܡ̣ܢ ܐܲܓ݂ܪܵܐ ܕܲܚܬ݂ܝܼܪܘܼܬܵܐ܀

w-īdhīʿ aghrā da-shrārā: men aghrā da-ḥthīrūtā.

ܐܸܢܗ݀ܘ ܕܐܝܼܬ݂ ܒܵܟ݂ ܒܘܼܝܵܢܵܐ: ܦܲܪܸܫ ܥܲܡܠܹܐ ܡ̣ܢ ܥܲܡ̈ܠܹܐ.

enhw d-ʾīth bākh b-w-yānā: paresh ʿamlē men ʿamlē.

ܘܐܸܢ ܠܵܐ ܚܸܫܘܿܟ݂ ܪܸܥܝܵܢܵܟ݂: ܓܒ݂ܝܼ ܠܵܟ݂ ܐܲܓ݂ܪܵܐ ܕܲܡܝܲܬܲܪ܀

w-en lā ḥeshōkh reʿyānākh: gvī lākh aghrā da-myatar.

ܐܲܢܗ݀ܘ ܕܦܵܠ̇ܚܲܬ݁ ܦܘܼܠܚܵܢܵܐ: ܒܡܲܟܪ݁ܝܼܟ݂ܘܼܬܵܐ ܕܐܲܠܵܗܵܐ ܗܼ̄ܘ.

anhw d-pālḥat pūlḥānā: b-makrīkhūtā d-alāhā hāw.

ܘܐܸܢܗ݀ܘ ܕܤܵܥܪܲܬ݁ ܤܘܼܥܪܵܢܵܐ: ܒܲܚܬ݂ܝܼܪܘܼܬܵܐ ܕܒܲܪܢܵܫܵܐ ܗ̄ܘ܀

w-enhw d-sāʿrat sūʿrānā: ba-ḥthīrūtā d-ba-rnāshā hāw.

ܟܠ ܤܘܼܥܪܵܢܵܐ ܕܦܵܓܲܥ ܒܵܟ݂: ܝܲܠܲܦܲܝܗܝ ܡ̣ܢ ܚܹܐܪܘܼܬܵܟ݂.

kul sūʿrānā d-pāgaʿ bākh: yalapayhī men ḥērūtākh.

ܐܲܢ ܕܐܲܠܵܗܵܐ ܗ̄ܘ̣ ܐܲܚܸܒܲܝܗܝ: ܘܐܸܢ ܗ݀ܘ ܕܐ̄ܢܵܫܵܐ ܗ̄ܘ̣ ܐܲܪܦܵܐ ܠܹܗ܀

en d-alāhā hāw aḥebayhī: w-en hāw d-nāshā hāw arpā lēh.

ܝܼܕܝܼܥܝܼܢ ܓܹܝܪ ܤܘܼܥܪ̈ܵܢܹܐ: ܕܲܡܠܹܝܢ ܥܲܡܠܹܐ ܘܝܘܼܬ݂ܪ̈ܵܢܹܐ.

īdīʿīn gēyr sūʿrānē: da-mlēyn ʿamlē w-yūthrānē.

ܘܲܦܪ̈ܝܼܫܵܢ ܐ̄ܢܹܝܢ ܨܒ̈ܘܵܬ݂ܵܐ: ܕܡܲܠ̈ܝܵܢ ܬܘܼ̈ܟܹܐ ܘܚܘܼܤܪ̈ܵܢܹܐ܀

wa-prīshān nēyn ṣbwāthā: d-malyān tūkē w-ḥūsrānē.

ܐܸܢ ܦܵܓܲܥ̇ ܒܵܟ݂ ܤܘܼܥܪܵܢܵܐ: ܕܲܡܠܸܐ ܥܲܡܠܵܐ ܘܝܘܼܬ݂ܪܵܢܵܐ.‏

en pāgaʿ bākh sūʿrānā: da-mle ʿamlā w-yūthrānā.

ܚܲܡܤܸܢ ܒܹܗ ܒܲܡܠܸܐ ܚܲܝܠܵܟ݂: ܘܲܤܥܘܿܪܲܝܗܝ ܡܸܛܠ ܡܵܪܵܟ݂܀

ḥamsen bēh ba-mle ḥaylākh: wa-sʿōrayhī meṭul mārākh.

ܐܸܢ ܕܹܝܢ ܐܵܬ̈ܝܵܢ ܨܸܒ݂̈ܘܵܬܵܐ: ܕܡܲܠ̈ܝܵܢ ܬܘܼ̈ܟܹܐ ܘܚܘܼܤܪ̈ܵܢܹܐ.

en dēyn ātyān ṣevwātā: d-malyān tūkē w-ḥūsrānē.

ܓܵܐ ܬܲܪܦܸܐ ܥܲܡܠܵܐ ܕܲܠܓ݂ܵܘ: ܘܠܵܐ ܬܸܒ݂ܛܲܠ ܡ̣ܢ ܦܘܼܠܚܵܢܵܟ݂܀

gā tarpe ʿamlā da-l-ghāw: w-lā tevṭal men pūlḥānākh.

ܤܘܵܕܵܐ ܕܥܲܟܲܪ ܠܲܨܠܘܿܬܵܐ: ܠܵܘ ܦܘܼܠܚܵܢܵܐ ܗ̄ܘ̣ ܕܐܲܠܵܗܵܐ.

swādā d-ʿakar la-ṣlōtā: lāw pūlḥānā hāw d-alāhā.

ܫܲܪܒܵܐ ܕܒܲܛܸܠ̣ ܬܸܫܡܸܫܬܵܐ: ܡ̇ܢ ܩܲܪܝܼܒ݂ ܨܝܕ݂ ܟܹܐܢܘܼܬܵܐ܀

sharbā d-baṭel teshmeshtā: men qarīv ṣydh kēnūtā.

ܥܲܡܠܵܐ ܕܲܡܒܲܛܸܠ ܨܵܘܡܐ: ܡ̣ܢ ܩܲܪܢܵܐ ܡܤܲܓܸ݁ܲܦ ܟܠܫܵܥ.‏

ʿamlā da-mbaṭel ṣāwm: men qarnā msagep klshāʿ.

ܫܚܵܩܵܐ ܕܲܡܕܵܘܸܕ݂ ܫܲܗܪܵܐ: ܚܘܼܤܪܵܢܵܐ ܐ̄ܡܝܼܢܵܐ ܐܝܼܬ݂ܘܗܝ܀

shḥāqā da-mdāwedh shahrā: ḥūsrānā mīnā ʾīthwhī.

ܐܘܼܪܚܵܐ ܕܫܵܪܝܵܐ ܢܙܝܼܪܘܼܬܵܐ: ܟܠܵܗ̇ ܒܟ݂ܠܵܗ̇ ܤܘܼܓ݁̇ܦܵܢܵܐ ܗ̄ܝ.

ʾūrḥā d-shāryā nzīrūtā: klāh b-khlāh sūgpānā (h)ī.

ܤܘܼܥܪܵܢܵܐ ܕܫܵܪܹܐ ܩܝܵܡܵܐ: ܛܘܼܒ݂ ܠܐܲܝܢܵܐ ܕܠܵܐ ܚܵܙܲܐ ܠܹܗ܀

sūʿrānā d-shārē qyāmā: ṭūv l-aynā d-lā ḥāza lēh.

ܕܲܪܓ݂ܵܐ ܕܚܲܠܸܦ ܦܘܼܪ̈ܫܵܢܵܘܗܝ: ܠܦܲܚܬܵܐ ܗ̄ܘ ܪܲܒܵܐ ܐܸܬ݁ܬܲܚܬ݁ܝܼ.‏

da-rghā d-ḥalep pūrshānāwhī: l-paḥtā hāw rabā ettaḥtī.

ܫܘܼܠܛܵܢܵܐ ܕܲܫܠܲܚ̣ ܥܲܡܠܵܘ̈ܗܝ: ܡܫܲܠܲܚ ܗ̄ܘ̣ ܡ̣ܢ ܨܸܒ݂ܝܢܹܗ܀

shūlṭānā da-shlaḥ ʿamlāwhī: mshalaḥ hāw men ṣevynēh.

ܕܥܲܠ ܝܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕ݂ܒ݁ܪܵܝܹܐ.‏ 65
Photograph of page 65 of Bedjan’s 1903 edition, leaf 0802
Leaf 0802, from Archive.org.

ܚܠܝܼܛܘܼܬ݂ܵܐ ܕܫܸܠܚܲܬ݀ ܘܲܫܕܵܬ݀: ܢܲܟ݂ܦܘܼܬܵܐ ܠܵܘ ܕܐܲܠܵܗܵܐ ܗ̣̄ܝ.

ḥlīṭūthā d-shelḥat wa-shdāt: nakhpūtā lāw d-alāhā (h)ī.

ܚܘܼܒܵܐ ܕܫܵܪܹܐ ܐ̄ܒ݂ܝܼܠܘܼܬ݂ܵܐ: ܡܢ ܩܲܪܝܼܒ݂ ܨܹܝܕ݂ ܦܘܼܪܥܵܢܵܐ܀

ḥūbā d-shārē vīlūthā: men qarīv ṣēydh pūrʿānā.

ܥܲܢܘܵܝܵܐ ܕܲܗܘܵܐ ܚܠܝܼܛܵܐ: ܡ̣ܢ ܐܲܓ݂ܪܵܐ ܫܲܪܝܼ ܒܵܨܲܪ.

ʿanwāyā da-hwā ḥlīṭā: men aghrā sharī bāṣar.

ܨܲܝܵܡܵܐ ܕܲܗܘ݀ܵܐ ܦܫܝܼܛܵܐ: ܡ̣ܢ ܐܲܓ݂ܪܵܐ ܫܲܪܝܼ ܟܵܤܲܚ̇܀

ṣayāmā da-hwā pshīṭā: men aghrā sharī kāsaḥ.

ܐ̄ܤܝܼܪܵܐ ܕܲܗܘܵܐ ܗܲܠܵܟ݂ܵܐ: ܥܲܬ݁ܝܼܪܵܐ ܗ̄ܘ̣ ܕܲܢܦܲܠ̣ ܡ̣ܢ ܫܹܠܝ.‏

sīrā da-hwā halākhā: ʿatīrā hāw da-npal men shēlī.

ܚܒ݂ܝܼܫܵܐ ܕܲܗܘܵܐ ܤܵܥܘܿܪܵܐ: ܠܒܹܝܬ݂ ܬܲܚܬ݁ܝܼܢ ܗ̄ܘ̣ ܡܸܫܬܲܪܓܲܠ܀

ḥvīshā da-hwā sāʿōrā: l-bēyth taḥtīn hāw meshtargal.

ܝܲܩܝܼܪܵܐ ܕܲܗܘ݀ܵܐ ܦܨܝܼܚܵܐ: ܪܲܦܝܘܼܬܵܐ ܫܲܪܝܼ ܡܚܵܘܸܐ.

yaqīrā da-hwā pṣīḥā: rapyūtā sharī mḥāwe.

ܦܸܗܝܵܐ ܕܕܵܘܸܕ݂ ܐܸܤܟܹ݁ܡܵܘ̈ܗܝ: ܦܲܚܵܐ ܗ̄ܘ ܢܟ݂ܝܼܠܵܐ ܕܲܨܢܝܼܥܵܐ܀

pehyā d-dāwedh eskēmāwhī: paḥā hāw nkhīlā da-ṣnīʿā.

ܤܘܼܓܵܐܐ ܕܫܲܒ݂ܪܹ̈ܐ ܨܵܐܹܕ ܒܹܗ: ܒܥܸܠܕܲܪܵܐ ܒܗܵܢܵܐ ܦܲܚܵܐ.‏

sūgā d-shavrē ṣāēd bēh: b-ʿeldarā b-hānā paḥā.

ܨܵܠܹܐ ܠܹܗ ܒܙܲܕܝܼܩܘܼܬܵܐ: ܘܨܵܐ̇ܕ݂ ܠܗܘܿܢ ܐܲܝܟ݂ ܦܵܪܲܚܬ݂ܵܐ܀

ṣālē lēh b-zadīqūtā: w-ṣādh l-hōn aykh pāraḥthā.

ܒܗܵܕܹܐ ܬܸܢܘܲܝ ܩܵܪܹܒ݂ ܠܗܘܿܢ: ܘܲܡܫܲܓܸ݁ܫ ܠܗܘܿܢ ܐܲܝܟ݂ ܝܵܘ̈ܢܹܐ.‏

b-hādē tenwaī qārēv l-hōn: wa-mshagesh l-hōn aykh yāwnē.

ܒܦܲܪܨܘܿܦܵܐ ܕܙܲܕܝܼܩܘܼܬ݂ܵܐ: ܡܲܦܸܩ ܠܗܘܿܢ ܡ̣ܢ ܢܸܩܥܲܝ̈ܗܘܿܢ܀

b-parṣōpā d-zadīqūthā: mapeq l-hōn men neqʿayhōn.

ܡܵܐ ܕܲܫܩܲܠ̣ ܠܹܗ ܦܲܪܨܘܿܦܵܐ: ܕܡܸܤܟܹܢܹ̈ܐ ܩ̣ܪܸܒ݂ ܨܐܕܲܝܗܘܿܢ.‏

mā da-shqal lēh parṣōpā: d-meskēnē qrev ṣdayhōn.

ܡܲܠܒܸ݁ܫ ܠܗܘܿܢ ܛܲܢܵܢܘܼܬ݂ܵܐ: ܘܡܲܫܠܲܚ ܠܗܘܿܢ ܡ̣ܢ ܢܲܟ݂ܦܘܼܬܵܐ܀

malbesh l-hōn ṭanānūthā: w-mashlaḥ l-hōn men nakhpūtā.

ܕܲܝܪܵܐ ܠܡܹܐܢܵܐ ܗ̣̄ܝ ܕܢܲܟ݂ܦܘܼܬܵܐ: ܕܲܫܟ݂ܝܼܚܝܼܢ ܒܵܗ̇ ܝܘܼܬ݂ܪ̈ܵܢܹܐ.

da-yrā l-mēnā (h)ī d-nakhpūtā: da-shkhīḥīn bāh yūthrānē.

ܘܐܲܝܢܵܐ ܕܝܵܕܲܥ̇ ܕܢܸܬ݁ܬܲܓܲܪ: ܡܸܢܵܗ̇ ܩܵܢܹܐ ܤܝܼ̈ܡܵܬ݂ܵܐ

w-aynā d-yādaʿ d-nettagar: menāh qānē sīmāthā

ܨܵܘܡܵܐ ܐ̄ܡܝܼܢܵܐ ܝܘܼܬ݂ܪܵܢܵܐ ܗ̄ܘ̣: ܨܠܘܿܬܵܐ ܕܟ݂ܠܫܵܥ ܬܹܐܓ݂ܘܼܪܬܵܐ ܗ̣̄ܝ.

ṣāwmā mīnā yūthrānā hāw: ṣlōtā d-khlshāʿ tēghūrtā (h)ī.

ܫܲܗܪܵܐ ܘܥܲܡܠܵܐ ܒܹܝܬ݂ (ܓܲܙܵܐ ܗ̄ܘ̣: ܘܢܲܟ݂ܦܘܼܬܵܐ ܤܝܼܡܲܬ݂ ܚܲܝܹ̈ܐ܀

shahrā w-ʿamlā bēyth gazā hāw: w-nakhpūtā sīmath ḥayē.

ܥܵܠܡܵܐ ܝܲܡܵܐ ܗ̄ܘ ܥܲܫܝܼܢܵܐ: ܘܲܒ݂ܪܝܼܬܵܐ ܐܲܝܟ݂ ܨܵܡܲܪܬܵܐ.

ʿālmā yamā hāw ʿashīnā: wa-b-rītā aykh ṣāmartā.

ܠܵܐ ܬܲܪܦܸܐ ܛܘܼܪܹ̈ܐ ܕܲܠܒܲܪ: ܘܬܹܐܬܸܐ ܠܝܲܡܵܐ ܘܨܵܡܲܪܬܵܐ܀

lā tarpe ṭūrē da-l-bar: w-tēte l-yamā w-ṣāmartā.

ܡܹܐܡܪܵܐ .ܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 66
Photograph of page 66 of Bedjan’s 1903 edition, leaf 0801
Leaf 0801, from Archive.org.

ܛܘܼܪܵܝܵܐ ܕܩܵܢܹܐ ܥܘܼܡܪܵܐ: ܐܲܝܟ݂ ܐܲܪܝܵܐ ܕܚܲܒ݂ ܘܐܸܫܬܲܦܲܠ.‏

ṭūrāyā d-qānē ʿūmrā: aykh aryā d-ḥav w-eshtapal.

ܕܲܒ݂ܪܵܝܵܐ ܕܥܲܠ̣ ܡ̣ܢ ܚܘܼܪܒܵܐ: ܐܲܝܟ݂ ܢܸܫܪܵܐ ܕܫܵܐܲܦ ܒܐܲܪܥܵܐ܀

da-b-rāyā d-ʿal men ḥūrbā: aykh neshrā d-shāap b-arʿā.

ܐܸܢ ܡܲܠܵܚܵܐ ܐܢ̄ܬ݁ ܚܲܟ݁ܝܼܡܵܐ: ܘܝܵܕܲܥܲܬ݁ ܫܲܪ̈ܒܹ݁ܐ ܕܩܝܼܢܕܘܿܢܘܿܣ.

en malāḥā ʾ(n)t ḥakīmā: w-yādaʿat sharbē d-qīndōnōs.

ܚܙܝܼ ܝܲܡܵܐ ܐܲܝܟܲܢ ܐܵܬܹ̇ܐ: ܘܐܲܟ݂ܘܵܬܹܗ ܐܸܬ݁ܕܲܒܲܪ ܒܹܗ܀

ḥzī yamā aykan ātē: w-akhwātēh etdabar bēh.

ܐܸܢܗ݀ܘ ܕܲܫܓ݂ܝܼܫܝܼܢ ܓܲܠܠܵܘ̈ܗܝ: ܐ̄ܤܘܿܪܹܝܗ̇ ܠܐܸܠܦܵܟ݂ ܒܲܠܡܹܐܢܵܐ.‏

enhw da-shghīshīn gallāwhī: sōrēyh l-elpākh ba-l-mēnā.

ܘܐܸܢܗ݀ܘ ܕܲܕܠܝܼܚܵܐ ܐܵܐܲܪ: ܐܸܬ݁ܬܲܓܲܪ ܒܵܗ̇ ܒܲܨܠܘܿܬ݂ܵܐ܀

w-enhw da-d-l-īḥā āar: ettagar bāh ba-ṣlōthā.

ܦܲܓ݂ܪܵܟ݂ ܐܸܠܦܵܟ݂ ܘܲܠܡܹܐܢܵܟ݂: ܥܘܼܬ݂ܪܵܟ݂ ܨܵܘܡܲܟ݂ ܘܲܨܠܘܿܬܵܟ݂.‏

paghrākh elpākh wa-l-mēnākh: ʿūthrākh ṣāwmakh wa-ṣlōtākh.

ܝܲܡܵܐ ܥܵܠܡܵܐ ܗ̄ܘ̣ ܕܲܚܕ݂ܵܪܲܝܟ݂: ܘܓܲܠ̈ܵܠܹܐ ܒܓ݂ܵܘܹܗ ܤܘܼܥܪ̈ܵܢܹܐ܀

yamā ʿālmā hāw da-ḥdhāraykh: w-galālē b-ghāwēh sūʿrānē.

ܠܵܐ ܬܲܪܦܸܐ ܕܲܝܪܵܟ݂ ܘܲܬ݁ܛܘܼܦ: ܒܲܝܢܵܬ݂ ܓܲܠ̈ܵܠܹܐ ܥܲܫܝܼܢܹܐ.‏

lā tarpe da-yrākh wa-tṭūp: ba-ynāth galālē ʿashīnē.

ܕܠܵܐ ܝܵܕܲܥܲܬ݁ ܡ̇ܢ ܥܵܒܲܕ݂ ܒܵܟ݂: ܩܝܼܢܕܘܿܢܘܿܣ ܡܸܨܥܲܬ݂ ܝܲܡܵܐ܀

d-lā yādaʿat men ʿābadh bākh: qīndōnōs meṣʿath yamā.

ܢ ܐܲܬ݂ܠܹܝܛܵܐ ܐ̄ܢ̄ܬ݁ ܕܐܵܓ݂ܘܿܢܵܐ: ܝ̄ܠܲܦ ܕܲܪܹܗ ܕܲܒ݂ܥܸܠܕܲܪܵܐ.‏

n athlēyṭā (n)t d-āghōnā: (y)lap darēh da-b-ʿeldarā.

ܘܡ̣ܢ ܟܠ ܓܲܒܵܐ ܕܩܵܪܹܐ ܠܵܟ݂: ܦܘܿܩ ܠܹܗ ܐܲܢ̄ܬ݁ ܐܲܝܟ݂ ܢܲܨܝܼܚܵܐ܀

w-men kul gabā d-qārē lākh: pōq lēh a(n)t aykh naṣīḥā.

ܐܸܢ ܩܵܪܹܐ ܒܙܲܕܝܼܩܘܼܬ݂ܵܐ: ܠܵܐ ܬܲܫܲܪܵܝܗܝ ܠܲܨܢܝܼܥܵܐ.‏

en qārē b-zadīqūthā: lā tasharāyhī la-ṣnīʿā.

ܘܐܸܢ ܩܵܪܹܐ ܒܝܲܕ݂ ܡܸܤܟܹܢܹ̈ܐ: ܐܸܙܕܲܗ̄ܪ ܡܸܢܹܗ ܕܲܢܟ݂ܝܼܠܵܐ܀

w-en qārē b-yadh meskēnē: ezda(h)r menēh da-nkhīlā.

ܘܐܸܢ ܐܵܬܹ̇ܐ ܒܝܼܕ݂ ܟܹܐܢܘܼܬܵܐ: ܠܵܐ ܬܗܲܝܡܸܢܵܝܗܝ ܕܥܵܘܵܠܵܐ ܗ̄ܘ̣.‏

w-en ātē b-īdh kēnūtā: lā thaymenāyhī d-ʿāwālā hāw.

ܐܸܢ ܩܵܪܹܐ ܒܝܼܕ݂ ܝܲܥܢܘܼܬܵܐ: ܠܒܲܫ ܨܵܘܡܵܐ ܘܥܘܿܠ ܠܐܵܓ݂ܘܿܢܵܐ܀

en qārē b-īdh yaʿnūtā: l-bash ṣāwmā w-ʿōl l-āghōnā.

ܐܸܢ ܩܵܪܹܐ ܒܲܫܩܵܠܛܲܥܢܵܐ: ܤܲܒ݂ ܛܲܥܢܵܐ ܕܐܲܝܟܲܢ ܩܵܪܹܐ.‏

en qārē ba-shqālṭaʿnā: sav ṭaʿnā d-aykan qārē.

ܘܐܸܢ ܐܵܬܹ̇ܐ ܒܝܼܕ݂ ܤܘܼܥܪܵܢܵܐ: ܐܸܬ݂ܒܲܝܲܢ ܕܐܲܝܟܲܢ ܩܵܪܹܒ݂܀

w-en ātē b-īdh sūʿrānā: ethbayan d-aykan qārēv.

ܠܵܘ ܛܵܒ݂ܵܐ ܗ̄ܘ̣ ܕܲܢ̱ܤܲܒ݂ ܛܲܥܢܵܐ: ܕܲܢܩܲܪܸܒ݂ ܠܵܟ݂ ܥܘܼܕ݂ܪ̈ܵܢܹܐ.‏

lāw ṭāvā hāw da-nsav ṭaʿnā: da-nqarev lākh ʿūdhrānē.

ܒܥܸܠܕܲܪܵܐ ܗ̄ܘ̣ ܕܲܫܩܝܼܠ ܛܲܥܢܵܐ: ܕܲܢܩܲܪܸܒ݂ ܠܵܟ݂ ܚܘܼܤܪ̈ܵܢܹܐ܀

b-ʿeldarā hāw da-shqīl ṭaʿnā: da-nqarev lākh ḥūsrānē.

ܪܲܝܐ ܕܥܠ̣ ܡ̣ܢ ܚܵܘܪܒܵܐ .21 ܕܲܒ݂ܪܵܝܐ ܕܥܲܠ

ray d-ʿal men ḥāwrbā. da-b-rāy d-ʿal

ܡ̣ܐ ܚܘܼܪ̈ܒܹܐ.

m ḥūrbē.

ܕܥܲܠ ܝܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕ݂ܒ݁ܪܵܝܹܐ. 67
Photograph of page 67 of Bedjan’s 1903 edition, leaf 0800
Leaf 0800, from Archive.org.

ܐܸܢ ܥܸܪܨܲܬ݀ ܐܘܼܪܚܵܐ ܕܩܘܼܫܬܵܐ: ܘܤܘܼܥܪܵܢܵܐ ܗ̄ܘ̣ ܕܙܲܕܝܼܩܘܼܬܵܐ.

en ʿerṣat ʾūrḥā d-qūshtā: w-sūʿrānā hāw d-zadīqūtā.

ܐܸܢ ܩܵܪܹܐ ܠܵܟ݂ ܒܲܪ ܚܹܐܪܹ̈ܐ: ܕܢܵܘܣܸܦ ܥܲܡܠܵܐ ܘܝܘܼܬ݂ܪܵܢܵܐ܀

en qārē lākh bar ḥērē: d-nāwsep ʿamlā w-yūthrānā.

ܠܵܐ ܬܸܫܠܲܚ ܙܲܝܢܵܐ ܟܲܤܝܵܐ: ܘܬܸܠܒܲܫ ܐܸܤܟܹ݁ܡܵܐ ܓܲܠܝܵܐ.‏

lā teshlaḥ zaynā kasyā: w-telbash eskēmā galyā.

ܠܒܲܫ ܥܲܡܠܵܐ ܩܲܫܝܵܐ ܡ̣ܢ ܠܓ݂ܵܘ: ܘܲܠܒ݂ܘܼܫܵܐ ܫܚܝܼܡܵܐ ܡ̣ܢ ܠܒܲܪ܀

l-bash ʿamlā qashyā men l-ghāw: wa-l-b-w-shā shḥīmā men l-bar.

ܠܵܐ ܬܚܵܘܸܐ ܡ̣ܢ ܪܹܫ ܐܘܼܪܚܵܟ݂: ܪܲܦܝܘܼܬܵܐ ܘܲܡܥܝܼܤܘܼܬܵܐ.

lā tḥāwe men rēsh ʾūrḥākh: rapyūtā wa-mʿīsūtā.

ܠܵܐ ܬܸܒ݂ܨܘܿܪ ܡ̣ܢ ܦܘܼܪ̈ܫܵܢܲܝܟ݂: ܡܠܸܐ ܚܸܨܪܵܐ ܡܸܛܠ ܐܘܼܪܚܵܟ݂܀

lā tevṣōr men pūrshānaykh: mle ḥeṣrā meṭul ʾūrḥākh.

ܡ̣ܢ ܡܝܼܠܵܐ ܩܲܕ݂ܡܵܐ ܫܲܪܵܐ: ܕܲܬ݂ܨܲܠܸܐ ܘܬܸܒ݂ܥܸܐ ܪ̈ܲܚܡܹܐ.

men mīlā qadhmā sharā: da-thṣale w-tevʿe raḥmē.

ܒܲܬ݂ܠܵܬ݂ ܫܵܥ̈ܝܼܢ ܫܲܒܲܚܲܝܗܝ: ܘܲܕ݂ܫܸܬ݂ ܘܒܲܬ݂ܫܲܥ ܐܵܘܕܵܐ ܠܹܗ܀

ba-thlāth shāʿīn shabaḥayhī: wa-d-sheth w-ba-thshaʿ āwdā lēh.

ܒܫܘܼܠܵܡ ܐܘܼܪܚܵܟ݂ ܒܲܪܸܟܲܝܗܝ: ܠܡܵܪܵܗ̇ ܕܐܘܼܪܚܵܟ݂ ܒܲܨܠܘܿܬ݂ܵܟ݂.

b-shūlām ʾūrḥākh ba-rekayhī: l-mārāh d-ʾūrḥākh ba-ṣlōthākh.

ܠܵܐ ܬܒܲܛܸܠ ܡܸܛܠ ܥܲܡܠܵܟ݂: ܬܸܫܡܸܫܬܵܐ ܕܲܦܤܝܼܩܵܐ ܠܵܟ݂܀

lā tbaṭel meṭul ʿamlākh: teshmeshtā da-psīqā lākh.

ܘܟ݂ܠ ܐܵܘܵܢܵܐ ܕܐܵܙ̇ܠ ܐܲܢ̄ܬ݁: ܢܗܹܐ ܐܲܡܝܼܢ ܒܹܗ ܦܘܼܠܚܵܢܵܟ݂.

w-kul āwānā d-āzl a(n)t: nhē amīn bēh pūlḥānākh.

ܫܲܗܪܵܟ݂ ܘܨܵܘܡܟ݂ ܘܲܨܠܘܿܬܵܟ݂: ܘܲܢܙܝܼܪܘܼܬܵܟ݂ ܐܲܝܟ݂ ܕܐܝܼܬܹܝܗ̇܀

shahrākh w-ṣāwmkh wa-ṣlōtākh: wa-nzīrūtākh aykh d-ʾītēyh.

ܠܵܘ ܕܲܚܛܵܗܵܐ ܗ̄ܘ̣ ܤܘܼܥܪܵܢܵܟ݂: ܐܸܢ ܬܩܵܘܸܐ ܒܲܓ݂ܡܝܼܪܘܼܬܵܟ݂.

lāw da-ḥṭāhā hāw sūʿrānākh: en tqāwe ba-ghmīrūtākh.

ܠܵܐ ܬܸܬܵܘܤܲܦ ܡܹܐܟ݂ܘܼܠܬܵܟ݂: ܘܠܵܐ ܬܸܬ݂ܒܲܨܲܪ ܬܸܫܡܸܫܬܵܟ݂܀

lā tetāwsap mēkhūltākh: w-lā tethbaṣar teshmeshtākh.

ܠܵܐ ܬܸܫܬܲܚܠܲܦ ܫܵܩܘܼܬܵܟ݂: ܘܠܵܐ ܬܸܬ݁ܕܵܘܲܕ݂ ܒܵܥܘܼܬܵܟ݂.‏

lā teshtaḥlap shāqūtākh: w-lā tetdāwadh bāʿūtākh.

ܠܵܐ ܬܸܫܪܸܐ ܡܸܛܠ ܐ̄ܢܵܫܵܐ: ܦܘܼܪ̈ܫܵܢܹܐ ܕܲܦܤܝܼܩܝܼܢ ܠܵܟ݂܀

lā teshre meṭul nāshā: pūrshānē da-psīqīn lākh.

ܠܵܐ ܬܸܒ݂ܨܘܿܪ ܐܵܦܠܵܐ ܬܵܘܤܸܦ: ܡ̣ܢ ܢܵܡܘܿܤܹ̈ܐ ܕܤܝܼܡܝܼܢ ܠܵܟ݂

lā tevṣōr āplā tāwsep: men nāmōsē d-sīmīn lākh

ܠܵܐ ܬܚܵܘܸܐ ܚܘܼܒܵܟ݂ ܗܵܪܟܵܐ: ܘܬܸܫܪܸܐ ܟِܠܹܗ ܥܘܼܤܵܪܵܟ݂܀

lā tḥāwe ḥūbākh hārkā: w-teshre klēh ʿūsārākh.

ܐܲܝܟ݂ ܡܸܕܲܡ ܕܐܝܼܬܲܝܟ݂ ܩܵܘܵܐ: ܐܲܝܟ݂ ܦܘܼܪ̈ܫܵܢܲܝܟ݂ ܩܲܕ݂ܡܵܝܹ̈ܐ܀

aykh medam d-ʾītaykh qāwā: aykh pūrshānaykh qadhmāyē.

ܠܵܐ ܡܸܛܠ ܫܘܼܒ݂ܚܵܐ ܕܐ̄ܢܵܫܵܐ: ܕܲܢܫܲܒ݁ܚܘܼܢܵܟ݂ ܕܲܦܫܝܼܛ ܐܲܢ̄ܬ݁.‏

lā meṭul shūvḥā d-nāshā: da-nshabḥūnākh da-pshīṭ a(n)t.

ܡܐܡܪܵܐ .ܘ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ 68
Photograph of page 68 of Bedjan’s 1903 edition, leaf 0799
Leaf 0799, from Archive.org.

ܬܸܫܪܸܐ ܩܝܵܡܵܟ݂ ܘܐܲܤܵܪܵܟ݂: ܘܬܸܬ݂ܒܲܨܲܪ ܡ̣ܢ ܐܲܠܵܗܵܐ܀

teshre qyāmākh w-asārākh: w-tethbaṣar men alāhā.

ܠܵܐ ܬܸܤܥܘܿܪ ܕܲܓܵܠܵܐܝܼܬ݂: ܤܘܼܥܪ̈ܵܢܹܐ ܒܫܸܡ ܐܲܠܵܗܵܐ.

lā tesʿōr da-gālāīth: sūʿrānē b-shem alāhā.

ܠܵܐ ܬܚܵܘܸܐ ܛܘܼܦܤܵܐ ܤܲܢܝܵܐ: ܒܐܸܤܟܲܡܵܐ ܕܙܲܕܝܼܩܘܼܬܵܐ܀

lā tḥāwe ṭūpsā sanyā: b-eskamā d-zadīqūtā.

ܠܵܐ ܬܚܵܘܸܐ ܤܲܩܵܐ ܓܲܠܝܵܐ: ܘܲܬ݂ܒܲܛܸܠ ܨܵܘܡܵܐ ܟܲܤܝܵܐ.‏

lā tḥāwe saqā galyā: wa-thbaṭel ṣāwmā kasyā.

ܠܵܐ ܬܸܬ݂ܟܲܒܲܢ ܐܸܤܟܹ݁ܡܵܐ: ܘܬܸܦܸܠ ܬܸܕ݂ܡܲܟ݂ ܡ̣ܢ ܪܲܡܫܵܐ܀

lā tethkaban eskēmā: w-tepel tedhmakh men ramshā.

ܠܵܐ ܬܚܵܘܸܐ ܚܸܦܝܵܝܘܼܬܵܐ: ܘܲܬ݂ܫܝܼܓ݂ ܘܬܸܡܫܘܿܚ ܡ̣ܢ ܥܲܡܠܵܟ݂.

lā tḥāwe ḥepyāyūtā: wa-thshīgh w-temshōḥ men ʿamlākh.

ܕܲܠܡܵܐ ܡܸܛܠ ܤܘܼܥܪܵܢܵܟ݂: ܢܸܨܛܲܥܲܪ ܫܸܡ ܐܲܠܵܗܵܟ݂܀

da-l-mā meṭul sūʿrānākh: neṣṭaʿar shem alāhākh.

ܠܵܘ ܕܹܝܢ ܤܘܼܥܪܵܢ ܡܸܤ̈ܟܲܢܹܐ: ܕܐܸܟ݂ܠܸܐ ܒܡܸܠܲܝ̈ ܨܵܒܹܐ ܐ̄ܢܵܐ.‏

lāw dēyn sūʿrān meskanē: d-ekhle b-melaī ṣābē nā.

ܥܲܠ ܗܲܝܡܵܢܘܼܬ݂ܝ ܚܵܐܹܣ ܐ̄ܢܵܐ: ܕܠܵܐ ܢܒܲܙܚܘܼܢ ܒܲܢ ܛܵܥܲܝ̈ܵܐ܀

ʿal haymānūthī ḥāēs nā: d-lā nbazḥūn ban ṭāʿayā.

ܠܵܐ ܗ̄ܘ̣ܵܐ ܠܟ݂ܐܢܹ̈ܐ ܤܵܐ̇ܡ ܐ̄ܢܵܐ: ܢܵܡܘܿܤܵܐ ܕܠܵܐ ܤܝܼܡ ܠܗܘܿܢ.

lā (h)wā l-khnē sām nā: nāmōsā d-lā sīm l-hōn.

ܡ̣ܢ ܕܲܓܵܠܹ̈ܐ ܗ̄ܘ ܕܵܚܹܠ ܐ̄ܢܵܐ: ܕܠܵܐ ܢܸܗܘܘܿܢ ܟܸܫܠܵܐ ܠܐ̄ܢܵܫܵܐ܀

men da-gālē hāw dāḥēl nā: d-lā nehwōn keshlā l-nāshā.

ܓܠܵܘ ܕܹܝܢ ܡܸܦܩܲܕ݂ ܦܵܩܹ̇ܕ݂ ܐ̄ܢܵܐ: ܕܲܦܩܝܼܕ݂ ܐ̄ܢܵܐ ܗ̄ܘ̣ ܡ̣ܢ ܟܹܐܢܘܼܬܵܐ.

glāw dēyn mepqadh pāqēdh nā: da-pqīdh nā hāw men kēnūtā.

ܚܘܼܒܵܐ ܗ̄ܘ̣ ܐܲܠܨܲܢܝ ܥܲܠ ܗܵܕܹܐ: ܕܐܹܡܲܪ ܠܐܲܝܢܵܐ ܕܫܵܡܲܥ̇ ܠܝܼ܀

ḥūbā hāw alṣanī ʿal hādē: d-ēmar l-aynā d-shāmaʿ lī.

ܕܐܸܠܵܐ ܤܵܥܲܪ ܙܲܗܝܵܐܝܼܬ݂: ܠܵܐ ܢܸܦܘܿܩ ܡ̣ܢ ܓܵܘ ܕܲܝܪܹܗ.

d-elā sāʿar zahyāīth: lā nepōq men gāw da-yrēh.

ܘܐܸܠܵܐ ܡܤܲܝܒܲܪ ܐܘܼܠܨܵܢܵܐ: ܢܸܬܲܒ݂ ܢܸܫܠܸܐ ܒܐܵܘܵܢܹܗ܀

w-elā msaybar ʾūlṣānā: netav neshle b-āwānēh.

ܐܸܢ ܕܹܝܢ ܡܸܛܠ ܝܘܼܬ݂ܪܵܢܵܐ: ܟܵܬܹ̇ܫ ܥܲܡܵܟ݂ ܪܸܥܝܵܢܵܟ݂.‏

en dēyn meṭul yūthrānā: kātēsh ʿamākh reʿyānākh.

ܗܵܐ ܝܘܼܬ݂ܪܵܢܵܟ݂ ܒܲܩܢܘܿܡܵܟ݂: ܫܲܗܪܵܟ݂ ܘܨܵܘܡܵܟ݂ ܘܲܨܠܘܿܬܵܟ݂܀

hā yūthrānākh ba-qnōmākh: shahrākh w-ṣāwmākh wa-ṣlōtākh.

ܐܸܢ ܦܵܓܲܥ̇ ܒܵܟ݂ ܤܘܼܥܪܵܢܵܐ: ܨܲܠܵܐ ܕܢܸܫܪܸܐ ܒܓܵܘ ܕܲܝܪܵܟ݂.‏

en pāgaʿ bākh sūʿrānā: ṣalā d-neshre b-gāw da-yrākh.

ܘܐܸܢ ܕܹܝܢ ܐܘܼܪܚܵܐ ܒܵܥܹ̇ܐ ܠܵܟ݂: ܚܙܝܼ ܐܲܓ݂ܪܵܟ݂ ܠܵܐ ܢܸܬ݂ܚܲܠܲܨ܀

w-en dēyn ʾūrḥā bāʿē lākh: ḥzī aghrākh lā nethḥalaṣ.

ܠܟ݂ܵܘܟ݁ܒ݂ܵܐ ܚܵܐܲܪ ܡܲܠܵܚܵܐ: ܡܵܐ ܕܪܵܕܹܐ ܒܹܝܬ݂ ܡܲܚܫܘܼ̈ܠܹܐ.‏

l-khāwkvā ḥāar malāḥā: mā d-rādē bēyth maḥshūlē.

ܬ݂ܟܲܒܲܢ.

thkaban.

ܕܥܲܠ ܝܼܲܚܝܼܕܵܝܹܐ ܘܐܲܒ݂ܝܼܠܹܐ ܘܡܲܕ݂ܒ݁ܪܵܝܹ̈ܐ.‏ 69
Photograph of page 69 of Bedjan’s 1903 edition, leaf 0798
Leaf 0798, from Archive.org.

ܕܐܸܢ ܕܓܢܲܬ݀ ܥܲܝܢܹܗ ܩܲܠܝܼܠ: ܥܘܼܬ݂ܪܹܗ ܡܢܵܬܹܗ ܠܵܐ ܗܵܘܹ̇ܐ܀

d-en d-gnat ʿaynēh qalīl: ʿūthrēh mnātēh lā hāwē.

ܐܲܩܸܬ݂ ܥܲܝܢܵܟ݂ ܒܲܨܠܝܼܒ݂ܵܐ: ܕܲܒ݂ܝܲܡܵܐ ܕܚܝܼܠܵܐ ܪܵܕܹܝܬ݁.‏

aqeth ʿaynākh ba-ṣlīvā: da-b-yamā d-ḥīlā rādēyt.

ܠܵܐ ܬܸܬܲܗܸܐ ܒܲܒ݂ܪܝܼܬ݂ܵܐ: ܕܤܲܓ݁ܝܼ ܫܓ݂ܝܼܫܵܐ ܡ̣ܢ ܝܲܡܵܐ܀

lā tetahe ba-b-rīthā: d-sagī shghīshā men yamā.

ܒܝܲܡܵܐ ܐܲܝܢܵܐ ܕܢܵܦܲܠ ܒܹܗ: ܛܵܟ݂ ܐܝܼܬ݂ ܦܘܼܪܤܵܐ ܕܢܸܬ݁ܕܲܠܸܐ.

b-yamā aynā d-nāpal bēh: ṭākh ʾīth pūrsā d-netdale.

ܘܐܲܝܢܵܐ ܕܢܵܦܲܠ ܒܲܒ݂ܪܝܼܬ݂ܵܐ: ܦܸܥܪܲܬ݀ ܦܘܼܡܵܗ̇ ܘܲܒ݂ܠܲܥܬܹܗ܀

w-aynā d-nāpal ba-b-rīthā: peʿrat pūmāh wa-b-la-ʿtēh.

ܐܸܢ ܐ̄ܢܵܫ ܒܵܥܹ̇ܐ (ܒܹܪܘܿܠܵܐ: ܘܡܲܪܓܵܢܝܼܬ݂ܵܐ ܒܓ̰ܵܘ ܝܲܡܵܐ.

en nāsh bāʿē bērōlā: w-margānīthā b-gāw yamā.

ܠܵܐ ܢܵܤܹ̇ܒ݂ ܥܲܡܹܗ ܡܸܕܲܡ: ܕܥܲܪܛܸܠ ܢܵܚܹ̇ܬ݂ ܚܵܛܲܦ ܠܵܗ̇܀

lā nāsēv ʿamēh medam: d-ʿarṭel nāḥēth ḥāṭap lāh.

ܐܸܢ ܠܡܲܠܟ݁ܘܼܬ݂ܵܐ ܚܵܐܲܪ ܐܲܢ̄ܬ݁: ܫܠܝܼܚܵܐ ܕܬܸܗܘܸܐ ܙܵܕܲܩ ܠܵܟ݂.

en l-malkūthā ḥāar a(n)t: shlīḥā d-tehwe zādaq lākh.

ܘܐܸܢ ܐܝܼܬ݂ ܠܵܟ݂ ܡܲܪܓܵܢܝܼܬ݂ܵܐ: ܠܵܐ ܬܸܩܢܸܐ ܡܸܕܲܡ ܥܲܡܵܗ̇܀

w-en ʾīth lākh margānīthā: lā teqne medam ʿamāh.

ܒܚܲܝ̈ܘܵܬ݂ܵܐ ܕܲܒ݂ܓܵܘ ܝܲܡܵܐ: ܨܵܪܹܐ ܘܢܵܚܹ̇ܬ݂ ܤܲܚܵܝܵܐ.‏

b-ḥaywāthā da-b-gāw yamā: ṣārē w-nāḥēth saḥāyā.

ܘܒܲܝܢܵܬ݂ ܓܲܠ̈ܠܹܐ ܚܲܪ̈ܝܼܦܹܐ: ܥܵܡܹ̇ܕ݂ ܡܸܛܠ ܝܘܼܬ݂ܪܵܢܹܗ܀

w-ba-ynāth gallē ḥarīpē: ʿāmēdh meṭul yūthrānēh.

ܨܲܪܝܼ ܘܲܥܒܲܪ ܒܐܘܼܪܚܵܐ ܕܲܠܒܲܟ݂ܬ݁: ܘܠܵܐ ܬܸܦܸܠ ܡ̣ܢ ܫܵܪ̈ܥܵܬ݂ܵܗ̇.‏

ṣarī wa-ʿbar b-ʾūrḥā da-l-bakht: w-lā tepel men shārʿāthāh.

ܚܲܡܤܸܢ ܒܵܗ̇ ܒܲܡܠܸܐ ܙܲܒ݂ܢܵܐ: ܘܗܵܐ ܗܦܲܟ݂ܬܵܝܗܝ (ܪܵܘܡܵܐ ܠܲܥܕܸܢ܀

ḥamsen bāh ba-mle zavnā: w-hā hpakhtāyhī rāwmā la-ʿden.

ܫܵܪ̈ܥܵܬ݂ܵܐ ܘܦܲܚܹ̈ܐ ܡܲܠܝܵܐ: ܐܲܩܝܼܡ ܪܸܓ݂ܠܵܐ ܘܠܵܐ ܬܸܦܸܠ.‏

shārʿāthā w-paḥē malyā: aqīm reghlā w-lā tepel.

ܠܟ݂ܵܐ ܘܲܠܟ݂ܵܐ ܗ݀ܝ ܡܸܨܛܲܠܝܵܐ: ܠܵܐ ܬܸܦܸܠ ܡ̣ܢ ܝܲܡܝܼܢܵܐ܀

l-khā wa-l-khā (h)ī meṣṭalyā: lā tepel men yamīnā.

ܐܘܼܪܚܵܐ ܡܲܠܝܵܐ ܓܲܝܵܤܹ̈ܐ: ܐܲܝܟ݂ ܥܘܼܪ̈ܠܹܐ ܕܲܒ݂ܓ݂ܵܘ ܕܲܒ݂ܪܵܐ.

ʾūrḥā malyā gayāsē: aykh ʿūrlē da-b-ghāw da-b-rā.

ܩܪܵܒ݂ܵܐ ܐ̄ܡܝܼܢ ܒܵܗ̇ ܟܠܥܸܕܵܢ: ܐܲܝܟ݂ ܦܠܸܫܬܵܝܹ̈ܐ ܕܲܒ݂ܚܘܼܪܒܵܐ܀

qrāvā mīn bāh klʿedān: aykh pleshtāyē da-b-ḥūrbā.

ܠܒܲܫ ܙܲܝܢܵܐ ܘܟܸܢ ܬܸܥܒܲܪ ܒܵܗ̇: ܒܡܲܫܪܝܼܬܹܗ ܕܐܵܬ݂ܘܿܪܵܝܵܐ.‏

l-bash zaynā w-ken teʿbar bāh: b-mashrītēh d-āthōrāyā.

ܠܐ ܬܸܥܒܲܪ ܐܲܝܟ݂ ܕܲܫܠܝܼܚ ܐܲܢ̄ܬ݁: ܒܲܝܢܵܬ݂ ܥܘܼܪ̈ܠܹܐ ܤܵܪ̈ܘܿܚܹܐ܀

lā teʿbar aykh da-shlīḥ a(n)t: ba-ynāth ʿūrlē sārōḥē.

ܘܐܢ ܕܓ

w-en dg

ܒܸܪ̈ܘܿܠܹܐ: ܘܡܲܪ̈ܓܢܝܵܬ݂ܐ.

berōlē: w-margnyāth.

ܪܵܘܡܵܐ ܠܲܥܕ݂ܢ.5

rāwmā la-ʿdhn.

ܡܸܐܡܪܵܐ .ܙ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ 70
Photograph of page 70 of Bedjan’s 1903 edition, leaf 0797
Leaf 0797, from Archive.org.

ܠܵܐ ܬܸܙܕܝܲܢ ܐܲܝܟ݂ ܤܲܟ݂ܠܵܐ: ܘܠܵܐ ܬܸܠܒܲܫ ܐܲܝܟ݂ ܗܸܕܝܘܿܛܵܐ.

lā tezdyan aykh sakhlā: w-lā telbash aykh hedyōṭā.

ܠܵܐ ܬܸܤܲܒ݂ ܙܲܝܢܵܐ ܓܲܠܝܵܐ: ܕܲܩܪܵܒ݂ܵܐ ܟܲܤܝܵܐ ܬܲܡܵܢ܀

lā tesav zaynā galyā: da-qrāvā kasyā tamān.

ܐܸܢ ܠܒ݂ܝܼܫ ܐܲܢ̄ܬ݁ ܙܲܝܢܵܐ ܕܪܘܼܚܵܐ: ܫܠܲܚ ܘܲܫܕ݂ܝܼ ܦܲܓ݂ܪܵܐ ܡܸܢܵܟ݂.

en l-b-īsh a(n)t zaynā d-rūḥā: shlaḥ wa-shdhī paghrā menākh.

ܘܐܸܢ ܐܲܪܡܝܼܬ݁ ܩܘܼܫܬܵܐ ܒܚܲܨܲܝ̈ܟ݂: ܠܵܐ ܬܸܪܢܸܐ ܕܐܝܼܬ݂ ܒܵܟ݂ ܢܲܦ̮ܫܵܐ܀

w-en armīt qūshtā b-ḥaṣaykh: lā terne d-ʾīth bākh napshā.

ܬܸܤܲܒ݂ ܠܵܟ݂ ܡ̣ܢ ܒܲܪ ܕܵܘܝܼܕ݂: ܙܲܝܢܵܐ ܟܲܤܝܵܐ ܕܲܩܪܵܒ݂ܵܐ.‏

tesav lākh men bar dāwīdh: zaynā kasyā da-qrāvā.

ܠܵܐ ܬܸܫܬܲܒ݂ܗܲܪ ܐܲܝܟ݂ ܓܘܼܠܝܵܕ݂: ܘܗܵܐ ܙܟܲܝܬܵܝܗܝ ܠܲܒ݂ܥܸܠܕܲܪܵܟ݂܀

lā teshtavhar aykh gūlyādh: w-hā zkaytāyhī la-b-ʿeldarākh.

ܠܒܲܫ ܩܘܼܫܬܵܐ ܥܲܠ ܗܲܕܵܡܲܝ̈ܟ݂: ܫܸܪܝܵܢܵܐ ܕܙܲܕܝܼܩܘܼܬܵܐ.

l-bash qūshtā ʿal hadāmaykh: sheryānā d-zadīqūtā.

ܐܸܬ݂ܚܲܙܲܩ ܚܘܼܒܵܐ ܡ̣ܢ ܠܓ݂ܵܘ: ܘܐܸܬ݂ܥܲܛܲܦ ܗܲܝܡܵܢܘܼܬܵܐ܀

ethḥazaq ḥūbā men l-ghāw: w-ethʿaṭap haymānūtā.

ܐܲܤܘܿܪ ܠܵܟ݂ ܤܲܝܦܵܐ ܕܪܘܼܚܵܐ: ܘܤܝܼܡ ܤܲܟܪܪܵܐ ܠܥܸܠ ܡ̣ܢ ܪܹܫܵܟ݂.

asōr lākh saypā d-rūḥā: w-sīm sakrrā l-ʿal men rēshākh.

ܐܸܬ݂ܡܲܟܲܟ݂ ܒܲܡܠܸܐ ܙܲܒ݂ܢܵܐ: ܓܢܘܿܒ݂ ܢܲܦ̮ܫܵܟ݂ ܘܲܥܒܲܪ ܡܸܢܹܗ܀

ethmakakh ba-mle zavnā: gnōv napshākh wa-ʿbar menēh.

ܤܲܒ݂. ܟܸܤܦܵܐ ܕܡܵܪܵܟ݂ ܘܲܚܙܝܼ: ܕܐܲܝܟܲܢܵܐ ܡܸܬ݁ܬܲܓܲܪ ܐܲܢ̄ܬ݁.

sav. kespā d-mārākh wa-ḥzī: d-aykanā mettagar a(n)t.

ܚܵܘܵܐ ܒܓܲܙܵܐ ܝܘܼܬ݂ܪܵܢܵܟ݂: ܘܗܵܐ ܤܵܡܹܗ ܩܠܝܼܕܵܐ ܒܐܝܼܕܲܝ̈ܟ݂܀

ḥāwā b-gazā yūthrānākh: w-hā sāmēh qlīdā b-ʾīdaykh.

ܛܘܼܒ݂ ܠܐܲܝܢܵܐ ܕܲܦܬܲܚ̣ ܟܸܢܦܹܗ: ܘܚܵܘܝܼ ܟܲܟ݁ܪܵܐ ܘܝܘܼܬ݂ܪܵܢܵܗ̇܀

ṭūv l-aynā da-ptaḥ kenpēh: w-ḥāwī kakrā w-yūthrānāh.

ܛܘܼܒ݂ ܠܐܲܝܢܵܐ ܕܲܩ̣ܪܵܝܗܝ ܡܪܹܗ: ܥܲܒ݂ܕܵܐ ܛܵܒ݂ܵܐ ܘܚܲܪܝܼܡܵܐ.

ṭūv l-aynā da-qrāyhī mrēh: ʿavdā ṭāvā w-ḥarīmā.

ܛܘܼܒ݂ ܠܐܲܝܢܵܐ ܕܲܦܪܲܚ̣ ܘܲܫ̣ܟܲܢ: ܒܗܵܘ̇ ܐܲܬ݂ܪܵܐ ܕܒܹܝܬ݂ ܤܝܼ̈ܡܵܬ݂ܵܐ.

ṭūv l-aynā da-praḥ wa-shkan: b-hāw athrā d-bēyth sīmāthā.

ܛܘܼܒ݂ ܠܐܲܝܢܵܐ ܕܲܤܡܲܟ݂ ܪܸܓ݂ܠܵܘܗܝ: ܠܗܵܘ̇ ܬܲܪܥܵܐ ܕܒܹܝܬ݂

ṭūv l-aynā da-smakh reghlāwhī: l-hāw tarʿā d-bēyth

ܡܲܠܟ݁ܘܼܬܵܐ܀

malkūtā.

ܘܠܐ . . ܒ

w-lā.. b

.x.1 ܒܓܲܙܵܟ݂ .B. 5

.. b-gazākh..

6) ܘܐܒܝ̈ܠܐ ܨܠܘ ܥܠܝ.

w-ʾbyl ṣlw ʿlī.

ܟܤܐ:ܐ

ks:

Suggest a correction

Memra