Memra 4: On yaʿnūthā d-shāghshā l-aḥē wa-l-da-yrāyē — Isaac of Antioch

ܡܹܐܡܪܵܐ .ܕ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 36

Photograph of page 36 of Bedjan’s 1903 edition, leaf 0831 — Leaf 0831, from Archive.org.

ܚܲܟ݁ܝܼ̈ܡܹܐ ܗܼ̄ܘ ܓܹܝܪ ܡܸܬ݂ܟܵܘܢܝܼܢ: ܠܬ݂ܘܼܪܵܨܵܐ ܕܕ݂ܘܼܒܵܪ̈ܲܝܗܘܿܢ܀

ḥakīmē hāw gēyr methkāwnīn: l-thūrāṣā d-d-w-bārayhōn.

ܠܵܘ ܥܲܠ ܫܘܼܦܪܵܐ ܕܢܲܨܝܼܚܹܐ: ܤܝܼܡ ܠܝܼ ܢܝܼܫܵܐ ܕܐܹܬܲܢܸܐ.

lāw ʿal shūprā d-naṣīḥē: sīm lī nīshā d-ētane.

ܕܡܘ̈ܡܹܐ ܒܲܠܚܘܿܕ݂ ܡܲܟܸܣ ܐ̄ܢܵܐ: ܘܲܠܝܵܕ݂ܘܿܥܹ̈ܐ ܡܥܲܗܸܕ ܐ̄ܢܵܐ܀

d-mwmē ba-l-ḥōdh makes nā: wa-l-yādhōʿē mʿahed nā.

ܤܵܗ̇ܕ݂ ܐ̄ܢܵܐ ܗ̣̄ܘ ܥܲܠ ܟܲܫܝܼܪܹ̈ܐ: ܘܲܠܒܲܛܝܼ̈ܠܹܐ ܪܵܫܹ̇ܐ ܐ̄ܢܵܐ.‏

sāhdh nā hāw ʿal kashīrē: wa-l-ba-ṭīlē rāshē nā.

ܠܚܘܼܠܡܵܢܵܐ ܒܫܸܬ݂ܩܵܐ ܥܸܒܲܪܹܬ݂: ܕܟ݂ܘܼܪܗܵܢܵܐ ܤܢܝܼܩ ܥܲܠ ܤܲܡܵܐ܀

l-ḥūlmānā b-shethqā ʿebarēth: d-khūrhānā snīq ʿal samā.

ܡܲܠܦܵܢܵܐ ܡܵܪܝ ܐܝܼܤܝܵܩ

malpānā mārī ʾīsyāq

ܐܲܠܵܗܵܐ ܪܵܚܹܡ ܩܘܼܫܬܵܐ: ܩܘܼܫܬܵܟ݂ ܢܲܡܠܸܟ݂ ܒܲܒ݂ܪܝܼܬ݂ܵܐ.

alāhā rāḥēm qūshtā: qūshtākh namlekh ba-b-rīthā.

ܡܫܝܼܚܵܐ ܡܵܪܵܗ̇ ܕܟܹܐܢܘܼܬܵܐ: ܢܸܤܓܸ݁ܐ ܫܪܵܪܵܟ݂ ܒܹܝܬ݂ ܥܲܡܡܹܐ܀

mshīḥā mārāh d-kēnūtā: nesge shrārākh bēyth ʿammē.

ܪܘܼܚܵܐ ܪܵܚܡܲܬ݂ ܙܲܗܝܘܼܬܵܐ: ܬܸܪܕܘܿܦ ܥܵܘܼܠܵܐ ܡ̣ܢ ܥܲܡܲܢ.

rūḥā rāḥmath zahyūtā: terdōp ʿāūlā men ʿaman.

ܪܵܚܹܡ ܥܲܒ̈ܕܹܐ ܟܲܫܝܼܪܹ̈ܐ: ܐܲܥܝܼܪ ܐܸܢܘܿܢ ܠܦܲܠܵܚܲܝܟ݂܀

rāḥēm ʿabdē kashīrē: aʿīr enōn l-palāḥaykh.

ܫܸܢܲܬ݂ ܥܵܘܼܠܵܐ ܢܸܦܠܲܬ݀ ܠܵܗ̇: ܥܲܠ ܓܵܘܵܝܹ̈ܐ ܘܒܲܪܵܝܹ̈ܐ.

shenath ʿāūlā neplat lāh: ʿal gāwāyē w-ba-rāyē.

ܝܲܥܢܘܼܬܵܐ ܙܸܩܦܲܬ݂ ܢܲܦ̮ܫܵܗ̇: ܐܲܝܟ݂ ܟܝܼܡܘܿܢܵܐ ܥܲܙܝܼܙܵܐ܀

yaʿnūtā zeqpath napshāh: aykh kīmōnā ʿazīzā.

ܠܵܐ ܕܲܠܓ݂ܵܘ ܦܵܠܲܛ ܡܸܢܵܗ̇: ܘܠܵܐ ܕܲܠܒܲܪ ܡܲܡܸܕ݂ ܡܸܢܵܗ̇.‏

lā da-l-ghāw pālaṭ menāh: w-lā da-l-bar mamedh menāh.

ܪܡܸܐ ܢܝܼܪܵܗ̇ ܥܲܠ ܟܠ ܩܵܘ̈ܡܵܢ: ܘܝܘܼܠܦܵܢܵܗ̇ ܥܲܠ ܟܠ ܡܘܼܫܚܵܢ܀

rme nīrāh ʿal kul qāwmān: w-yūlpānāh ʿal kul mūshḥān.

ܕܥܲܠ ܝܲܥܢܘܼܬ݂ܵܐ ܕܫܵܓ݂ܫܵܐ ܠܐܲܚܹ̈ܐ ܘܲܠܕܲܝܪܵܝܹ̈ܐ. 37

Photograph of page 37 of Bedjan’s 1903 edition, leaf 0830 — Leaf 0830, from Archive.org.

ܠܒܲܟ݂ܬܵܗ̇ ܐܘܼܪܚܵܐ ܡ̣ܢ ܪܹܫܵܗ̇: ܘܠܵܐ ܩܵܛܵܥܵܐ ܡ̣ܢ ܫܘܼܠܵܡܵܐ.

l-ba-khtāh ʾūrḥā men rēshāh: w-lā qāṭāʿā men shūlāmā.

ܡ̣ܢ ܪܹܫܵܐ ܠܥܸܩܒ݂ܵܐ ܦܸܪܚܲܬ݀: ܡ̣ܢ ܐܵܕܵܡ ܥܕܲܡܵܐ ܠܝܗ̄ܘܼܕܵܐ܀

men rēshā l-ʿeqvā perḥat: men ādām ʿdamā l-y(h)ūdā.

ܠܵܐ ܨܹܝܕ݂ ܫܲܒ݂ܪܹ̈ܐ ܒܲܛܝܼܠܵܐ: ܘܠܵܐ ܨܹܝܕ݂ ܤܵܒܹ̈ܐ ܬܵܚܘܿܒ݂ܵܐ.‏

lā ṣēydh shavrē ba-ṭīlā: w-lā ṣēydh sābē tāḥōvā.

ܠܵܐ ܒܕܲܪܡܸܐ ܢܵܦܲܠ ܚܲܝܠܵܗ̇: ܘܒܲܐܝܢܵܐ ܕܩܵܐ̇ܡ ܥܲܙܝܼܙܵܐ܀

lā b-da-rme nāpal ḥaylāh: w-ba-ʾynā d-qām ʿazīzā.

ܠܵܐ ܤܵܒ݂ܲܥܵܐ ܨܝܕ݂ ܥܲܬ݁ܝܼܪܹ̈ܐ: ܘܠܵܐ ܡܸܬ݂ܡܲܠܝܵܐ ܒܡܸܤܟܹ݁ܢܹ̈ܐ.

lā sāvaʿā ṣydh ʿatīrē: w-lā methmalyā b-meskēnē.

ܗܵܐ ܨܹܝܕ݂ ܕܥܲܬ݁ܝܼܪ ܬܲܩܝܼܦܵܐ: ܘܨܹܝܕ݂ ܗܵܘ̇ ܕܹܨܪܝܼܟ݂ ܟܲܗܝܼܢܵܐ܀

hā ṣēydh d-ʿatīr taqīpā: w-ṣēydh hāw dēṣrīkh kahīnā.

ܗܵܐ ܥܘܼܙܵܗ̇ ܨܹܝܕ݂ ܥܲܬ݁ܝܼܪܹ̈ܐ: ܘܚܘܼܠܡܵܢܵܗ̇ ܨܹܝܕ݂ ܡܸܤ̈ܟܹ݁ܢܹܐ.‏

hā ʿūzāh ṣēydh ʿatīrē: w-ḥūlmānāh ṣēydh meskēnē.

ܗܵܐ ܢܝܚܵܗ̇ ܨܹܝܕ݂ ܕܲܝܵܢܹ̈ܐ: ܘܨܒ݂ܝܵܢܵܗ̇ ܨܹܝܕ݂ ܛܲܟ݂ܤܲܝܗܘܿܢ܀

hā nyḥāh ṣēydh da-yānē: w-ṣvyānāh ṣēydh ṭakhsayhōn.

ܗܵܐ ܬܸܢܵܢܵܗ̇ ܨܹܝܕ݂ ܚܹܐܪܹ̈ܐ: ܘܲܤܘܵܬ݂ܵܗ̇ ܨܹܝܕ݂ ܥܲܒ݂ܕܲܝ̈ܗܘܿܢ.‏

hā tenānāh ṣēydh ḥērē: wa-swāthāh ṣēydh ʿavdayhōn.

ܗܵܐ ܝܲܚܒ݁ܘܼܪܵܗ̇ ܒܓܲܕܘܼ̈ܕܹܐ: ܘܗܵܐ ܓܘܼܘܙܵܠܵܗ̇ ܒܲܥܠܲܝ̈ܡܹܐ܀

hā yaḥbūrāh b-gadūdē: w-hā gūwzālāh ba-ʿlaymē.

ܗܵܐ ܓܡܘܼܪܬܵܗ̇ ܒܓܵܘ ܙܘܼܘܵܓܵܐ: ܘܫܲܠܗܹܒ݂ܝܼܬܵܗ̇ ܒܥܲܩܪ̈ܵܬܵܐ.

hā gmūrtāh b-gāw zūwāgā: w-shalhēvītāh b-ʿaqrātā.

ܗܵܐ ܫܘܼܩܪܵܗ̇ ܨܝܕ݂ ܙܲܠܝ̈ܠܹܐ: ܘܦܘܼܪܦܵܥܵܗ̇ ܨܝܕ݂ ܡܲܪ̈ܵܚܹܐ܀

hā shūqrāh ṣydh zalylē: w-pūrpāʿāh ṣydh marāḥē.

ܗܵܐ ܤܲܦܝܼܦܵܐ ܒܲܒ݂ܪܝܼܬ݂ܵܐ: ܘܗܵܐ ܝܵܩ̇ܕܵܐ ܨܹܝܕ݂ ܓܵܘܵܝܹ̈ܐ.

hā sapīpā ba-b-rīthā: w-hā yāqdā ṣēydh gāwāyē.

ܗܵܐ ܛܥܝܼܢ ܠܵܗ̇ ܒܚܘܼܒܵܐ ܟܠܢܵܫ: ܘܲܡܚܲܒܸ݁ܒ݂ ܠܵܗ̇ ܘܤܵܘܲܚ ܠܵܗ̇܀

hā ṭʿīn lāh b-ḥūbā klnāsh: wa-mḥabev lāh w-sāwaḥ lāh.

ܡ̣ܢ ܦܲܤܬ݂ܵܐ ܥܕܲܡܵܐ ܠܪܹܫܵܐ: ܛܥܝܼܢ ܠܵܗ̇ ܪܲܒܵܐ ܘܲܙܥܘܿܪܵܐ.‏

men pasthā ʿdamā l-rēshā: ṭʿīn lāh rabā wa-zʿōrā.

ܟܠܢܵܫ ܢܵܓܹ̇ܕ݂ ܐܲܝܟ݂ ܚܲܝܠܹܗ: ܒܢܝܼܪܵܐ ܤܲܢܝܵܐ ܕܲܚܛܝܼܬܵܐ܀

klnāsh nāgēdh aykh ḥaylēh: b-nīrā sanyā da-ḥṭītā.

ܛܥܝܼܢܝܼܢ ܠܵܗ̇ ܘܲܡܙܲܝܚܝܼܢ ܠܵܗ̇: ܠܝܲܥܢܘܼܬܵܐ ܝܲܠܕܵܘ̈ܗܝ ܕܐܵܕܵܡ.

ṭʿīnīn lāh wa-mzayḥīn lāh: l-yaʿnūtā yaldāwhī d-ādām.

ܒܦܲܪܕܲܝܤܵܐ ܛܲܥܢܵܗ̇ ܐܵܕܵܡ: ܘܒܲܐܪܥܵܐ ܕܟ݂ܘܼ̈ܒܹܐ ܝܵܪ̈ܘܿܬ݂ܵܘܗܝ܀

b-pardaysā ṭaʿnāh ādām: w-ba-ʾrʿā d-khūbē yārōthāwhī.

ܛܥܝܼܢ ܠܵܗ̇ ܡܲܠܟܵܐ ܒܫܘܼܠܛܵܢܹܗ: ܘܚܵܕ݂ܘܿܪܵܐ ܒܚܸܬܹܗ ܛܲܥ̣ܢܵܗ̇.‏

ṭʿīn lāh malkā b-shūlṭānēh: w-ḥādhōrā b-ḥetēh ṭaʿnāh.

ܛܥܝܼܢ ܠܵܗ̇ ܒܥܘܼܬ݂ܪܹܗ ܥܲܬ݁ܝܼܪܵܐ: ܘܡܸܤܟ݁ܢܵܐ ܒܲܠܚܸܡ ܝܵܘܡܵܐ܀

ṭʿīn lāh b-ʿūthrēh ʿatīrā: w-mesknā ba-l-ḥem yāwmā.

ܛܥܝܼܢ ܠܵܗ̇ ܒܩܲܢܝܹܗ ܕܲܝܵܢܵܐ: ܘܚܲܝܵܒ݂ܵܐ ܒܡܸܠܲܬ݂ ܦܘܼܡܹܗ.

ṭʿīn lāh b-qanyēh da-yānā: w-ḥayāvā b-melath pūmēh.

ܛܥܝܼܢܝܼܢ ܠܵܗ̇ ܚܹܐܪܹ̈ܐ ܒܕܲܪ̈ܓܹܐ: ܘܲܤܪ̈ܝܼܚܹܐ ܒܐܵܤܘܿܛܘܼܬܵܐ܀

ṭʿīnīn lāh ḥērē b-da-rgē: wa-srīḥē b-āsōṭūtā.

ܡ̣ܐܡܪܵܐ .ܕ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 38

Photograph of page 38 of Bedjan’s 1903 edition, leaf 0829 — Leaf 0829, from Archive.org.

ܒܥܝܼ̈ܠܵܬ݂ܵܐ ܒܩܸܨܡܵܐ ܛܲܥ̈ܢܵܗ̇: ܘܥܲܩܪ̈ܵܬ݂ܵܐ ܒܝܲܕ݂ ܫܘܼ̈ܐܵܠܹܐ.‏

b-ʿīlāthā b-qeṣmā ṭaʿnāh: w-ʿaqrāthā b-yadh shūālē.

ܙܵܒ݂ܘܿܢܹ̈ܐ ܘܲܡܙܲܒ݁ܢܵܢܹ̈ܐ: ܐܲܝܟ݂ ܡܲܪܟܲܒ݂ܬ݂ܵܐ ܟܕ݂ܝܼܢܝܼܢ ܠܵܗ̇܀

zāvōnē wa-mzabnānē: aykh markavthā kdhīnīn lāh.

ܦܪ̈ܲܓܡܵܛܘܼܛܹܐ ܘܬܲܓܵܪܹ̈ܐ: ܐܲܩܝܼܡܼܘ ܨܲܠܡܵܗ̇ ܘܲܤܓܸܕ݂ܘ ܠܵܗ̇.

pragmāṭūṭē w-tagārē: aqīmīw ṣalmāh wa-sgedhw lāh.

ܛܲܥ̣ܢܵܗ̇ ܝܲܡܵܐ ܘܲܫܓܲܫܬܹܗ: ܛܲܥ̣ܢܵܗ̇ ܝܲܒ݂ܫܵܐ ܘܕܲܠܲܚܬܹܗ܀

ṭaʿnāh yamā wa-shgashtēh: ṭaʿnāh yavshā w-da-la-ḥtēh.

ܠܵܐ ܤܦܲܩ̣ ܠܵܗ̇ ܝܲܡܵܐ ܘܝܲܒ݂ܫܵܐ: ܘܲܠܕܲܒ݂ܪܵܐ ܦܵܚܲܬ݀ ܢܸܦܩܲܬ݀.‏

lā spaq lāh yamā w-yavshā: wa-l-da-b-rā pāḥat nepqat.

ܟܕܲܢܬܹܗ ܠܫܲܝܢܵܐ ܒܓ݂ܵܘ ܢܝܼܪܵܗ̇: ܘܗܵܐ ܪܵܕ݂ܦܵܐ ܒܵܬܲܪ ܚܘܼܪܒܵܐ܀

kdantēh l-shaynā b-ghāw nīrāh: w-hā rādhpā bātar ḥūrbā.

ܗܵܐ ܤܲܒ݁ܝܼܟ݂ܵܐ ܒܪܹܫ ܛܘܼܪܹ̈ܐ: ܘܡܵܚܹܐ ܪܹܫܵܗ̇ ܒܥܸܩܒܲܝܗܘܿܢ.‏

hā sabīkhā b-rēsh ṭūrē: w-māḥē rēshāh b-ʿeqbayhōn.

ܝܵܬܵܒܵܐ ܒܚܲܨܵܐ ܕܲܫܩܝܼ̈ܦܹܐ: ܘܥܲܪ̈ܡܹܐ ܡܲܤܩܝܼܢ ܡܲܕܲܐܬܵܗ̇܀

yātābā b-ḥaṣā da-shqīpē: w-ʿarmē masqīn madatāh.

ܒܢܸܐ ܠܵܗ̇ ܒܲܝܬܵܐ ܒܪܵܡܵܬ݂ܵܐ: ܘܲܪ̈ܡܲܝ ܢܲܚ̈ܠܹܐ ܟܤܸܦ ܪܹܫܵܐ.

b-ne lāh ba-ytā b-rāmāthā: wa-rmaī naḥlē ksep rēshā.

ܠܫܘܿܥܵܐ ܥܲܩܪܵܐ ܒܙܲܥܬܹܗ ܬܘܼܒ݂: ܘܝܼܢܸܩܬܹܗ ܒܝܲܕ݂ ܢܸܨ̈ܒܵܬ݂ܵܐ܀

l-shōʿā ʿaqrā b-zaʿtēh tūv: w-īneqtēh b-yadh neṣbāthā.

ܗܵܐ ܫܸܬ̈ܠܵܬ݂ܵܐ ܒܲܫܩܝܼܦܹܐ: ܘܒܲܫ̈ܢܵܢܵܬ݂ܵܐ ܙܲܪ̈ܥܘܿܢܹܐ܀

hā shetlāthā ba-shqīpē: w-ba-shnānāthā zarʿōnē.

ܗܵܐ ܐܸܕܪܹ̈ܐ ܒܲܝܢܵܬ݂ ܛܘܼܪܹ̈ܐ: ܘܗܵܐ ܥܲܪ̈ܡܵܬ݂ܵܐ ܥܲܠ ܫܘܿܥܹ̈ܐ܀

hā edrē ba-ynāth ṭūrē: w-hā ʿarmāthā ʿal shōʿē.

ܗܵܐ ܒܸܢܝܵܢܹ̈ܐ ܒܓܵܘ ܕܲܒ݂ܪܵܐ: ܘܗܵܐ ܩܸܢܝܵܢܹ̈ܐ ܒܓ̰ܵܘ ܚܘܼܪܒܵܐ܀

hā benyānē b-gāw da-b-rā: w-hā qenyānē b-gāw ḥūrbā.

ܗܵܐ ܫܚܵܩܵܐ ܒܐܲܬ݂ܪܵܐ ܫܲܠܝܵܐ: ܘܦܘܼܠܚܵܢܵܐ ܒܐܲܬ݂ܪܵܐ ܢܝܼܚܵܐ܀

hā shḥāqā b-athrā shalyā: w-pūlḥānā b-athrā nīḥā.

ܛܘܼܪܹ̈ܐ ܘܪ̈ܵܡܵܬ݂ܵܐ ܟܸܕ݂ܢܲܬ݀: ܬܚܹܝܬ݂ ܢܝܼܪܵܗ̇ ܥܵܠܘܿܒ݂ܘܼܬܵܐ.

ṭūrē w-rāmāthā kedhnat: tḥēyth nīrāh ʿālōvūtā.

ܗܵܠܹܝܢ ܛܘܼܪܹ̈ܐ ܕܐܸܡܲܪ ܗ̄ܘ̣ܵܐ: ܦܵܪܘܿܩܲܢ ܠܲܒ݂ܲܢܵܬ݂ ܥܲܡܵܐ܀

hālēyn ṭūrē d-emar (h)wā: pārōqan la-vanāth ʿamā.

ܠܲܢ ܗܼ̄ܘ ܡܤܲܟܹܝܢ ܕܲܒ݂ܚܲܪܬܵܐ: ܢܟܲܤܘܿܢܵܢ ܥܲܡ ܤܲܢ̈ܝܵܬܲܢ.‏

lan hāw msakēyn da-b-ḥartā: nkasōnān ʿam sanyātan.

ܢܦܲܠ̣ ܠܹܗ ܢܝܼܪܵܗ̇ ܕܝܲܥܢܘܼܬܵܐ: ܥܲܠ ܒܲܪܵܝܵܐ ܘܓܵܘܵܝܹ̈ܐ܀

npal lēh nīrāh d-yaʿnūtā: ʿal ba-rāyā w-gāwāyē.

ܠܚܸܡ ܝܵܘܡܵܐ ܠܵܐ ܚܵܤܲܪ ܠܲܢ: ܘܲܟ݂ܕ݂ܝ̈ܢܵܢ ܠܲܢ ܦܲܕܵܢܹ̈ܐ.

l-ḥem yāwmā lā ḥāsar lan: wa-khdhynān lan padānē.

ܐ̄ܢܵܫܵܐ ܠܲܡ ܕܫܲܠ̣ܼܚܘܼܗܝ ܠܥܵܠܡܵܐ: ܗܵܐ ܠܒ݂ܝܼܫܝܼܢ ܠܗܘܿܢ

nāshā lam d-shalīḥūhī l-ʿālmā: hā l-b-īshīn l-hōn

ܓܐܸܤܛܘܼܟ݂ܤܵܘ̈ܗܝ܀

gesṭūkhsāwhī.

ܕܥܲܠ ܝܲܥܢܘܼܬ݂ܵܐ ܕܫܵܓ݂ܫܵܐ ܠܐܲܚܹ̈ܐ ܘܲܠܕܲܝܪܵܝܹܐ.‏ 39

Photograph of page 39 of Bedjan’s 1903 edition, leaf 0828 — Leaf 0828, from Archive.org.

ܡܵܐ ܕܲܤܠܸܩܲܢܲܢ ܡ̣ܢ ܝܲܡܵܐ: ܥܲܠ̣ܢܲܢ ܠܫܸܩܠܵܐ ܘܠܲܫܪܵܝܵܐ.

mā da-sleqanan men yamā: ʿalnan l-sheqlā w-la-shrāyā.

ܡܵܐ ܕܲܢܦܲܩ̣ܢܲܢ ܠܲܠܡܹܐܢܵܐ: ܠܒܹܝܬ݂ ܓܲܠ̈ܠܹܐ ܗ̣ܦܲܟ݂ܢܲܢ ܥܲܠ̣ܢܲܢ܀

mā da-npaqnan la-l-mēnā: l-bēyth gallē hpakhnan ʿalnan.

ܡܵܐ ܕܐܸܬ݁ܬ݁ܫܝܼܓ݂ܢܲܢ ܡ̣ܢ ܨܵܐܬ݂ܵܐ: ܗ̣ܦܲܟ݂ܢܲܢ ܠܲܢ ܨܹܝܕ݂ ܕܲܚܝܼܚܵܐ.‏

mā d-ettshīghnan men ṣāthā: hpakhnan lan ṣēydh da-ḥīḥā.

ܡ̣ܢ ܕܲܫ̣ܦܲܪܢܲܢ ܠܲܡܫܝܼܚܵܐ: ܨܵܪܢܲܢ ܠܲܢ ܨܲܠܡܵܐ ܤܲܢܝܵܐ܀

men da-shparnan la-mshīḥā: ṣārnan lan ṣalmā sanyā.

ܡ̣ܢ ܕܲܤܚܲܝܢܲܢ ܡ̣ܢ ܡܝܼܬܹܐ: ܠܲܫܠܲܕܹ̈ܐ ܗܦܲܟܲܢ ܐܸܬ݂ܩܲܪܲܒܲܢ.

men da-sḥaynan men mītē: la-shladē hpakan ethqaraban.

ܡ̣ܢ ܕܲܩ̣ܢܲܝܢܲܢ ܚܹܐܪܘܼܬ݂ܵܐ: ܟܬܲܒܲܢ ܐ̄ܫܛܵܪܹ̈ܐ ܕܥܲܒ݂ܕܘܼܬܵܐ܀

men da-qnaynan ḥērūthā: ktaban shṭārē d-ʿavdūtā.

ܡ̣ܢ ܕܲܗܘܵܐ ܠܲܢ ܚܘܼܠܡܵܢܵܐ: ܠܲܝܬ݁ ܒܲܢ ܕܘܼܟ݁ܬ݂ܵܐ ܕܫܲܪܝܼܪܵܐ.

men da-hwā lan ḥūlmānā: layt ban d-w-kthā d-sharīrā.

ܡ̣ܢ ܕܐܸܬ݂ܐܲܤܝܼ ܚܒ݂ܵܪ̈ܵܬܲܢ: ܩ̣ܢܲܝܢܲܢ ܡܘܼ̈ܡܹܐ ܘܟ݂ܘܼ̈ܬ݂ܡܵܬ݂ܵܐ܀

men d-ethasī ḥvārātan: qnaynan mūmē w-khūthmāthā.

ܡ̣ܢ ܕܲܗ݀ܘܲܝܢ ܡܸܠܚܵܗ̇ ܕܐܲܪܥܵܐ: ܗ݀ܘܲܝܢܲܢ ܚܠܲܡܬ݂ܵܐ ܕܦܲܟ݁ܝ̈ܗܹܐ.‏

men da-hwayn melḥāh d-arʿā: hwaynan ḥlamthā d-pakyhē.

ܡ̣ܢ ܕܲܩܪܵܐܘܼܢ ܢܲܗܝܼܪܹ̈ܐ: ܥܢܵܢܵܐ ܕܢܸܟ݂ܤܹ̈ܐ ܐܲܚܫܸܟ݂ܬܲܢ܀

men da-qrāūn nahīrē: ʿnānā d-nekhsē aḥshekhtan.

ܡ̣ܢ ܕܲܠ݂ܒܲܟ݂ܢ ܐܘܼܪܚܵܐ ܕܩܘܼܫܬܵܐ: ܐܲܤܓ݁ܝܼܢܲܢ ܠܲܢ ܬܘܼܩ̈ܠܵܬ݂ܵܐ.

men da-l-bakhn ʾūrḥā d-qūshtā: asgīnan lan tūqlāthā.

ܡ̣ܢ ܒܵܬܲܪ ܕܐܸܬ݂ܚܲܕܲܬ݂ܢܲܢ: ܠܒܸܫ̣ܢܵܝܗܝ ܠܐܵܕܵܡ ܥܲܬ݁ܝܼܩܵܐ܀

men bātar d-ethḥadathnan: l-beshnāyhī l-ādām ʿatīqā.

ܡ̣ܢ ܕܲܗ݀ܘܲܝܢ ܐܵܕܵܡ ܒܲܕ݂ܪܘܼܚ: ܗ݀ܘܲܝܢܲܢ ܠܲܢ ܐܵܕܵܡ ܕܲܢܦܸܫ.

men da-hwayn ādām ba-d-rūḥ: hwaynan lan ādām da-npesh.

ܡ̣ܢ ܕܲܗ݀ܘܲܝܢܲܢ ܕܲܨܠܝܼܒ݂ܵܐ: ܐܝܼܠܵܢܵܐ ܕܡܵܘܬܵܐ ܢܲܨܲܒ݂ܢܲܢ܀

men da-hwaynan da-ṣlīvā: ʾīlānā d-māwtā naṣavnan.

ܡ̣ܢ ܕܹܝܢ ܕܝܲܗ̣̄ܒ݂ܠܲܢ ܫܘܼܠܛܵܢܵܐ: ܕܲܢܕ݂ܘܼܫ ܒܝܼܫܵܐ ܘܡܲܫܪܝܼܬܹܗ.

men dēyn d-ya(h)vlan shūlṭānā: da-ndhūsh b-īshā w-mashrītēh.

ܗܵܐ ܕܵܐ̇ܫ ܠܲܢ ܒܲܬ݂ܥܵܫܵܐ: ܘܥܲܡܠܵܐ ܕܐܲܪܥܵܐ ܚܵܢܹ̇ܩ ܠܲܢ܀

hā dāsh lan ba-thʿāshā: w-ʿamlā d-arʿā ḥānēq lan.

ܐܹܠܝܼܫܲܥ ܐܲܝܟ݂ ܕܲܒ݂ܚܲܫܵܐ: ܢܵܨ̇ܐ ܗ̄ܘ̣ܵܐ ܥܲܡ ܬܲܠܡܝܼܕܹܗ.

ēlīshaʿ aykh da-b-ḥashā: nāṣ (h)wā ʿam talmīdēh.

ܕܗܵܢܵܘ ܠܲܡ ܙܲܒ݂ܢܵܐ ܓܲܚܙܝܼ: ܕܬܸܩܢܸܐ ܠܵܟ݂ ܟܲܪ̈ܡܹܐ ܘܙܲܝ̄ܬܹܐ܀

d-hānāw lam zavnā gaḥzī: d-teqne lākh karmē w-za(y)tē.

ܕܲܝܪܵܝܹܐ ܗܵܐ ܩܢܵܘ ܩܘܼܪ̈ܝܵܐ: ܘܗܵܐ ܫܵܬ݂ܠܝܼܢ ܒܗܹܝܢ ܦܲܪ̈ܕܲܝܤܹ̈ܐ.

da-yrāyē hā qnāw qūryā: w-hā shāthlīn b-hēyn pardaysē.

ܗܵܐ ܪܟ݂ܝܼܒ݂ܝܼܢ ܡܲܪܹ̈ܐ ܟܠܫܵܥ: ܘܢܵܨ̇ܒ݁ܝܼܢ ܟܲܪ̈ܡܹܐ ܟܠܥܸܕܵܢ܀

hā rkhīvīn marē klshāʿ: w-nāṣbīn karmē klʿedān.

ܥܵܘܼܠܹܗ ܕܓܲܚܙܝܼ ܫܵܓܹ̇ܫ ܠܲܢ: ܘܪܸܓܲܬ݂ ܥܲܝ̈ܢܹܐ ܕܒܹܝܬ݂ ܐܵܚܵܒ݂.

ʿāūlēh d-gaḥzī shāgēsh lan: w-regath ʿaynē d-bēyth āḥāv.

ܡܐܡܪܵܐ .ܕ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 40

Photograph of page 40 of Bedjan’s 1903 edition, leaf 0827 — Leaf 0827, from Archive.org.

ܗܵܐ ܫܵܬ݂ܠ̇ܝܼܢܲܢ ܢܸܨ̈ܒܵܬ݂ܵܐ: ܐܲܝܟ݂ ܝܵܪ̈ܘܿܬܹܐ ܕܲܠܥܵܠܲܡ܀

hā shāthlīnan neṣbāthā: aykh yārōtē da-l-ʿālam.

ܐܸܡܪܵܐ ܕܲܢܦܲܩ̣ ܨܹܝܕ݂ ܕܸܟ݂ܪܹ̈ܐ: ܕܢܸܪܥܸܐ ܪܸܥܝܵܐ ܪܘܼܚܵܢܵܐ.‏

emrā da-npaq ṣēydh dekhrē: d-nerʿe reʿyā rūḥānā.

ܪܥ̣ܵܐ ܠܹܗ ܪܸܥܝܵܐ ܦܲܓ݂ܪܵܢܵܐ: ܘܝܼܠܸܦ݂ ܠܹܗ ܦܘܼܠܚܵܢ ܐܲܪܥܵܐ܀

rʿā lēh reʿyā paghrānā: w-īlef lēh pūlḥān arʿā.

ܚܠܵܦ ܠܘ̈ܚܹܐ ܛܥܝܼܢܝܼܢ ܡܲܪܹ̈ܐ: ܘܢܸܝ̈ܒܵܬܵܐ ܚܠܵܦ ܩܸܪ̈ܝܵܢܹܐ.

ḥlāp l-w-ḥē ṭʿīnīn marē: w-neybātā ḥlāp qeryānē.

ܟܪܝܼܟ݂ܝܼܢ ܤܸܦܪܹ̈ܐ ܠܚܲܕ݂ ܓܲܒܵܐ: ܘܪܵܗ̇ܛ ܟܠܢܵܫ ܠܲܥ̇ܒ݂ܕܹܗ܀

krīkhīn seprē l-ḥadh gabā: w-rāhṭ klnāsh la-ʿvdēh.

ܫܡܘܼܐܝܠ ܩܵܥܹܐ ܘܡܸܬ݂ܚܲܡܲܬ݂: ܥܲܠ ܕܲܫܡܲܥ̣ ܩܵܠ ܩܸܢܝܵܢܹ̈ܐ.‏

shmūyl qāʿē w-methḥamath: ʿal da-shmaʿ qāl qenyānē.

ܚܸܤܕܲܢ ܩܵܥܹ̇ܐ ܒܲܢܒ݂ܝܹ̈ܐ: ܕܡ̣ܢ ܩܸܢܝܵܢܲܢ ܩܘܼܛܪܵܓܲܢ܀

ḥesdan qāʿē ba-nvyē: d-men qenyānan qūṭrāgan.

ܠܒܲܪ ܡܲܪܝܲܡ ܥܝܼܠܵܐ ܫܐܝܼܠܵܐ: ܘܲܪ̈ܟ݂ܘܿܒܹܐ ܨܲܒܸ݁ܬ݂ܢܲܢ ܠܲܢ.‏

l-bar maryam ʿīlā shīlā: wa-rkhōbē ṣabethnan lan.

ܠܐܠܝܼܵܐ ܠܲܚܡܵܐ ܚܕ݂ܝܼܪܵܐ: ܘܐܲܤܝܼܢܝܼܢܲܢ ܠܲܫ̈ܢܲܝܵܐ܀

l-ʾlī la-ḥmā ḥdhīrā: w-asīnīnan la-shnayā.

ܒܚܘܼܪܒܵܐ ܥ̣ܡܲܪ ܗ̄ܘ̣ܵܐ ܝܘܿܚܲܢܵܢ: ܘܗܵܐ ܒܵܢܲܝܢܲܢ ܚܲܪ̈ܒ݂ܵܬ݂ܵܐ.

b-ḥūrbā ʿmar (h)wā yōḥanān: w-hā bānaynan ḥarvāthā.

ܒܪܹܫܹܗ ܕܛܘܼܪܵܐ ܐܹܠܝܼܫܲܥ: ܘܗܵܐ ܡܨܲܒ݁ܬ݂ܝܼܢܲܢ ܡܸܕ݂ܝܵܪܹ̈ܐ܀

b-rēshēh d-ṭūrā ēlīshaʿ: w-hā mṣabthīnan medhyārē.

ܒܢܲܝ ܡܲܠܟܹ̈ܐ ܫܒܲܩܼܘ ܒܝܼܪ̈ܵܬ݂ܵܐ: ܘܗܵܐ ܒܲܢ̈ܝܵܢ ܠܲܢ ܤܵܚܪ̈ܵܬ݂ܵܐ.‏

b-naī malkē shbaqīw b-īrāthā: w-hā ba-nyān lan sāḥrāthā.

ܐܲܗܡܝܼܘ ܡܵܪ̈ܲܝ ܢܸܨ̈ܒܵܬ݂ܵܐ: ܘܗܵܐ ܫܵܬ݂ܠ̇ܝܼܢܲܢ ܕܲܠܥܵܠܲܡ܀

ahmīw māraī neṣbāthā: w-hā shāthlīnan da-l-ʿālam.

ܤܢܵܐܘܼܗ̇ ܠܐܲܪܥܵܐ ܘܲܩܢܵܐ ܘܼܗ̇: ܘܐܲܝܟ݂ ܝܵܪ̈ܘܿܬܹܐ ܩܲܒܸ݁ܠܢܵܗ̇.‏

snāūh l-arʿā wa-qnā ūh: w-aykh yārōtē qabelnāh.

ܥܲܬ݁ܝܼܪܹ̈ܐ ܝܲܗ̄ܒ݂ܘ ܢܸܟ݂ܤܲܝ̈ܗܘܿܢ: ܘܥܲܠ ܝܘܼܬ݂ܪ̈ܵܢܹܐ ܙܩܝܼܦܝܼܢܲܢ܀

ʿatīrē ya(h)vw nekhsayhōn: w-ʿal yūthrānē zqīpīnan.

ܡܵܟ̈ܤܹܐ ܕܪܵܘ ܩܸܢܝܵܢܲܝ̈ܗܘܿܢ: ܘܗܵܐ ܡܪܲܒܹ݁ܝܢܲܢ ܩܸܢܝܵܢܹ̈ܐ.

māksē d-rāw qenyānayhōn: w-hā mrabēynan qenyānē.

ܓܲܝܵܤܹ̈ܐ ܪܚܸܡ̣ܘ ܠܲܨܠܝܼܒ݂ܵܐ: ܘܨܝܼܪܵܐ ܒܲܢ ܪܸܚܡܲܬ݂ ܟܸܤܦܵܐ܀

gayāsē rḥemw la-ṣlīvā: w-ṣīrā ban reḥmath kespā.

ܒܲܓ݂ܡܝܼܪܹ̈ܐ ܤܸܦܲܬ݀ ܢܘܼܪܵܗ̇: ܘܠܵܐ ܡܛܵܐ ܠܲܢ ܠܲܗܓܵܗ̇ ܥܕܲܟܹ݁ܝܠ.

ba-ghmīrē sepat nūrāh: w-lā mṭā lan la-hgāh ʿdakēyl.

ܢܲܨܝܼܚܹ̈ܐ ܪܬܲܚܼܘ ܡ̣ܢ ܚܘܼܡܗ̇: ܘܠܸܒܲܢ ܕܝܼܠܲܢ ܠܵܐ ܫܵܚܹܲܢ܀

naṣīḥē rtaḥīw men ḥūmh: w-leban d-īlan lā shāḥēn.

ܟܹܐܢܹ̈ܐ ܐܵܘܩܸܕ݂ܘ ܦܲܓ݂ܪ̈ܲܝܗܘܿܢ: ܘܓ݂ܘܼܫܡܲܢ ܩܲܪܝܼܪ ܡ̣ܢ ܟܹܐܦܵܐ.‏

kēnē āwqedhw paghrayhōn: w-ghūshman qarīr men kēpā.

ܢܒ݂ܝܹ̈ܐ ܦܤܝܼܩܝܼܢ ܪܹ̈ܫܲܝܗܘܿܢ: ܘܲܓ݂ܠܸܐ ܪܹܫܲܢ ܕܲܢܡܲܠܸܠ܀

nvyē psīqīn rēshayhōn: wa-ghle rēshan da-nmalel.

ܕܥܲܠ ܝܲܥܢܘܼܬܵܐ ܕܫܵܓ݂ܫܵܐ ܠܐܲܚܹ̈ܐ ܘܲܠܕܲܝܪ̈ܵܝܹ̈ܐ. 41

Photograph of page 41 of Bedjan’s 1903 edition, leaf 0826 — Leaf 0826, from Archive.org.

ܫܠܝܼܚܹ̈ܐ ܪܓ݂ܝܼܡܝܼܢ ܥܲܠ ܐܲܦܲܝ̈ܢ: ܘܟܹܐܦܹ̈ܐ ܥܕܲܟܹ݁ܝܠ ܡܸܬ݂ܦܲܤ̈ܠܵܢ.‏

shlīḥē rghīmīn ʿal apayn: w-kēpē ʿdakēyl methpaslān.

ܡܵܪܲܢ ܢܲܦܝܼܩ ܒܲܒ݂ܥܵܬܲܢ: ܘܐܲܪ̈ܥܵܢܝܵܬ݂ܵܐ ܒܵܥܹ̇ܝܢܲܢ܀

māran napīq ba-b-ʿātan: w-arʿānyāthā bāʿēynan.

ܫܡܲܝܵܐ ܫܒܲܩ̣ ܘܲܢܚܸܬ݂ ܤܲܥ̣ܪܲܢ: ܘܤܵܥܪܝܼܢܲܢ ܦܲܓ݂ܪ̈ܵܢܝܵܬ݂ܵܐ.

shmayā shbaq wa-nḥeth saʿran: w-sāʿrīnan paghrānyāthā.

ܐܸܢ ܫܵܡܲܥ ܛܘܼܪܵܐ ܦܵܩܲܥ: ܕܤܲܩܵܐ ܙܵܒܲܢ ܘܲܡܙܲܒ݁ܲܢ܀

en shāmaʿ ṭūrā pāqaʿ: d-saqā zāban wa-mzaban.

ܐܸܢ ܚܵܙ̇ܐ ܝܲܡܵܐ ܙܵܐܲܥ̇: ܕܤܲܥܪܵܐ ܢܲܦܝܼܩ ܒܐܘܼܪ̈ܚܵܬ݂ܵܐ.

en ḥāz yamā zāaʿ: d-saʿrā napīq b-ʾūrḥāthā.

ܐܸܬ݂ܟܲܚܲܕ݂ ܫܸܡܫܵܐ ܕܲܚ̣ܙܵܐ: ܕܐܲܚܹ̈ܐ ܥܒ݂ܝܼܕ݂ܝܼܢ ܬܲܓܵܪܹ̈ܐ܀

ethkaḥadh shemshā da-ḥzā: d-aḥē ʿvīdhīn tagārē.

ܫܸܡܫܹ̈ܐ ܚܲܦܝܼܘ ܪܹ̈ܫܲܝܗܘܿܢ: ܕܲܓ݂ܠܵܘ ܢܲܟ̈ܦܹܐ ܤܲܥܪ̈ܲܝܗܘܿܢ.‏

shemshē ḥapīw rēshayhōn: da-ghlāw nakpē saʿrayhōn.

ܠܒ݂ܝܼܫܝܼܢܲܢ ܤܲܥܪܵܐ ܢܲܟ݂ܦܵܐ: ܘܦܵܗܹ̇ܝܢܲܢ ܒܹܝܬ݂ ܡܵܚܘܿܙ̈ܐ܀

l-b-īshīnan saʿrā nakhpā: w-pāhēynan bēyth māḥōz.

ܛܥܝܼܢܝܼܢܲܢ ܤܲܥܪܵܐ ܙܲܗܝܵܐ: ܘܥܵܐ̇ܠܝܼܢܲܢ ܠܲܡܕ݂ܝ̈ܢܵܬ݂ܵܐ.

ṭʿīnīnan saʿrā zahyā: w-ʿālīnan la-mdhynāthā.

ܡܪܝܼܩܝܼܢܲܢ ܒܲܕ݂ܡܵܐ ܚܲܤܝܵܐ: ܘܡܵܘܩܸܕ݂ ܠܲܢ ܚܸܠܵܗ̇ ܕܐܲܪܥܵܐ܀

mrīqīnan ba-d-mā ḥasyā: w-māwqedh lan ḥelāh d-arʿā.

ܛܥܝܼܢܝܼܢܲܢ ܩܸܛܠܹܗ ܕܲܒ݂ܪܵܐ: ܘܲܬ݂ܥܵܫܵܗ̇ ܕܐܲܪܥܵܐ ܩܲܛ̣ܠܲܢ.‏

ṭʿīnīnan qeṭlēh da-b-rā: wa-thʿāshāh d-arʿā qaṭlan.

ܠܒ݂ܝܼܟ݂ܝܼܢܲܢ ܥܘܼܬ݂ܪܵܐ ܪܲܒܵܐ: ܘܦܵܠܚ̇ܝܼܢܲܢ ܒܐܲܓ݂ܝܼܪܘܼܬܵܐ܀

l-b-īkhīnan ʿūthrā rabā: w-pālḥīnan b-aghīrūtā.

ܟܲܕ ܓܲܙܵܐ ܕܡܲܠܟܵܐ ܨܐܕܲܝܢ: ܪܸܢܝܹܗ ܕܲܡܚܵܪ ܩܵܛܲܠ ܠܲܢ܀

kad gazā d-malkā ṣdayn: renyēh da-mḥār qāṭal lan.

ܐܸܠܘܼܠܵܐ ܕܲܟ݂ܪܹܝܢ ܚܲܝܵܘ̈ܗܝ: ܕܗܵܢܵܐ ܕܵܪܲܢ ܗܲܦܟܵܝܵܐ.

elūlā da-khrēyn ḥayāwhī: d-hānā dāran hapkāyā.

ܫܡܲܝܵܐ ܗܵܝ̇ ܕܲܠܥܸܠ ܡܸܢܲܢ: ܚܲܩܠܵܐ ܥ̣ܒܲܕ݂ܢܵܗ̇ ܘܲܙܪܲܥܢܵܗ̇܀

shmayā (h)ī da-l-ʿal menan: ḥaqlā ʿbadhnāh wa-zraʿnāh.

ܐܲܠܘܼܠܵܐ ܡܤܲܪܗܸܒ݂ ܩܸܨܵܐ: ܘܐܵܚܹܕ݂ ܤܵܟܹܗ ܒܲܪܢܵܫܵܐ.

alūlā msarhev qeṣā: w-āḥēdh sākēh ba-rnāshā.

ܐܲܪܥܵܐ ܗܵܕ݂ ܕܲܫܩܝܼܠܵܐ ܠܲܢ: ܥܲܦܪܵܗ̇ ܒܟܲܝܠܵܐ ܦܲܠܸܓ݂ܢܵܝܗܝ܀

arʿā hādh da-shqīlā lan: ʿaprāh b-kaylā paleghnāyhī.

ܠܵܐ ܙܪܲܥ̣ ܥܲܡܵܐ ܒܓܵܘ ܕܲܒ݂ܪܵܐ: ܠܵܐ ܢܲܨܲܒ݂ܘ ܘܲܫܬܲܠܼܘ ܥܸܒ݂ܪܵܝܹ̈ܐ.

lā zraʿ ʿamā b-gāw da-b-rā: lā naṣavw wa-shtalīw ʿevrāyē.

ܡܲܢܢܵܐ ܠܲܚܡܵܐ ܕܲܫܡܲܝܵܐ: ܕܠܵܐ ܥܲܡܠܵܐ ܐ̄ܟܲܠܼܘ ܟܵܦܘܿܪܹ̈ܐ.

mannā la-ḥmā da-shmayā: d-lā ʿamlā kalīw kāpōrē.

ܐܤܢܵܐ ܐ̄ܡܝܼܢܵܐ ܕܛܲܝܒܵܘܼܬܵܐ: ܕܠܵܐ ܝܵܬ̇ܲܪ ܐ̄ܦܠܵܐ ܚܵܤܲܪ܀

ʾsnā mīnā d-ṭaybāūtā: d-lā yātar plā ḥāsar.

ܙܩܘܿܪܵܐ ܕܪܵܒܹܐ ܡ̣ܢ ܢܲܦܫܹܗ: ܠܒ݂ܝܼܫ ܗ̄ܘ̣ܵܐ ܙܲܪܥܹܗ ܕܐܲܒ݂ܪܵܗܵܡ.

zqōrā d-rābē men napshēh: l-b-īsh (h)wā zarʿēh d-avrāhām.

ܗܲܒ݂.5

hav.

ܡܐܡܪܵܐ .ܕ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 42

Photograph of page 42 of Bedjan’s 1903 edition, leaf 0825 — Leaf 0825, from Archive.org.

ܐܵܐܲܪ ܤܵܘܩܵܐ ܕܒ݂ܘܼܤܵܡܹ̈ܐ: ܒܕܲܒ݂ܪܵܐ ܠܥܲܡܵܐ ܢܵܫܹܒ݂ ܗ̄ܘ̣ܐ܀

āar sāwqā d-b-w-sāmē: b-da-b-rā l-ʿamā nāshēv (h)w.

ܢܲܚܬܵܐ ܪܓ݂ܝܼܓܵܐ ܕܲܥܢܵܢܵܐ: ܦܪܝܼܣ ܗ̄ܘ̣ܵܐ ܥܲܠ ܪܹܫ ܟܵܦܘܿܪܹ̈ܐ.

naḥtā rghīgā da-ʿnānā: prīs (h)wā ʿal rēsh kāpōrē.

ܥܲܡܘܼܕܵܐ ܚܲܤܝܵܐ ܕܢܘܼܪܵܐ: ܡܲܢܗܲܪ ܗ̄ܘ̣ܵܐ ܒܓܵܘ ܡܲܫܪܝܼܬ݂ܵܐ܀

ʿamūdā ḥasyā d-nūrā: manhar (h)wā b-gāw mashrīthā.

ܐܸܢ ܠܥܲܡܵܐ ܕܲܩܛܲܠ̣ ܠܲܒ݂ܪܹܗ: ܗܵܟܲܢ ܦܲܪܢܸܣ ܚܲܢܵܢܵܐ.‏

en l-ʿamā da-qṭal la-b-rēh: hākan parnes ḥanānā.

ܟܡܵܐ ܙܵܐ̇ܢ ܠܐܲܝܢܵܐ ܕܡܘܕܹܐ: ܒܝܼܚܝܼܕܹܗ ܗܵܘ̇ ܪܲܚܡܵܢܵܐ܀

kmā zān l-aynā d-mwdē: b-īḥīdēh hāw raḥmānā.

ܡ̣ܢ ܠܘܼܥܵܐ ܡܲܝ̈ܵܐ ܐܲܪܕܲܝܼ: ܠܵܐ ܬܸܫܬܲܓ݂ܫܘܼܢ ܚܲܒ݁ܝܼܒܲܝ.

men l-w-ʿā mayā ardaī: lā teshtaghshūn ḥabībaī.

ܡ̣ܢ ܩܘܼܠܬ݂ܵܐ ܝܲܗ̣̄ܒ݂ ܬܘܼܪܤܵܝܵܐ: ܠܵܐ ܬܸܬ݂ܪܲܗܒ݂ܘܼܢ ܚܲܟ݁ܝ̈ܡܹܐ܀

men qūlthā ya(h)v tūrsāyā: lā tethrahvūn ḥakymē.

ܡ̣ܢ ܩܲܪܢܵܐ ܡܸܫܚܵܐ ܢ̣ܤܲܟ݂ ܗ̄ܘܵܐ: ܠܵܐ ܬܸܫܬܲܚܩܘܼܢ ܦܵܪ̈ܘܿܫܹܐ.‏

men qarnā meshḥā nsakh (h)wā: lā teshtaḥqūn pārōshē.

ܐܸܢ ܡܲܝ̈ܐ ܠܚܲܡܪܵܐ ܫܲܚܠܸܦ݂: ܡܢ ܠܵܐܹܝܬ݁ܘܿܢ ܛܲܥܡܵܢܹ̈ܐ܀

en may l-ḥamrā shaḥlef: men lāēytōn ṭaʿmānē.

ܠܟ݂ܵܦܘܿܪܹ̈ܐ ܤܲܠܘܲܝ ܤܲܒܲܥ̣: ܠܵܐ ܥܲܤܩܵܐ ܠܹܗ ܡܹܐܟ݂ܘܼܠܬܲܢ.‏

l-khāpōrē salwaī sabaʿ: lā ʿasqā lēh mēkhūltan.

ܒܓܵܘ ܝܲܡܵܐ ܐܘܼܪܚܵܐ ܥ̣ܒܲܕ݂ ܗ̄ܘ̣ܵܐ: ܢܹܐܟܲܦ ܩܲܠܝܼܠ ܥܲܠ ܐܘܼܪܚܲܢ܀

b-gāw yamā ʾūrḥā ʿbadh (h)wā: nēkap qalīl ʿal ʾūrḥan.

ܐܸܠܝܼܫܲܥ ܦܲܫܲܚ̣ ܬܵܘܪܹ̈ܐ: ܘܡܵܐܢܹ̈ܐ ܒܢܘܼܪܵܐ ܐܵܘܩܸܕ݂ ܗ̄ܘ̣ܵܐ.‏

elīshaʿ pashaḥ tāwrē: w-mānē b-nūrā āwqedh (h)wā.

ܗܵܐ ܟܕܲܝ̈ܢܵܢ ܠܲܢ ܦܲܕܵܢܹ̈ܐ: ܘܒܲܐܪܥܵܐ ܗ݀ܘܲܝܢܲܢ ܐܲܟܵܪܹ̈ܐ܀

hā kdaynān lan padānē: w-ba-ʾrʿā hwaynan akārē.

ܬܵܘ ܢܲܪܦܸܐ ܥܲܡܠܵܐ ܕܐܲܪܥܵܐ: ܘܢܸܠܒ݁ܘܿܟ݂ ܥܲܡܠܵܐ ܫܡܲܝܵܢܵܐ.‏

tāw narpe ʿamlā d-arʿā: w-nelbōkh ʿamlā shmayānā.

ܬܵܘ ܢܲܪܦܸܐ ܪܸܚܡܲܬ݂ ܟܸܤܦܵܐ: ܘܪܸܚܡܲܬ݂ ܒܵܪܘܿܝܵܐ ܢܸܠܒ݁ܘܿܟ݂܀

tāw narpe reḥmath kespā: w-reḥmath bārōyā nelbōkh.

ܬܵܘ ܢܸܬ݁ܬܲܠܡܲܕ݂ ܠܲܫܠܝܼܚܹ̈ܐ: ܕܫܲܠܚܘܼܗܝ ܥܘܼܡܪܵܐ ܒܚܲܝܼܝܗܘܿܢ.‏

tāw nettalmadh la-shlīḥē: d-shalḥūhī ʿūmrā b-ḥaīyhōn.

ܐܸܫܡܲܥ ܡܸܠܹ̈ܐ ܕܲܢܒ݂ܝܹܐ: ܕܡܲܠܦܵܢܹ̈ܐ ܐ̄ܢܘܿܢ ܕܲܫܪܵܪܵܐ܀

eshmaʿ melē da-nvyē: d-malpānē nōn da-shrārā.

ܬܵܘ ܢܸܬ݁ܬܲܠܡܲܕ݂ ܝܵܕ̈ܘܿܥܹܐ: ܠܲܟ݂ܬ݂ܵܒܹ̈ܐ ܕܝܲܠܝܼܦܝܼܢܲܢ.‏

tāw nettalmadh yādōʿē: la-khthābē d-yalīpīnan.

ܘܢܸܫܠܲܚ ܢܸܫܕܹܐ ܩܸܢܝܵܢܹ̈ܐ: ܘܢܲܩܢܸܐ ܢܲܦ̮ܫܲܢ ܠܐܲܠܵܗܵܐ܀

w-neshlaḥ neshdē qenyānē: w-naqne napshan l-alāhā.

ܐܲܪܦܝܼܢ ܓܹܝܪ ܐܘܼܪܚܵܐ ܕܲܠܒܲܟܲܢ: ܘܟ݂ܠ ܐ̄ܢܵܫ ܤܵܥܲܪ ܐܘܼܪ̈ܚܵܬܹܗ.

arpīn gēyr ʾūrḥā da-l-bakan: w-kul nāsh sāʿar ʾūrḥātēh.

ܥܸܒ݂ܪܲܬ݀ ܪܸܚܡܲܬ݂ ܒܵܪܘܿܝܵܐ: ܘܐܸܬ݂ܢܲܨܒܲܬ݀ ܪܸܚܡܲܬ݂ ܟܸܤܦܵܐ܀

ʿevrat reḥmath bārōyā: w-ethnaṣbat reḥmath kespā.

ܕܥܵܡ̇ܠ ܘܚܲܤܝܼܪ ܪܸܥܝܵܢܹܗ: ܒܗܵܠܹܝܢ ܕܲܬ݂ܢܵܢ ܒܲܛܝܼܠܵܐ ܗܼ̄ܘ.‏

d-ʿāml w-ḥasīr reʿyānēh: b-hālēyn da-thnān ba-ṭīlā hāw.

ܕܥܲܠ ܝܲܥܢܘܼܬܵܐ ܕܫܵܓܲܫܵܐ ܠܐܲܚܹ̈ܐ ܘܲܠܕܲܝܪܵܝܹܐ.‏ 43

Photograph of page 43 of Bedjan’s 1903 edition, leaf 0824 — Leaf 0824, from Archive.org.

ܡܤܲܪܩܘܼܬܵܐ ܘܡܸܤܟܹܢܘܼܬܵܐ: ܪܹܫܵܐ ܕܲܥܒ݂ܵܕܵܐ ܛܵܒܹ̈ܐ܀

msarqūtā w-meskēnūtā: rēshā da-ʿvādā ṭābē.

ܢܸܬ݁ܬ݁ܒܲܪ ܢܝܼܪܵܗ̇ ܕܲܚܛܝܼܬ݂ܵܐ: ܕܲܟ݂ܕܲܢܬܲܢ ܥܲܡ ܚܲܝ̈ܘܵܬ݂ܵܐ.‏

nettbar nīrāh da-ḥṭīthā: da-khdantan ʿam ḥaywāthā.

ܕܠܵܐ ܩܢܵܐ ܡܸܕܸܡ ܡܵܪܹܟ݁ܠ: ܦܸܨܘ ܐܝܼܕܵܐ ܡ̣ܢ ܩܸܢ̈ܝܵܢܹܐ܀

d-lā qnā medem mārēkl: peṣw ʾīdā men qenyānē.

ܬܵܘ ܐܸܬ݁ܬܲܠܡܲܕ݂ܘ ܪ̈ܲܒܵܢܹܐ: ܠܲܢܒ݂ܝܹ̈ܐ ܪܲܒܵܢܲܝܟ݁ܘܿܢ.‏

tāw ettalmadhw rabānē: la-nvyē rabānaykōn.

ܫܠܘܿܚܘ ܘܲܫܕ݂ܵܐܘܼܗ̇ ܠܝܲܥܢܘܼܬܵܐ: ܕܝܲܩܝܼܪ ܛܲܥܢܵܗ̇ ܠܦܵܪ̈ܘܿܫܹܐ܀

shlōḥw wa-shdhāūh l-yaʿnūtā: d-yaqīr ṭaʿnāh l-pārōshē.

ܛܲܥ̣ܢܵܗ̇ ܐܵܕܵܡ ܘܲܦܤܲܩܬܹܗ: ܛܲܥ݂ܢܵܗ̇ ܩܵܐܹܝܢ ܘܐܲܪܥܸܠܬܹܗ.

ṭaʿnāh ādām wa-psaqtēh: ṭaʿnāh qāēyn w-arʿeltēh.

ܛܲܥ݂ܢܵܗ̇ ܚܸܘܝܵܐ ܘܐܲܚܓ݂ܲܪܬܹܗ: ܛܲܥ݂ܢܵܗ̇ ܝܗ̄ܘܼܕܵܐ ܘܲܚܢܲܩܬܹܗ܀

ṭaʿnāh ḥewyā w-aḥghartēh: ṭaʿnāh y(h)ūdā wa-ḥnaqtēh.

ܛܲܥܢܵܗ̇ ܥܵܟ݂ܵܪ ܘܲܪܓܲܡܬܹܗ: ܐܵܦ ܚܲܢܲܢܝܵܐ ܘܲܩܛܲܠܬܹܗ.‏

ṭaʿnāh ʿākhār wa-rgamtēh: āp ḥananyā wa-qṭaltēh.

ܛܲܥܼܲܢܵܗ̇ ܓܲܚܙܝܼ ܘܐܲܓ݂ܪܸܒ݂ܬܹܗ: ܐܵܚܵܒ݂ ܛܲܥ݂ܢܵܗ̇ ܘܲܕܓܲܫܬܹܗ܀

ṭaʿanāh gaḥzī w-aghrevtēh: āḥāv ṭaʿnāh wa-d-gashtēh.

ܪܹܫܵܐ ܕܚܵܘܵܐ ܐܲܟ݂ܐܸܒ݂ܬܹܗ: ܦܘܼܡܵܗ̇ ܡܠܵܬܹܗ ܝܑܲܠܲܠܬܵܐ.

rēshā d-ḥāwā akhevtēh: pūmāh mlātēh yalaltā.

ܠܐܝܼܙܒܸܠ ܩܸܛܠܲܬ݀ ܝܲܥܢܘܼܬܵܐ: ܘܲܟ݂ܡܵܐ ܢܸܚܫܘܿܒ݂ ܢܸܟ݂ܝܵܢܹܝܗ܀

l-ʾīzbel qeṭlat yaʿnūtā: wa-khmā neḥshōv nekhyānēyh.

ܙܵܥܼܘ ܡܸܢܵܗ̇ ܢܘܼܢܲܝ ܝܼܡܵܐ: ܐܵܦ ܦܵܪ̈ܚܵܬ݂ܵܐ ܕܲܫܡܲܝܵܐ.

zāʿīw menāh nūnaī īmā: āp pārḥāthā da-shmayā.

ܕܚܸܠ̣ ܡܸܢܵܗ̇ ܐܲܪܝܵܐ ܒܕܲܒ݂ܪܵܐ: ܘܙܵܥܲܬ̤݀ ܡܸܢܵܗ̇ ܐܲܪܝܘܼܬܵܐ܀

d-ḥel menāh aryā b-da-b-rā: w-zāʿat menāh aryūtā.

ܕܚܸܠܼܘ ܡܸܢܵܗ̇ ܬܘܼܒ݂ ܚܲܪ̈ܡܵܢܹܐ: ܘܐܸܤܦܸܣ ܚܵܒܲܬ݀ ܡ̣ܢ ܩܘܼܕ݂ܡܹܝܗ̇.

d-ḥelīw menāh tūv ḥarmānē: w-espes ḥābat men qūdhmēyh.

ܤܢܵܐܘܼܗ̇ ܟܠܗܘܿܢ ܘܲܟ݂ܦܲܪܘ ܒܵܗ̇: ܘܐܵܕܵܡ ܪܲܚ̣ܡܵܗ̇ ܒܲܠܚܘܿܕܵܘܗܝ܀

snāūh klhōn wa-khparw bāh: w-ādām raḥmāh ba-l-ḥōdāwhī.

ܗ݀ܘ ܕܪܲܫ̣ ܠܵܗ̇ ܐܘܼܪܚܵܐ ܠܘܼܩܕܲܡ: ܘܕܵܫܲܬ݀ ܥܸܒ݂ܪܲܬ݀ ܦܘܼܩܕܵܢܵܐ.

hāw d-rash lāh ʾūrḥā l-w-qdam: w-dāshat ʿevrat pūqdānā.

ܗܘ ܐܲܠܦܵܗ̇ ܪܸܓܲܬ݂ ܥܲܝ̈ܢܹܐ: ܘܗܵܐ ܪܵܓܵܐ ܟܠ ܕܦܵܓܲܥ̇ ܒܵܗ̇܀

hāw alpāh regath ʿaynē: w-hā rāgā kul d-pāgaʿ bāh.

ܗ݀ܘ ܝܲܗ̣̄ܒ݂ ܠܵܗ̇ ܐܝܼܕ݂ܵܐ ܘܩܵܡܲܬ݀: ܘܲܒ݂ܥܘܼܡܩܵܐ ܪܲܒܵܐ ܫܕܵܬܹܗ.‏

hāw ya(h)v lāh ʾīdhā w-qāmat: wa-b-ʿūmqā rabā shdātēh.

ܗ݀ܘ ܚܫܲܠ̣ ܠܵܗ̇ ܙܲܝܢܵܐ ܘܠܸܒ݂ܫܲܬ݀: ܘܗܵܐ ܕܵܓ݂ܫܵܐ ܒܹܗ ܝܵܪ̈ܘܿܬ݂ܵܘܗܝ܀

hāw ḥshal lāh zaynā w-levshat: w-hā dāghshā bēh yārōthāwhī.

ܡܲܢ ܦܵܠܹ̇ܛ ܡ̣ܢ ܝܲܥܢܘܼܬܵܐ: ܕܫܘܼܪܵܝܵܗ ܡ̣ܢ ܦܲܪܕܲܝܤܵܐ ܗܼ̄ܘ.‏

men pālēṭ men yaʿnūtā: d-shūrāyāh men pardaysā hāw.

ܡܢ ܙܵܟܹܐ ܠܥܵܠܘܿܒ݂ܘܼܬܵܐ: ܕܲܠܟ݂ܵܗ̈ܢܹܐ ܒܢܝܼܪܵܐ ܟܸܕ݂ܢܲܬ݀܀

men zākē l-ʿālōvūtā: da-l-khāhnē b-nīrā kedhnat.

ܡܹܐܡܪܵܐ .ܗ. ܕܡܵܪܝ ܐܝܼܤܚܵܩ ܕܐܲܢܛܝܘܿܟ݂ 44

Photograph of page 44 of Bedjan’s 1903 edition, leaf 0823 — Leaf 0823, from Archive.org.

ܠܢܵܕܵܒ݂ ܘܐܲܒ݂ܝܼܗܘܿ ܩܸܛܠܲܬ݀: ܚܲܦܢܝܼ ܘܦܝܼܢܚܸܣ ܒܵܗ̇ ܐܸܬ݁ܕܓܸܫܘ.

l-nādāv w-avīhō qeṭlat: ḥapnī w-pīnḥes bāh etdgeshw.

ܒܢܲܝ̈ ܐܲܗܪܘܿܢ ܘܲܒ݂ܢܲܝ ܥܹܠܝܼ: ܒܚܲܕ݂ ܢܝܼܪܵܐ ܟܸܕ݂ܢܲܬ݀ ܐܸܢܘܿܢ܀

b-naī ahrōn wa-b-naī ʿēlī: b-ḥadh nīrā kedhnat enōn.

ܡܲܢ ܐܲܚܲܝ ܠܵܐ ܢܙܘܼܥ ܡܸܢܵܗ̇: ܕܝܲܥܢܘܼܬܵܐ ܠܐܲܝܟܵܐ ܥܸܠܲܬ݀.‏

men aḥaī lā nzūʿ menāh: d-yaʿnūtā l-aykā ʿelat.

ܠܐܲܝܟܵܐ ܕܤܝܼܡ ܗ̄ܘ̣ܵܐ ܐܵܪܘܿܢܵܐ: ܘܲܦܪܝܼܣ ܓܸܦܹܗ ܕܲܟ݂ܪܘܿܒ݂ܵܐ܀

l-aykā d-sīm (h)wā ārōnā: wa-prīs gepēh da-khrōvā.

ܐܲܝܟܵܐ ܕܩܵܐܲܡ ܥܲܡܘܼܕܵܐ: ܘܲܡܬ݂ܝܼܚ ܢܲܚܬܵܐ ܕܲܥܢܵܢܵܐ.‏

aykā d-qāam ʿamūdā: wa-mthīḥ naḥtā da-ʿnānā.

ܐܲܝܟܵܐ ܕܤܝܼܡ ܗ̄ܘ̣ܵܐ ܚܘܼܤܵܝܵܐ: ܒܲܩܕ݂ܘܿܫ ܩܘܼܕ݂ܫܝܼܢ ܓܵܘܵܝܵܐ܀

aykā d-sīm (h)wā ḥūsāyā: ba-qdhōsh qūdhshīn gāwāyā.

ܠܡܲܫܟܲܢܙܲܒ݂ܢܵܐ ܝܲܥܢܘܼܬܵܐ: ܥܸܠܲܬ݀ ܕܵܫܲܬ݀ ܫܲܡܵܫܵܘ̈ܗܝ.

l-mashkanzavnā yaʿnūtā: ʿelat dāshat shamāshāwhī.

ܡܲܫ̄ܠܝܵܐ ܕܲܬ݂ܠܵܬ݂ ܫܵܢܵܢܵܬܹܗ: ܠܲܒ݂ܢܲܝ̈ ܥܹܠܝܼ ܚܸܫܠܲܬ̤ ܗ̄ܘ̣ܵܵܬ݂܀

ma(sh)lyā da-thlāth shānānātēh: la-b-naī ʿēlī ḥeshlat (h)wāth.

ܥܸܠܲܬ̤ ܡܵܫܬܹܗ ܠܐܵܪܘܿܢܵܐ: ܟܡܵܐ ܙܐܦܵܢܝܼܢ ܫܲܡܵܫܵܘ̈ܗܝ.

ʿelat māshtēh l-ārōnā: kmā zpānīn shamāshāwhī.

ܕܫܲܪܝܵܐ ܒܓܵܘܹܗ ܝܲܥܢܘܼܬܵܐ: ܘܲܒ݂ܫܲܡܵܫܵܘ̈ܗܝ ܨܲܚܢܘܼܬܵܐ܀

d-sharyā b-gāwēh yaʿnūtā: wa-b-shamāshāwhī ṣaḥnūtā.

ܝܲܥܢܘܼܬܵܐ ܘܥܵܠܘܿܒ݂ܘܼܬܵܐ: ܛܥܝܼܢܝܼܢ ܗ̄ܘ̣ܵܘ ܥܲܡ ܬܸܫܡܸܫܬܵܐ.

yaʿnūtā w-ʿālōvūtā: ṭʿīnīn (h)wāw ʿam teshmeshtā.

ܨܲܚܢܘܼܬܵܐ ܥܲܡ ܙܲܦܪܘܼܬܵܐ: ܫܩܝܼܠܝܼܢ ܗ̄ܘ̣ܵܘ ܥܲܡ ܚܘܼܤܵܝܵܐ܀

ṣaḥnūtā ʿam zaprūtā: shqīlīn (h)wāw ʿam ḥūsāyā.

ܬܸܕ݂ܥܲܟ݂ ܒܲܥܓܲܠ ܝܼܥܢܘܼܬ݂ܵܐ: ܒܪܲܒ݁ܟ݂ܘܼܡܪܹ̈ܐ ܗܵܢ ܕܐܸܬ݂ܵܐ ܠܲܢ.‏

tedhʿakh ba-ʿgal īʿnūthā: b-rabkhūmrē hān d-ethā lan.

ܕܡ̣ܢ ܦܲܪܕܲܝܤܵܐ ܫܘܼܪܵܝܵܗ̇: ܒܲܨܠܝܼܒ݂ܵܐ ܢܗܸܐ ܛܘܼܠܵܩܵܗ̇܀

d-men pardaysā shūrāyāh: ba-ṣlīvā nhe ṭūlāqāh.

ܘܐܝܟܵܐ .21

w-ʾykā.

ܠܓܒܢܵܬ̈ .1

l-gbnāt.

ܕܥܘܬܐ܀ ܐܟܙܬܵܐ ܕܒܢܝ ܡܡܬ

d-ʿwt. ʾkztā d-b-nī mmt

ܨܚܢܘܬܐ ܕܕܢܘܬܐ܀ ܘܙܦܪܘܬܐ

ṣḥnwt d-d-nwt. w-zprwt

Memra 4 On yaʿnūthā d-shāghshā l-aḥē wa-l-da-yrāyē

Suggest a correction